|
طبق فزورتنا 3 .. كيكة البيتي كروكر بطريقة جديدة
السلام عليكم ورحمه الله وبركاته [img]http://im40.***********/tA169.jpg[/img] كيك بيتي كروكر .. لذيييذة جدا جدا .. طبعا جهزتها بمناسبة نجاح بناتي :14: المكونات جاهزة لكن حبيت اشارككم بطريقة التجهيز نحتاج كيك كروكر بنكهتين بروان و نكهة الرد فلفلت وكريمتك المفضلة ملاحظة : تقدري تجهزي اي كيكة تفضلي لكن المهم تكون بنكهتين ولونين مختلفيين عملت خليط بيتي كروكر براوني ... حطيت في قالب نص الكمية وخليته بالفرن لين صار نص سوا .. السبب عشان بس يتماسك شوي وأقدر أحط عليه الطبقة الثانية وهي خليط كيكة الرد فلفت من غير ماتختلط الطبقتين .. وأرد أحطه بالفرن وهالمرة أشغل الفرن بس من فوق عشان طبقة البراوني السفلية ماتحترق لأنها أصلا نص سوا .. لما يستوي الكيك نطلعه ونخليه يبرد نقلبه ونزينه بكريمة بيضا .. وسلامتكم :14: وهذي صورة جانبية ان شاء الله تعجبكم [img]http://im40.***********/bdSPy.jpg[/img] وهذا طبق للغاليين http://www.66n.com/forums/images/icons/tongue3.gif [img]http://im40.***********/YiiNB.jpg[/img] ان شاء الله عجبتكم واتمنى اشوف تطبيقكم |
رد : مسابقة فزورتنا 3 .. كيكة البيتي كروكر بطريقة جديدة
ما شاء الله يا الغالية من يوم يومك مبدعة
ما قصرتي عجبتني كثير وان شاء الله اجربها في يوم من الايام وساعة من الزمان لكن بكيكتي العادية :d كل الشكر لمشاركتك معنا لا حُرمتي الاجر |
رد : مسابقة فزورتنا 3 .. كيكة البيتي كروكر بطريقة جديدة
ماشاءالله ايش هذا الابداع تبارك الرحمن تسلم يدك ام الدانة شكله جداااا مغري..ومبارك لبنوتاتك الله يفرحك فيهم اكثر واكثر
|
رد : مسابقة فزورتنا 3 .. كيكة البيتي كروكر بطريقة جديدة
شو هالفن ❤️
تسلم الايادي والله .. والله يخلي لك سنيوراتك الحلوات .. وعقبال ما يسووا لك كيكتهم . |
رد : مسابقة فزورتنا 3 .. كيكة البيتي كروكر بطريقة جديدة
الله روعة
تسلم الايادي |
رد : مسابقة فزورتنا 3 .. كيكة البيتي كروكر بطريقة جديدة
ماشاء الله
عاشت يدك أم الدانه مرررره روعه بالعافيه عليك |
رد : طبق فزورتنا 3 .. كيكة البيتي كروكر بطريقة جديدة
ماشاء الله ابدااع
شكلها يفتح النفس حتى للشبعان |
رد : طبق فزورتنا 3 .. كيكة البيتي كروكر بطريقة جديدة
من جد تفتح النفس ماشاء الله وباين عليها لذيييييذه الا أكيد لذيذه دامها من يدك الله يعطيك العافيه
بس الرد فيلفت الجاهز عجزت أدورها عندنا |
رد : مسابقة فزورتنا 3 .. كيكة البيتي كروكر بطريقة جديدة
اقتباس:
بالعكس دودو جربيها مع الرد فيلفت لها نكهة خاااصة ولذيذه جداً بس عاد لو حصلتيه عندكم :d |
رد : طبق فزورتنا 3 .. كيكة البيتي كروكر بطريقة جديدة
وعليكم السلام ورحمة الله وبركاته ..
ماشاء الله تبارك الله ، شكلها جمييل جداً .. ومع القهوة طعمها غير لكن بدون كريمة يمي .. سلمتْ يمنيكِ ياأم الدانة الحبيبة .. |
| الساعة الآن 04:52 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©