|
منذ 10 شهور لم ارى زوجي ,, ما الحل ؟؟
السلام عليكم ورحمة الله وبركاته ...
ساعدوني وافيدوني جزاكم الله خيرا فأنا فتاة ابلغ من العمر 22 سنه ,, توني في فترة شبابي .. ولم ارى زوجي من 10 شهور ,, هو الذي تركني انا لم اتركه ... وكان يقولي خلاص انا بجيب ورقتك كنت متضايقه نوعا ما بس سلمت امري لله وكنت انتظر هذي الورقه وصبرت عليها كثيرا ودايم يقولي بجيبها لك ولم اراها .. وكان يقول لي خلاص انا طقلتك يعني محرمه علي .. ويوم سئلت طلع مو مطلق واهلي خلوه يسترجع نفسه اكثر من 4 شهور يفكر فيها .. ويوم وصلت ل10 شهور اهلي مررره متنرفزين منه وقالو لازم نشكتي اهلي مو من النوع المشاكل ومحاكم .. بس مدام وصلت ل10 شهور خلاص يعني امصخت .. كان يقولي ابغى نص المهر ... ويوم جينا بنعطيه نص المهر قال ابي حرمتي ويوم جيت برجع له قام يتماطل ... وجى احد من اخواني قال اذا هو رافض ومايبغاك يعني ماترجعين له ولا ريال .. لأنه هو اللي رفض مو انا ... انا ماهمني انا ابي اشوف حياتي .. قعد قترة طووووووويله استخير اذا في خير بي بقربه لي واذا في شر ربي بيبعده عني إن شاء الله ... وحسيت من استخارتي اني مرتاحه احس انه جنبي احس انه قريب مني صورة اطالعها في كل مكان احلم فيه بأحلام زينه والحمد لله ... ومن كثر ماستخير انسى كل شي سواه لي ... وافكر بقدام ... احس هو وده يرجع لي بس مو عارف ايش يقولي لأهلي يعني قعدني 10 شهور وبعدين بيرجعني يحس انها صعبه .. ومو عارف ايش يقول .. انا كنت اكلمه من قبل بس يقولي خلاص انا طلقت كنت احاول فيه .. وزي ماقلت لكم اكتشفت انه ماطلق ,, والحين احس انه متعلقه فيه مدري والله العظيم احس بشعور اني زوجته في المستقبل بإذن الله ... يعني لو قال بيطلق ما أتخيل واحد ثاني بحل مكانه ... وبعدين جى واحد من اخواني قالي خلاص حتى لو انتي بغيتيه حنا مو راضين ... نوع اهلي مايتحكمون بشخصيتي وله شي عني انا اللي اقول لهم كلموه لا تكلمونه سوو كذا خلاص لا تسوون يعني اهلي يسمعون كلامي اللي انا اقوله يسمعونه لأنه هذي حياتي وادرى فيها ... بس يوم وصلت ل10 شهور قالو لي خلا ا ا ا ص .. بنشتكي .. ويوم راح الوالد للمحكمه يشتكي .. قال لازم انا اروح واشتكي ماحد له دخل لازم انا اروح ... حسيت انها صعبه اروح اشتكي انا جلست وصبرت 10 شهور يعني البنات اللي اشوفهم في هالفتره يجهزون حق زواجهم وزفافاهم وانا في هالفتره اجهز نفسي للمحكه ... احس انها صعبه ... انا استخرت لذهابي للمحكه لأني رافضه رفض نهائي اني اروح هناك انا مو متعوده على هذي السوالف وماعرف لها اصلا .. وابوي واخوي يقلون لي لازم تروحين وانا رافضه مابغى اروح الحين اهلي ينتظرون الرد مني .. مايبون يجبروني قالو لي اذا رحتي اشتكيتي وقلتي لهم عن المشكله يمكن هم يتصرفون ويجبونه ويسمع منك ومنه !!!!!! احسن انها صعبه والله ... قلت لهم مابغى يكون موجود قالو في الجلسه الاولى ماراح يكون فيه بس الجلسه الثانيه بكون موجود علشان الشيخ يسمع منك ومنه ... انا رفضت رفض قلت لا جلسه ثانيه ولا ثانيه مابغاه يكون فيه ,,, احس انها صعبه اللي الاحظه يوم في الفتره الاخيره ابوي تعامل معاه بأسلوب قاسي .. جى ذاك اليوم بيتنا وتقهوا قعد شوي وماشاف احد باليت واروح وحط لنا كذا شغله كان يبي يجلس مع ابوي .. طيب اللي يبي يطلق مايدخل البيت ويتقهوا اللي يبي يطلق ما يعطينا رقم جواله الجديد ويتعامل معنا بأسلوووب جميل ... بس ابوي تعامل معاه بقساوه وهو محترم هذي القساوه ... كنت انا ابي شغله منه وضروري يجيبها لأنه انا خلاص صرت معاه بكلشي ومافي اله هو يسوي لي ياه ... لا ابوي ولا اخواني يقدرون يسونها لي اله هو ... وجابها لي على طووول ماقام يتماطل فيها وله صار عنيد فيها .. ابوي توقع انه مافي امل يجيبها لي او يساعدني فيها ... انا من جد مررره اسفه اني طولت عليكم ... وانا قاعده اكتب لكم الحين اقسم بالله انه العبره خانقتني ... احس اني توني صغيره على سوالف محاكم ومشاكل وقلق ... اتمنى انكم تساعدوني وتعطوني حل وجزاكم الله الف خير اختكم في لله : محبوبة الناس أختي المباركة .. أرجو الانتباه إلى أن الكتابة الصحيحة لكلمات ( إن شاء الله ، بإذن الله ) كما هو موضح بين الأٌٌقواس . شكرا |
انا متزوجه مملكه .. بس مابعد يدخل .
|
الله يرزقك الصبر وادرسي سبب المشكله وزين اللي سويتيه
|
اقتباس:
ايش الزين اللي سويته ؟؟ ومشكور على ردك جزاك الله خير. |
شوفي وأنا أخوك
اللي فهمته من كلامك ان زوجك محترمك ويقدرك وشكله من النوع الخلوق والمحترم اذا صفاته كويسه وودك تكملين معه كلميه انتي وحاولي تكونيني وقتها بعيده عن اهلك مثلا تكونيني عند أحد خواتك وحاولي تتفاهمين معه على الرجعه وبيني له أنك شاريته رغم ما سوى وعلميه انك عرفتي انه ما طلق وانه ما سوى هذا الشيء الا أنه يحبك وحاولي تتناقشين انتي وياه بدون الاهل ما يتدخلون بس ودي أوضح لك شيء ترى في هالوقت قل الرجال اللي تتمناهم كل زوجه اذا الولد محترم تمسكي فيه بيديك واسنانك بدون ما تجرحين مشاعرك أخوك محمد |
اقتباس:
ثانيا .. ياخوي يا محمد انا كلمته وقعدت احاول فيه اكلمه لمدة شهر واهلي ماكانو متدخلين نهائيا انا اللي كنت ادق عليه واكلمه وارسله مسجات كله يقولي اني محرمه علي لا تكلميني .. طيب اذا انا محرمه عليك كلم ابوي وقوله قول لبنتك لاتكلمني طيب اثبت لي انك محرم علي جيب ورقتي اااهه بس ياربي اشكثر اعاني حتى لدرجه اني فكرة اشوفه وله اتقابل معاه وله اروح لبيته بس ربي ماكتب .. ومره قلت له في رقم مزعجني شوف مين وعطيته الرقم .. وبعدين كلمته قام يسئلني مين هذا وايش كاتب لك بالمسجات طيب عطيه واحد من اهلك وبعدين قالي دقيت مارد علي . بصراحه انا مستغربه . بس من جد انا ابيه بس ماني عارفه ايش اسوي .. واخوي يقولي بكره تروحين المحكمه .. وماقدر اشتكي على واحد جلست معاه 6 شهور وقعدت معاه بأحلى الايام في الاخير اروح اشتكي ياربي صبرني بس انا الحين صار لي سنه من ملكت و إن شاء الله بصبر |
تبين نصيحة أخوك
انتبهي تروحين المحكمة تشتكين عليه (هذا اذا تحبينه وتبينه) لأنه بيكرهك وبيقطع كل شيء بينكم اختي لو ذكرتي لنا وش سبب الانفصال له اهله لهم دخل؟؟ وكيف وضعك وعلاقتك معهم؟؟؟ ملاحظة ترى الرجال يموت في الحرمه اللي تتمسك فيه في أمور جديه مثل وضعك الحين طيب أختي ليه ما تكلمينه اليوم وتعلمينه عن أهلك وش طالبين منك (اقصد الشكوى في المحكمة) وعلميه انك مازلتي تبينه واطلبي منه انه مايستغني عنك لا تقولين ليه اذل نفسي !!! ما فيه مذله بين الزوج وزوجتها والله يألف بينكم يارب |
اقتباس:
بس الولد يبيك وما استبعد مسألة العين والسحر (رغم أني ما أحب اننا نحط كل مشاكلنا بسبب هذا الشيء) اقتباس:
اقتباس:
طيب حاولي تكلمينه وتقولين له يحط حد لهذا الموضوع لأنه في واحد محترم وكل بنت تتمناه متقدم لك ويقول اول ما تنتهي عدتك يبي يملك عليك صدقيني هنا بينهبل (هذا على ما فهمت من كلامك أنه يغار عليك موت) اقتباس:
اقتباس:
وترى كلنا معك والله يرجعكم لبعض يارب |
اقتباس:
الصراحه هو من القهر تلفظ بكلمة طالق .. عشان ذاك اليوم ماقلت له يجيني وانا كنت في فترة اختبارات نهائيه للجامعه وكنت ادق عليه واكلمه واسئل عنه وانقهر ليه ماقلت لي اجي ومن القهر طلق ,, بس مافي امل يجي يقول لأهلي سبب الطلاق كذا لا لا ابدا اهله زي العسل .. هم مو راضين باللي يسويه لي ويحبوني ويتمنون جيتي عندهم اليوم قبل بكره . واكلمه احس انها صعبه مدري ليه قبل كنت متسهلتها بس يوم وصل الموضوع للرجال حسيت انها صعبه شوي اكلمه |
تصدق اخوي محمد ...
انا فكرة بهذي الفكره انه في واحد متقدم لي .. بس لازم اقول لأبوي او اخوي يقوله انه في واحد متقدم لها وجيب اورقتها خلال شهر بيجها .. بس ماني عارفه اقول لأبوي ,,, انا مستحييييل اقوله صعبه شوي |
بصراحه سبب الطلاق (مع احترامي سخيف) هذا اذا فهمت قصدك
اقتباس:
أهم شيء هو يستاهل اللي قاعدة تسوينه يعني اخلاقه واحترامه لك وقبل كل هذا دينه اقتباس:
اذا تبينه لازم تكلمينه وتعلمينه عن موضوع المحكمة وانك رفضتي لأنك تحبينه وتبينه لاكن اهلك زادوا الضغط عليك وأنك ما دقيتي عليه الا لأن ماعاد فيك حيل تستمرين في الرفض وانك تبين منه انه يساعدك ويحط يده في يدك ويجي يتكلم مع أهلك ولا ينهي كل شيء بدون انك ما تلجئين للمحاكم وحاول (لو بتصريح) انك ما زلتي تبينه وطمنينا |
اقتباس:
انها هي توصل هذا الشيء لأبوك وأخوك |
اقتباس:
معليه اخوي محمد تعبتك معاي وجزاك الله الف خير .. بوركت |
اقووووووووول اختي خلي واسط خير بينكم
اعتقد بيفيد |
اللي بدايته مشاكل
ينعاف تاليه |
عزيزتي محبوبة الناس...
لن اكون مثل أغلب الردود وأشجعك تتمسكين فيه . لأنه مع إحترامي واضح أن شخصيته مهزوزة ( (هذا بإستبعاد مسألة العين وما شابهه .... واحس انها غير وارده )) والا كان بإستطاعته يحسم الأمر ويكون وااثق من قراره أما بالاستمرار أو الانفصال ... شخص كهذا عزيزتي هل تتصورين وانت كما تقولين دلووع ليس لديه إحساس بمسئولية زوجه مهتمة به رغم رفض أهلها له . هل تتصورينه سيصبح أبا مثاليا لأبنائك أو قدوة صالحة لهم ؟؟؟ تقبلي اشد اعتذاري انك كنت قاسية نوعا ما لميلك له لكن الحقيقة احيانا تكون مؤلمة.... وثقي أن ربك يحبك أن تم انفصالك منه قبل الدخول اذا كان غير جدير بحبك واحترامك لقدسية العلاقه بينكم ... وفقك الله وأسعدك ورزقك الخير والرضا حيث كان وعذرا للإطالة.. |
مشكوره اختي عاشقة الرياض على ردك ...
انا بقول لكم الصراحه ... في بداية ملكتنا يوم ملكت شي طبيعي مو من اول مررره راح تحبين زوجك وانا هذا اللي صار ماكنت احبه بس قلت يالله مع الايام راح اتعود عليه بس للأسف من يوم ماملكتنا جلست معاه 5 ايام وبعدها سافر لبعثته وكنت مررررره متضايقه كان ودي اعرفه اكثر احس شخص ما احبه وسافر عني وانا محتاجه لقربه لي علشان احبه واعرف شخصيته اكثر !! كنت مررره متضايقه .. وفي فترة سفرته كان يكلمني واكلمه وكانت المكلمات غاليه جدا لأنه هو مسافر بررره البلد وكان وضعي وظرفي صعب وانسى بعض الاحيان اني متزوجه وله واحد انا على ذمته لأني ماتعودت عليه وكنت مرررررره متضايقه علشان بعيييد ,, ودايم تيصير بيننا مشاكل وحوسه .. كان هو دايم يدق علي ويسئل عني وخاف علي ويحبني بس انا مررره مو متقبلته وماعرف امثل بالحب ماعرف اقوله احبك وانا ماحبه .. وله اوكي بقوله احبك بس ماعرف امثل بالحب !!!! وكان يسوي اشياء لي ازواج اختي ماكانو يسوونها لهم حتى زوجات خالاتي وغيرهم كان طيب معاي بس من جد انا مرررره مو حابته مع الايام صار يجي من بعثته علشاني جلس معاي 5 ايام و رجع لبعثته كانت ظروفنا صعبه من جد مع الايام صرت اخاف عليه و صرت احبه بس مو ذاك الحب لا حب بسيط نوعا ما ,, بس والله ثم والله انا كنت قاسيه علي واعانده في بعض الاحيان وهو طيب معاي واذا طلبت منه شي مايقصر معاي واذا هو طلب احيانا اعترض ... واذا جى من سفرته يقولي ليه ماتدقين علي علشان اجيك اقوله مايحتاج ادق معروف انك بتجيني ليه ادق كنت كذا اعامله ليه ماتسئلين عني .. .. وبعدين رجع لبعثته وجاني مره ثانيه وجلس معاي 3 ايام وبعدها بدت المشكله كان وضعي في فترة اختبارات في اليوم الرابع اللي جى فيه انا كنت ادق عليه ولا رد هنا انا خفففت ليه مايرد غريبه مو من عوايده يعني صار لي 4 ساعات ادق ولا يرد انا قلت اكيد صار في شي ليه مايرد دقيت على بيت اهله بسئل عنه قالو مو موجود وبعدين جى وكلمني قالي انتي تاقده على بيتنا قلت له اي اسئل عنك قال انا بره شوي انشغلت قلت له خلاص انتبه لنفسك قال اوكي وسكر راح رسلي مسج قال توقعتك من كثر ماتدقين مشتاقه تبيني اجيك في الاخير بسئل عنك هنا هو انقهههر .. والله مادري شقول لكم من جد انا مررررررررره متندمه احس الغلط مني انا انا اللي ماحافظت عليه انا توني في فترة ملكه ماعرف شي يبيلي اتعلم بس والله من يوم مادخلت هالمنتدى علمني اشياااااااء كثيييره .. وجزاكم الله خير واعذروني على الاطاله ودمتم سالمين |
والله تبين الصراحه
انا توقعت انكم متزوجين على العموم عقبال ما نسمع أخبار زواجكم يارب ما ادري أختي من امس حتى اليوم وش تطور انتي قلتي امس بكلمه واذكر ان اخوك ضاغط عليك عشان موضوع المحكمة درى هو عن موضوع المحكمة ولا توه بصراحه زوجك تعامله مره رائع معك وانتي ما تنلامين مو معقوه الواحد يحب على طول بس لو وضحتي له هالشيء انك اول غير والحين غير يعني اول تعزينه والحين هو نظر عيونك فكري في كلامي وشوفي تمنياتي لك بالتوفيق |
اقتباس:
كلمته امس ... وتفاهمت معاه .. قلت له اهلي يبوني اشتكي عليك في المحكمه ... زي اللي استغرب قالي طيب روحي اشتكي عني ... قلت له ماقدر اشتكي عليك .. قالي خلاص روحي علشان تخلصين اوراقك قلت له مابي اروح ولا اقدر اشتكي عليك .. قالي خلاص انا طلقت .. المهم يوم تكلمت معاه زي اللي جاتني العبره وسكرت ماقدرت اكمل ... ودقيت عليه مره ثانيه وتكلمت معاه قلت له انت وينك فيه .. يوم سئلته هالسؤال زي اللي استغرب بقوه !!! قالي وشتبين قلت له ابي اشوفك بدق عليك بعدين اذا انت قريب بشوفك قالي خلاص روحي بيت اهلي انا بعيد قلت شبي في بيت اهلك انا ابيك انت اذا انت قريب بجيك .. قالي انا بعيد حاليا قلت له خلاص بعدين بدق عليك بشوف انت وينك فيه علشان نتقابل واجيك قال خلاص اوكي . وسكرنا ... المكالمه الثانيه حسيت اني ارتحت لها والحمد لله . يالله ان شاء الله خير وبخبرك ان شاء الله |
لحظه بقولك .. شلون توقعت انه حنا متزوجين ... ؟؟؟؟
انا قلت لك انه حنا ملكنا |
اقتباس:
حبيبتي اذا انتم في الاول وما دخلتوا في العميق وصاير بينكم كذا ووصلتوا للطلاق على شي تافه ... مدري ليش حريصة على الاستمرار .. حبيبتي .. الحياة مو كلها حب وعواطف .. الحياة مواقف وصعوبات ويبي لها صبر وتضحيات استخيري وفكري زين بمستقبلك وكونك تتركينه وانتي بنت اهون ... الله يوفقك |
الحياة مواقف وصعوبات ويبي لها صبر وتضحيات <<<< كلام صحيح
|
طمنينا عليكي الله يسهلك امورك ويكتبلك اللي فيه الخير
|
بصراحه مدري وش اقول لك
انا لو مكانه ازعل الرجال جاي من سفر ومشتاق لك وبيرجع مكانه تقولي له عندي اختبار مااقدر اقابلك وش اهم زوجك ولا دراستك بس مهما كان هذا مو سبب كافي للطلاق اتصلي عليه واعتذري من اللي صار وهو اذا حابك راح يسامحك واذا ماعاد يحبك خلاص انسيه واتركيه بس غريب تصرفه وتمسكه فيكي واضح للحين يحبك ومو قادر يطلقك الله يكون بعونك |
على سوء خلقك معه وأنت ما زلت على ذمته فهذا عجيب كيف صبر على جفاءك وسوء خلقك ؟
لا ريب فعزيز النفس لن يصبر عليك |
حبيبتي...
انا في نظري انتي سويتي اللي عليج... واذا كثرتي بيحسبك قاطه نفسك عليه ومن كلامك ما شاء الله عليج بنت ناس وماعليج قصور وبعدين لو كان يبيج جان ماتصدد عنج الا انتي محرمه علي وغيره... وبعدين انا ا حسه عنده انفصام بالشخصيه واهلج ادرى بمصلحتج والله يرزقج باللي احسن منه... انا اسفه على صراحتي بس والله ابي لج الخير والله يوفقج |
اختي في الله
السلام عليكم ورحمه الله وبركاته ردي لك بسيط ومنطقي اذا كنتي انتي تريدين زوجك فأذهبي إليه ولا اقولها بالمعني الحرفي بل اقول ان تتحدثي معه انك تريدين العيش معه وانك ترفضين ان تكوني زوجه لاحد غيره وعرفيه ايضا انه مهما طال الخلاف بينكم بالحب والموده ممكن ان ترجع النفوس صافيه ولكن عرفيه ايضا ان لك كرامه وكبرياء وان مهما طال الصبر فإن له نهايه وان صبرك عليه هو بسبب حبك له وحرصك علي حياتك معه وانه لو تمادي اكثر فهذا معناه انه لا يريدك وفي تلك الحاله استخيري الله عز وجل ثم اذهبي الي المحكمه تطلبين حقك هذا رأيي الشخصي اللي ممكن اسويه لو انا مكانك اخوك في الله ( محمد هريدي) |
اقتباس:
اكثر من هاي تعتبر مو حلوة بحقك وحق اهلك وانت فكرت للحضة ممكن صح هو ما يبيك ؟ ممكن ما ارتاح وهذا شيء طبيعي اذا ليش حطو فترة الملكة علشان كل واحد يعرف الثاني |
| الساعة الآن 05:43 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©