عن ماذا ابحث في زوجة المستقبل
 

السلام عليكم

انا صراحة مقبل على خطبه نسخه رقم 2 لاني تملكت وانفصلت :25:
المهم ابغا اتأكد اني مااطيح في نفس المشاكل اللي واجهتها الا وهي ان البنت ماكان لها شخصيه وكل افكارها جايه من اهلها وغير كذا تكذب طبعا هذي الاولى والحين خايف ان الثانيه تطلع مثلها ويقولون اهلي البلاء فيك ماهوب في بنات الناس وانا اهلي من النوع اللي يقلب علي عشان زوجتي يعني الاولى حطوني انا الغلطان وانا اللي اثير المشاكل
ولاكن ماابغا اغفل عن طبع البنت ولاعن ميولها ولا ابي اركز على الجانب اللي شفته من الاولى وانسى جوانب كثير المفروض اركز عليها
واتمنى منك المشوره ومشاركتي بالاسئله المهمه اللي يجب ان اسألها البنت في الشوفه الشرعيه
والاسئله اللي اخلي اهلي يجاوبون عليها بعد مايروحون يشوفونها

وشاكر لكم ومقدر :15:

من ناحية اني ادور العائلة الملائكية فماراح احصل عائله بالطريقة اللي تقول يعني لازم في كل عائلة مشاكل ولابد من شخص في هالعائلة يكون مفلم ومخرب سمعتهم وقليل تحصل عائلة مافيها عيب ومافيه اصلا
الدين صح ممكن اقولك راح تشوف ابوها واخوانها مثلا يروحون المسجد ومحافظين بتعرف لاكن الاخلاق بعض الناس تلقاه دين ولحيه ولو يختلف معاك على شي بسيط خلاك انت واليهودي واحد
ولو سألنا اهلها مثلا عن صلاتها بيقولون ايه مايذن الا هي بسجادتها
ومن ناحية اخوانها انا متاأكد راح يوقفون معاها على الحق والباطل وانا راح اكون الغريب والمثل يقول انا واخوي على ابن عمي وانا وابن عمي على الغريب

ماداويت جرحي ولاكن زدتني جراحاَ

لازم تقول شروطك لاهلك
موب يروحون يخطبون وحده ماتطلع من ذووقك المهم يخطبولك وحده من اختيارك
مثل ولد اختي قال لامه اابهاا واخلاق وجمال وجامعيه قريب من طوله لانه طويل ماشالله
وبفضل الله الحين متزوج البنت اخلاق وبنت ناس وجامعيه ومحترمه وجمال .. ومن اسبوع انولد له مولود ذكرفضل من ربي ..

اخوي موب عيب تقول شروطك كلها المهم لو افتروا فراره لازم يلقولك ..
البنت بششرووطك موب خطوبه والسلام هذا عرس الواحد يكون مقتنع من اختياره ولايتزوج اي زواج لانه بيجابلها العمر كله
اهم شي تكون البنت بوصفك


انت لاتتهاون عن طلباااتك وشرووطك لو حفت ريولهم ويدورولك اهم شي اللي بوصفك

انا تابعت موضوعك السابق بكل ردودهـ وعرفت معاناتك مع خطيبتك السابقه ,,

أنا في رأيي أي واحد مقبل على الزواج أول شي يشوفه في البنت ( شخصيتها ) ,,
الشخصيه هي الأساااااااااااااس في كل شي
يعني مثلا إنت شوف الأشياء اللي تحبها في البنت !!

نفسك البنت اللي بتكمل معاك عمرها تكون خفيفة ظل مثلا وحيويه ومرحه وحبوبه وست بيت ,,
أو تفضـل وحده شخصيتها قوية وعاقله وراكزه كلامها قليل وموزون وطموحه ,,
ممكن تبغا بنت صغيره وشخصيتها ما اتكونت لسه عشان مثل مايقولو تعودها على طبعك ( رغم اني ماافضل هذه النوعيه )

يعني حط في بالك كيف شخصية البنت تبغاها ؟ وأكيد لو كانت مثل ماتبغا انت راح تحبها وتشوفها ملكة جمال في عيونك
وطبعا لاتقول ابغا فيها كل الصفات لأنه شي مستحيل تلاقي وحده فيها كل شي

لكن أسأل نفسك إيش الجانب اللي تفضله في البنت ؟؟؟؟
كيف راسم شخصية فتاة أحلامك في خيالك ؟؟؟؟
كمان سؤال مهم عشان نقدر نساعدك
كم عمرك ؟!

أنتظر إجابتك وبعدها ندخل في الأمور الأخرى اللي لازم تبحث عنها في زوجتك المصون ,,,

اختبر فكرها بمثل ماتراه مناسب لتفكيرك
اختبر خُلقها بمعنى ان ظهرت لك واضحه ولم تتكلف في زينتها اعرف انها صادقة اذكر الماضية كانت لابسه كعب ولبس طويل يظهر انها طويلة وهذا من الغش فاتت ركز هاالمرة
اسئلها عن شروطها ولو تناقشها في بعضها جميل لترى عمق تفكيرها
اترك العنان لاحد اخوتك ممن تثق بها وبنظرتها لاختبار اخلاقها ومدى مقارنة مارأته مما رايته انت
قل لاخوها او ابوها ممن سيكون موجود بالنظرة بأنك تريد ان تطول شوي وذا انتهيت انت ستقوم بنفسك لألا تخرج هي سريعاً وانت ماطلعت بنتيجه

اممممم هذا اللي ببالي
والله يوفقك لما فيه خير *

ما عندي ما أقوله لك.. لكني دخلت للدعاء لك بالتوفيق..

مااقدر افيدك لاني ماادري كيف تبي شخصيتها
لكن افضل شي تكون متخرجة من الجامعة نضجت وتكونت شخصيتها
الله يوفقنا واياك

وعليكم السسسلام
اهم اهم اهم اهم شي بوجهة نضري ,,
آذكر شروطك اللي تبيهآ في زوجة المستقبل ,,
من نآحية الششكل واللبس والتعليم ,!
عشان لا تتوهق مثلا بوحده تبي تكمل دراستها وانت تبيهآ ست بيت ,!
اومثلآ تبي وحده تلبس عباة رآس وهي مآتلبسس وحتى ملآبسهآ يعني اذكر شروطك فيهآ ,!
او مثلا ما تبي وحده طويله او تبي شعرها طويل وه الاشياء ,!
لانه يآثر مستقبلا عليها وعليك ,, هي تحس انك منت مقتنع فيهآ فتحصصل فجوه بينكم ,,
حتى طلعآتها اذا انت من النوع اللي ماتحب اهلك يطلعون كثير قلهم بعد ,,
عشان تكون البنت واهل البنت في الصوره ولآقدر الله صار شي بعدين حجتك معك ,!
وآذآ تمت الخطبه على خير ان شاء الله
حآول تححححب في البنت روحهآ ,, شخصيتهآ ,, آخلاقهآ ,,
لآتوآجهآ بعيوبهآ وانتم في بداية المكله بحجة انو ابي اكتشف ميولهآ ,!
هذآ آكبر غلط ,,
وبعدين صعب تكتشف ميول وشخصية البنت من كم كلمة تقولهآ لهآ في الشوفه ,!
صدقني اذا ام البنت طيبه واخلاق فـ البنت رآح تكون مثل آمهآ لآنهآ تربية يدهآ ,,

اذا قصدك على تحضيرات الزواج وشقتكم وكذه تحس انه مو كلامهآ كلام اهلهآ فهذآ شي طبيعي جدآ ,,
وبعدين اذا تبي تكتشف شخصيتهآ واخلاقهآ ,,
خل فترة الخطوبه قبل المكله شهرين كذه وكلم وحده من خواتك اللي تثق فيها تكون على
توآصصل مع البنت عشان تكتشف اسلوبهآ وميولهآ ,,

والله يوفقك ,,