محتاجه طريقه مضبوطه ل (بان كيك)
 

المقادير ::

250 غرام دقيق ابيض
2/11 ملعقة صغيرة بيكنج بودره
ذرة ملح
3 ملاعق كبيرة سكر
3 بيضات كبيرة
450 مل حليب كامل الدسم
4 ملاعق كبيرة زبدة سائحة

زيت للقلي


الطريقة ::

انخلي الدقيق والبكنج بودره
اضيفي الملح والسكر واخلطيه

اضربي البيض والحليب والزبده

أعملي حفرة في وسط الدقيق ويضاف الحليب بالبيض واخلطي الخليط بملعقة خشبية
الى ان تتكون عجينة سائلة نوعا ما

غطي الخليط ثم ضعيه في الثلاجة لمدة نصف ساعة ( هذا سيسمح للخلطة ان يثخن )

ضعي طنجرة تيفال على النار وضعي فيها ملعقة زيت ( لا تكثري )
ضعي ملعقة من الخليط في الطنجرة ( لاحظي سمك العجينة ، اذا سالت معك العجينة اضيفي
اليها قليل من الدقيق الى ان تصبح السمك المطلوب )

اذا ظهرت الفقعات على الوجه فقلبيها
وهكذا الى ان ننتهي من الكمية

وبالعافية عليكم


اختي هذه الطريقه انا مجربتها ومره حللوه

الله يعطيك العافيه اختي على الرد وجزاك الله كل خير

مع اني ما احب حكايات الغرامات والمل في القياس لاني ماعرف لها احب بعدد الاكواب

هلا حبيبتي
انا عندي طريقة بان كيك تجننننن اكيد بعد ما تجربينها بتعجبك و على ضمانتي
انا بالصراحه من اول ما جربتها صار ما يعجبني مال المطاعم او اي بان كيك لأي احد
المهم اعطيك المقادير تكفي لشخصين بس لإني قاسمتها بالنص اذا تبين دبلي المقدار

1 كوب طحين
ثلاث ارباع كوب حليب بارد
بيضه
1 ملعقه كبيره باكينج باودر
ربع كوب سكر
ذرة ملح
ربع كوب زيت

و تخلطينهم مع بعض و يطلع لك احلى بان كيك جربي و ادعي لي

تحياتي

ام المهدي كملي حبيبتي وبعدين وش نسوي ؟؟؟؟؟

كم نحطها في الفرن؟؟؟ والحليب سايل؟؟؟؟ ووش النوع اللي تستعملينه ؟؟؟

انتظرك

ان شاء الله يا عمري و لا يهمك ما طلبتي شيء

الحليب يكون سائل اي نوع حتى لو طازج او بودره
طبعاً لمن تخلطينهم عدل بتطلع لك عجينه سائله شوي مو مثل عجاين الفطاير لاااااا
تكون سائله بس كثيفه في نفس الوقت

المهم هو ما ينحط في الفرن بس تمسحين مقلاه تيفال بالزيت (بس مسح بالكلينكس)
و تسخنينه على نار متوسطه
و لمن يسخن تاخذين بالمغرفه كل شوي من العجينه و تحطينه على المقلاه راح يكون بشكل دائره
و لمن تطلع الفقاقيع في سطح البان كيكه (حلوه دي ههههههه) تقلبينها و تكررين العمليه لين ما تخلص الكميه

طبعاً اذا كان المقلاه كبيره تقدرين تحطين اكثر من وحده في نفس الوقت و انتبهي لإنه بسرعه يتسوي مهم انه ما يحترق او يتحمر بزياده

اتمنى يكون الشرح كاااااافي و اذا عندك اي سؤال من عيوني ياغاليه اجاوبه

تحياتي

ياعيني عليك يا ام المهدي

وكميه تكفي لشخصين كأنك عارفه اني ابغاها لشخصين وخايفه من المقدار الكبير لايزيد

الله يعطيك العافيه وان شالله بكره اجربها

بس عندي سؤال صغييييييير : اخلطها واسويها على طول والا اتركها شوي تخمر

ياليت تجاوبيني

ولـــــو حبيبتي لإني متعقده من هذي السالفه (المقادير) حطيتها كذا
و توقعت انك ما تبين كميه كبيره و احنا في الخدمه يا غاليه

ع العموم ماتتخمر على طول تسوينها
بس بعد تقدرين تخلطينها و تسوينها بعدين اذا كنتي مشغوله
يعني سالفة التخمير مو مهمه ابداً اعمليها على طول

اتمنى تعجبك حبيبتي
وانا حااااااااظره

الله يعطيك الف عافيه على الرد
وجزاك الله كل خير

بسم الله الرحمن الرحيم


اختي الغاليه

اتمني ان تكوني بافضل صحة و حال و ان شاء الله يثبت حملك و يرزقك بما تتمنين ... آمين يا رب


افتحي غاليتي هذه الروابط و ان شاء الله تجدي طلبك

http://www.66n.com/forums/showthread...C7%E1%C8%C7%E4

http://www.66n.com/forums/showthread...C7%E1%C8%C7%E4

http://www.66n.com/forums/showthread...C7%E1%C8%C7%E4

تحياتي