علاقات زوجي المستمره رغم انني عروس
 

السلام عليكم ورحمة الله و بركاته
اتمنى ان الجميع بأفضل حال
عندي مشكله و احتاج الى رأي حكيم يساعدي حتى ما أخسر زوجي و احافظ على حياتي
انا عمري 23 و زوجي 26 اتزوجت من 5 شهور
زوجي الحمدلله حنون و طيب القلب جدا
ولكن اكتشفت ان عنده جوال بالسر وعنده اكثر من علاقه مع بنات كثير من قبل الزواج وما زالت
واجهته مره بالجوال و انكر
و يسهر برى كثييير و يتركني مع اننا لسى نعتبر عرسان جدد
مع انه دايم يعترف لي بحبه لكن ابي اعرف ليش يسوي كذا ! واحيان احس انه يكذب علي عشان بس اسكت عن سهراته برى !
تخيلوا بسهر برى ولا يرجع الا بعد الفجر لي تقريبا اسبوعين حتى طلعات ما اطلع وهو بس برى
كمان لسى ما استقرينا في بيت وانا عايشه بغرفه مع اهله جدددا تعبت من الوضع
وانا سبق و شفت في قائمة الاسماء عنده القاب مبين انهم بنات وكمان شفت رساله من بنت تسأله ( وينك حبيبي ) fhfh
وكمان مستحيل يتركني امسك جواله !
الحين ابي اخذ رايكم كيف اخليه يجلس في البيت ويقضي وقت معاي مثل الوقت اللي قاعد يضيع برى مع اصدقاءه وسهراته ! يعني اذا الحين كذا كيف اذا صار لنا سنين متزوجين :/
اواجهه في الرساله اللي شفت والاسماء ولا ايش مفروض اسوي ؟
اصحابه مررره سيئين حسب اللي ينقله لي عنهم بس يقول انه هو ما يسوي اللي يسوونه ! وهم اقاربه بنفس الوقت
صلاته كمان يجمعها وما يصليها بوقتها كيف اخليه يحافظ عليها ؟
سبق وعاتبته بسهراته برى و يتحجج بان ماعندنا بيت وهذا اللي يخليه يسهر برى
وانا احبه ومرره ما ابي نخسر حياتنا :'(

رد : علاقات زوجي المستمره رغم انني عروس
 

احذري المواجهة الآن

رد : علاقات زوجي المستمره رغم انني عروس
 

أختي شباب هذا الجيل الله يعيننا عليهم حاولي تناقشيه الموضوع هدديه إذا ما صلح نفسه ستتركيه و أظن أخطأتي وقت لقيتي هاتف سري و ما وقفتيه عند حده أكثري التهديد مشان يوعى على حاله شكله زودها حرمك من أحلى أيامك فلا تسكتي على حقك راح تتطور علاقاته ويصبح ينام مع النسوة برا البيت إذا شافك ساكتة

رد : علاقات زوجي المستمره رغم انني عروس
 

لاتواجهيه بخيانته وكل شي تحصليه احتفظي فيه عندك
مثلا صوري الشاشه وارسليها لجوالك أو أي جوال مضمون لك
عشان يكون لك دليل اذا واجهتيه ولاتنسي تمسحي اللي صورتيه
الوقت الحالي اهتمي في نفسك كثير وحاولي تجذبيه وتوفري سبل الراحه له في البيت واحرصي على صلاته انصحيه وادعي له دايم ولاتنسي الأسلوب له دور انصحيه بحب الله يسخره لك ويهديه

رد : علاقات زوجي المستمره رغم انني عروس
 

انتبهي تحملين منه حاليا واخذي دليل على كل شيء يسويه حتى يكون عندك حجه لو قدر الله وصار شي

رد : علاقات زوجي المستمره رغم انني عروس
 

رد : علاقات زوجي المستمره رغم انني عروس
 

حبوب منع الحمل احرصي عليها !!!!!

صارحية من ناحية سهره وكثرة خروجة اما موضوع انك شاكه فيه اجليها لين تمسكين دليل قاااااطع واحتفظي فيه ولك الخيار بعدها ..

رد : علاقات زوجي المستمره رغم انني عروس
 

لازم تاخذي موقف حازم من ناحيه السهر
انا زوجي مثل زوجك ولي خمس سنوات متزوجه ويسهر للفجر
بسبب اني ماتخذت موقف من البدايه

رد : علاقات زوجي المستمره رغم انني عروس
 

اشكر كل اللي ردوا الله يوفقكم و يسعدكم
انا كمان حاسه افضل ما اواجهه الان واصبر لين البيت الجديد هل بيتغير او لا
بحثت عن الصلاه وتاخيرها وكتبت له رساله عن الصلاه باسلوب لطيف
وبالنسبه للحبوب هو مررره يبي اطفال وحالف علي ما اكل الحبوب ولي شهرين موقفتهم
:/