استفسار من صديقتي بخصوص المدارس العالميه
هذي استشاره من صديقتي وياريت تساعدونها
ــــــــــــــــــــــــــــــــــــــــــــــــــ ـــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ انا بنتي تدرس في مدرسه داره السلام العالميه والمدرسه خاصه للاجانب وهي مدرسه هنديه بس اسعرهم مره حلوه الترم بالفين وميتين والابتدائي الترم باربع الاف اسعار رائعه جدا انا سجلت بنتي فيها لان عيال جارتي يدرسون فيها معهم جنسيه امريكيه عشان كذا قبلوهم وبنتي قبلوها لانها في التمهيدي اما الابتدائي لازم ورقه من الوزاره الحين بنتي عمرها ست سنين ووخمس شهور المفروض تدخل اولى السنه هذي http://forum-static.hawaaworld.com/i...s1/smile27.gif لو كانت في الحكومي بس زوجي الا يبيها تتعلم انجليزي انا قلت مو مشكله سنه تفوتها ماتضر اهم شي تتعلم انجليزي طبعا هم دواماتهم غير الحين المدارس السعوديه توهم بادين الترم الاول ومدرسه بنتي توهم بادين الترم الثاني وزوجي اليوم سدد رسوم المدرسه وقالي ترا السنه الجايه بندخلها حكومي عاد انا ضاق صدري قلت دامك ناوي تدخلها حكومي كان مادفعت الرسوم وضيعت على البنت سنه على الفاضي كان خليناها تدرس في الحكومي ولا تضيع سنه على الفاضي انا مقهوره ودي بنتي تستمر في المدرسه هذي لانها جدا ممتازه ومنهجهم مره قوي ومرتبين ونظامهم حلو ومهتمين في الاطال بشكل كبير وطريقه تدريسهم رائعه صح مدرسه هندي بس والله اغلب الهنود عباقره حتى بنتي كل يوم تتعلم سلوك حلو تعرفون الاجانب وطريقه تربيتهم منظمين ومحترمين عاد انا بسالكم هل ممكن بنتي تستمر في الدراسه في المرحله الابتدائيه وممكن يعطونا ورقه لها ولا لا لاني مقهوره اا ماراح تدرس عندهم ابتدائي حرام اضيع سنه من عمرها بدون فايده والمدارس الثانيه غاليه لان اختها السنه الجايه بتدرس وبندخلهم مع بعض عشان كذا نفسي بهذي المدرسه لانها رخيصه وتعليمهم قوي جدا وعاجبني وما اقدر على المدارس الغاليه والي عندها مدرسه عالميه اسعارها معقوله لا تبخل علي وتقولي تكاليفها مع المواصلات وياريت تكون في شمال الرياض حي الغدير او الصحافه ياريت ماتطولون عليها في الرد لانها كلمتني وهي تبكي ومقهوره على بنتها |
بصراحه ما اعرف في المدارس بس حرام تضيع سنه على بنتها عشان اللغه ومثل ما قالت من هنود يعني اساسا نطقهم للانجلش غير ؟ وبما انها في الرياض يا كثر الأمريكيات اللي يجون في البيوت يدرسون اللغه ... اقترحي عليها تدخل بنتها تحفيظ القرآن صدقيني يوسع مدارك الطفل واللغه ما راح تضيع تجيب لها امريكيه في البيت و انتهى الموضوع ...
|
شكرا للرد وانتظر البقيه
|
وينكم تكفون لا تبخلون علينا بنصايحكم
|
خلاص يا اختي مو لازم ورقة من الوزارة زمان صح كان لازم بس اللي اعرفه الآن لا
وطالما بدأت معاهم الأفضل تكمل عندهم بس لفت انتباهي كلامك معقوله السلام افضل من الفيصل ؟ |
الترم الول طلبون منها ورقه بس لما سجلوها تمهيدي قالو مولازم بس لما تطل اولى لازم ورقه عاد مانعرف كيف طرقه الورقه هل بسهوله ولا بصعوبه
بالنسبه لمدارس الفيصل سالت صديقتي تقول ماتعرفها بس هي حكت تجربتها مع بنتها ومع عيال جارتها وكثير عاجبتها من ناحيه التدرس والمنهج والنظام والاهتمام بالطالب |
لا اله الا الله
|
الله يوفق بنتها وفعلا اللغه مهمه جدا بس للاسف ماعندي معلومات لان عيالي لسى مادرسو عاد ياليت احد يجاوب على تساؤلاتك عشان الكل يستفيد
|
أختي كيف بنتك في العربي ؟ في الأحرف والقراءة ؟ هل تقرأ بطلاقتها في الانجليزي ؟ كنت أفكر أدخل ولدي فيها بس الأغلبية نصحوني بـ لا :( لأنه يقولوا يؤثر على لغته العربية وطلاقته فيها .. أنا دخلته مدرسة خاصة بس عربية مو عالمية يدرسونه الانجليزي على خفيف .. ياليت تفيديني في أسئلتي .. وبالنسبة للورقة أنا سمعت أنه زمان المسألة معقده بس الحين سهله اسأليهم الورقة من فين وتابعي معاهم .. |
بالنسبه لصديقتي بنتها لسى تتعلم الاحرف والارقام وبعض الكلمات لسى على الكتابه
والعربي يدرسونهم في اولى والبنت السنه هذي تمهيدي السنه الجايه ان شاء الله تطلع اولى اما عيال جاره صديقتي هم درسو وعاشو في امريكا ودخلتهم المدرسه هذي عشان يتعلمو عربي مع الانجليزي وكانو مايعرفو شي في العربي ولدها الكبير اول مادخل المدرسه عمره 10 سنوات والان 11 سنه والحمد الله تعلم العربي لانهم يعلمونهم عربي وقران حتى امهم كانت شايله هم انو عيالها مايتعلمو عربي بسرعه هم بيتكلمو عربي ممتاز بس مايعرفو يقرو ولا يكتبو عربي والان ماشاء الله تحسنو كثير في العربي هذا يدل ان المدرسه تهتم في اللغه العربيه والقران ولكن المنهج كله من رياضيات وعلوم وتاريخ وجغرافيا كله انجليزي |
الساعة الآن 12:13 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©