|
سؤال عن العقال ؟
العقال يعتبره كثير من الرجال زينه وتميز وهناك فئه من الشباب يرون الهيبه والوقار في لبس الشماغ بدون عقال وسؤال هو:ما مدى تقبلك للشاب اذا كان في لبس جميل ونظيف ومرتب ولكنه يلبس الشماغ بلا عقال ؟ وهل ممكن ان يكون هناك جمال في المضهر بدون لبس العقال ...؟ آمل المشاركه من الرجال والنساء خاصه:22:
|
ينتقل لعالم الرجل
بوركتم |
ما مدى تقبلك للشاب اذا كان في لبس جميل ونظيف ومرتب ولكنه يلبس الشماغ بلا عقال
بقول لو لابس عقال كان أحلى وهل ممكن ان يكون هناك جمال في المضهر بدون لبس العقال ايه ممكن بس موكثير |
فعلا الرجل بعقال ارتب
|
بالعقال احلى بكثييييييير
|
أنا بصراحة
أحترت فيه ناس يقولون ألبس عقال أشوف العقال عليك زين وفيه ناس يقولون تعودنا عليك بدون عقال كثير وأنت بدون عقال أزين وصرت مرة كذا ومرة كذا حتى أرضي الطرفين :d |
اخي الكريم
العقال اجمل ويعتمد على ما تعود عليه الناس من الرجل تحياتي |
ما مدى تقبلك للشاب اذا كان في لبس جميل ونظيف ومرتب ولكنه يلبس الشماغ بلا عقال ؟ قصدك (بنت البكار ):d الموضوع عادي جداً وبالعكس كثير اعرفهم شخصيات:18: وبدون مايلبسون عقال :26: وهل ممكن ان يكون هناك جمال في المضهر بدون لبس العقال نعم ممكن يكون . لاكن الافضل لبس العقال لأنه وكما ذكرت يرمز للهيبه والوقار شكراً لك على هذا الموضوع تحياتي ,,, |
أهلا وسهلاً بالتهامي،
أتقبل الجميع ولله الحمد، سواءً أكان بشماغ وعقال، أم بشماغ بدون عقال، أم كان بدون شماغ ولاعقال، ولو كان لابساً بنطالاً وقميصاً. والحقُّ أنني أرى الهيبة والوقار في لبس الشماغ بدون عقال، فهكذا أرى علماءنا الأجلاء حفظهم الله. أما بخصوص سؤالك عن جمال المظهر بدون لبس العقال، فلستُ أربط بين جمال المظهر ولبس العقال، بل لا أربط بين جمال المظهر ولبس الشماغ كلية. وأنا ممن لايلبسون لا هذا ولاذاك، اللهم في الأفراح ومناسبات العزاء. جُبلتُ على استحسان منظر الرجل ذي الجسم الممشوق الممدود والأكتاف العريضة والبنطال والقميص الكلاسيكي دون ابتذال أو تهتّك. وإن كان ثمة غطاءٌ للرأس يستهويني، فالعمائم تيجان العرب، وهي أجمل زينة للرجال. كل ماذكرتُه محض آراء شخصيةٍ، ليس إلا. بارك الله فيك، عبدالله،،، |
بالعقال أرتب وأجمل ,,,
مع العلم أن العقال يثبت الشماغ أما من دونه يطير الشماغ ويسبب قلق. |
والله فيه ناس بعقال احلى وفي ناس العكس
بس أنا أشوف ان العقال اكشخ بس وش أسوي إذا كان خطيبي بدون أحلى ودي هو ماشي بجنبي يكون رزه بالعقال لانه يعجبني الرجال الرزه بس أهم شئ مايجذب البنات لاني أغار عليه محتاره والله وش أسوي ؟؟؟ |
الصراحة ...
انا ما بحب لا العقال ولا الشماغ ... بس اذا ولا بد ... فاعتقد بالعقال احلى ... |
أعتقد العقال يرمز للشدة والقسوة
لذا أفضله بدون عقال لأني أحسه حنون ورحيم |
طبعا بالعقال وهاذي ما يبغالها كلام
حتى نفسيا الواحد يرتاح بدل ما يقعد يضبط بشماغه مره يمين ومره يسار |
بالعقال احلى:22:
|
طبعا بالعقال
|
انا بصراحه مااحب اشوف زوجي الا بعقال كشخه
|
بصراحة انا بنت مو خليجية ,,, بس بحب لبس الرجال بالحطة والعقال ... بيكون مرتب كتييييييييييير
اما اذا لبس الحطة بدون عقال بتكون احلى اذا( تعصب) ,,, هيك اسمها ؟؟؟؟؟ :d :d :d ,,, معليش اذا غلطت في الحكي لاني مو متاكدة من اسمها اما حطة هيك بدون شي لا مو حلو ابدا |
ما مدى تقبلك للشاب اذا كان في لبس جميل ونظيف ومرتب ولكنه يلبس الشماغ بلا عقال
حقول اللي خلاك تلبس وتتكشخ يخليك تكمل زينتك ورزتك بعقالك وهل ممكن ان يكون هناك جمال في المضهر بدون لبس العقال في نظري ما اعتقد |
انا بصراحه اشوف العقال ارزن واحلى
اما شيخ بدون عقال وكاشخ يكون شكله حلو |
شوف اخوى اذا الرجل لابس الدشداشه>>>>>الافضل تكون بالشماغ والعقال
لانه يعطيه هيبه وشخصيه0000حتى لوكان صغير السن0000 |
العقال ما يجيب الا الصداع والطفش عند اللبس وبدونه راحه
|
ما اعتقد أن الشماغ أو العقال يوري الهيبة ..ممكن كأناقة نعم الشماغ مع العقال يعطيها !
الأحسن اطلع من الموضوع :d لأنه لا ناقة لي و لا جمل لأني مش خليجية..و لكن موضوع جميل أخي التهامي حفظك الله |
اكيييييد بالعقاااااااال احلى بكثيييييير
فرررررررررررررررق |
اقتباس:
اما بالنسبه لكثير شباب لاصدعه ولاشي.....بالعكس كشخخخخخخخخخخخخخخخخخخخخخخخخخه |
بعد التحيه والسلامي.............مرحبا مليون ياالتهامي
اخوي الغالي....... العقال رزه وكشخه... بالنسبه لي شخصيا....تعرف وقت الدوام والا لما اكون في مجلس الوالد او طالع طلعه رسميه ..عزومه عرس او غيره.. اكيد العقال لابد منه....وبصراحه يعتمد على الناس ونظرتهم.. بعقال احلى او بدون عقال..... عاد انا اخوك يهمني ناس معينين....والناس المعينين يقولون لي بعقال بدون عقال بطربوش كله حلو ههههههه |
لا اتقبل الرجل بدون عقال ...لا ادري كيف لا يسقط الشماغ من راسه
العقال احلى بكثير ... ويجمل حتى لوكان الرجل جماله متوسط . . . . بنان |
انا عندي اذا كان ملتحي بدون عقال احلى
اما اذا كان غير ملتحي بعقال احلى والله يعطيك العافيه |
و اله شكلي حأرد عليك رد مره غير
انا ما احب العقل ولا الاشمغه ولا حتى التياب دايما اطلب من زوجي يلبس بنطلونات لان شكلو فيها ارتب اما بالتوب و الشخصيه يسير شكلو اكبر 10 سنوات |
أنا لست خليجية, لكن أريد أن أشارك
تعجبني الملابس التقليدية (ان صح التعبير) لكل دول المسلمين لما تكون كاملة و مرتبة تعطي للرجل مظهر خاص, خاصة لما نشوف واحد لابسها في دول الغرب |
| الساعة الآن 01:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©