|
رد: معلقه وماعرف اذا بيطلقني و
اختي مبتعثه
يزاج الله خير عالرد ان شاء الله يارب تتعدل الامور و افرح قلب امي حبيبتي انا دايماً اطمنها وما انزل دمعه جدامها عشان ما تتأثر ابغي اشوف الفرحه بعينها هالشي يكفي |
رد: معلقه وماعرف اذا بيطلقني و
المودة اعظم من الحب فان لا يحبك حب الشعراء والمتيمين قد نفهمها ولكن حفظ العشرة وطيب المعاملة ضروي حق العيش والملح، الله يفرج همك ويقذف حبك في قلبه ويصير ولهان بك وتحسي بلذة الانتصار امين
|
رد: معلقه وماعرف اذا بيطلقني و
شعاع لا يخبو
صحيح 100٪ والله هذه الاشياء عندي اهم من الحب الله يصلح الحال وامييين يارب يا سميع الدعاء ، جزاك الله خير على الدعاء اللهم انصرني على من ظلمني |
رد: معلقه وماعرف اذا بيطلقني و
السلام عليكم جميعاً
الحمدلله مافي تطورات كبيره بس كنت بتصرف تصرف وحابه استشيركم قبل ريلي ماشفته من قبل العشر الاواخر بسبب ارتباطه وانشغاله خارج المنزل و ماكان في بينا اي اتصال بس في ليلة العيد هو اتصل يخبرني انه راجع البيت ويسألني اذا بروح وياه لاحد مناطق الدوله نزور ونعايد عالاهل ( يعني نفس روتيننا كل عيد ونتم هناك يومين ) بس قلت له لا ما اظن .. وبس ماقال شي ولا اصر اني اروح وياه .. انا رفضت اروح لاني لين الحين انتظر جوابه لما قال بيخلص الموضوع وليش اروح وياه اصلا وانا ماعرف اذا بيطلق ولا لا .. بس طبعا ماقلت له هالكلام بالتلفون المهم انه مارجع البيت شكله راح سيده لصلاة العيد لان طلع متأخر بس الشي اللي شوي خفف عني انه عقب صلاة العيد اتصل فيني ويعايد علي ( هذه اول مره يسويها بحياته اول لما كان يغيب عني بالعيد انا اطرش لج مسج ومرات مايرد بعد ) المهم بس هذا اللي صار وهو من اول يوم العيد لين اليوم في المنطقه اللي ساكنين فيه اهله ومارجع بس طرشت له رساله سألته متى ترجع قال عنده شغلة معينه لازم يخلصها في البنك وبس الحمدلله على كل حال حاسه قلبي مكسور .. ماحسيت بفرحة العيد ولا شاف بنته وعايد عليها وموضوعنا شاغل بالي كلمته ( الموضوع بيخلص ) اللي قالها برمضان المفروض الحين اشوف نتايجها الحمدلله انا طول شهر رمضان ما اتصلت ولا حنيت وكنت منشغله تماماً وتفرغت للعباده والدعاء والقرآن بس الحين ابغي اتحرك واتصرف احس اني صبرت مده كافيه شهر رمضان خلص والعيد خلص هل ادخل اهلي واخبر ابوي عن الموضوع ولا اصبر لين مايرجع واكلمه شو صار على موضوعنا ؟؟ بس انا ماعرف متى بيرجع احس مافيني صبر اكثر هل اطرش له رساله اذكره انه بينهي الموضوع عقب رمضان وشو قرر محتاره ماعرف كيف اتصرف وشو اسوي انا الحمدلله وايد دعيت بس الانسان لازم يتحرك ويسعى بعد |
رد: معلقه وماعرف اذا بيطلقني و
صراحة انتي زوجك محظوظ فيكي ومو حاس يعني اي وحده ثانيه بمكانك كانت قالت لأهلها وما تحملت فكري بالمسأله من جوانبها الايجابيه يمكن الله كان حاب انو تتقربيله خاصة رمضان كان جاي, يمكن صارت هاي المشكله حتى تكرسين وقتك للدعاء والعباده و(المؤمن مبتلى) رأيي بعد أن دعيتي ووكلتي امرك لله اصبري كمان شوفي الله وين كاتبلك الخير صلي صلاة استخاره انتي تحملتي كثير والصبر كمان عباده, والله وضعك كثير صعب بس ماباليد حيلة, خوفي تقولي لأهلك وتتعقد المسألة اكثر..اقرأي سورة البقرة كل يوم فيها شي عجيب, حتى لو كان مسحور فأن القران يبطل السحر بأذن الله.. الله يهدي زوجك ويريح بالك ويكتبلك الخير حيثما كان |
رد: معلقه وماعرف اذا بيطلقني و
يزاج الله خير اختي ماقصرتي
فعلا انا صبرت هذه المده الحمدلله المفروض بعد اصبر شوي واشوف شو يصير فعلا الصبر عباده ونؤجر عليه لكن مرات اقول هل لازم اتصرف ولا اكتفي بالصمت والصبر والدعاء انا ودي اكلمه بس اخاف اندم بخصوص سورة البقره ريلي يقراها يومياً صار له شهور والحمدلله مستمر عليها لو كان مسحور يمكن كان راح يبين عسى الله يفرج علينا وعلى جميع المهمومين |
رد: معلقه وماعرف اذا بيطلقني و
اقتباس:
لعل الله يحدث بعد ذلك امرا. تفائلي خيرا، وما انصحك تتصرفي شي. ممكن تندمي عليه بعدين بس استمري بالدعاء |
رد: معلقه وماعرف اذا بيطلقني و
مع انه في قلبي ألف كلمه لكن صبر جميل والله المستعان
تسلمين حبيبتي ماقصرتي عسى الله يلطف بحالنا هو أرحم الراحمين |
رد: معلقه وماعرف اذا بيطلقني و
السلام عليكم
حبيت اخبركم اخر التطورات و كيف اتصرف انا خبرتكم اني ماشفت ريلي من قبل العشر الاواخر وبالعيد غاب عنا ف بصراحه ابدا ماقدرت اتحمل واصبر وطرشت له قبل كم يوم رساله انه رمضان والعيد خلصوا وانا لين الحين انتظر انك تخلص الموضوع مثل ماخبرتني اما امساك بمعروف او تسريح بإحسان واللي ماترضاه على خواتك لا ترضاه على بنات الناس وانا صبرت بما فيه الكفايه و ما اضمن اني بقدر اصبر زياده ولا بخبر الاهل ردة فعله صمت ومافي رد عالرساله اتصلت فيه ثاني يوم ونهائياً ما كلمته عن الرساله اللي طرشتها بس سألته متى يرجع والحمدلله امس ريلي اتصل فيني وقال انه راجع وشفته من بعد طول غياب بصراحه وانا انتظر رجوعه كنت احس بشي من الانكسار قلت اكيد انه كالعاده بيدخل ومابيعبرني او يحط عينه بعيني بس الحمدلله لما دخل حضن بنته وانا سلم علي وباس ايدي بصراحه فرحت لانه اخر مره باسني من شهرين بس مابينت شي وبعدين حسيت نفسيته وايد حلوه ويسولف وياي ويبادر بالكلام واليوم بعد زين الحمدلله مزاجه لين الحين ثابت ومارجعت له الحاله بس محتاره هل خلاص اتصرف معاه وكأنه شي ماصار وانسى لما قال لي بيخلص الموضوع ولا افاتحه بالموضوع مره ثانيه واسأله ؟؟؟ هو حالياً يتعامل معاي بشكل زين بس توه امس رجع لين الحين ما ادري هل بترجع علاقتنا الزوجيه طبيعيه لكن محتاره دام انه رمضان خلص وهو نهائياً ماياب طاري الموضوع وكان معاي زين شو يقصد انه بيخلص الموضوع احس بشي من الخوف بقلبي ولين الحين مب مستقره 100٪ تتوقعون احسن افاتحه بالموضوع مره ثانيه واسأله ولا اسكت اذا شفته يعاملني زين وخلاص انسى |
رد: معلقه ماعرف اذا بيطلقني مس
افتحي صفحه جديده
واستمتعي بهاللحظات الحلوه ولا تنكدي على نفسك |
| الساعة الآن 05:23 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©