|
احب أخوي وأكره بنت عمي.......يارب الاقي عندكم الحل
بسم الله الرحمن الرحيم
اهلين فيكم اخواني الغاليين اعضاء المنتدى الرائع بقولكم مشكلتي وكل من يدخل لازم يرد علي اوعلى الاقل يدعي لخوي ولكم الاجر ان شاء الله مشكلتي مع اخوي مشكله والله اني احبه وابغاله الخير لكن موراضي يسمع مني........ الحين هو وده يتزوج وحاط عينه على بنت عمنا البنت حلوه وخفيفة دم و(طباخه)<<<وش رايكم؟ طبخها ماشاء الله يجنن وبالأخير هي بنت عمنا وانا اعرفها اكثر من اي وحده ثانيه..........وين المشكله؟؟؟ المشكله سلمكم الله في أخلاقها بصراحه البنت رايحه في خرايطها لكن ما احد يعرف هاشي غيري انا وكنت انصحها لكن ما فيه فايده فيها:29: عاد انا تفاجأت يوم قالي أخوي انه وده يخطبها ويقول هي بنت عمنا وواثقين من تربيتها واخلاقها<<<<<<حرااااااام ياناس اخوي هذا متدين وماله من الناس الا الظاهر ومايدري انها كذا يحسب كل الناس مثل اخلاقه وتربيته هو:rolleyes: ارجوكم شوروا علي وش اقوله؟وكيف الاسلوب اللي لازم اتبعه في مثل هالمواضيع؟ بصراحه هو مقتنع فيها ويحسب انها ملاك ومايسمع مني اذا قلتله تراها ماتناسبك..... يعني كيف اقوله عن أخلاقها أخاااااف ينصدم ويكره فكره الزواج مره وحده لأنه حساااس ويحسن الظن بكل الناس.............. ساعدوني |
صدقيني لو هو متدين فعلا بمجرد ماتقوليله بطيح البنت من عينه ومابتصيرله رغبه فيها والله يعني نفسه بتعافها
قوليله عادي اذا انتي فعلا متأكده من هذا الشئ. |
عورني قلبي.. يازين الأخلاق اللهم جملنا بالأخلاق
اختي .. امي شافت وحدة من زميلاتي ودخلتها براس اخوي وانا اقول لامي احسها متنفع وهي ماقتنعت جا اخوي لي قال شكلها واسمها واهلها كل شي تمام بس احس انك ماشجعتيني << شبيه بطريقة اخوك اشايلة هم اقول اخلاقها شينة يهون عن العرس كله!! قلت بصراحة اخلاقها مو مرة << توني ماخلصت كلامي قال هونا هونا خلاص دورو غيرها:d والحمدالله ربي وفقه ورزقه والحين بشهر العسل الله يوفق اخوك ويوفقك |
ارجووووووووووووووووووووووووووووووووووووووووووووووو ووووووووووووكي
اعملي المستحيل حتى لايقترن بها وتقع الفأس بالرأس تكفي انتي ساعدينا وانت الإقرب |
إذا كانت البنت إلى الآن مثل ما تقولين
ضروري تقولين له لأنك بتغشينه لو ما علمتيه قولي له هو فقط و لا تقولين لباقي العائلة و هو وقتها يقرر وش يبغى وفقك الله |
اذا كنتي شايفه شي شين مره خبري اخوك
وان كانه اسياء عاديه لاتعرقلين زواجهم |
أختي الفاضلة .. ابنة عمك كانت في فترة مراهقة وطيش .. كما هو حال الكثير من شبابنا ..
وبعد الزواج سيتغير الوضع إن شاء الله . . ذلك لأن الزواج يهذب النفوس ويصلح الأحوال ويقوم الاعوجاج .. وإن أردت أن تجعلي أخاك على المحجة البيضاء فأخبريه عن بعض شأنها ولكن في أسلوب مهذب ودون إساءة للفتاة .. ولا تنسي كذلك أن تعددي له محاسنها .. ثم اتركي له الخيار .. |
اخوي ضاحي
المشكله انا مو عارفه الاسلوب المناسب عشان اقوله عليها يعني استخدم التلميح او اقوله بشكل مباشر انا والله أخااف يهون يتزوج وياخذ فكره مو كويسه عن البنات لانه واثق فيها وفي تربيتها ومومتصور انها ممكن تكون راعية حركات وش رايك اخوي وش الاسلوب المناسب في هالحاله؟؟ .................................................. .................. اهلين بالغاليه شوبارد مثل ماقلت هو على نياته مررره أخاف ينصدم ويتعب عاد هو طبعه كتوووم مرره الله يوفق اخوك ويهنيه لكن هذي بنت عمي يعني موصديقتي أو وحده ما نعرفها الموضوع مرره حساس مشكوره على مرورك ................................................. saaab ان شاء الله راح احاول شاكره اهتمامك ومرورك .................................................. .................... افوكادو ان شاء الله راح اقوله لكن خايفه من رده فعله والله انه يحزني لانه متمسك فيها ويحسبها احسن وحده في العالم:( .................................................. . !ام خالد! حياك الله الغاليه ايه والله شايفه وساكته وما كنت متوقعه انه راح يفكر فيها شاكره اهتمامك |
اذا كان شي عادي ما احس ان له داعي تكبرين الموضوع
اما انها تكلم او او هذا شي ماينسكت عليه لو تزوجوا واستمرت على هالحاله؟؟؟؟ |
لازم تخبرينه بأسلوب ما يهين بنت عمك وقوليله انه اطباعها ما تناسبنا واذا أصر خبريه بالسالفه كلها
|
اذا هـــي تركك خـــرابيطها من زمــــان والحين تـــابت يمكن .. بس هي على هذي الحـــاله لين الحين فما انصح يخطـــبنها .. وقولي لـــه ترى هــي ما تصــلح لك ولا هي مثــل ما انت حاطهــا في بــالك وبس لا اتقولــين شي ثاني عشــان البنــت.. |
*نجديه*
اهلين فيك اختي مثل ما قلتي شي ما ينسكت عنه ابد شاكره مرورك .................................................. ............. moonoflove211 طيب وشو الاسلوب ؟؟؟؟؟ انا هذا سؤالي يعطيك العافيه على مشورتك اللي بحطها باعتباري ....................................... ضايعه فالدنيا هلا عزيزتي انا ما شكيت لكم الا لانها مازالت والظاهر ما فيه نيه تتعدل مشكوره على نصيحتك والله يكتب اللي فيه الخير |
اقتباس:
للاسف هي ما زالت على نفس الطريق منذ سنوات وكم حاولت نصحها ولكن بلا فائده فكيف اقبل بمثلها ان تكون زوجه لاخي اشكرك اخي على اهتمامك وحسن ظنك وأسأل الله لك السعاده اللتي اتمناها لأخي وكل اخواني اعضاء المنتدى .................................................. .................. ارجوكم قولوا لي اسلوبي كيف يكون معاه وانا اقوله على الموضوع؟؟؟؟؟؟؟؟ |
حاولي توضحين لا اخوك بأسلوب مو مباشر ان البنت ماتصلح له ومن هذا الكلام
بعدين يمكن البنت انصلح حالها وهداه الله حاولي وشوفي بعدين قولي لأخوك يصلى صلاة الاستخاره |
إن كانت البنت لازالت على درب الخطأ فأرى أنه يجب مصارحة أخوكي بهذا الأمر وبمجرد تلميح سيفهم كل شيء ولا تقلقي لن يؤثر على نفسيته أما إذا كانت البنت قد تابت عما تقوم به فأرى أن تشجعيه على الزواج وتباركيه بالعكس أنتي بهذا الموقف تكوني قد سترتي عليها وبتزويج أخيك منها يساعد هذا على تقوية إيمانها
|
إذا لها علاقات وصداقات وخفيفة مع الشباب في الاسواق والهاتف فأنصحك لوجه أن تخبري أخوك بحقيقتها فهي لا تصلح أن تكون زوجة لأن الشاب المتدين غيور ولا يرضى أن تكون زوجته (مخفة)والطبخ كل النساء طباخات والبعض منهن تتعلم بعد الزواج ، أما من كانت طبيعتها المغازلات فكما يقولون (الطبع يغلب التطبع ) ولكن الطريقة أن تنفردي بأخوك وتخبريه بحقيقتها ولا تفضحوها وواصلي النصح والتوجيه لها ولو تزوجت أخوك وتم الطلاق سوف يزيد الشقاق وقطيعة الرحم بينكما وكم قال عمر بن الخطاب ( مروا الاقارب أن يتزاوروا ولا يتجاورو)ن واعلمي أن سكوتك غش لأخوك والكلام عنها عن أخوك ليس غيبة بل من أجل بيان حقيقتها وشكرا لك
|
كون صريحة مع اخيك وقول له أن اخلاقها مو جيدة وبيني له الامر وحثيه بالبحث عن غيرها والله الموفق
|
من ستر مسلما في الدنيا ستره الله في الدنيا والاخره قد تقولين له ويتم الزواج قدرا فيكون سبب في فشله في المستقبل فكري جيدا واتقي الله لانه كما تدين تدان وهذه الامور كبيره جدااا اخشى عليك من عواقبها ممكن ان كانت مستمره على المعاصي مجاهره بها متعمده لها ان تنصحيها فاذا رايتي منها الاستمرار وعدم الاستجابه ان تذكري اي شيء اخر غير عيوبها والله يستر عليك بسترك لغيرك فكم من ذنوب نعملها ويسترنا الله
|
اختي العزيزه
سكوتك بطيح اخوج في مشاكل صدقيني راح يرتاح اذا قلتي له انا بقولج حصل معي نفس الشي ونفس اخوج بالظبط انا من فتره بسيطه تقدمت لبنت من جماعتي وكانت احلى ايامنا واحنا صغار فقلت بنت من هلي احسن نعرف تربيتهاا واخلااقهاا سمعي الي بقوله المهم رحت خطبتها بس الحمد الله ما صارة موافقه وكان قلبي يبي هالبنت حيل ما تتصورين شكثر وخاصه انها من هلي ومن جماعتي المهم خطبتهاا واستخرت ويوم رحت الحج دعيت ربي اذا مو من صالحي ما اخذهاا يارب المهم البنت تبيني لكن اكتشفت انه 3 من جماعتي ما يبوني اخذهااا ويدعون ليل نهار ما اخذهاا وهي درت بالموضوع وانا لا مادري بسوالف الحريم لئني خجول ومكاني صلاتي وبيتي وبس المهم اختي خطبتها مره ثانيه وما وافقو وزعلو علي ومع انهم من جماعتي اكتشفت انه مافي فايده اتضحت الامور لي بعدين كلمتني بنت خالي وقالت يا فلان ما تنفعك البنت وانا ما تروق لي ليه قالت عليها حركات مو حلوه وكيت وكيت وكيت المهم سجدت لربي اني ما اخذتهاا صج هالشي سبب لي جرح في قلبي لكن الحمد الله على كل حال ملاحضه هالبنت في قلبي صار لها 15 سنه ويمكن اكثر دون مبالغه لكن الحين الحمد الله اجتزت او لا ازال اقنع نفسي اني اجتزت المحنه __________ خلاصة كلامي اختي اخذي اخوج بينج وبينه وقولي له على رويه اخوي البنت ما تنفع لك لئنهاا كيت وكيت وكيت وله ترا بيطيح الراس بالفاس وبعدين _________ سلام عليكم مشاكل نهايتها وشكوك انتي خبريه ولا عليج بس خبريه من الشي المتئكده عنه اسف ع الاطاله اتمنه الله يرزقه بوحده اخلاقها ودينها لا يوصف اخوك مايهزك |
أختي سحابة ورد ...
انا برايي تدورين له على عروس خلوقة وحلوة وواثقة منها وبسرعة وبعدين تقعدين مع اخوك وتصارحيه وتقولين له انك حصلتي له بنت أحلا وأخلاقها احسن من بنت عمك وبعدين قولي له عنها ... المهم لازم تقولين له بأسرع وقت عشان ما يحطها في باله أكثر وبالتوفيق .... |
انا من رايي غلط كبير انك تسكتي عن الموضوع لانه اخوك ويهمك اكثر من بنت عمك...
اذا فيها عيوب اخرى حاولي توضحينها لاخوك حتى يصرف نظلر واذا مابطل وضحيله انها مستهتره وما تناسبه لكن بدون ماتدخلي بتفاصيل افعالها.... واذا مره مره مصر عليها حاولي انك تذكري له اشياء بسيطه عنها تكون كفيله بانه يتركها وبنفس الوقت تستامنينه على سرها والله يكتب لكم اللي فيه الخير يارب... |
معليش سؤالي ياأختي كيف يعني اخلاقها مو زينه يعني تكلم شباب وتسمع اغاني .... إذا كان كذا فأنتي قولي لأخوك ترى البنت تسمع أغاني ولها بعض الأخلاق اللي ماهي زينه ولا تحاولين إنك تتعمقين في شرح أخلاقها <<< هذا رأيي لان ماودك تشوهين صورتها مرررره عند اخوك يعني استري عليها أختك : أنين الزمان |
حبيبتي اعتقد انك لازم تقوليله ولكن بأسلوب ما يسيء لبنت عمك وقتها انتي تكوني برئتي ذمتك لو هو شاف انها في سن مراهقه وحب انه يعقلها ويسترها يتحمل نتيجه اختياره ولو غض النظر عن الفكره برضو تكوني انتي وعيتيه وعملتي اللي عليكي بس اعتقد انه لازم يعرف ومايحتاج احد يعرف غيره رغم اني انا افضل انك تقوليله ما تنفع بدون ما تفصلي واتوقع انه رح يفهمها
|
حالة اخوك شبيهه بحالة اخوي رجل متدين واخلاقه عاليه ويبغى يتزوج مره امي جات من عملها وقالت لاختي في عندكم بنت في المدرسه (ثانويه) يقولوا انها بنت ناس وحلوة شوفيلنا هيا واخويا من كثر كلام امي بدا يروح فيها ويبغاها المهم اختي في لحظتها
حطت عينها في الارض قالها ايشبك قالت والله تبغى الصراحه مو قد كده قالها كيف يعني!!! اخلاقها ووجات تبغى تكمل قام قال الديره متروسه بنات شوفيلي غيرها !!؟؟:) |
الا واجب عليك تخبرينه
|
قوليله صراحة ماأحسها تستحي وجريئة شوي وأنت ملتزم وغيور ماتنفع لك .. وبكذا هو يفهم الباقي .....
|
انا من رائيي انج ول شي تستخيرين في ها الامر والله بيفتحها عليج ان شاء الله .. ثاني شي حاولي انج تشوفيله بنت حلال تناسبه وتعرفينها عدل عشان يوم تفتحيله الموضوع يكون البديل موجود ويفكر في الموضوع بجديه اكثر.. وحاولي انج تعطينه رؤوس اقلام عن البنت مافي داعي لنشر الغسيل :)
وخلي اسلوبج وياه هين لين وبينيله لو ماكانت راحته وحياته تهمج ماكنتي تكلمتي من الاساااس ... وقبل لاتنهين السالفه قوليله انت استخير وربك سبحانه وتعالي الموفق :) والله يعينج ويوفقج ياربي .. وطمنينا شو اللي بيصير .. |
من بيخسر طبعا بنت عمك في حالة زواجها من اخوك وعدم استقامتها
والراى الامثل انك ما تكبري الموضوع وعف الله عن ما سلف قد تكون ابرك من غيرها في حالة خطب اخوك غيرها يعني اذا فيه وحده ثانية افضل فهنا ما فيه مشكلة بس ما اظن في الوقت الحالى فيه |
قولي لأخوك البنية ماتصلح لك إحنا بنات ونعرف بعض وما فية داعي أبين لك أكثر من كذا والمهم هو المخبر ماهو المظهر
قولي أخلاقها ماراح تناسبك ابدا وأذا كان مصر عليها عطيه السالفة وبكيفه. |
الاسلووب المناسب يا اختي الكريمه انج تقعدين معاه وتقوليله يا اخوي انا اختك واكيد اني اريد مصلحتك وابغيلك
البنت الشريفه العفيفه الطاهره اللى تستاهلك انته كشاب متدين .....وانه ترى اصابع ايدينك موسوى صحيح فيه بنات محترمات وفيه العكس وفيه بنات اهاليهم محترمين وهم للأسف قامو ببعض التصرفات الطايشه والمغازلات وانا بنت والبنات يعرفون بعض وانا اعرف هذي البنت زين وهي راعيه حركات وقوليله مثل ما انا عرفت انها راعيه حركات اكيد بعرف البنت اللى معدنها نظيف وظاهرها مثل باطنها نظيف بعرفها وبخطبلك اياها وبيجي نصيبك لاتستعجل وقومي بلبحث لاخوكي على بنت متاكدين من اخلاقها وقوليلها اصابع ايدك مش كلهن واحد عشان ماياخذ فكره غلط على بنات حواء كلهم الخير والشر موجود ومجتمع الى يوم القيامه واكيد راح يقتنع من كلامك هذا ان شاءلله وبيصرف نظر وبينتظر بحثك له على بنت شريفه عفيفه خلوقه مؤدبه جميله تستاهله ويستاهلها والله يوفقه ويوفقك انك تلاقينله هذي البنت ان شاءلله بالقريب العاجل |
لا تقفي بطريق هذي الزواجه!!
لا ندري ربما عن طريق زواجها لاخيك تحصل الهداية. واغلب البنات اللي لهم حركات كذا وكذا بيكونو بعد الزواج مستقيمات لانه خلاص حصّلوا الاشباع العاطفي وصاروا قدام مسئولية اكبر .وانتي تقولي انه اخوك متدين يعني ان شاء الله قد يكون هو الاداة التي سخرها الله لهداية بنت عمك. ومن ستر على مسلم في الدنيا ستر الله عليه في الاخره. هي لا سمح الله ما زنت ولا سرقت هي اخطأت خطأ كبير وريما الان الله اراد ان يهديها (انك لا تهدي من احببت ولكن الله يهدي من يشاء). رأيي ان اخوك يصلي الاستخاره وانتم معاه وتوكلوا على الله واجعلي نيتك من عدم بوحك بسر بنت عمك هو نية اصلاحها حتى تثابي على ما فعلتي ان شاء الله. |
اقتباس:
و اذا كانت بنت عمك مو زينه بلمره بعد هذا الشي راجع لكم اما اذا كانت اشياء عاديه الله سبحانه و تعالئ يغفر الذنوب اختي فكري بعقل لا تفكرين لانك ما تحبينها او لا نها طاحت من عينك وانتم اعرف |
اختي,,,,,,,بصراحه موقف لاتحسدين عليه,,,,,,,
لكن انا انظر للموضوع من جانبين,,,,,, فيه شي اسمه شك,,,,,,,,,,,وفيه شي اسمه واقع,,,,,, يعني اذا انتي شاكه فيها ,,,مجرد شك ماشفتي شي بعينك....ولا سمعتي باذنك,,فحرام توقفين بوجه هالزواج,,, لكن في حال عندك ادله وبراهين,,,وشي ملموس يعني,,,,فخلاص خيتي,,(اكلت منذ ان اكل الثور الابيض كما قال ابن المقفع),,, وبهالحاله,,,تقعدين مع اخوكي وتكلمينه بس بطريقة مو سوداويه يعني,,, بس انه ماتصلحلك وممكن تخترعين موقف يعني,,,لانها في النهايه بنت عمه بعد ,,,اكيد لو قلتيله بتكلم واحد ,,فهي بمثابة اخته واكيد راح يسويلها مشكله,,لان اكيد الغيره والشيمه ماتسمحله يشوف بنت عمه تغلط ويسكت,,, بس اقنعيه انك تقولينله...تراها خفيفه...وتراها يعني شويه ,,,,وفيه بعد شويه بعدين انتي قلتي هو متدين,,,,ثقي تماما اول ماتقولينله راح يقولك مثل ماقال اخو اختنا شوبارد,,,خلص انسي الموضوع,,,,,,,,, بس على الله مايبهره جمالها ....وينسيه الاهم الخلق والدين,,,,,,, اتمنالك التوفيق اختي انتي واخوكي,,,,,,,,,اللهم امين |
انتي مسؤله امام الله عز وجل اذا لم تخبري اخوكي بالحقيقه كامله
لازم وضروري تخبرينه بكل شي يعني بالله اذا ما بتكونين مع اخوكي هالمره وفي موضوع خطير هو الزواج متى بتكونين معه اتقي الله عز وجل واخبريه بكل شي تعرفينه حتى لا يقع الفاس والراس وتتطور الامور الى مالا يحمد عقباه. |
الله يعينك و يهديك للصواب اللي تجنين فائدته بالدنيا و الاخرة
|
ابو راكان
مشكور اخوي ...ان شاء الله انها تهتدي وراح انصح اخي بالاستخاره .................................................. ................... دلع ودلع اهلين بالغاليه الله يهديها ياااارب ومشكوره على اهتمامك ................................................. الثعالبي هذا ماكنت انوي فعله من البدايه لكني لاأريد المشاكل وليس عندي تصور لرد فعل اخي شاكره لك نصحك وتوجيهك .................................................. .............. SFY شاكره مرورك ونصحك .................................................. فلانه من الناس اهلين فيك اختي الغاليه بصراحه قرأت كلامك وأثر فيني مرره حيرتيني اختي يعني هذا اخوي واتمنى سعادته على سعادتي والبنت مستهتره وماعليها من احد والله اني اتضايق واحزن كل ما فكرت في الموضوع مشكوره على كلامك .................................................. . مايهزك مشكور اخوي وانا بطلب من اخي انه يكثر من الاستخاره قبل ما أقوله عنها يمكن ربي يصرفها عنه من دون ما اتكلم عنها قدام اخوي يعطيك العافيه على الدعوه الطبيه .................................................. شقرا السعوديه اهلين عزيزتي المشكله كل ما قلت له عن وحده ثانيه يقول لأ بنت عمي نعرفها وذيك ما نعرفها يعني اخاف اقوله عن اخلاقها يبطل زواج مره وحده مشكوره على اهتمامك |
الموضوع يعتمد من شخص لاخر و حسب شخصيته
مررت بتجربه مماثله مع اخي لكن ليس لسوء اخلاق البنت انما لاقتناعي انها لا تناسبه من ناحيه طريقه التفكير و منهجهما في الحياه تختلف و سالني مرارا و تكرارا عنها ولم اجبه ،،، لم اكن مرتاحه لا الها ولا لعائلتها وبعد اصرار ه اخبرته فقط اني لا اعتقد انها مناسبه هنا كانت الطامه الكبرى كانت غلطتي انني لم اقدر جديته في رغبته بمعرفه رائي اتهمني باني اغار منها و اني لا اريد له الخير مع انني كنت متزوجه من اسابيع قليله بعدها تقدم لخطبتها و عندها كانت الصدمه بها و بعائلتها و حصلت الكثير و الكثير من المشاكل بين العائلتين استمرت لسنين طويله حاولت الاصلاح و ذهبت لزيارتهم و طيبت خاطرها لكن المشاكل كانت اقوى وحدث الانفصال بينهم بعدها ماذا كانت النتيجه تزوج اخي من انسانه اخرى و انجب اطفال ((ولدو بنت)) لكنه لم يرغب بوجودي في فرحته الجديده والى يومنا هذا ،،،، بعد 10 سنوات ،،،لا حديث بيننا فقدنا الثقه ببعضنا لذا يا اختي اتركي مثل هذه الامور لاهلك ولكبار العائله اخبري والدتك هي اقدر على التصرف |
| الساعة الآن 03:12 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©