بعد زواج لم يدم اكثر من سنه انفصلت عن زوجتي والسبب الجماع
السلام عليكم
طبعا انتوا عارفين مشكلتي مع زوجتي وهذا الرابط للي يبي يشوف http://www.66n.com/forums/showthread.php?t=132981 جربت معاه كل الطرق حاولت جازفت ليما تمكنت بس ماوصلت للي ابيه تعبتي يمكن على كوني عنيد عمري ماشفت اللي اعند منها احسها كسرت راسي ومع هذا تحملت وقلت معلش زوجتي والمشكله اني انا وهي ننحط بساله من الاهل وهالسوال اللي ماحبه متى بتجيبون عيال مااقدرة على مرتي حتى لما ضغطت عليها عشان احاولها تتقبل فكره الجماع مااقدرة وطاحت علي مغشيه بلارض اخر شي تهاوشنا على سبب ورديتها لهلها قطر وانا رجعت للكويت ماكنت متوقع انه البنت اللي احبها ممكن تروح عني تبتعد اضيع من يدي غيري يمتلكها ترجع لبوها مثل ماخذيتها فهموا شعوري احبها هالكلمه احسها ماتوفي بحقها اعشقها لو تطلب عيوني صدقوني مابخل عليها لو يصير اقشع لها عيوني واعطيها ايها بس مشكلتي عصبي احس نفسي مااقدرت اتحمل اتم اكثر من 7 شهور بدون جماع او جنس صحيح انه مع الايام قامت اتقبلني وتضمني بس بعد ماايكفي بالنسبه لي اخر مره كلمني فيها ابوها وحاول يصل من بينا بس هي رفضت وانا ماحبيت اضغط وقالت تبي الطلاق تخيلوا ياعالم مرتي تبيني اطلقها اوكي انا فضلت انه ننفصل عن بعض تقعد عند اهلها تريح وترج لي الكويت تدرون انه ذاك اليوم اللي وصلني الخبر فيه انها تبي الطلاق احس نفسي طايح مااقدرة استوعب الخبر رحت لقطر عشان اسوي اجراءات الطلاق وهالمره كنت مصر انا من نفسي اني اطلق لانه خالص كنت معصب حيل من هالسالفه وجودها يوترني رحت قطر ورحت بيتهم وجهزت الفلوس لحقوقها الشرعي من الطلاق واللي هو كثر المهر 100,000 ريال قطري لما رحنا المحكمه مااتدرون شصار فيني انا اللي مصر اطلق مااقدرة اطلق كنت ابي الكلمه تطلع من الساني كان ودي اكسرها واقول لها انتي طالق بس مااقدر حاولوا اتحطون نفسكم مكاني احبها ومتزوجها واخر شي نتطلق قاموا يهدوني بالمحكمه يجبون لي ماي عشان مااتوتر ماقدرت اطلع كلمة طالق هالكلمه اللي حروفها قليله ماقدرت اطلعها خصوصا وانا اشوف مرتي تصيح جدامي على اصراري انا بالطلاق اكثر منها المهم كنت بموقف حيل حيل خايس وطلعت من المحكمه وانا مو مطلق وطحت مغشي علي لان صار لي 3 ايام مواصل ومو ماكل نفسيتي صارت زفت الزفت تميت بقطر اسبوع وبعدين رجعت لبلادي الكويت ابيها ياناس احبها تدرون انها بقطر تقولون جنها بالكويت احس فيها بكل مكان بالبيت اسمع صوتها ضحكتها اشتاق لبوستها لي ووايد اشياء مشتاق لها واولهم هي الحين انا اكلمها بالتلفون بس هي بقطر وانا بالكويت واذا اتكلم معاها بالتلفون كله نتكلم عن الماضي ليش انت سويت جذي وليش انت قلت جذي وليش وليش وليش ؟؟ حاليا انا طالع على مصر شهر 8/8 بس ودي انها تجي معاي واراضيها حد يعطيني فكره حل شي رومنسي انصح كل بنت بتقعد اتدلع على ريلها بسالفه الجماع صدقوني السالفه بتوصل لطلاق مثلي حبيت احط موضوعي عشان الكل يستفيد منه ويساعدني وشاكر لاي حد يقدم لي المساعده |
صدقني ياخوي حاسه فيك لازم تصبر وحاول تتكلم معاها وتفهم ليش تسوي معاك كذا بس انت شلون بتطلقها وتبيها تروح معاك مصر على العموم الله يهديها ومصر مافي احلى منها بتستانسون فيها وايد
|
اخوي اسمح لي بس انت غلطان كيف تخليها 7 شهور !!!!!!!!!!! صدقني كل مازادت المده كل ما زاد الضغط النفسي معها انا قعدت 7 ايام انجن فيها زوجي وعصب لحد ما تم الموضوع وضاع شهر العسل بس هواش الموضوع مو سهل عليها واكيد فيه احد مخوفها من الجماع ( انا صار فيني كذا ) حاول تاخذها معاك بالسفره وخليها تشرب شي مهدي ( لبن - يانسون ) وان شاء الله تمشي اموركم بسلامه |
×.. السلام عليكم ..×
و الله قصتك كسرت لي قلبي عنجد ... الله يهديها و يوفقكم و إن شاء الله ترجعوا لبعض و تقدر تصالحها ... وفقكم الرحمن ... Salam حورية لبنان |
اقتباس:
احاول بس ابي اوديها معاي مصر خصواصا ان موعد السفر قرب يعني ودي تكون قريبه مني ماابطلقها هونت انا كنت ناوي اطلقها بس قلبي ماطاوعني ولساني ثقل علي ياريت تقريت الموضوع عدل:) اي مصر ماافي احلى منها مشكوره على المرور نورتي |
اقتباس:
مااحب اضغط على المواحد طبعي جذي معني عصبي بس ووايد استحملتها لانها ماتهون علي يمكن ليش لا ياختي هاي اللي مخوفها من الجماع وهقنا بحاول بس ابي طريقه شلون افتحها اشلون اكلمها لبن اعرفه بس يانسون مااعرفه بصراحه :23: ان شاء الله مشكوره اختي على ابداء رايج نورتي |
اقتباس:
وانا بعد قلبي معورني :) ان شاء الله يارب مشكوره على المرور والدعوه ووايد فرحتني |
اخوي كلمها وقول لها انك تبي تاخذها بشهر عسل جديد وكانكم تزوجتو امس وانسي الماضي ولا تخططون وش بيصير بالسفره خليها تجي تلقائيه وانت انسى كل شي وكون حازم ( نوعا ما من غير شده ) وكانك تزوجتها اليوم وان شاء الله تتيسر امورك واليانسون عشبه نعطيها للاطفال او الكبار تهدئ الاعصاب اسال الوالده عنها اكيد تعرفها ولا تنسى تبشرنا اذا تسهلت اموركم ،،، بالتوفيق |
اخي الكريم جاسم والله إني حزينه على قصتك
أخي حاول تسألها عن سبب رفضها ... وديها لدكتورة نساء تشوف يمكن تعطيها مهدئ للمنطقه ...ممكن مرهم شئ البنت خايفه من الجماع أكيد أحد خوفها ورعبها منه وطالما ماهي مسحوره ولاشئ ليش ترفض وياليت ياأخي تكلم أمها عن كل شئ لأن كل أم قريبه من قلب بنتها فبكلامها معها قد تقنعها بالجماع وتقولها شوفي أنا تزوجت أبوكي وجبتك إنتي وأخواتك ودي سنة الحياه وكل الناس كدا الله يوفقك ويسعدك ويرد لك زوجتك حبيبة قلبك |
اقتباس:
فكره بقول لها اوكي بنسى الشده اها اول مره اسمع فيها اليانسون اها بسال الوالده ان شاء الله ولا يهمج من يستوي الخبر بين يدي ببشرج فيه مشكوره على المساعده والفكره الحلوه نورتي ولاتحرمينا من مشاركاتج |
الساعة الآن 12:54 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©