اكره اشوف نفسي بالمرايا
السلام عليكم
أسعد الله اوقاتكم بالرضا والمسرات اتمنى من كل قلبي تساعدوني لإني كل ماأشوف نفسي بالمرايا تخنقني العبره على نفسي المشكله ومافيها ان لي 9 شهور والده وبفترة الحمل والنفاس وبعد النفاس وللأسف إلى الأن وأنا امر بظروف أكثر من صعبه ونفسيتي مره تعبانه وهالشي أثر على شعري وصار يطيح بشكل مو طبيعي مابقى فيني شعر ابد فكرت اجرب حبوب الفيتامين لكنها تسمن وماودي يخرب جسمي وبالنسبه للزيت احس اني إذا حطيته يطيح شعري اكثر ابي شي احطه على الفروه والجذور مو بس الأطراف بالله عليكم ساعدوني بشي انتم مجربينه بأنفسكم وابي رايكم بالسدر والثوم لإني هالفتره بعيده عن زوجي ومايهمني شي وهل تتوقعون حبوب منع الحمل تأثر علي ؟ |
الكثيرا تكثر الشعر بس يبي لها استمرار وصبر
والثوم حطيته مرة وحدة بس جلست الريحة فيني 3شهور ما راحت والمصيبة أجواءنا الحارة فكانت تفوووح الرائحة بقوة |
شعري كان يتساقط بشكل فضيع
جربت شامبو ميتال الاندوسي مرره كويس بس مشكلته ينشف الشعر يعني لازم تزيتين شعرك قبل ماتغسليه اما الثوم نصيحه لاتجربينه لا ريحته ماتروح بشهر ولا شهرين حطيته مره وتوبه احطه على شعري مرهـ ثانيه |
حبيبتي كل الزيوت .. والخلطات .. الي تستخدمينها تزيد تسقط شعرك أكثر..
الله يهديك المفروض تراجعين طبيب معروف.. أنت من وين .. بعدين أنت زي حالتك يبغالك أبر الميزوثيرابي ( Mesotherapy ) عشان تقوي بصيلات شعرك.. بس لازم عند دكتور معروف وشاطر.. والله يشفيك .. |
روحي لدكتور أفضل ،، لا تاخذين على تجارب احد يمكن عندك مشكلة بالهرمونات
موفقه خيتووو |
وهل تتوقعون حبوب منع الحمل تأثر علي ؟
أنا رأيي في هذا السؤال .. حبوب منع الحمل تسمن وتغير في هرمونات الجسم فمن الممكن ياغاليه انه سبب في تساقط شعرك .. اذهبي الى طبيب جلديه وان شاءلله حيسااعدك يا أختي دمتي بووود =) |
اذهبى الى دكتوره افضل لكى
وانا عندى دكتوره ممتازه بس انتى وين مكانك |
انا مع الاخوات لازم تروحين اخصائية جلدية وبالنسبة للسدر والثوم انا جربته روووعه للشعر ومافي ريحة نهائيا
لانه مطبوخ وطريقته ( تجيبين 2 فص ثوم وتقطعينهن قطعتين وبصلة تقطعينه ارباع وتطبخينهن بموية الي تكفي شعرك وتخلين الماء يغلي لحد مايصير اصفر وتخلينه يبرد وتصفينه طبعا بعدين جيبي اناء وحطي فيه سدر الكمية الي تكفي شعرك وحطي معه شوي زيت خروع وشوي زيت زيتون واعجينيهن بماء الثوم والبصل وحطيه على شعرك وخليه 5ساعات تقريبا بعدين اغسليه بماء فقط ومن بكرى حطي عليه زيت الي يناسب شعرك واغسليه بشامبو ) وترى الخلطة حلوة للتساقط بس انصحك روحي للاخصائية تاكدي من سبب التساقط الله يسهل امرك |
الله لا يخليني منكم اسعدني وشرفني تواجدكم والله
اللي تسئل انا وين ساكنه انا بالرياض واللي تعرف دكتورة شاطرة بالعسكري او بالقوى الأمن تدلني او عند دكتورة شاطره تكون هي مجربتها بمركز خاص لكم دعواتي |
قلبي اذا نفسيتك مره تعبانه اشربي قهوه شعير ترا تهدي الاعصاب وتخفض الادرينالين في الجسم وهذا هدي نبوي كان سيدنا محمد صلى الله عليه وسلم اذا مرض انسان كان يامر بالتلبينه الي هي حساء الشعير< وقهوه الشعير فيها نفس المفعول لو اشرحلكم راح يطول الحديث عن فوائد الشعير لكن الي تعاني من مشكله نفسيه والا بدنيه تشربها وراح تدعيلي < الله يجملنا قولو امين >
|
الساعة الآن 10:14 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©