|
متى أفاتح زوجي بموضوع منع الحمل
السلام عليكم ورجمة الله وبركاته
..... ..... . . . أريد اشاوركم لأن رايكم يهمني مشكلتي ما أعرف متى أفاتح زوجي بموضوع الحمل.....السالفة وما فيها عرسي بعد أسبوعين وأنا طالبة جامعية وتوني بدخل في التخصص وبقالي 3 سنوات ونص.....وما أريد أحمل إلا بعد ما يمر سنة ونص على الأقل من زواجنا.................. انا قلت بفاتحه في الموضوع بعد أسبوعين....بس أخاف أحمل في هالفترة....شو أسوي في حد يعرف موانع أقدر أسويها....وما تضر علي.... ومب بس هذا وعندي موضوع ثاني أريد أفاتحه فيه .........وكلهن ضروريات ما أقدر أجلهن لأكثر من أسبوعين بس أنا ما أريده يقول إني بديت اتطلب...أو ياخذ فكرة عني وعن الزواج.... شو أسوي انصحوني يا خواني............أنا بحاجتكم .............. |
لازم تعطيه خبر قبل يوم الدخله ما يصير تعلميه بعد ما تتزوجوا باسبوعين كذا خليتيه اخر من يعلم وهذا ما يصير..
فاتحيه وقوليله الموضوع زي ما قلتيلنا الحين خذي الامور ببساطه لا تكبريها وهي صغيره واذا رفض حاولي تقصريها يعني بدل سنه ونص تخليها سنه او مثلا تقولي الصيف الجاي وكذا عشان توصلوا لحل يرضي الطرفين.. |
أنا معاك لو كان في مجال للتواصل معاه بس مافي أي تواصل وحاولت كذا مرة في مواضيع طارئة وكان لازم يكلمني بس ...........الشكوى لله..........طرش اختي وقال اذا تبي حد من خواتي تتفاهم معاك........رفض أي تواصل لو كان ضروري..............وانا ما اقدر افتح هالموضوع مع حد من اهلا بقولون استني اسبوعين.............على العموم شكرا على مشاركتك
|
توكلي على الله
اختى وفقك الله
اهم شيء تتوكلين على الله ثم تفاتحينه بالموضوع من اول الأيام ولازم تستخدمين كلمات جذابة وتقولين ودي استشيرك في موضوع يهمنا جميعا وهو الأولاد انت تبي ننجب سريعا او نجلها شوي اذا كان رايه التأجيل ممتاز ثم اذا كان يبيهم بدري تقولين ودي اشاروك في مسألت تأجيلهم بعد اذنك الفترة الي انت تحددها لاني انت عارف دراستي تحتاج كذا من السنوات بالطريقة ذي راح يعطيك المدة الي هو يبها ثم تذكرين له انه الحمد لله فيه موانع كثيرة ولا فيها ضرر وخلنا نطول مدة العسل قبل العيال .............................. ارجوا ان تجدين الفائدة وثقي ان الخيرة فيما اختارها الله ولا تشدين معه في الكلام . |
بسم الله عليك الرحمن الرحيم
مادام الموضوع كذا خلاص حبيبتي اتوكلي على الله صلي واستخيري واهم شي دحين لآزم تعرفي فترة الأمان عندك من الحمل وتوكلي على الله ولاخاب من اتكل عليه وبعد الزواج بكم يوم اتكلمي معاه عادي واطري فكرتك للنقاش وليس كقرار يعني قولي له عندي موضوع ودي اناقشك فيه لأني متحيره وودي اخذ رأيك لأن رأيك يهمني جدا بس بشرط لاتجاوبني بسرعه الا بعد ماتفكر وتدرس القضيه تماما..موافق........اكيد بيوافق وابدأي يافلان انا سعيده جدا انك زوجي ورجل حياتي اللي طالما تمنيته وربي يقدرني اني اسعدك وارضيك واهنيك ويجعلني ربي لك زوجه صالحه .................صمت خفيف ونزلي عينك شوي الموضوع ان ودي اراجع طبيبة النساء عشان اعمل احتياطاتي من الحمل لأن ودي نستمتع مع بعض أكثر ونتأقلم على بعض وبعدين كمان دراستي ودي اعدي شوط منه عشان ماأقصر بأحد انت والبيت والأولاد والدراسه ايش رايك يافلان واللي ربي كاتبه لنا انا راضيه فيه واستمري بصلاة الإستخاره وربي يسعدك ويفرج همك ويتمم عليكم ويألف بين قلوبكم انت وزوجك ويحنن قلب عليك ويجعله هين لين حنون حليم كريم معاك بسم الله عليكم الرحمن الرحيم اختك في الله |
السلام عليكم...
اختي في الله ناعم: شكرا على مشاركتك وسأعمل بها وبدعيلك.... أختي في الله روح الغالي: شكرا على مشاركتك وربي يقدرني على إني اردلك إياها بالدعاء ..... كلامكما ريحني الله يريحكما دنيا وإخره |
اختي الغاليه
الف مبروك مقدما وبرايي ان هذا الموضوع من الاولويات المهمه لذلك لاضير ان تناقشيه فيها اسعدك الله ووفقكما لمافيه خير وصلاح |
فيافي نجد:
شكرا على المشاركة |
أختي في الله
قد تحمل المرأه في أول يوم من زواجها ( بعد الدخله ) وهذا قد حصل مع نساء كثير عاد أنت شوفي متى بتفاتحين زوجك أخوكم ابوفارس |
أخي أبو فراااااااااااااااااااس:
لقد زدت من قلقي بس شكرااااااااااااااااااااااااااا أختك: محد دلوع شراتي |
آسف لم أقصد إيراد القلق إليك
ولكن أقصد مفاتحت زوجك وأنتم في البراح أفضل من أن تأخري الأمر إلى وقت متأخر جدا وعموما الأمر كله بيد الله سبحانه وتعالى أخوكم ابوفارس |
يا أخوي متى أفاتحه إذا ما هو ترك لي مجال للنقاش............بس مشكووووووووووووووووووووووور يا أخي على مشاركتك اللطيفة
|
اختي انصحج اما اتقولين له قبل الزوااااج لو انت اتكلمينه او ليله الدخله لاتخلينه يفرغ داخل نفس الوقت قوليله يفرغ برع بس من دون ماتذكرين السبب بعدين اليوم الثاني
قوليله عن الموضوع واتفقي معااااااااه وان شاااااااااااااااء االله الموضوع سهل مب صعب مثل مااااتتوقعين والف مبروووووووووووووووووووووووك |
أختي إذا انتي جادة لازم تفكرين في الموضوع من الحين
يعني مو معقول بعد اسبوعين من الزواج بتفاتحينه و ممكن انتي تكونين حملتي و خلاص إذا ما تقدرين تكلمينه انتي قولي لأمك تروح معك لطبيبه علشان توصف لك حبوب تستخدميها على الأقل لحد ما تتفقون على طريقه تناسبكم..لأن مو معقوله مثلا تشترين انتي الواقي الذكري و تعطينه اياه..و اذا انتي جاده بخصوص دراستك فالموضوع ما فيه لعب أو إذا تقدرين خل أحد من خواته مثلا يقوله انك تبين تكلمينه في موضوع ضروري و قولي له أو اكتبي له رساله و خل أحد تثقين يوصلها له...بس لا تستهينين بالموضوع ترا يمكن تندمين |
اختي ام محمد عبدالله :
ما اقدر اكون جريئة من اول يوم واقوله فرغ برع .......استحي اختي مشغووولة: انا جاده في الموضوع ........انا سألت دكتورتي النسائية وقالت ما تقدر توصفلي لأني ما حملت قبل....وقالت من عنده لازم يمنع.....وانا جاده بخصوص دراستي لأنها مستقبلي....وانا ما اكلمه وما في تواصل ....حتى يوم كنت اريد اكلمه عشان تحويل كليتي وكنت اعتبره موضوع مهم ما طاع يكلمني وخلى امه تتصل لأختي وتتكلمني.....شفت مع العلم إن اختي كانت مسافره ساعتها أختكن : محد دلوع شراتي |
اختي العزيزه خذي الحبوب لمدة شهر واحد فقط ...مابتضر ان شاء الله تجربة شخصية مني و من شقيقتي ...بس لا تزيديها عن شهر. اتوقع الحل الوحيد |
بس دكتورتي قالت ما تقدر تعطيني .........بس شو اسم الحبوب الذي استعملتيها
|
أنا بعدني بفكر في موضوع الحبوب مرة ثانية
ما في حل غير هذا |
ما اتذكر اسم الحبوب..بس دكتورتي قالت لي ايضا ان الحبوب مش صحيه بس اخذتها لانها الحل الوحيد- اخذتها لمدة شهرين فقط و بعدين على الامان و الكوندوم اتوقع ايضا ان افضل لان الزوج في البدايه ممكن ما يقدر يتحكم بالقذف و الكوندوم..لازم ما تطولي بالتفكير اذا دورتك قريبة وتعزمي على طريقة المنع بس اختي...اعيد لا تطولي مده الأعتماد على الحبوب |
مشكوووووووووووووووووووووووووووووووووووورة على ردك علي
|
تعرفي شو مشكلتي اول يوم من انتهاء الدورة هو يوم عرسي شفت عاد................حظي
|
اقتباس:
في أول يوم بعد الدورة احتمال الحمل ضعيف (طبعا في كل يوم ممكن البنت تحمل بس فيه أيام الاحتمال كبير و فيه أيام يكون ضعيف و كله بأمر من الله سبحانه و تعالى) إذا ما تبين حبوب خل أول يومين عادي اخذوا راحتكم بس عاد بعدها لازم تكلمينه على طول و تتفقون يعني مو اسبوعين مثل ما فكرتي من أول حدك يومين أو بالكثير بالكثير خمسه و بعدها يطلع الصيدلية يشتري اللي بالي بالك :29: و بالتوفيق |
مشكوووووووووووووووووووووووووووووووووووره يا اختي مشغووولة
لولاك ما كنت اعرف شو بسوي شكرااااااااااااااااااااااااااااااااااااااااااااااا اااااااااااا مرة اخرى |
اول شي الف مبروك شوفي انا مريت في نفس الوضع وقلت لزوجي من قبل ما يصير اي شي يعني من بعد الزواج بثلاثة ايام تقريبا بس انا كنت خايفة من فكرة الحمل والولادة والاحمد اللة لقيت تعاطف معايا وجلست ستة شة شهور والحمد لله وبعدين جبت عبودي وانا لي سنتين متزوجة فكرة الحبوب شيليها من راسك وافضل العزل وبا التوفيق
|
| الساعة الآن 11:55 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©