|
لكل أم .. أولاًُ ادعي لي .. ثانياً احكيلي قصتك ..
سلام عليكم عزيزاتي الامهات .. الموضوع خاص بالأمهات الطيوبات .. والي ان شاء الله انضم إليهن قريباً .. يعني ماباقي غير ثلاث اسابيع على موعدي المحدد لولادتي الأولى .. :15: أعتقد أنكم عرفتم ما هو الموضوع ... :14: الموضوع هو أنني احببت ان اسمع قصصكم مع الولادة الأولى .. يعني كل ام تفوت تحكيلنا القصة من طأطأ للسلام عليكم .. وخبرتها .. وتجربتها .. ونصائحها .. والاشياء الحلوة الي صارت .. والمشاكل والحلول .. الخ .. :26: واتمنى بس انه مايكون الموضوع مكرر .. :29: كل موضوع احطه يطلع مكرر .. عاد هالموضوع بالذات ما نقلته والله .. جا في بالي من يومين .. بس اتمنى مايكون اجا على بال وحدة قبلي :d :d :d المهم عزيزاتي .. انا عن نفسي انتظر ردودكم .. وانتظر تجربتي الأولى بفارغ الصبر .. الحمدلله يارب اني موخايفة .. لان سمعت انه الخوف يأثر سلبا على الولادة .. واتمنى منكم ان شاء الله تتحفونا بكلماتكم الرائعة .. وخبراتكم .. انتظركم بفارغ الصبر .. لاتتأخروا عليي .. اخاف اولد وانتو لسة ما كتبتو شي .. :29: :d :d والي يدخل او تدخل من الأعضاء .. ومالهم دخل بالقصة هذه .. بس يدعيلي قبل ما يطلع :22: ارجوووووووووكم .. تحياتي للجميع اختكم م |
نقل الى عالم الاسرة والطفل حيث مكانه المناسب اسأل الله ان ييسر امورك ويعينك على العناية بطفلك ، وتربيته تربية صالحة . |
و عليكم السلام و رحمه الله و بركاته
انا ام لاربعه وكل حمل يختلف عن الثاني تجربتي باختصار و بدون اكشن و افلام هنديه ترقب و قلق و خوف ،،،،،،،،، اتاخرت عن الموعد اسبوعين :21: امي و اختي ملو من كثر الانتظار قالولهم بكريه يمكن تجيب قبل موعدها باسبوعين اجو قبل الاسبوعين باسبوعين اتاخرت اسبوعين احسبيها شهر و نص جالسين لا في بيبي ولا في شي كل يوم يقابلوني ها حاسه بشي :16: و انا :17: قالو لي طلعه السلالم تساعد في تعجيل الولاده كنت ساكنه في عماره ما اعرف يمكن 16 دور او انا سكنه بالدور الرابع صعدت و نزلت للبيت بالليل بدت البشاير تهل :24: و دوني للمستشفى الانجليز و عاداتهم الي ما يملو منها في اسواء الاحوال يسالوك تشربين شاي و كيف تحبيه بالحليب و كم سكر :23: بالاربعه نفس السوال اتكررو كل مره زوجي يطلب يشرب:16: و انا :19: المهم قالولي مطوله شغلتك جلست بالمستشفى بالغرفه لان مافي طلق ثاني يوم اجت امي و اختي محضره الفديو :28: و انا:25: ولا كاني باولد المهم ورا كم ساعه ولدت ابني اثير :15: الي كان اول فرحتنا :14: انا الكبيره بين اخوتي و زوجي اكبر الاخوه الي احب اركز عليه مهما يحكولك و يخوفوكي ترى كله اشاعات :25: |
نسيت اهم شي
الله ييسر لك امورك و تكون ساعه خفيفه و تقومين بالسلامه و بتمام الخلقه اللهم امين و ان شاء الله نفرح بجميع الاخوات الي بالمنتدى يزوجو ازواج صالحين ويرزقون بالذريه الصالحه اللهم امين |
اقتباس:
عزيزتي البتول ... الحمدلله على الاقل نقل .. مو حذف بسبب التكرار .. :d امزح بس ... بس والله تسلمييييييييييييييييين من خاطري على الدعاء .. وبارك الله فيك والله يسعدك يارب بس ملاحظة مرورك خفيف ... ياترى .. بعدك بنوتة .. ولا مادخلتي بتصنيف الامهات .. على العموم .. نصيحة من اختك اذا بعدك بنوتة .. اتهني واشبعي .. لحد ماتملي .. ترى الايام ماتنعاد .. وتسلمين مرة ثانية:22: |
حبيبتي ام اثير .. والله ضحكتيني .. بالفعل طلعتي روح اختك وامك .. الله يكون بعونهم .. والله انا من دخلت السابع وانا مو متحملة وكل يوم اقول ان شاء الله اليوم :29:... بس انت الله يكون بعونك اتأخرتي اسبوعين .. واو والله كثير .. بس بالفعل الانجليز باردين جداً:24: ... وشوفي سبحان الله انا كمان ولادتي باذن الله راح تكون عند انجليز .. دنيا .. وقدر وخلاص .. مع اني كنت اتمنى اولد في بلادنا .. بس الحمدلله على كل حال .. المهم ان شاء الله احط ببالي اطلب منها شاي بالحليب لاأني احبه :d تسلمييييييييين انك ما نسيتي اهم شي :22: وهو الدعاء .. والله ياغاليتي فرحتيني بالدعاء وان شاء الله بالفعل تتيسر .. بس راح ابدأ اجرب صعود الدرج ... وان شاء الله يفيد ونخلص .. :14: تسلميييييييين مرة ثانية .. والله يسعدك بولادك كلهم يارب |
يا عيني يا حبيبتي
احب اطمنك انهم يهتمون بالحامل و بوقت الولاده يطولون خلق ويا الي دتولد و يعتنون فيها و اذا عرضو عليك انه طالبه تحظر الي بيدرسو midwaifeخليها تجي بتساعدك كثير و زوجك يكون حاظر الولاده خذي معاكي اشرطه قران لان الا بذكر الله تطمئن القلوب ولا تنسو الاذان و الاقامه باذن البيبي و ادعي قد ما تقدري ادعي ترى دعاء الي بتولد مستجاب خذي معاكي اكلك و شربك لانهم من كرمهم ما يجيبولك غدا و عشا الا بعد ما تروحي لغرفتك مع البيبي لاتنسي ماء زمزم و التمر لتحنيك الطفل و الك طبعا خذي معاكي عصير العنب لانه يساعد و احسن شي لاحظت يعطي طاقه السريال بارو الحلاوه الطحينيه وقت الولاده و لو كنت اعرف وين ساكنه ببريطانيا كان جيت ساعدتك بعيوني ياعيوني |
انه من اللي ما لهم سالفه بالموضوع لاني ما عندي تجربه ولاني ما تزوجت لحين بس حبيت ادعيلج من كل قلبي الله يهون عليج وتقومين لنا بالسلامه وتقولين لنا البشاره يا رب
واذا يبتي بنت سميها على اسمي تحياتي لج |
عزيزتي أم اثير .. اولاً والله اشكرك جزيل الشكر على عرضك للمساعدة .. وفرحت لما تأكدت انك في بريطانيا .. ياريت لو فتحو الرسائل الخاصة عشان نتعرف .. لان والله ماتعرفت على حد من اجيت بس اعرف اهل زوجي .. وبالنسبة للمستشفى فان شاء الله المستشفى الي راح اولد فيها مافيها مشكلة .. يعني سعتها نص ونص مو ممتازة ولا انها سيئة جدا عادية .. وبالنسبة للرعاية ... مع الاسف ماخذة فكرة مو حلوة بالمستشفيات لان اختي تعبت في ولادتها .. وكان السبب اهمال من الممرضة .. بس الله اعلم يمكن تكون حالة وحدة .. بالنسبة لباقي النصائح والله كلها في بالي ومجهزتها .. ماعدا الماي زمزم والله للأسف نسيت اني لما رحت زيارة لدبي نسيت آخذ من الوالدة .. عندها ماي زمزم ومقروء عليه كمان :29: .. سبحان الله نسيت وحزنت كثير بصراحة .. المهم ما اعرف اذا مسموح اخبرك وين انا ببريطانيا او تمنعنا الإدارة .. على العموم تسلمييييين على النصائح والله يجزيك الخير .. :22: تحياتي لك |
حبيبتي احبك حبيبي .. لا بالعكس .. انتي زينتي الموضوع بكلماتك ودعائك الجميل .. ويارب الله يرزقك .. الزوج الصالح والذرية الصالحة .. :22: يعني صحيح ما اعرف اسمك .. لكن اسم بنتي ان شاء الله الي راح اسميها اسم من اسماء زوجات الرسول .. عاد اذا اسمك واحد منهم .. فان شاء الله يطلع هو بالتأكيد :14: بس نصيحتي لك .. ودائما النصحية الي كل صديقاتي سمعوها مني .. انك تتهني .. وتشبعي من هالايام .. :23: لان الزواج مو هين .. مو شرط يكون صعب ومزعج .. يعني حتى لو كان كل شيء تمام مع الزوج ومرتاحين مع بعض .. بس والله المسؤولية مو هينة .. يمكن الحين اشعر فيها اكثر لاني حامل وبالشهر الاخير .. ومع مسؤولية البيت والزوج ... فشوية شوية تشعرين بالمسؤولية تزداد .. بس مو تاخذي فكرة مو طيبة عن الزواج ..راح تجي لحظات سعيدة جداً .. وماتتمنيها تختفي ابداً .. وهكذا . . طولت عليك بس الله يوفق الجميع .. |
| الساعة الآن 03:25 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©