|
البروتوكول .والاتيكيت..بس مو على حساب سعادتي
السلام عليم ورحمة الله..
احمد صديقي العزيز رغم انه يكبرني بسنتين طبعا صديق اخوي اللي اكبر مني..لكن مع مرور الايام ارتحنا لبعض اكثر .مع انه ماكنا نرتاح لبعض كثير في بادئ الامر خصوصا اذا تعلق الامر بغيرتنا من بعض ..على امور تافهه كالمقتنيات الشخصيه...نوع الساعه او العطر او الشماغ او الغتره او نوعية القماااش حتى وصل بنا الامر ان الواحد مننا ينصب على اهله ويحرم نفسه من امور كثيره فقط ليشتري شي مميز وغالي ليقهر به الاخر..(استغرب هالمعادله رغم فارق السن اللي بيننا) طبعا حركااات مراهقين...عندما اصبحت بالثانويه..ذهب احمد الى فرنسا لاكمال دراسته الجامعيه في جامعة السوربون(اسمها يسببلي حساسيه..الله يسامحك ياالوالد بس.يعني وش فيها لو درست بالسوربون انا بعد)..وعندما انهيت الثانويه اتجهت لاحدى دول الخليج لانهي دراستي في نظم المعلومات...عندما انهى احمد دراسته عاد للملكه وعمل باحدى الشركات الكبرى لكن بسبب لغته الفرنسيه تم اعادة ابتعاثه لبريطانيا لتقوية لغته الانكليزيه وعاد واستلم منصب يناسبه..كان جدا مرتاح.. طبعا وانا ايضا عندما رجعت للمملكه بدأت اشق طريق المستقبل في عملي الحالي..المهم رجعت علاقتنا بعد سنين الغربه كثير نرتاح لبعضنا رغم انه لايوجد صديق كامل والكمال لله.(لاني دايما اقووول ياربي لو كان فيه اثنين لورنس نفس طبعي بسلبياتي وايجابياتي كان زين ههههههههه)..قبل لا يسافر احمد كنت اتفنن قدامه بحركات الاتيكيت والبروتوكول منها ماقرات عنه ومنها ماكنت اعرفه في محيطي العائلي ومنها ماكنت اخترعه ويروق لاحمد كثير..وهو ايضا كان يخترع بعض حركات الاتيكيت وكنت امررها له...ليس لشي بس معامله بالمثل ههههههه.. طبعا احمد لما رجع من فرنسا ...مانساني من الهدايا جزاه الله خير لكن من الهدايا الحلوه كتاب..عن فن البروتوكول والاتيكيت...ومثل ماتعرفون فرنسا تعتبر الارقى في اوربا من هالناحيه, ابغى اتزوج..قالها لي فجأة...اعرف مواصفات البنت اللي يبيها احمد..بالضبط اعرف مواصفاتها...لكن انه يكون موضوع الاتيكيت من اولوياته هذا اللي ماكنت اعرفه في عروس الاحلام...طبعا ماقال هالكلام الا لنه وجد ضالته في ابنة مديره المباشر..وهذا المدير خريج جامعات امريكا..لن اخوض في تفاصيل كيف تمة عملية الشوفه او غيره..بس اللي اعرفه انه مديره المباشر وكان كثير يحب احمد ومعجب باخلاقه وباتيكيته يمكن هههههههه.... المهم احمد طاير من الفرح...تزوجها وسافروا لباريس شهر عسل كونه ضليع الاخ بفرنسا..وقعدوا اسبوع وفي نيس اسبوع وحط الاخ مايزيد على 30 اف ريال.وضف على ذالك قرابة 150 الف ريال تكاليف عرس وغيره..ومش مهم الفلوس اذا كانت تستاهل على الاقل هذي وجهة نظري... بعد مارجعوا ماعمري شفت احمد كذا ..مستانس ومرتاح..وقلتله من بوكرا راح اتزوج اذا كذا.. تصدقون يااخوان بعدها بفترة بدأ احمد يتململ..وبدأ يشكيلي..وكان عندي سياسة مااعطي اهميه للي يقوله..علشان ايش وهذي سياسه عندي...هههههههههه....الشخص اللي قدامي مثل مايقولون يهد دود بطنه...هههههههه يعني يقول كل اللي عنده............فضوووووووووووول..وبدأ يشكي ويقول: تصدق ماعمرها صحة الصبح وسوتلي فطور...الغدا ابدا ولاكاني موجود الشغاله تسوي كل شي...وكل همها نفسها وبس..وبس تحضر موفي..بودكير ومونكير وصالونات.. مااحس بوجدها الا في اماكن ضيقه في حياتي...الكلام لاحمد..(مساكين حنا الشباب...)طبعا حاولت اقنعه انه يكلمها خصوصا هي جامعيه ومثقفه..قالي يافلاااااااان ماخليت طريقه بس والله عبث...كانك تكلم جدار....حتى يقوووووول كلمة ابوها...ولما ابوها كلمها قالتلي طلقني....................تخيلوا بهالسهوله...بطاطا مو زوووواج المهم احمد يقول لما قالتلي هالكلمه طابت نفسي منها..وكاني اليوم بس اكتشفت انها سطحيه......... (اخواني ان شرحتلكم في البدايه عن احمد كثير ليس لشي بس علشان تعرفون شخصيته..والله انسان ملتزم بدينه وبصلاته ويخاف ربه) تم الطلاق والزواج لم يدم سنه............ذكرلي انه زوجة السابقه كلمته حتى بعد الطلاق وقالتله انا احترمك كثير وانت انسان مميز...وبالنسبه للفلوس ممكن ارجعلك 50 الف ريال..ويقول رفضت...على ذمة احمد...واحمد يسويها لاني اعرفه زين....ورد وقالها ..لا اختي هذا غلطي وانا اتحمل سوء اختياري لانه انقهر منها..وكانه عصبوا على بعض وكانت اخر مكالمه ..تصدقون يااخوان تزوج بعدها بنت خالته عمرها 23 سنه خريجة جامعه من جامعات المملكه ...وله اكثر من سنه معاها وكل يوم احمد يوصفلي حياته...والله كانه في الف ليله وليله..يقوووووول هي شايفتني ومو مصدقه وانا كذالك ويقوووول اكثر ماعجبني فيها اشترطت علي اننا ثالث يوم العرس نعمل عمره..ويقول عملنا عمره..وعقبه طلعنا لمصر وقعدنا كم يوم....ويقوووول وعدتها باني اخذها باريس الى معقلي الجامعي في الايام الجايه.. شاهدي اخواني من كل هالكلام...انه الزواج شي مقدس اكثر من موضوع بروتوكول واتيكيت..... بالنسبه لي على الصعيد الشخصي ودي انه زوجة المستقبل يكون عندها مبادئ البروتوكول والاتيكيت ولو قليلا ودي ان لبسها يكون كله ماركات...برمودا..لازورتي..وغيره....بس هذي امور ثانويه اذا انوجدت اوكيه.. بس اكيد مش اهم من الدين والاخلاق.....وشي مهم جدا لانغفل عنه وهو البيئه.............يعني من تجربة تملكت هالقناعات. اخوكم لورنس |
صدقت يا حبيبي يا رسول الله عندما نصحت فأوجزت ( تنكح المرأه لأربع لمالها ولجمالها ولحسبها
ولدينها فأظفر بذات الدين تربت يدك ) صدق رسول الله صلي الله عليه وسلم |
هناك حسبة بسيطة
يقال اذا اخذت المراة لدينها فنعتبر هذا بواحد 1 ولجمالها نعتبره عشرة 10 ولمالها نعتبره مائة 100 ولنسبها نعتبره الف 1000 اذا فالاربع صفات مجموعهم الف1000 اذا حذفنا دينها اى الواحد 1 تصبح ثلاثة اصفار على الشمال لا قيمة لها تحياتى |
والله كلامك صح بس اللي يفهم
|
حلو كلامك والاحلى منه انك ذكرت ان ودك بزوجة المستقبل تحمل بعض الاتكيت وتلبس ماركات000 والله فيه رجال زوجاتهم اكثر من اتكييت وفاهمين لامور الزواج ومع ذالك ماتجد من زوجها الى المعاير :(
الله يرزقك بزوجه اتكيته:26: وفانتلستك:d مكتوبه بالعربي00 وتري الشغله مهب بلبس المالركات تكون الوحده اتكيت ترى الشغله زوق وفن ولمسه حلوه زائد رزانه وثقل 000 بس مهب على زوجه:24: تسلم يابعد حيي على الموضوع:22: |
اخوي ossama شكرا على المرووووووووووور
ولنا في رسول الله صلى الله عليه وسلم......اسوة حسنه |
اخوي عاااااااااوز اشتغل.........
احلى معادله في عالم الحسبه البسيطه......شكرررررررررررررررررررررا الغالي على مرووووووورك |
ياخيتي ياديمو 2006.......ادري ياخيتي والله ماهي بلبس الماركااااااااااااااات وهذي قناعتي الشخصيه
اللي ان شاء الله مااحيد عنها....وانا ذكرت انها اموووور ثانويه بالنسبه لي.... يابعد حيي ههههههههههههه..........الا ياخلف جدي.......شكرا على مرورك ياخيتي |
صديقك احمد اغتر بالمظهر الخارجي وانخم باللي جوى ،، مسك القشور وتناسى الجوهر.. زي الحلاوه اللي ريحتها حلوه ومنظرها رائع لكن طعمها سيء..
من رحمة ربك على صديقك انه عوضه بزوجه ثانية نسته سوء اختياره الأول. بس اقولك شي ترى الزواج والراحه فيه توفيق من عند الله،، احس الزواج زي البطيخ (الجح) تشوفها في السوق يا سلام من اروع ما يكون لكن انت وحظك من جوى كيف تكون لذيذه ولا مضروبة والمشكله ما تقدر تعرف الا بعد ما تدفع حسابها وتجيبها عند البيت وتذوقها بنفسك.. وفقكم الله جميعا.. |
خيتي كريستاااااااااال شكرا على مروووووووورك الحلووووووووو
لكن اختلف معاكي في نقطه....انه الزواج حلاوته ومرورته تعتمد ايضا وبشكل كبير على نوعية الاختيار...... واكيد انه الحظ والتوفيق لهم دور كبير.......لكن شاهدي من هالقصه...على بيئة الانسان يجب انها تكون متقاربه....لتتحقق الغايه..........شكرا ياخيتي |
اخوي لورنس اسمحلي ...
كل اللي اقرأه في هذا المنتدى احسه خيال ... :29: مافي في الواقع اي رجال زي كذه :29: لاتقلي انت لسه بقشورك .. انا ادري لسه .. لن ربنا العالم بحالي وليش ابغى اتزوج ... ربنا العالم كيف اعيش ايامي ماعندي شئ غير هذا الجهاز .. اللي يسليني وينسيني مشاكلي ... انا الوحيييدة اللي اعرف حالي ومشاكلي .. انا ماودي زواج عشان لعب .. ودي ربي يريحني ... كل بنات العائلة اتزوجوا الا انا .. لدرجة اني صرت افكر انه مافي احد يتقدملي لاني والله العظيييم الافضل ... رغم كل مشاكلي الا اني ادرس في الجامعه وودي اكمل الماستر وعندي اتيكيت وكل شئ ... والرجال كلهم ثانوية وما اعرف ايش ... يا اخي الكريم ...انا ادري ليه مافي احد يتقدملي ... وهذا سر راح اخبيه طول عمري حتى في المنتدى ماراح اقووله رغم انه مافي احد يعرفني ... عشان كذه انا احاول اجهز نفسي من الان لاني يمكن اصير عانس .. لكن ربنا قادر وكريم .. والحمد لله عوضني باشياء كثير حلوة ... كفاية قلبي ابيض وطيب وحلوة وممتازة وناجحة في حياتي ... لكن كل شئ قسمة ونصيب .. سامحني اذا طولت عليك لكن من القهر احس الكل ضدي ... عشان طلبت شئ بالحلال ومن حقوقي ... وربي عالم ليه طلبت وايش عندي في البيت .. بالتوفيييق |
خيتي كبريائي.........اتأثرت كثير باللي كتبتيه والله العظيم.....
خيتي..... اولا حنا مش ضدك ابدا.........وكلنا اخوانك والبنات اللي موجودين خواتك...وكلهم يودون لك الخير... واذا تكلموا او قسوا عليكي فاكيد لصالحك ولخوفهم عليكي.... ..واذا فيه سر مخبيته..صدقيني صدقيني كثير من الاخوان والاخوات عندهم اسرار يمكن لو قالوها تهتز لها جباااااااااال اذا مش بس انتي الوحيده.......وعمرك لاتشعرين مثل هالشعور ..انو انا لحالي ومحد فاهمني.. بس الاخوان والاخوات لما قالولك على موضوع عانس في العشرين من خوفهم عليكي ..مقهورين عليكي.. شوف خيتي ..يولد بعض الناس مكفوفين ويولد بعضهم لا يستطيع المشي ويولد الاخر بدون يد او بدون قدم...... واحيانا تشوفين نفسهم هؤلاء الاشخاص اقوى مني ومنك...هذي امتحانات القدر... وعملية انك تستقرأين المستقبل بهالطريقة التشاؤميه...فانتي غلطانه ميه في الميه... تفائلي ......وانتي انسانه ملتزمه دينيا ومثقفه....اكيد ربنا ماراح ينساكي,,,, لاتفكرين في لحظه..ان هذاااااااااااااك اللي فووووووق بعزته وجلاله ينسى عبده...ولاتتزعزع ثقتك فيه... وصدقيني ماراح تلاقين الا اللي يسر خاطرك,,,,,,, دعواتي لك بالتوفيق اختي.........والزوووووج الصالح....والذريه الطيبه,,,,,اللهم اميييييييييييييييين |
اقتباس:
يمكن عندك ظروف صعبه بالبيت تتمنى تخرجي منه او كل اللي حولك متزوجين (رغم انه اعمارهم صغيره) فاعطاك ايحاء انك كبرتي وخلاص عنستي والقطار قرب يفوت..اتخيلي لو اتزوجتي وعمرك 25 سنه؟ يعني حتعيّشي نفسك في هذا التعذيب كمان 4 سنوات؟ ولا تقولي عشان انا ماجربت الاحساس..بالعكس جربت امه وابوه :) واتزوجت وانا عمري 24 سنة يعني مريت بعمرك لكن انا عارفه انتي بنت منتي لعابة ما عندك يمين وشمال عشان كذا تبغي الحلال والله يعطيك الحلال باقرب وقت بس ارجوك لا عاد تقولي عن نفسك عانس او تحطي نفسك في عالم العوانس.. وانا ما اقولك هذا الكلام الا من محبتي لك رغم اني ماعرفك شفقت عليك لانك كثير تقسي على نفسك وفقك الله الى ما تحبي.. ارجوك لا تزعلي مني.. |
حبيبتي كبريائي ترى الزواج شئ حلو بس مو معناته انه قمة الفخر والمجد
وبعدين انتي لسه صغيره حتى لو بنات العايله تزوجوا انا اشوف ان الوحده تبدا تقول عانس عن نفسها اذا وصلت 35 سنه اما الاخ لورنس ترى لبس الماركات مو كل شئ اهم شئ الذوق والاناقه والرقه والدلع ياما بنات لبسوا بالالاف بس من دون روح حلوه مثلا ممكن زوجتك تلبس جلابيه بثلاثة الاف وماتعجبك وممكن تلبس شورت وتي شيرت بمية ريال وتطلع كيوووووووووووت مره اهم شئ الاختيار |
شكرا يااخوي على اسلوبك الحلو بالطرح...وعلى خفة دمك الظاهره جليا بقصتك
هههههههههههه بس ليش مادرسوووووك بالسوربون؟؟؟؟؟؟ تصدق ظلت بنفسي جامعة متشغن..اغلب اخواني وعيال عمي درسوا فيها...وانا قضيتها بالبحرين ههههههههه |
اختيlavender
اما الاخ لورنس ترى لبس الماركات مو كل شئ اهم شئ الذوق والاناقه والرقه والدلع ياما بنات لبسوا بالالاف بس من دون روح حلوه مثلا ممكن زوجتك تلبس جلابيه بثلاثة الاف وماتعجبك وممكن تلبس شورت وتي شيرت بمية ريال وتطلع كيوووووووووووت مره اهم شئ الاختيار ادري اختي انه مو كل شي الماركات,,,,وهذي قناعاتي بعد,,,,,,وفعلا اهم شي الذوووووووق والاناقه شكرا على مرورك اختي ياذوووووووق واناقه |
العزيز الغالي ,,,,,,,,,اخوي المترووووو
شكرا على كلااااااااااااااامك الحلووووووو انا اقولك ليش مادرسوني بالسوربون؟؟؟؟ لان الوالد كان رافض اننا ندرس في غير جامعات تدرس الانكليزيه ,,,وكان رافض فكرة السوربون او اوربا الشرقيه وانت تعرف في مجتمعنا الخليجي المستخدمه هي الانكليزيه,,,, , |
موضوع جميل اخوي
انا اشوف انه مافي بنت الا ما ندر ما تعرف عن امور الاتيكيت!! اصلا البنات بينهم وبين بعض في (معارك مصيريه) منو اللي تبرز ذوقها واتيكيتها اكثر من الثانية لا تحاتي هالنقطه |
اختي 3THOOOOOOOOOOOOOB
شكراااااااااا على مروووووووورك اختي والله يطمن بالك مثل ماطمنتي بالي هههههه |
اهلا اخوي ..
الله يوفقك ببنت الحلال اللي تسعدك وترضيك ... بس ودي أفهم انت تبي بنت على حسب شروطك في الموضوع السابق والا خلاص اقتنعت اهم شي الدين والأخلاق؟:d :d الا اذا كانت قصة صديقك خلتك تغير تفكيرك بالشروط المثالية اللي في موضوعك الثاني :25: ترى والله ما أقصد شي لكن الموضوعين كانوا تحت بعض تقريبا .. فلقيتها فرصة اعلق... < حريم ما علينا شرهه طبعا الحمد لله ان على سلامة صديقك واختياره الموفق -الجديد طبعا- بغيت أسأل اختي كبريائي.. أكثر من مرة قريت وسط كلامك عن مشاكل وظروف وو الخ... وتمنيت أعرفها توقعت بتظهر مع كتاباتك بس ما شاء الله عليك ماسكة نفسك:d ممكن أعرف وش قصتك أقصد الظروف اللي تخليك تبحثين عن زوج بعيدا عنها؟ مع إني بحترق ودي أعرف سالفة ان الخطاب ما راح يبجوا لسبب! لأن مافيه سبب يمنع الخطاب انهم يجون؟ مهما كانت الظروف! لا شكل البنت وصحتها ووو الخ ولا ظروف أهلها او عيوب أو سمعة أو شي من هذا القبيل ... ولا سمعة البنت او أو أسباب قوية ورغم ذلك يجيها خطاب! يمكن صحيح ما تنخطب من الله يعني بدون سبب صحيح تكمل ثلاثين سنة أحيانا وما انخطبت لكن مو لأن ظرفها المانع! كتبة ربي! أقصد ليش خايقة ما يجونك خطاب ومتأكدة أنهم ما راح يجون؟! راح يجون لو بعد كم سنة مصير احد يجي يخطب بكرة والا بعده! واذا ما تبغين تقولين السبب خلاص خلاص يكفي..دموع ! بجيب لك اسكريم من اللي يحبهم قلبك:d بس ممكن أعرف قصتك؟ تحياتي للجيمع |
اختي اتكأة حرف,,,,,,,,لاااااا الحريم اللي مثلك عليهم شرهه,,,هههههههههههه
انا اختي من اول شي مقتنع انه الدين ولاخلاق اهم شي,,,,هذي امور اختي لاغبار عليهااااااااااااااا وحديثي مع الوالده في الموضوع السابق اللي تقصدينه,,,,كان عباره عن التوصيفااااااات الشكليه,,, افا عليكي خيتي كذا رايك فيني اني انسان سطحي وماافكر الا بالجماااااااااال الله يسامحك بس,,, عالعموم مانقدر نقوووووول شي انتي استاذتنا وزلزال الحق بعد,,, الله يوفقك ويسعدك يارب ,,,,,,,,,,اللهم امين |
| الساعة الآن 04:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©