|
هل يعيب البنت طول قامتها..؟؟
هل يعيب البنت اذا كانت قصيرة جدا :21: لاني مقبل على خطوبة بنت عمرها 23سنة لكن طولها طول وحدة عمرها 10 سنين احتاج مشورتكم .. |
المسألة نسبية تختلف من شخص لآخر ، ما تراه انت عيب قد لا يراه غيرك بنفس الدرجة .
اهم شيء ان تكون انت مقتنع بها تمام الاقتناع حتى لا تظلمها معك بعد ذلك . |
اخــوي اذا انت مقتنع في طولها .. ما راح يعيبها شي..
والله يوفقــك.. |
أهم شي قناعتــك أنت !!
ولو جينا للمنطق والعقل .. المظهر أبدا ً مايعيب ! |
اذا انت مو مقتنع لا توافق
مع ان شباب كثير بيحبوا البنت تكون قصيرة شوى يعنى اقصر منهم بس اذا ذلك يسبب لك ضيق او احساس بعدم الرضا لا تتسرع |
ياخوي لا الطويله تعجبكم ولا القصيره !
اختار اللي انت ترتاح لها مالك شغل بالناس انت اللي بتتزوجها مو الناس .. |
اذا انت قصير ومقتنع فيها حلو
لكن اذا طويل وهي قصيرة مرة كنها صعبة شوي الا في حال انك مقتنع فيها مرة توكل على الله |
مكن أنت اللي طويل بزياده وتنظر لها قصيره
ممكن تقول لنا طولك وطولها تقريبا أذا ممكن |
وبعد و الله انا اعرف وحده قصيره صج قصيره و زوجها طويل بطول اللي يلعبون كره سله .. وتزوجوا والحين عندهم توأم اولاد الله يخليهم لهم ..
|
أخوي ما أظن انه يعيب
إذا انت مقتنع في البنت في النواحي الثانيه فهذه النقطه نقطه هامشيه يعني حتى لو انت كنت مره طويل..أيش راح يضر فرق الطول؟؟؟ غير ان هي راح تنكسر رقبتها و هي تطالعك :p بس لا تخاف الكعوب العاليه ماليه السوق :) بالتوفيق اخوي |
قرات في دراسة بريطاية ان اغلب الرجال يفضلون المراة القصيرة
وان المراة القصيرة تفضل الرجل الطويل لانه يعطيها احساس بالامان والاستقرار اكتر وبعدين الطول حاجة عادية مثله مثل اي شي مستحيل انه كل الصفات فيها حلوة يعني مثلا ممكن تكون دبة شوية... ولا خشمها كبير و...و...و.... يعني ازا رضيت منها حاجة راح تعجبك حاجات تانية... والحب ترى لا يعرف الحواجز ---------------------------------------------------------- وبعدين ترى البنات كلهم قصيرين يعني من بين 145---155 سم واللي اطول من كده تعتبر طويلة وخارجة عن العادة ومو شرط زي ما قالوا الكعب العالي يزيد الى 10 سم يعني تصفى البنت على 150 وهدا الحد طبيعي وانت حيكون طولك 165__185 الفرق بينكم 20 تقريبا يعني بالعربي انت يتهيا لك استخير واتوكل ممكن الخير مزروع فيها والجمال من ثمارها تقطف منه زي ما تبغى الله يوفقك |
واهم شي بعد كده لاتجلس تعيبها على طولها
او تتكلم عنه حتى لانه اكيد قبلك ناس من اهلها او صاحباتها سووها بالعكس ممكن هي تقولك في يوم من الايام اا قصيرة فانت حاول تكسبها وتقول لها بالغعكس طولك عادي واكتر البنات كده.. ولا تنسى لا تعيبها انت اللي اخترتها ... |
اقتباس:
بل قل أن طولكِ عاجبني مرررة:22: |
أخي السمعاني حياك الله وبياك هونها وتهون أخي الغالي والله يوفقك في الزوجه الصالحه التي تعينك على دينك ودنياك سوف أطرح لك هاذي القصه القصيره التي أعرف أهلها جيداً لدي شخص قريب تزوج من أمرأة قصيرة جداً وهو طويل والفرق واضح مثل وضوح الشمس لكن سبحان الله مقلب القلوب هما ما شاء الله عليهما أحس أنهم أسعد ناس في الوجود وما شاء الله عليهم متافهمين ويموت فيها بجنان ولديه منها أطفال وهي أمرأة عاقله وحاطه زوجها فوق رأسها ومعوضته عن الطول الحب والسمع والطاعة وهذا كل ما يبيه الرجل وعلى قولت المثل ( أمرأة سنـــعه ) |
اخي ان مايعيب المراه دينها واخلاقها ولم يكن الشكل سببا في خلافات زوجيه لاقدر الله الا للبعض الذي يهتم بالمظاهر اكثر من الشكل الداخلي
فاذا كانت اخلاقها عاليه وذات دين فما العيب ؟ هذا من وجهة نظري وربي يوفقك ان شاء الله بما فيه الخير لك ولها |
اشكر الجميع على التفاعل معي
الموضوع الى مضايقني ان نحن عائلة بناتنا طوال مثل الرجال وهذى اذا اختلطت مع العائلة طلعت صغيرة ويجيها كلام ويجيني كلام لهذا السبب طلبت مشورتكم |
ومن الذي سيتزوج بها .. أنت أم أهلك ؟
أنت وزوجك مملكة خاصة .. ملكيها أنتما .. وسكانها أبنائكما فجاهد في بناء الأسوار .. كيما لا يقتحم مملكتكما الأعداء !! *** ملاحظة .. رضا الناس غاية لا تدرك *** بالتوفيق |
اقتباس:
عادي جدا مثل ما قلنا الكعوب العاليه ماليه السوق و اذا جاكم كلام على قولك طنش تعش خذوها ببساطه اذا على التعليق تعال شوف عايلتنا الطويل نقول طويل و القصير قصير....المتين دب و الضعيف مجاعه..اللي شعره ناعم نقول فلبيني و الله شعره خشن نقول خروف و اذا اثنين متزوجين و فيهم صفات متعاكسه نقول تحسين نسل حتى جدي و جدتي الله يخليهم نقول عنهم تحسين نسل لأن جدي شعره مرررررره ناعم و جدتي شعرها خشن مره :22: بس كله مزح و كلن ياخذه ببساطه...لأنه مزح...و اشياء هامشيه ما المفروض انها تؤثر على نظرتنا لبعض يعني مثل ما قلنا قبل اذا انت مقتنع بالبنت لا تخلي هالشي يكون عائق لأنه موضوع هامشييييييي...يعني مو معقول تقول مابيها لأن أهلي راح يعلقون علينا؟؟؟ :21: الا ؟(مثل ما انا قلت قبل) فيه شي ثاني غير هذا يخليك تتردد اخوي استخير و توكل على الله...و اذا الأمور الأساسيه متوافقه..الأمور الهامشيه تظل مثل ما هي هواااااامش و بالتوفيق |
عمره الطول مايعيب كل طول له جماله وتفاصيله على الجسم اذا هي عاجبتك كلها كاامله مكمله تزوجها لا تجلس تقول لون وطول
|
يا أخي هل انت مقتنع فيها و إلا لا ..الناس دايما يتكلموا طويلة و لاقصيرة سمرة و لابيضة !!!
ثانيا القصر مو عيب لأنه من خلق الله ثالثا أخي انظر لباقي الإيجابيات يعني هل هى خلوقة متدينة حنونة إلى آخره ..و الله أخي اذا كان بهذه الصفات و في هى قصيرة امسك فيها بايديك و سنانك لأن هذا النوع من النسوان اصبح عملة نادرة ..و أخي انصحك صلي صلاة الأستخارة و انت حترتاح ..و ان شاء الله ما يصير إلا اللي فيه الخير ^_^ |
أهم شي أخلاقها ودينها بصراحه أكثر البنات القصيرات
حلووووووووووووووووووووووووووووووات وأنت وقناعتك أهم شي لا تضلمها معك إذا كان قصرها في نظرك مو حلو يعني لا تتزوج إلى وإنت مقتنع من جميع النواحي والله يوفقك سبحان الله وبحمده سبحان الله العظيم |
انت من يقرر ..............ماذا ترغب ؟
|
بالعكس ما احس القصر عيب توكل على الله وتزوجها والله يوفقك .
|
| الساعة الآن 01:08 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©