|
انصحوني قبل ان اتخد قراري
السلام عليكم
اخواني وخواتي بكتب الكن وانا دموعي عم تسكب سكب عن جد حاسه انه نار عم تشعل بصدري بدي احكيلكم في البدايه( وبرجع للفصحى احسن) انا عاقده قراني من سنه الا شهر وخطيبي يعمل باحدى الدول الاوربية انا أحبه وهو كذلك ولكن لا اعرف ما هو تفسير تصرفاته معي؟؟ هل يعقل يا شباب ويا بنات أن لا يسأل عني اسبوع ونص؟؟!! ألست زوجته وهو مسؤول عني؟؟ مرضت وصحيت وهو ولا هون عن جد تعبت وأنا بتصل فيه...آخر 4 مرات انا اللي حاكيته تعبت من المسجات ارسل له يوميا وتعبت من الايميلات ولو ذكرت لكم عدد المسجات التي ارسلها لها طول هذه السنه لا تتعدى 4 !!!!!!! حتى لما بيحاكيني...بحس انه عم بيأدي واجب وبس..وانا صرت هيك كمان..بتصل عشان ما يزعل مني.. من 4 شهور ما عاد يحكي معي حكي بيقولوا اي خطيب لخطيبته...يعني عم حاكيه مثل ما عم حاكي أخي...كيفك وشوأخبارك وشوعامل..وشو الشغل؟؟؟ وبسسس هالشهر صرنا حاكين مع بعض يا دوب مرتين يا جماعة انا انسانة الي احاسيس ومشاعر ! بدي حس انه الانسان اللي اخترته شريك لحياتي بيهتم فيني بخجل موت لما زميلاتي او خواتي او والديني بيسألوني عن أخباره شو بدي أحكيلهن أخبرهم انه لم يحدثني منذ عشر او 12 يوم ؟؟؟ بنات احكولي...في شي من هيك صار او بيصير الكن؟؟ ولا انا بس اللي مجافيني حبيبي!! لا تقولوا لي صارحيه لاني احس اني أتجرأ أن أصارح أخي أو أبي على ان أتجرأ بمصارحته هو لاني بعد مضي هذه المدة أعترف لكم أني لم أتعود عليه بسبب ضعف التواصل أعرف ان البعض راح يقولوا انه هو في بلاد غربه وبدك تراعي وتتحمليه لكن احساسي بأنه مهملني واني انا اخر اهتماماته سيجعلني أقرر أن أنهي كل شي عن جد مليت من اني كل يوم نام ودموعي عخدي مليت من نظرات خواتي يعني لا الو ولا مسج ولا ايميل ؟! أنا ما برمي حالي عليه صار لي فترة خلاص ما تواصلت وياه ولا بطريقه ومقرره اني حاكي اهلي بالموضوع وانهي هالهم اللي عايشتوا شو رايكن أمانه اخواني وخواتي لا تتركوني وحدي دلوني شو اعمل؟؟؟!! |
حبيبتي الله يوفقك ويريح بالك اعتقد افضل شيء ان تصارحيه حتى لو انك محرجة او لا تحبي ذلك ولكن هذا الحل الوحيد بنظري لانك عندما تدخلين اهلك سيكبر الموضوع ويمكن ان يكون عنده عذر تقبليه عندما تصارحيه اقسي على نفسك شوي وصارحيه لانو يمكن يكون مشغول او في ظروف بشغله او حياته خلت عندو اكتئاب او اي شيء فهو ما بدو يحكي عشان ما ينقلك مشاعرو او الله اعلم لا تدري السبب فاحسن شيء هو سؤاله مباشرة وانتم زوجن ويجب ان تتعودي حتى لو تغصبي حالك بالاول على المصارحة لانها من اساسيات الزواج
|
التمس لأخيك مئة عذر هوني عليكي يا عروس وعلى فكره العديد من المخطوبات يعانون من هذا الأمر مما يتهيأ لي والله أعلم (لأني لم أخطب بعد ) أن هذا حال الشباب جميعاً يعني لا تتوقعي اتصالات بشكل مستمر وأحاديث شوق ولهف هذا ما استنتجته في المواضيع التي قرأتها هنا
نصيحه لا تشغلي فكرك بهذا الموضوع أبداً واشغلي وقتك بأمور أخرى ولا تتصلي به وتأكدي بأنه سوف يعاود الاتصال بك فيما بعد لأن الرجل لا يحب أن تشكل الأنثى قيد عليه ويحب أن تكون له مساحة من الحرية |
اعانك الله.لدي فكرة لما لا تحاولين مناقشة مواضيع معه بالايميل حول التطورات الاوروبية او ما يحدث في تلك البلاد التي يعمل فيها او ارسلي له موضوع يعالج المشكلة التي تعاني منها او المواضيع التي تثير انتباهه
|
الله يوفقك ويدلك على الخير حيث كان...
حبيبتي انت بدك يكلمك عشان اذا سال احد عنه يكون عندك خبر؟؟؟؟ اولا هو بغربه زي ماقلت وماتقدري تحكمي عليه وانت بعيده... ثانيا ..اتوقع اللي مخطوبين عادي تصير معهم هالحكايات خاصة اذا هما ملكين..(عاقدين القران) لانهم ضامنيين بعض اقصد مو خايف تطير منه ولا خايفة يطير منها.. ثالثا ...اثقلي عليه شوي وهو مع الوقت راح يتصل ولا يرسل,,اهم شي اذا اتصل لا تقولي انا قاصده اعمل فيك هيك..ولكن خليك عادي.. دعواتي لك بالتوفيق... |
لا تقولي لاهلك شىء سيكبر الموضوع و ستحرجينه
|
عن جد مو قادره
لانه مرة بعثت له ايميل وحكيت اللي بقلبي بس ما في فايده ما تغير شي اختي يمكن يكون مشغول بس ما بعتقد انه ما بستاهل ولو مسج واحد؟؟ انا ما بدي اقارن بين وضعي ووضع صديقتي مثلا زوجها في نفس الدولة وعم يتفنن كيف ليرضيها...هدايا واتصالات ومفاجآت بس الله شاهد اني مؤمنه بأنه الواحد لما بيشوف غيروا بيتعب لكن مهما كان انا امرأة وفيني غيرت النسوان ويا خوفي يكون هيك وضعنا بالمستقبل...خاصة انه راح يظل في هاي الدولة ليخلص عقد شغله اللي هو 3 سنوات اضافية...ومافيي روحلوا بعد العرس اللي راح يكون بعد شهرين لظروف خاصة ...يعني راح نقضي طول هال 3 سنوات بهالطريقة !!!! أختي عن جد ماني قادره صارحو !!!!!!! |
اقتباس:
اهلين دلع والله حبيبتي ما عم اضغط عليه بالعكس لما بيتصل ببين له اني كوووووول ما بحب اني أشيلو هم فوق هم غربته بس عن جد بحس اني ما عم احمله مشاعر مثل اول والسبب هالجفوة اللي بينا بحس اني خلاص ما عاد فيي أعطي أكثر لاني ما عم حصل مقابل |
اقتباس:
عملتها خيتوا كنت ببعثلوا ايميلات فيها مواضيع مختلفه وجربت ابعثلوا ايميلات خاصه فيني....عني ..عن اللي بحبوا ..عن اخباري؟؟ علشان نتواصل اكثر وصدقيني ما علق عليها ولا سأل عنها ولا حتى لما قطعتها افتكر بهالشي! |
اقتباس:
لا والله مو هذا السبب لكن هذي النتيجه انه صار الكل بيستغرب ويبلاحظ اني ما بعرف اخباره ومو حامله هم هالموضوع لانه يمكن يكون طبيعي اني ما اعرف اخباره وهو بالغربه واذا هو مفكر انه ضامني..شوفي حالتي...حاسه انه باسلوبه بدي طير من ايدو وانا صارلي 13 يوم ثقلانه ولا خبر؟؟!! |
اقتباس:
أهلي عاقلين هم بيعرفوا هالشي بس ما اتدخلوا لكن عن جد انا تعبانه من هالموضوع وحاسه اني حاملتوا لوحدي |
احكولي الله يخليكم
في حدا عم بيصير معاه اللي عم بيصير معي؟؟ وكيف تصرفتوا@!!!!!! |
السلام عليكم ياأختي زمردة
أنا راح أحكي لك حالي .. أنا زوجي مثل زوجك في بلاد اوربية (بلاد غربة) كان بداية سفرته بيكلمني كل ماسمح له وقته.. فجاء له فترة ماأتصل ولا أرسل تخيلي لمدة شهر كااااااامل لاحس ولاخبر المهم أنا صبرت على هالحالة ... ماحكيت لأحد وكل من سألني عنه .. اقول هو بخير وصحه وأنا والله ماأدري عنه.. بس بعد فترة أرسلت له رسالة عتاب وشوية حب وخوف عليه..فاتصل بعد يومين وقام قال لي السبب اللي ماجعله يتصل علي فوالله انحرجت من نفسي لان السبب كان مو بيده فبعد هذه المرة صرت أعذره وماأعاتبه بالعكس ارسله وأصبحه بالخير حتى لو مايرد علي .. واقوله كل اللي في خاطري ( اقوله أني مشتاااااااقه لك ,أقوله أني حبيتك للأبد ومن هالحكي) فيمكن زوجك يمر بظروف ومايقدر يحكيها هلا .. فأنتي ارسلي له رسائل وأصبحيه دائم بالكلام الحلو وإن شاء الله سحابة صيف وتعدي.. أختك : أنين الزمان |
أختي أنين
شكرا انك صارحتيني بمشكلتك الليي بتشابه مشكلتي بس صدقيني اختي ما بقدر اعطيه اي مشاعر او حب خلاص بحس اني ماني قادره اسمع صوته ولا اتقبل اي عذر!!!!!!!!!!! عن جد خايفه من اللي جاي!!!!!!!!!!!!!!!!!!!!!!!!!!!1 الشيطان بيلعب براسي وبقولي اتركيه ما دام انتو بأول الطريق! |
لاااااااااااااااا يا أختي زمردة لاتستعجلي في أي شئ ..
طيب معليش راح اسألك بعض الأسئلة كيف كانت معاملته لك في بداية كتب كتابكم؟ وهل أول ماسافر كان بيسأل عليك ويهتم فيك؟ معليش لو بتجاوبيني يمكن نقدر نفيدك.. أختك : أنين الزمان |
هلا أنين
في بداية كتب الكتاب كان طيب وحبوب وهو ما زال هيك واول ما سافركان بيتصل كل 3 او 4 ايام بس الان صار عادي يمر عليه 10 او 12 يوم انا اللي موجعلي قلبي انه اذا اتصل وكأنه بيقوم بواجب عسكري!! ما بحس انو مشتاق حتى كلام حلو مافي !!! لا مسجات ولا شي يعني اوكي الواحد مشغول ومهموم من الشغل بس كمان لازم يراعي حقوقي |
زمرده انا حاسه بيكى جداااااااا لانى مريت بنفس موقفك وكنت بحس انى حتجنن من تصرفاته وفعلا كنت وصلت لمرحله انى مش عاوزه اصارحه بمشاعرى ولا عاوزه اقوله اى كلمه حلوه ومكنتش قادره استحمل
بس صارحته ان التصرفات دى بتضايقنى وبتحسسنى انى مش مهمه عنده ومن وقتها غير اسلوبه معايا وبيتصل وبيهتم بس اوقات برضه بينشغل لظروف شغله فانتى اعذريه لان فعلا الغربه بتكون صعبه عليهم وحاولى تقوليله كلام حلو وتحسسيه انك مشتقاله وعوديه انه يلاقى منك مسج كل يوم وربنا يصلحه ليكى يارب |
لا تصارحينه ولا شي... لأنه الرياييل ما ينعطون ويه.... إسإليني أنا كلهم نفس الطينه... اذا حسستي انج متعلقه فيه صدقيني بيكبر راسه اكثر... شفت من الدنيا وايد صدقيني
وماله حجه انه يشتغل فغربه... ايميل واحد او حتى مسج ما راح يضيع من وقته الكثير ليش دايما نحنا البنات انعور راسنا ونهتم ونفتكر والرياييل ولا عالبال عايشيين حياتهم واتلاقينه حتى ما يدري صارله كم ما كلمج وانتي مسكينه اتعدين الأيام استخيري... والخيره فيما اختاره الله تمنياتي لج بالتوفيق حبيبتي |
اختي زعلتيني والله:(
حبيبتي لاتبكي حرام تعملي بحالك هيك شوفي صارحيه وجها لوجه يعني احكي معو عالتلفون هيك بصراحة عارفة انو شي بيقهر بس تعالي عحالك واحكي معو بصراحة شوفي ليش بيعمل هيك انت بتحكي انو بحبك طيب ليش بيعمل هيك؟؟اكيد فيه سبب حاولي تعرفي شوهوة بس المهم لاتضلك هيك لانو لو بقي معك هيك طول العمر فحياتك حتكون مش حلوة وانا بدي الك احلى حياة:) فحاولي كتير كتير تعرفي السبب وسطي اختو مثلا هيك انو قال يعني انت شكيتي الها وهية من وراكي راحت تحكي الو المهم لزام تعرفي شو السبب لانو مش من فراغ اكيد الا لو ماعندو قلب فوقتها مابدك اياه الله يهديه يارب ويسعدك معاه ويغيرو بسرعة ادعي ربك كتير كتير كتير ادعي الله بقلبك ودايما واقرئي عحالك وادعي دايما(اللهم اجعله قرة عين لي واجعلني قرة عين له) وطمنيني عنك بسرعة اوكي خبريني شو بيصير الله يوفقك يارب |
والله حالتك تكسر الخاطر
أنا اثقل يوم ثلاثه حدي بعدها مقدر أصبر لا تقولي خلاص ما أبي أسمع صوته ولا أعرف اعذاره بس عشان ما تندمين بعدين وتقولين ياريت الى صار ما كان سمعي منه وأحكمي وقرارك بيدك سمعتيه أو لا بعدها بيرتاح بالك ولا تضلي بحيره طول عمرك والله يجمع بينكم على خير |
| الساعة الآن 03:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©