|
اكبرها وازعل ...ولا اطنش ؟؟؟
القصة ومافيها اني امس مع زوجي نسولف ووسط السوالف
مادري وش اللي خلاني اسأله تقدر تقول اسماء اخواتي ( عندي ثمان اخوات قولوا ماشاء الله ) المهم ماقدر يقولهم ....تذكرخمسة والباقي يقول لي هذيك ام محمد اسمها في حرف الجيم واللي زوجها فلان اسمها يشبه كذا ...عطيته فرصة نص ساعة وماقدر يتذكر يمكن الموضوع سخيف بس زوجي من 5 سنوات ومعقولة مايعرف اسماء اخواتي والله صدمة وزعلت منه حيل هالشي حسسني انه مايهتم فيني وبأهلي مادري وش رايكم يحق لي ازعل ؟ |
أبداااااااااااوليش الزعل أصلا موضروري يعرفهم ولا يعرف أسمائهم
ألا قولي لي ويش بيستفيد لاعرفهم ولا شي الله يهديكم لبعض |
والله ضحكتينى يا أختى. ترى السالفة ما تستاهل . يمكن يمزح معك أو فعلا لا يعرف أسماؤهن . مو مشكلة اطلاقا لا تكبريها. ترانا يا نساء بنحب ننكد على أنفسنا من غير داعى.
|
الله يهديك الناس جالسة تبعد عن المشاكل بشتى الطرق وأنتي جالسه تدورين عليها...حكمي عقلك
والحمد لله أنك أنتي أعترفتي بخطأك |
ياحبي لك يانسيم الصباح
هي صح خمس سنين وشينة انه ماذكر اسمايهم بس نسى عادي وماهم اكبر همه معليش تتشرهين عليه شوي ايه معك حق بس زعل زعل!! والله قوية تزعلين قولي الحمدالله الناس تصير لهم مشاكل وش كبرها ويتحملون هذي مهي مشكلة ابداا الله يخلي لك زوجك |
مو مهم انه يتذكر اسماء اخواتك المهم انه يتذكرك و اولادك الستم انتم اهم عنده من اى شىء آخر فى هذا العالم احمدى الله على النعمه التى تنعمين بها و لا تبحثى عن المشااكل هداكى الله الى زوجك انشاء الله
|
ليش ازعل عادي عموما الرجال مايهتمون كثير في هاذي الاشياء مشاء الله كثيرين احس انه طبيعي
|
حبيبتي والله ضحكتيني .. ترى الموضوع مايستاهل هذا كله ...
ايش يستفيد لو يعرف ؟.. اهم شئ انه يحبك انتي ويعرفك الله يحفظكم ربي |
يتذكر ايه ولا ايه
ماشاءالله 8 مو 2 وطيب انه ذكرلك 5 يعني المفروض انتي تساعديه كمان احذفيله اجابتين |
الشيطان يتلاعب فيك
|
مشاغل الحياة تنسى الواحد اسمه اصلا:d
استعيذى بالله وابحثى عن السعادة واطردى الوساوس هداكى الله |
يا بنت الحلال تزعلين ليش
الموضوع ما يستاهل ... |
هوو !!
طبعا مايحق لك تزعلين ووووش دعوىىىىىىىىىىىىىىىى |
ما يستاهل الموضوع ياقلبي تزعلين عليه
خبي الزعل لاوقات ثانيه :) ههههه |
اشكر كل اللي رد علي
والله انكم انتوا اللي ضحكتوني وفعلا حسستوني ان الموضوع سخيف ومايستاهل |
يغلق الموضوع
|
| الساعة الآن 09:48 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©