منتدى عالم الأسرة والمجتمع

صفحة 1 من 2

عرض 40 مشاركات من هذا الموضوع لكل صفحة

منتدى عالم الأسرة والمجتمع (http://www.66n.com/forums/index.php)

- عيادة الاسرة (http://www.66n.com/forums/forumdisplay.php?f=95)

- - جمال الاسنان .. (http://www.66n.com/forums/showthread.php?t=259070)

أعماق

21-04-2015 07:12 PM

جمال الاسنان ..

السلام عليكم ..

اليوم كنت عند طبيبة الاسنان عشان خلعت ضرس العقل jytt

وتناقشت معاها حول تبييض الاسنان والعدسات .. نصحتني بالتبيض افضل ..
رغم اني توقعت العدسات احسن قالت العدسات لازم نحك السن عشان العدسه وكمان ممكن يتغير
شكل السن .. قلت لها السعر مايهمني لكن ماابغي تغير بشكل اسناني ..

ماشاء الله لاقوة الا بالله اسناني جميلة لكن ينقصها تفتيح اللون ..

ماادري ايش كانت تجاربكم في هالخصوص ..؟

بنات جده fdgrg
ايش تنصحوني بعيادة ممتازه بجده للاسنان ..
< من سكان جدة الجدد ^_^

*علو الهمه *

21-04-2015 08:36 PM

رد: جمال الاسنان ..

وعليكم السلام ورحمة الله وبركاته,,,
بصراحة ماجربت ولا واحد فيهم، لكن المعروف العدسات أفضل بالنسبة لنحت السن على حسب شطارة الدكتور..
روحي عيادات الموج التخصصية..

فرح تايه ~

22-04-2015 04:02 AM

رد: جمال الاسنان ..

بهالمواضيع أحب أسمع رأي الدكتور وأخذ بكلامه خصوصا إذا كنت متأكدة إنه ثقة وفاهم لأن اللي يناسب شخص مايناسب الثاني ..

عدسات الأسنان جماليا ماعليها كلام تعطيك ابتسامة ولا أروووع ..

عندك عيادات سمايا أعتبرها رقم 1 بجدة .. مركز بن حمران الدور الثالث شارع التحلية .. العيادة فيها دكاترة كويسين مرة بس أسعارهم غالية جدا جدا هذا عيبها الوحيد وأعتقد هو السبب وراء عدم شهرتها بين الناس بشكل كبير !

آممم بعدها أرشحلك عيادات أندلسية فيه فرعين بالمكرونة وبشارع التحلية فرع التحلية أفضله أكثـر .. برضوا كويسة هالعيادة وأشوف أسعارها أرخص من سمايا بشوي ..

العدسات نوعين لومينير وفينير الأول مايحتاج برد للأسنان والثاني يحتاج ..

يالله إن شاءالله توصلي للنتيجة اللي ترضيك ..

مــريم

22-04-2015 08:17 AM

رد: جمال الاسنان ..

تبييض الأسنان بالليزر جربته ..
مؤلم أول يومين تكون اسنانك حساسة جدا لا حار ولا بارد تستحمليه ..
وتتجنبين أي طعام فيه لون والقهوة في أول الأيام ..
وكلها اسبوع ويبتدي اللون يرجع ..

العدسات فعلا مثل ما قال الدكتور، لازم يحك السن وينحته ويصغر حجمه .. يعني الأسنان الأمامية فوق وتحت كلها ..
فيه ناس عادي عندهم .. بس أنا يعورني قلبي أنحت أسنان سليمة ربي عطاني أياها..

بتابع معاك الموضوع بشوف إذا فيه اقتراحات لتبييض الأسنان غير كالطريقتين ..

myflowerylife

22-04-2015 12:41 PM

رد: جمال الاسنان ..

جميل بتابع معكم لأنه الموضوع هذا يهمني لكن بالنسبة للعدسات الأسنان ما راح تتأثر ولا تضعف بعد نحتها ؟؟ والليزر يا أم الدانة كم تقريبا كلفك؟ وهل فعلا بياضهم مضمون؟

أعماق

23-04-2015 01:18 PM

رد: جمال الاسنان ..

اقتباس:

المشاركة الأصلية كتبت بواسطة soqya (المشاركة 3229519)

ايه هذا اللي بااعرفه ان العدسات افضل واعتقد حتي لو اسنانهم تحتاج تعديل كاشكل
بيعدوها عن طريق العدسات ..
تسلمي ع المعلومه .

مــريم

23-04-2015 01:37 PM

رد: جمال الاسنان ..

اقتباس:

المشاركة الأصلية كتبت بواسطة myflowerylife (المشاركة 3230265)

اسبوع بس فرحت ببياض اسناني الناصع وبعدين رجع لونها الأصلي .
أعتقد كلفتي ألف ناسية بالضبط ..

شقـردية

23-04-2015 02:37 PM

رد: جمال الاسنان ..

اللي اعرفه انه افضل شي وأأمن شي القوالب ..
وتقدري تتحكمي في البياض اللي يرضيك .. ويكون تنظيفه سطحي ..

العدسات .. دمار للاسنان وتكون غير صالحه للاستخدام ..
غير انه شي غير طبيعي وينزرع بالجسم ..!
فتجتمع فيه الفضلات .. ويحتاج للتغيير الدوري كل خمس سنوات ..

الليزر .. مشكلته يمكن يكشط المينا الخارجيه الحافظه للسن ..
وبعد فتره تكون خشنه وحساسه ..

أعماق

24-04-2015 10:34 PM

رد: جمال الاسنان ..

اقتباس:

المشاركة الأصلية كتبت بواسطة فرح تايه ~ (المشاركة 3230066)

يعطيك الف عافيه ع المعلومات ...
يبغالي ابحث اكثر واسال كمان .. شكرا لك ..

myflowerylife

26-04-2015 03:01 PM

رد: جمال الاسنان ..

اقتباس:

المشاركة الأصلية كتبت بواسطة أم الدانــــــة (المشاركة 3230967)

اسبوع بس فرحت ببياض اسناني الناصع وبعدين رجع لونها الأصلي .
أعتقد كلفتي ألف ناسية بالضبط ..

يعني الليزر حل مؤقت فقط ولمدة قصيرة! والعدسات طريقتها بحك الأسنان حقيقة تخوف

الساعة الآن 10:05 AM.

صفحة 1 من 2

عرض 40 مشاركات من هذا الموضوع لكل صفحة