|
افيدوني بخبراتكم يا جماعة الخير .. اللي فيه خير لامته يدخل
.. السلام عليكم ورحمة الله ..يا جماعة الخير .. انا الحين رايح استراليا اكمل دراستي الجامعية .. بتخصص علوم طبية .. انا وحدة احبها واعجبت فيها من زمان ونفسي فيها بالحلال ابوي اللي يجزاه بالخير قالي ياولدي انا ابغا اخطبلك قبل لاتمشي ... وانا محتار صليت الخيرة وقلبي مشروح ... ايش اسوي افيدوني اتوكل على الله ولا اتمهل .. وعلى فكرة ابوي انسان دكتور واخذ شهادته بسويسرا .. والحمد لله ماسك منصب حكومي .. يعني بيقول الكلام من واقع خبرة .. وانا عمري 21 سنة .... افيدوني
|
السلام عليكم
مدام ابوك قالك اخطبها وانت تحبها وصليت استخارة وقلبك مشروح طيب وين المشكله اتوكل على الله الله يوفقك ام مجيد |
السلام عليكم
مدام ابوك قالك اخطبها وانت تحبها وصليت استخارة وقلبك مشروح طيب وين المشكله اتوكل على الله الله يوفقك |
توكل على اللة ولا يهمك مداام جذي السالفة وان شاللة تاخذ الشهاادة وتتزوج ويسهل عليك ربي توكل على اللة واخطب البنت
|
افضل ارتبط من بلدك لتكون لك عون علي العفة انا في اوروبا و اعرف ما سيحدث معك لانك صغير لو كان ممكن تتجوز كمان يكون احسن
د.نبيل |
|
ايه اخطبها وخذها معاك وعيشوا مع بعض حياة سعيده
|
نقل الى عالم المقبلين على الزواج
وانا ايضا انصحك بأن تتزوجها وتأخذها معك ، لتحمي نفسك من الفتن ، وتؤنس وحدتك بالتوفيق ان شاء الله |
ماشاء الله
توكل على الله الف مبروك مقدما |
اقتباس:
لاتتردد والله يوفقك:22: :22: :22: |
اخوي وضعك مثل وضعي بس انا لنيوزيلندا مو استراليا
وتبغى الحق الطريقة دي انتشرت والله العظيم انه فيها الخير بحيث انه اذا الشاب حط في راسه بنت بدل مايروح للحرام يطلب من اهله طلب البنت رسميا وبعد ماتعدل وضعك في استراليا يعني بعد اول سنة ارجع واتزوجها ومانصحك تتزوجها قبل ماتسافر لاكن املك عليها عشين تقدر تكلمها من هناك كل يوم وانت روح هناك وزبط وضعك السكني والمعيشي وبعد كدا خدها ومو لازم تنتظر الى ماتتخرج لانه اعتقد انك مثلي في بعثات خادم الحرمين راح يعطوا لزوجتك مكافاة وعن كل طفل ايضا يعني باذن الله تكفيكم وبزيادة ومساعدة ودعوات الوالدة راح يمشي كل شي تمام نصيحة اقدم على الخطوة المباركة دي ولاتسمع لاي محبط بانك لسا صغير او منت مقتدر او او او لانه سبحان الله لو قلتله رايح ازني يقولك روح ماينصحك ولا يقولك صغير على الزنا !!!!!!!! ومادام صليت الاستخارة فباذن الله التوفيق حليفك استمتع بكل لحظة وصدقني راح تتذكر هذي الايام طول عمرك |
تزوج أخي والله راح يكون معك لأنك ترجو العفاف والحلال
|
الف شكر على مروركم جميعا وفعلا .. مالواحد يلاقي اخوان مثلكم ... الف شكر اخواني ...
بس انا حاسس انه الموضوع في شيء ايجابي وشيء سلبي .... الايجابي انه اكيد اخذ الوحدة اللي احبها على سنة ربي ورسلوه واني اكون في مأمن من الفتن هذي الايجابية وكمان انا انا طالع بعثة فا ممكن الحقها معاي ونطلع ندرس سوا ... والسلبية انه انا طول عمري احلم اني اعتمد على نفسي واكون نفسي قبل لا اتزوج .. عشان لا اكون مزعزع في الحياة مالي ارض اوقف عليها ... انا بقول اقتراح وشاركوني فيه ... اول شيء الاب جدا شاريني ولله الحمد يعني اهل البنت عموما ,, فا انا ودي اتمهل بس الين ما استقر لاني راح ادخل السنة التحضيرية وبعدين 3 سنين بكلريوس ... فا اخطبها مجرد خطوبة بعد السنة التحضيرية وبعدين الملكة بعد ما امشي السنة الاولى في الجامعة اي بعد السنة التحضيرية ونقعد الى ان اخلص البكلروي انا وبعدين تجي في دراستي العليا ان شاء الله |
السلام عليكم
مدام ابوك قالك اخطبها وانت تحبها وصليت استخارة وقلبك مشروح طيب وين المشكله اتوكل على الله الله يوفقك وبعدين التوكل على الله لا تشاورنا نحن البشر المخلوقين الضعفاء فيه لأنك أخي أخطأت وأنت تقول أتوكل على الله ولا لا |
توكل على الله ياخوي
وبشرنا باخبارك |
الله الله الله يبارك
أنا لا أرى أى مشكله تستاهل تأخذ فيها الرأى إلا لو كنت عاينا نبارك لك ألف ألف ألف مبروك أنصحك تمم الزواج وخذ زوجتك معك تقيك فتن بلاد الكفر هناك الفتن لا تطاق وأنت شاب 21 سنه ويخشى عليك من الفتن وتحب وأبوك يساعدك ويزوجك وصدرك منشرح إذن ألف ألف ألف مبروك |
اقتباس:
تحياتي |
عذراً
هل أنت صاحب هذا الموضوع ؟ تعلقت بي وأنا حائر ماذا أفعل إن كنت أنت فهداك الله لكم أقلقني موضوعك .. ولكم أقلقني عدم ردك .. وقلت لعل المانع خيراً أبارك خطوتك .. وأحمد الله أن أنار بصيرتك .. والله أسأل أن ييسر أمرك *** |
| الساعة الآن 07:01 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©