بخصوص استقدام سائق خاص
 

السلام عليكم

أخواني أخواتي .. كم مدة استقدام السائق الهندي في مكتب الاستقدام ؟؟
وكم راتب السائق من العمالة الهندية ؟؟

رد: بخصوص استقدام سائق خاص
 

ماعندي فكرة عن الاستقدام
الراتب 1500 الى 1800

رد: بخصوص استقدام سائق خاص
 

تسلمين عزيزتي ... لو راتبه 2000 ماعندي مشكله

أهم شي يجي بسرعه

عشان كذا تهمني مدة الاستقدام

رد: بخصوص استقدام سائق خاص
 

وعليكم السلام ورحمة الله وبركاته
المدة تختلف لسببين:-
طبعا أتكلم عن المملكة
1/تطول أذا السائق لم يسبق له دخول البلد من قبل بمعنى أذا لم يسبق العمل في السعوديه فالأمر معقد تقريبا مابين 40 يوم إلى 60 يوم ويوصل .
2/تقصر أذا سبق له العمل ويوجد ختم على جواز سفره وتأشيرة عمل سابقه والمدة مابين 15 يوم إلى 25 يوم ويوصل .
والراتب مبدئياً 1500 بما أن السكن والأكل يوفر من قبلكم ومدة العقد سنتين ومن بعدها بأمكانك زيادة المبلغ بحدود 200 ريال أو 300 ريال
ونصيحه اطلبي يكون من كيرلا أفضل
واي استفسار اكتبيه وأبشري وأنا أخوك

رد: بخصوص استقدام سائق خاص
 

يعطيك العافية أخوي ماقصرت والله
ربي يجزاك ألف خير ..

أنا طلعت تأشيرته وطلبت من المكتب سائق سبق له العمل في السعودية
قالوا لي 60 يوم ويوصل ..

ماصدقتهم طبعاً .. لأني استقدمت شغاله بحوالي 20 ألف ولغاية الآن ما وصلتني ولي حالياً 7 شهور ولا حس ولا خبر عن ذي الشغاله

قلت الشغاله مو مشكله متى ماتجي تجي

لكن السواق ضروري يجي بسرعه .. وأنا مو مصدقه المكتب

الكل يقول لي اطلبي من كيرلا .. بس انا ماحددت للمكتب المنطقه
اعطوني صورة السواق وجوازه وصورة لرخصة القيادة السعوديه اللي كانت بحوزته لما كان يشتغل في السعوديه العام الماضي
وعلى اساس هالشي اخترت ..

نعم وفرت له سكن خاص فيه وهو ملحق صغير في الفله .. والأكل علينا

مشكلتي الآن المدة فقط ..

رد: بخصوص استقدام سائق خاص
 

فيه عقد بينك وبين المكتب بالمدة للعامله المنزليه؟
تأكدي من كافة الأوراق الموجوده معك وأبحثي في عن فقرة المدة ومايتحمله من تعويضات الضرر .. وبتأخذي حقوقك كاملة عن طريق وزارة العمل ..
أما السائق فبصراحه الأن يوجد مشكله في الهند بسبب تسريح بعض الشركات للعماله الهنديه ويوجد ترتيبات جديده أنتظري مدة ال 60 يوم ومن بعدها قومي بنفس الخطوات اللي ذكرتها بالأعلى ..
أستقدمت السائق الهندي ولم أتكلف سوى 2000 ريال رسوم تأشيرة + 500 ريال تفويض من هنا لمكتب عماله في الهند +2000 تذكرة سفر السائق ومصاريف أجراءات
التوتل 4500 ريال
ووصل في 15 يوم

رد: بخصوص استقدام سائق خاص
 

جزاك الله خير أخوي
لما قريت ردك على طول دقيت على المكتب
وقلت لهم ياليت لو فيه مشكله تخبروني ولا يتعطل الاستقدام أو تطول المدة اللي متفقين عليها في العقد ..

بخصوص عقد الشغاله .. مع أخوي أول مايرجع من سفره راح أشوف المدة

بالنسبة لعقدي معاهم على السواق هو في يدي الحين ومكتوب 60 ولو تأخر أكثر من كذا يدفعون لي 100 ريال عن كل يوم تأخير عن ال 60 يوم

أنا دفعت تأشيرة 2000 وللمكتب 6000

رد: بخصوص استقدام سائق خاص
 

جميل ..
المطلوب منك الأن أختي بارك الله فيك ..
التأكد من عقدك معهم بخصوص العامله المنزليه وأتوقع أنه نفس المدة والتعويض ..
وعند أستلام العامله أثبتي هالشئ بالوقت والتاريخ ومن بعدها طالبي بحقك في التعويض ولا تتنازلين حتى لو أنتي مو بحاجه للمبلغ هالمكاتب لاعبه على المواطنين وأكله حقهم فلو انتي طالبتي وغيرك نفس الشئ طالب .. راح يلتزمون بمواعيدهم
إن شاء الله راح أكتب موضوع يوضح سهولة التقديم على التأشيرات وأستقدام العماله وبأقل تكلفة ..
الله ييسر أمرك

رد: بخصوص استقدام سائق خاص
 

أشكرك أخي الكريم على الإفادة
ربي يعطيك العافية

بإذن وراهم وراهم من هالناحيه وان شاءالله حقي مايضيع