ابغى رجيم للحوامل
 

بنااااات
ابغى رجييم للحواااامل .. rfegrrfegrrfegr
بلييز الي تعرف تقولي ..
انا حامل ف الشهر الثاني ..
لكن من يوم تزوجت وزني في زياده ليا 9 شهور متزوجه زاد وزني 9 كيلو
يعني كل شهر بيزيد كيلو لاااااااااااا حتجنن وكمان حامل يعني كل شهر بيزيد 2 كيلو الى 3 ggfggfggf
تعبت نفسيا مو قادره اتحمل الزياده .. لو يوقف وزني ع الاقل ارتاح بس ما اعرف ليه كــدا .
ابغى رجيم للحوامل اذا فيه ..

لاتقولولي استني الى بعد الولاده ما اقدددر hfh

رد: ابغى رجيم للحوامل
 

مبروك عليك الحمل والله يتمم لك على خير
اهتمي اختي بالكيف وليس بالكم
بمعنى اجعلي اكلك متنوع ومتوازن
وابتعدي عن النشويات
واعملي رياضة خفيفة ولو حركات بسيطة أو مشي أن كان حملك غير مهدد
انتبهي اختي الزيادة الكبيرة في الوزن اثناء الحمل تسبب لا قدر الله مضاعفات
كارتفاع الضغط او سكر أو غيرها

رد: ابغى رجيم للحوامل
 

مبروك الله يسهل عليك ويتمم لك .

ريجيم مع الحمل ><
تغذي كويس وابتعدي عن الاشياء اللي تسمن و مامنها فايدة مثل
- الخبر الابيض استبدليه بالاسمر والنخالة
- الرز ابتعدي عنه .
- القلي ... الحلويات

وكثري من الفوواكه والخضار والورقيات

رد: ابغى رجيم للحوامل
 

أنتن يالحوامل كل شي تبنه لكن!
ملابس للحوامل أكل للحوامل شراب للحوامل مادري وشو للحوامل

ألف مبروك الحمل والله يحمي اللي ببطنك

على كل حال يا أختي الكريمة، أضربي بريك من الأكل
أكيد أنتي الله يزيدك ويمتعك تشعري بالكثييييير من الراحة والسعادة ونتيجته السمنة
نصحنا في السابق مومياء :) بعدم أكل الشوكلاتة، وأبشرك اللحين نزل وزنها بعد أن تركته
وأنتي ننصحك بعدم أكل الشيبس وشرب المشروبات الغازية، وراح تشوفين كيف يكون وزنك رغم أن الحامل معروف عنها تلقائياً تسمن
المهم عليكِ بالمشي وقلة الأكل، وخصوصاً قبل النوم بأكثر من أربع ساعات، وقللي كمية الأكل، وعليكِ بالمشي فإن المشيء دواء، وبالأخير كولي زين علشان اللي ببطنك :21:

رد: ابغى رجيم للحوامل
 

رد: ابغى رجيم للحوامل
 

اذا انتي غالباً تنحفي بعد الولاده استمتعي بالزياده اهم شي مايزيد وزنك عن 65كيلو

أنا بعد آخر حمل لي وصل55 وحاولت أثبته ماقدرت😢
انبسطت فيه شهور ، قبل اسبوع وزنت انفجعت طلع 48 ونص وامس الحمدلله وزنت 49 و9
فاشوف انه تخفيف الوزن مو زي نقصه
النقص متعب اكثر مو زي ماتتخيلو سهل بس تاكل وتتخن

اذا وزنك زايد سهل عليك تخففي تعوضي عن الشيبسات الغير صحيه بالصحيه والحلويات برضه السوق مليان من الاكل الصحي
بس لما تكوني نحيفه كيف تقدري تغصبي نفسك وشهيتك مقفوله لما أوصل لمرحلة الشبع استفرغ😭 فأحمدي ربك واستبدلي اكلك بشي صحي

وفي نقطه ممكن تفيدك ماشاء الله لما كنت مسجله في نادي شفت وحده حامل تجي في اليوم الي تكون المدربه موجوده تسوي لها تمارين ماتضرها كنت اشوفها مرتين في الأسبوع

رد: ابغى رجيم للحوامل
 

بدأت الان احاول اخلي اكلي متنوع ..
والله اني ما افرق بين النشويات والبقوليات ودي الاشياء :d
زي ايش النشويات ؟؟؟
الله يبارك فيكي حبيبي ..
انا ما اكل خبز ابيض فقط اسمر ..
القلي حاليا بدأت ابتعد عنه .. والرز سرت اكل شي بسيط منه واوقات استبدله بالبطاطس المهروسه او السلطه
هههههه
الله يبارك فيك
الله يسامح زوجي هو السبب dg دحين هو نحف 20 كيلو ماشاء الله وانا زدت 9 كيلو ""gg""gg""gg
والله مشروبات غازيه ما اشربها كثير ممكن مرتين او مرا في الشهر ..

رد: ابغى رجيم للحوامل
 

والله ماكانت طبيعة جسمي كدا .. كنت اتخن بسهوله وانزل بسهوله ولله الحمد ..
هي دي مشكلتي ماعملت كنترول على نفسي الله يهديني
دحين تعبت نفسيا وربي .. سرت حارمه نفسي كثير وما ادري ينفع للحوامل او لا ..

كمان سمعت ان ابر الحديد تزيد الوزن صحيح دا الكلام ؟؟
والله كان وزني 50 دحين وصل 58 .. عشان كدا خلاص ابغى الوزن يوقف كدا الى فترة الولاده
يعني بس ازيد زيادة وزن البيبي عرفتي ؟؟
هوو داا الي ابغى اعرفه لو روحت لنادي في رياضه معينه للحوامل ؟؟ يعني رياضه للتنحيف ولا رياضه كدا بس عشان نشاط وقوه وتسهيل الولاده ؟ هههه

رد: ابغى رجيم للحوامل
 

مادري .. بس اعتقد هالفتره محتاجه تغذيه جيده عشان الجنين ..
مادري اذا يتماشى نظام الدايت الغذائي مع مرحلة الحمل ..
لا افتي .. ولكن عندنا اجنبيات حوامل اشوفهم يمشون على الكورنيش (هروله)
عاد ما ادري مظر او عادي !! بس خبري الاجانب ما يسوون شي الا متاكدين من سلامته والعلم عند الله

رد: ابغى رجيم للحوامل
 

الهروله والرياضه عادي من الشهر السادس وفوق جدا مفيد للحوامل بس عندنا لسا الناس مو مقتنعه وماخدين موضوع ان الحامل لازم تجلس وتاكل بس ههههه khh

موضوع الدايت لحد امس كنت جالسه ابحث وقررت اخد موعد عند دكتورة تغيده تعملي نظام غدائي صحي ومفيد يستفيد منه الجنين وينحف بنفس الوقت
ونقول انشااااء الله ..

ورايا فرح اختي بعد 3 شهور ولازم اشد الهمه jkcggcgg