ما هي أفضل أنواع السيارات
السلام عليكم
اخوتي في الله هذا الطلب من أمي لكم خبركم ماعندنا الرجال بأدخل في الموضوع: امي تبغا تشتري سيارة جديد وتبغاكم تساعدوها بأفضل السيارات لأن صعبه طول وقتنا رازين نفسنا في محلات السيارات وانت خبركم في المحلات المهم هذي شروط امي: 1_السياره ممكن تكون موديل السنه اللي فاتت مومشكله 2_ان تكون بالتقسيط او بتأجير للتمليك. 3_ان تكون السياره صغيره (كوريلا ، كامري،...) 4_ان لايكون فيها دفعه اولى 5_ان لايكون القسط الشهري اكثر من ألف ريال 6_ان يقبلوا بكفالة أمرأه (اختي ) 7_ان لازيد القيمه الأجماليه (70 ألف) وبس وهذا طلب امي منكم وارجوكم مساعدتنا قريب كل التقدير من أمي على مجهودكم ودعواتي لكم اختكم في الله |
الكامري اتوقع سعرها مع التقسيط بيكون اكثر من 70 الف
انصحكم بهوندا سيفيك جديده او تيوتا كرولا جديده السيارتين ممتازات لكن التيوتا اكيد افضل من ناحيه اذا بغيتوا تبيعوها بعدين لانها تمسك سعرها |
مشاء الله الله يطول بعمر الوالده انا اشوف الكورلا حلوه ومريحه وخفيفه وحتى البنزين ماتصرف كثير وسعرها مناسب بصراحه الكورلا قمه بكل شي والحين جميع سيارات تويوتا ماتحتاج دفعه اولى وبالنسبه لقسطها أعتقد 990 ريال مدري عاد كم تطلع عندكم وفيه الهونداي السوناتا حلوووه واقتصاديه وشكلها حلو ونفس قيمة الكورلا بس الكورلا اقوى واحلى بالنسبه للقيمه الاجماليه أعتقد ماراح تتعد 70 وان تتعدت تتعدها بشي بسيط بالنسبه انهم يقبلون بكفالة أمرأه ما أدري .. بس المعروف الحين بدون كفيل خاصة اذا كنت وظيفة اللي مأخذ القرض حكوميه او اذا كان الراتب جيد وبالتوفيق للوالده ونصيحتي لها لاتسرع وتربط حزام الامان :22: أخوووكم رجال طيب |
أخواني (جحيفان _رجل طيب ومتسامح )
شكرا لكم انكم ساعدتونا بس ودي اسأل ايش احسن الوكاله ولا محلات البيع ؟ وربي يسعدكم ويفرج همكم وينولكم مرادكم انا كتبت لها السيارتين وبأعطيها لها تروح تسأل عنها طيب و(المازدا ) ايش رايكم فيها على فكره احنا نبغاها للسواق عشان المشاوير السريعه |
أختي الكريمه مبارك السياره مقدما والله يعطيكم من خيرها ويكفيكم شرها
وانصحك بالكورلا الجديده فهي ممتازه وتمسك سعرها وانتبهي تشترين بنظام المنتهي بالتمليك لأنه حرام (( عقد فاسد )) حسب فتوى سمعتها تحياتي وبالتوفيق |
لا تقربين المازدا
فخدمة ما بعد البيع سيئة جدا والوكيل يكون اغلى شوفي معارض معتمدة ارخص تحياتي وفي حفظ الله |
اقتباس:
^ ^ ^ اهاه لاسواااااااااق قولي من اول ... اول احسبكم في دوله خليجيه ويحق للمرأه تسوق على العموم الوكاله افضل بكثير ومافيه مقارنه لان الوكاله يسون لها فحص وكل بين فتره وفتره ترجعونها لهم يسون لها فحص مجاني لمدة سنه بالنسبه للمازدا مانصحكم فيها خرباتها كثيره وانا صبرت معكم ماراح تصبر أكثر سنتين وايضاً لان تويوتا أقوى بكثير من المازدا ومافيه مقارنه ومدامكم تبونها لسواق عشان المشاوير السريعه مافيه افضل من الكورلا على العموم انا راح استفسر اكثر لاني أعرف واحد بوكالة تويوتا وان شاء الله راح افيدكم لي عوده اتمنى لكم التوفيق والله يستر عليكم أخووووووووكم في الله رجل |
وانتبهي تشترين بنظام المنتهي بالتمليك لأنه حرام (( عقد فاسد )) حسب فتوى سمعتها
أفاااااااااااااا الله يجزاك (اخي أبو عبدالله) خير انك نبهتني والله امي كانت ناويه تعملها كذا دحين انا شفت الترجيح (للكورلا ) بس المشكله هل يقبلوا بكفاله اختي لأن حتى الأن شوفنا كذا محل وكلهم رافضين أمرأه يبغون رجال وهنا الورطه وان شاء الله خير طيب الكورلا مو بتتغير شكلها السنه الجايه ؟؟ ولا عادي ماتفرق تتغير او لأ ومشكور اخي أبوعبدالله على مساعدتك وتنبيهك ربي يسعدك ويفرج همك ويرضا عليك ويرضيك ومشكور اخي رجل طيب ربي يسعدك ويرضا عليك ويرضيك وانتظر ردكم (والله حالتي حاله بدل ماأدخل قسم الطبخ والأزياء داخله مع الشباب في السيارات) بس هي نظره ثاقبه لاشوفتوا حريم يقضوا مشاوير الرجال لاتلوموهم الله يستر علينا بستره |
والله ياا أختي
انا اللي اعرفه ان الكوريلا بيتغير شكلها قريب شوفي اختي (( الكوريلا والهوندا سيفك )) من اكثر السياارات عملييه وجيده ولاتصرف باانزين وماااعليهم كلاام بالمره وانا اشوف الهوندا منااسبه لان شكلها جديد وتوها ناازله والله يوفقكم ويسر امركم ان شااء الله وسلمي على الوالده الله يحفظها |
اختي
عبد اللطيف جميل اللي هو وكيل التويوتا قريت ان عنده صالات عرض نسائيه بس ما ادري في جده بس او في الرياض بعد خلي واحد من اخوانك يتصل عليهم و يستفسر |
الساعة الآن 10:58 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©