|
محتاجة وصفات فطور
السلام عليكم ورحمه الله وبركاته
اخواتي الكريمات محتاجة منكم اقتراحات و وصفات لعمل فطور اكيد الفطور مناسب للعائلة يعني يكون سريع وسهل والاهم صحي ومفيد وووووو :d:d:d:d:d لا الصج محتاجة اكلات للفطور خصوصا الي تكون مناسبة للاطفال لان بناتي عجزت وماكانوا ياكلوا شي فقلت مالي الا اخواتي يساعدوني انتظر منكم اقتراحاتكم ومساعدتكم لي شكرا لكم مقدماااااااااا |
رد : محتاجة وصفات فطور
وعليكم السلام ورحمة الله وبركاته بالحبيبة دودوي ..
كم أعمار بناتكِ ؟! الأطفال بطبيعتهم يحب الأكل الذي به زينة مثلاً ..لاأعلم ماذا أصف لو كانت أعمارهم يأكلوا كل شيء .. قطعي التوست من الوسط وضعيه البيضة في التسخين ..مع كاسة حليب لكن شكولاتة قليل ضعي كي لاتذهب فائدة الحليب .. هكذا بالمعنى أفعلي معاهم مظهر جميل ..مثل الطُعم من أجل أن يأكلوا .. كنت سأكتب لكن لاأعرف أعمارهم ’’ الله يحفظهم لكِ ويجبر قلبكِ بما يسعده .. |
رد : محتاجة وصفات فطور
مرحبا دندونه واخيرا وجدت لك موضوعا
كيف حالهم فراشاتك ربي يحفظهم ويسعدهم ماشاء الله عليهم اذا لهم متابعة للاعلانات وفي الصور هو اللي بيحبوا وقدميه يعني مثلا الحليب اممم شوفي مع ايش مطلعين له مثلا زي زمان كان داناوا صح خبرة قديمة بس اردت اقرب لك اممم كمان يحبوا الفطاير اللي بتعمليها على ما ذكر |
رد : محتاجة وصفات فطور
هلا حبيبتي دوندرمه
بودي لو أنزلك الصور للأفكار لإنه اشوفها بالإنستغرام صحن مقطع فيه خيار دوائر وطماطم وتحته خس مفروم وعلى جمب بيض مسلوق تقطعيه دوائر برضو وشوية زيتووون فيه حركات جدااا جميلة بالتوست إنه مثلا تسويها على شكل وجوه ضاحكة سهلة وماتحتاج وقت وفيه برضوو شغلة آكلها وصحية جدااا توست عليها زبدة الفول السوداني وأحط عليها موووز تعطي طاقة رهيبة وصحية ومشبعه |
رد : محتاجة وصفات فطور
ربي يخليهم ويحفظهم العسولااات
بعض الافكار الي ممكن تنفع ( ولو اني عارفة انها قديمه ههه بس للتذكير) فرينش توست .. عيالي يحبوووه ال موسلي من الدي ام وبكل مكان ينباع كمان مفيد وبيحبوه بالعادة فتة خبز ... خبز عربي فتيه في وعا عالنار وحطي معاه حليب وشوية زبده وبيض وملح وفلفل اسلقي لهم من البيض الملون بيحبو شكله الاولاد الحليب حطي معاه فراولة او شوكولاته عشان يشربوه اذا مايحبوه لحاله او مع ملعقة عسل اعملي لهم بيتزا التوست فطاير جبنة ونقانق اعملي كمية وحطيها بالثلاجة وكوني سخني منهم طبعا ساندويتشات ونوعي بالحشوة بس اعمليه بالشواية بيطلع طعمه اروع جبنة شدر ،، جبنة دهن ..جام .. بيض .. تونة ومايونيز .. بيض مسلوق ومايونيز اذا تذكرت شي برجع |
رد : محتاجة وصفات فطور
اخواتي ... ربي ما يحرمني منك
ولا يحرمكم الاجر جزاكم الله كل خير .... ما قصرتوا اولا اعذروني داخله سرقه على السريع ومضطرة اليومين القادمين اغيب عنكم عندي ضيوف ... وتعرفوا الحال بناتي ... يا اخواتي صغار بالعمر ان شاءالله نهاية الشهر يكملوا الثلاث سنين وللاسف كانوا يكملوا اي شي اقدمه لهم لكن من فترة بطلوا وكل الوجبات ما عادوا يتقبلوها ... قل اكلهم لحد الصيام طول اليوم وللعصر ممكن ياكلوا بطاطا مقليه او كيك وشويه عصير المشكلة الحالية ان وزنهم نقص خصوصا بعد مرضهم الفترة الاخيرة وما عادوا يتقبلوا شي ... لازم اجبرهم حتى ياكلوا شوي افكاركم حلوة لا خلا ولاعدم وكنت اطبق منها شوي .... لكنهم ما تفرق معهم يلعبوا بالاكل لكن ما ياكلوا شي ملاحظة (( شكلي راح اعدل الموضوع واخليه لكل الوجبات :d. )) ان شاءالله لما ارجع بتشوف بالرد على كل. مشاركاتكم فاعذروني وفي انتظار المزيد :d:d:d |
رد : محتاجة وصفات فطور
رغد
حبيبتي الف شكر لك ... ربي ما يشغل لك بال حبيبتي اثلج صدري على كلماتك الحلوة (( التوقيع )) اسفة جدا اني شغلتك واعتذر من كل شخص شغل باله على بناتي الحمدالله والشكر له هذا حال الأطفال في هالوقت من السنة :d للاسف جاهم فايروس بالمعدة مع كريب والحال حال لكن الحمدالله خلصنا من الفايروس والان مشغولين بالكحة والكريب :29::29: وعلى الله .... بناتي ماعندهم مناعة والجو ما يساعد والحمدالله حكيت حكاية حياتي هههههه شكرا لك على طيبة قلبك و اهتمامك لا حرمتي من الاجر |
رد : محتاجة وصفات فطور
أهلين دودو
ربي يحفظ بناتك يإرب دودو عجبني موضوع للأخت فاكهة الشتاء فطور صحي لاابو الشباب شكله حلو وبيشهي و لاتنسين تعطين بناتك زبادي. أنا بنتي الله يصلحها ماتاكل شهيتها ضعيفه وصرت أنا أكلها بيدي لين تشبع. عمرها 11الحمدلله صارت صحتها أحسن من أول. |
رد : محتاجة وصفات فطور
عادي حبيبتي أغلب الأطفال بعد المرض تخف شهيتهم لأنه خلال المرض ما ياكلوا فتصغر معدتهم
أشوف السندويشات لما تنحط بالشواية تصير لا تقاوم وكل الوصفات اللي ذكروها الأخوات مفيدة أضيفي لها المكون السحري العجيب اللي يخلي كل الأطفال ياكلوا :d حطي الأكل وكأنه لك أنتِ ولا تناديهم ولا تعزمي عليهم لكن احرصي تتواجدي بالمكان اللي هم جالسين فيه وابدي كلي شوي شوي بتلذذ .. بتلاقيهم تجمعوا حواليكي وصاروا يطلبوا .. ولما يطلبوا لا تصيري ملهوفه وتعطيهم بسرعه ..خليكي طبيعية وكأنه الأمر ما يعنيكي وأعطيهم بهدوء |
رد : محتاجة وصفات فطور
لا عادي دندونه أهم شيء ندعي ربي يحفظهم ويخليهم لك
صح ليش ما تسأليهم ماما شو نعمل ؟ والا تعالي ماما نسوي مع بعض وخلها تسوي اي شيء لو تجيب موية ويلا انتي سويته لذيذ يلا ناكلها |
| الساعة الآن 06:37 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©