|
والله مليت منه,,,
اخوانى ...خواتى
حاولت اتقرب لخطيبي كثير (زوجي شرعا ) بكل الطرق حاولت اكسر الحدود بينى وبينه وحاولت اقرب المسافات بكلام حب وحاولت لما يجينى ادلله ...البس له احسن لبس ...اهتم فيه حتى لما يكلمنى بتلفون اعطيه كلام رومانسي واذا جاء يتكلم باي موضوع اهتم معه وبعدين اهمس بكلمات شوق وبعد هذا كله ... ماالقى منه ولا ربع اللى اقدم.له......اقسم بالله طفشت وبديت امل البارح فاجئته بهديه ....قلت اكيد هذي بتغير شوى .....تخيلو ردة فعله ....بكل برود الله يعطيك العافيه ماقصرتى لو انا مكانه نقزت من الفرحه ماخلى شي من عبارات الفرح ماطلعها ....تصدقون يوم طلع من عندي بكيت بحسره بحسره .....وش بقى ماسويته ....ودي يحبنى مثل ماحبه ....ودي يعاملنى مثل ماعامله .....حتى لما يكلمنى بالجوال اذا ماقلتله كلام حب مستحيل هو يقول !!!!!!!! اليوم رديت على بشوى جفاف ....قالى وشفيك تعبانه .....؟؟؟ وسلم وسكر السماعه ....حتى ماحاول يقول كلام زين والا يعلق على هديتى ولا شى ولاشي ولاشي..... مدري وش اسوى ..؟؟؟ بتقولون كلميه ....اقسم بالله ناقشته بهالموضوع كثير ...ورده حفظته من كثر مايقوله ..!!!!!! بالله وش اسوى ....مصابه بخيبة مو طبيعيه .....ومتضايقه بدرجة تفوق الوصف تكفووووووووووووون ابي وقفه نفسيه معى .....لاتقصرون ترى اهلى لمايسالونى عنه اقول مرتاحة ومااعلم احد وعايشه بهمي .... انتظركم حلالا |
اختى الكريمه حلالا..
بصراحه الكلام الرومانسى اى رجل يقدر يقوله لكن فى بعض الرجال تحب ترحم زوجاته منها علشان يطلع منها اكثر واكثر بمعنى انه تدلله وتغازله وتسويله كل اللى يبغاه لكن هذا صنف قليل وللاسف اخوى منهم .. ونسأل الله السلامه.. اختى دام هذا الشاب طيب ومحترم اهلك ومحترمك ويحبك وعلى كيف كيفك ما فيه عيوب تذكر .. توكلى على الله وتزوجيه لانه يمكن ما تلاقى مثله .. وعسى ان تكرهوا شيئا وهو خيرا لكم.. ونٍسأل الله العلى القدير انه يصلحه لك وتسعدوا مع بعض. اخوك كوماندا. |
الناس طبائع مختلفة........... فما ترينه مهماً قد يراه خطيبك أمراً عادياً ، فمن المبكر جداً الحكم على خطيبك ، كل ما في الأمر أنه يرى الأمور من زاوية وأنت ترين الأمور من زاوية أخرى إضافة إلى الفرق في طريقة التفكير بين المرأة والرجل ، حاولي إلى أن تصلي مع خطيبك إلى قواسم مشتركة بينكما في التفكير والاهتمامات وغير ذلك .
الزعيم55 |
اثقلي شوي ولاتقولين له كلام الحب ليل ونهار وخليكي عادية
الى ان يحس فعلا بنقص شي بينكم وهو الكلام الرومانسي بعدهاسيعلم انه السبب واكيد ان شاء الله يتغير ثاني شي شجعيه اذا قال كلمة فيها حب وغزل حسسيه انك بتموتين من الفرحة وقولي له الى هذه الدرجة تحبني طيب حسسني فيه لاتكتم الكلام الحلو فيك وفي شئ احس ان زوجك او خطيبك حاس انك بتنهبلين عليه ومتاكد من حبك له لذا يشعر ان ما في شي يسويه خلاص وصل للي يريده قلبك عشان كذا احس الثقل والركادة زينة ودمتم بخير |
الأخت حلالا لدينا في مفضلة عالم المقبلين على الزواج عدة مواضيع نافعة للجميع ، وأظنك قرأتيها ... أقترح عليك الآتي 1) الدعاء الصادق بأن يسخره الله لسعادتك وسوف تشاهدين النتيجة 2) قراءة الموضوع الموجود في المفضلة ( كيف تستخرجين كلمات الحب من فم زوجك )) 3) وإن لم ينفع معه ومع علمي بأنك تشتكين منه كثيرا ، فليس أمامك سوى حلين : الأول : تجدينه في الموضوع الموجود في المفضلة ( اقبلي زوجك كما هو ) الثاني : لا أتمناه ولا أستطيع ذكره وفقك الله وغيرك حالك كما تريدين |
اقتباس:
من القلب شكرا اخوى كلامك يريح كثير اختك حلالا |
اقتباس:
اخوى الزعيم اشكرك من قلبي على مرورك وعلى فكره تعجبنى ردودك في كثير من المواضيع وفعلا بابحث عن تللك القواسم ... بس والله والله ابي رومانسيه مابي كل امور الحياة نتكلم عنها ابي يحس فينى ويشبع هالجانب عندي شكرا اخوووى حلالالا |
اقتباس:
هلالالا امرؤ الخير وجعل امورك كلها خير ويسعدك ربي على وقفتك معي وفعلا بجرب سياسة الثقل <<<<<<<<<ياصعبها على بس بجربها اخاف تجيب نتايج عكسيه <<<<<<<<الله يستر تحايا للك حلالا |
اقتباس:
اخوى متفائل جدا من القلب شكرا ماقصرت وبرجع للمواضيع الى ذكرتها اختك حلالا |
لا تظنين إن ردة فعلة دليل على عدم حبه لك
ولكن أكيد له طرق غير لإظهار حبه ...يعني ولا مرة قالك كلمة حلوة ليش إنتي بالعادة تقعدين تتكلمين معاه في وشو ؟؟ وبعدين يا إختي لا تسمعينه كلام الحب ليل ونهار مثل ما ذكر بعض الإخوان هنا .... يعني عطيه فرصة هو يحاول وأكيد راح تلقين تجاوب منه يمكن من كثر ما تقولينه كلام حلو تعود منك وما عاد ياثر فيه الله يهديه بس ... ولا تبكي ولا تزعلي حالك حاولي معاه من البداية وراح توصلين ولو كلمة منه ..... بعدين بصراحة أنا أحب الرجل اللي تاخذين منه كلام الحب بصعوبة :d يعجبني بشكل لأنه صدقيني لما راح يقول "أحبك" مثلا راح يقولها وهي صحيحة مية المية .. شوي شوي عليه والله يوفقكم ان شاء الله |
| الساعة الآن 03:59 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©