|
خلفية الشاشة التي وضعها زوجي وأثرت فيني
السلام عليكم
أمس قاعدين نتعاند انا وزوجي هو يحط خلفية ممثله امريكيه (قرده) تعجبه وانا اشيلها واحط صورة ممثل هندي قرد بعد بس عناد فيه:11: وقاعدين نضحك ونسب بعض بشاشة التوقف طبعا مزح هو يكتب كلام وانا امسحه واكتب كلام ونتضارب وشالني وطيحني بالأرض عشان ياخذ الكي بورد قبلي وعلى هالحال ميتين من الضحك رحت اجهز العشا وبعد العشا فتحت الكمبيوتر لقيته حاط خلفية صورة مولود وتحت مكتوب آيه: " رب هب لي من لدنك ذرية طيبة انك سميع الدعاء" صراحة تأثرت حسيت انه شفقان على الاطفال وحسيت اني زودتها لأنه هو يحب الاطفال واول ماتزوجنا قال ماراح نمنع الاطفال احنا مستقرين متى ماجو حياهم الله لأني انا ماكنت ابغى احمل اول ثلاث شهور بس يوم شفته متحمس تحمست مثله بس لما عرف ان عندي مشكله وتسبب لي تأخر بالحمل قعد يقنعني انه مو مهتم للأطفال وان الطفل بيحرمه مني ويخليني انسى ادلعه بس لما حملت قبل شهرين شفت كيف فرحته ولما طاح ماتأثر بس زوجي قوي مايبان عليه التأثر يبي يحسسني انه عادي المهم انا امس استغربت من الصورة ظنكم يقصد فيها شي؟؟ والله امس مانمت بس جالسه افكر باللي حصل. |
اللهم هب لاخينا واختنا من لدنك ذرية طيبة انك سميع الدعاء اللهم هب لاخينا واختنا من لدنك ذرية طيبة انك سميع الدعاء اللهم هب لاخينا واختنا من لدنك ذرية طيبة انك سميع الدعاء |
يمكن فعلا حانن على عيل يجي يقولو بابا بس ماتستعجلون الي كاتبو ربنا بسير وان شاء الله بتحملي على طول والله يهدي بالكم يارب ويرزقم الذيه الصالحه وانتم لسى ببدايه الزواج هيك حسيت:25:
|
الله يسمع منكم
تركي ماعطيتني رايك هو يقصد شي؟؟ |
شئ طبيعي الكل يتمنى يكون عنده طفل
انصحك بالاستغفار وقيام الليل ... وان شاء الله ربي يرزقك ب 10 اطفال ياقادر ياكريم :15: |
ان شاء الله خير ..
|
عجيب أمركم حاطين صور ممثلين وبعدين وضعتو ( رب هب لي من لدنك ذرية طيبة ) يعني من صورة ممثلين الى آية كريمة
|
الله يرزقكم الذرية الصالحة ان شاء الله
|
اقتباس:
اختي الكريمة .. ردي بالدعاء الخلفية مو عشان يوجه كلام لك .. فهذا كله بيد الله سبحانه وتعالى بس اعتقد ..... طريقة يعبر فيها عن لهفته وشوقه للعيال ..... عسى الله يرزقكم بمليون طفل يارب ... :d |
رادع هو مجرد استهبال لا اكثر مو المقصود فيها شي الا اثاره الغيرة وبعد بالمزح مو بجد
|
عموما مانبي مليون طفل بس ارائك عقلانيه و مافيها تحيز عشان كذا يهمني ردك على اي موضوع اكتبه
|
اسئل الله ان يجعل محبتكم دائمه وان يرزقم مولود هو سعادتكم في الدنيا والاخرة
اختي الكريمة مااجمل ان يكون هناك ود بين الزوجين ادامها الله عليكم يعلم الله ان الدمعة نزلت من عيني |
اقتباس:
ماشاء الله تبارك الله سمي على نفسك وعلى زوجك ...... ماشاء الله تبارك الله |
اختي سويت انجل يمكن صحيح نفسه في طفل عادي وانتي دام انك حملتي قبل يعني انتي طبيعية والحمدلله تقدري تحملي مرة ثانية وتنجبي .. فيه كثير يتمنون يحملو الله مايكتب لهم بالذرية وعادي أزواجهم متقبلين وفاهمين وعايشين حياتهم في سعادة
وانا اتمنى احمل وجيب لي بيبي يقل لي ماما والله بموت نفسي ... احب الاطفال مررررة >>>>:15: بس زوجي مايبيني دحين أحمل كله من ربعه ساس البلا من أول ما تزوجنا لهالحين دايم ينصحوه انه مانتسرع بالاطفال الا بعد السنة تصوري .. وانتي بعد شكلك لسا متزوجين بكرا تحملي وتترسي البيت اطفال وتفرحي فيهم وتفرحي زوجك وبيذكر ايام ما كنتو لوحدكم وتتمنو أطفال ورح تصير ايامكم الحلوة الرومنسية هذي مع بعض ذكرى حلوة ... والله يوفقكم ويرزقكم الذرية الصالحة يارب ... |
عسي الله يرزقك الذريه الصالحه يارررررب
ويفرح قلبك عاجل غير اجل يارررررررب اختي الغاليه زوجك مايقصد شي فيها الا انه متلهف للاطفال وانشاءالله الله يرزقكم يارررب |
اللهم هب لأختنا ذرية صالحه في القريب العاجل يا رب
أعتقد إختي من الصوره واضح جداً أن لديه مشاعر أبوه جياشه ويتمنى الولد عاد ياللا شدي حيلك وييبيله بيبي لأنه مثل ما عرفت إنك ما تشتكين من شي كبير ممكن يأثر على الحمل |
السلام عليكم ورحمة الله وبركاته
أختي الحبيبة
أسأل الله العظيم يرزقك الذرية الصالحة واحمدي الله ربنا فتح لك انت وزوجك باب للجنة وهو ابتلاء من ربنا وترا هي بشرة خير انك حملتي واسقطتي يعني الحمد لله انك تحملين لأنه فيه دكتور قال انه اللي تحمل لا مشكلة عليها في أمل أنها تحمل وتنجب بالنسبة غاليتي للصورة فيه ناس حبهم للأطفال جنوني يعني ما يقدرون يخفونه عندك مثلا زوجة أخوي عندها طفل ما شاء الله عليه لكن من تشوف أطفال أخواتي تشيل هذا وتحط الثاني يعني مو مسألة يقصد شيء والحمد لله هو حط صوره فيها دعاء وما يدريك لعل الوقت اللي انتِ قريتي فيه الدعاء كا وقت إجابة دعاء أسأل الله العظيم يعوضك عن السقط بتوأم ولد وبنت والشهر الجاي نقرأ لك موضوع في ركن التبريكات انك حامل إنه ولي ذلك والقادر عليه |
من منا لا يتمنى الأولاد
زوجك كأي رجل تمنى الأولاد وإن تظاهر بعكس ذلك فحاولي ان تكوني مصدر سعاده له بأن تنجبي له قرة عين له ولك وأسأل الله ان يرزقك ما تقر عيناكما به |
اتمنى واذا ماقدرت؟؟ يتزوج علي؟؟
|
اقتباس:
الله يسمع منك اخي تركي والله من كل قلبي بحدعيلك الله لا يحرمك انتي وزوجك من الاطفال امين يارب |
شكرا ايكو الله يجزاك الجنه
|
أخيتي الحبيبة .. أولا أسأل الله أن يديم عليك وعلى زوجك هذه السعادة اللي إنتو فيها وما يحرمكم منها أبدا أبدا ... لأن والله هاي نعمة مش موجودة عند الكثير ...
ثانيا عزيزتي مثل ما قالك الجميع زوجك ما بيقصد شي من ورا الصورة غير إنه مشتاق لإحساس الأبوة وإنه يعيش دور الأب ... وبإذن الله،، الله يرزقكم بهالشعور وهالإحساس عن قريب ... ونصيحة عزيزتي استعيذي من الشيطان وما تفتحيلو مجال يدخل أي أفكار مش كويسة على راسك ... وعيشي حياتك بسعادة إنتي ووياه ... والله يوفقكم أختك ملك |
* انا اقول يا أختي بأنه مع المزح و الضحك كان تركيزك انتي على شاشة الكمبيوتر فلما رحتي ورجعتي للغرفه فشيء طبيعي انك راح تشوفين هو وش حط في الكمبيوتر يعني صوره تضحك جديده ولا لا وزوجك وفقه الله استغل هذه اللعبه وبين لكي بأنه ( يا زوجتي العزيزه انا ابغى بيبي ) يعني حسي ورحي تنظفي وتعطري واللبسي اجمل الثياب ورحي له لغرفه النوم واحستبي بأن هذه النومه تكون بنية انجاب طفل مسلم صالح.
* والله اعلم واسف اذا تفلسفت شوي. |
اقتباس:
كل شي بيد الله سبحانه .. وليه قفز في مخيلتك هذا التشاؤوم ؟؟؟ يااختي .. انتي والحمد لله حملتي من قبل ... بس الله ماكتب له الحياة يعني ان شاء الله فيه فرصة باذن الله انك تحملين ابعدي عنك هالوساوس ... سوي اللي عليك .. والباقي بيد الله سبحانه |
اقتباس:
قال تعالى ^ وماتدري نفس ماذا تكسب غدا ^^ والله يااختي مافيه اجمل من الاطفال .. ولو انا مكان زوجك مااسمع لكلام اي احد ... شنو يسوون الاطفال ... مااراح يجيبون الا كل فرح وخير وسعادة على البيت واهله الله يعينكم |
شوفي زوجك يبي يخبرك شي وهو انو بدو اولاد بس خجلان أو خايف يجرح مشاعرك وخبرك بالصورة
الله يرزقك الذرية الصالحة |
اللهم ارزق أختنا الذرية الصالحة
و السعادة الدائمة مع زوجها |
الله يخليلك زوجك ترى زوجك من كلامك طيب جدا حاولي دايما تكسبيه ومن ناحية الأبناء ترى الله وحده عالم متى انتي وزوجك تستحقوا الابناء لا تستعجلي لاحقه إنك ماتلحقي تشمي هوى حتى صدقيني انا 3 سنين ماحملت وقلبت الدنيا بس بعدها رزقني الله بإثنين ولدين ورى بعض جبت الاول ووراه حملت بالتاني وجبته بعده مالحقت احك شعري بس عليكي بالصبر والدعاء ربنا يحب العبد اللحوح |
اللهم ارزق أختنا الذرية الصالحة
و السعادة الدائمة مع زوجها , امين يارب |
آمــــــــــــــــــــــــــــــــــــــــــــــــ ــــــــــــــــــين الله يسمع منكم شكرا على التفاعل
|
قصده انه متلهف عالأطفال
الله يرزقكم الذرية الصالحة عاجلا غير آجل |
اختي سويت انجل مو أكيد انه ملتهف مرة على الاطفال يوم انه حط الصورة يمكنه يبي يحط لك صورة حلوة غير عن الصورة اللي هوه ختارها وغير عن اللي انتي اخترتيها وانتم تمزحون وما لقا احلا من صورة الطفل وكتب تحته الدعاء بالمرة ...
حبيبتي اابعدي التشاؤم واليأس عنك وان شاء الله رح تحملي مرة ثانية مهي صعبة على ربك عليك بالدعاء ... أخوي تركي شكرااا انت كذا تشجعني افتح معه الموضوع من جديد وقنعه ...:27: وان شاء الله انا وانتي سويت انجل يارب يرزقنا الذرية الصالحة ...:15: |
ياقلبي يارب ربي يعوضك يااااااااااااارب ويرزقك الذريه الصالحه ويعطيكى حتى يرضيكي يارب
|
كاني قاري ان الاخت خريجة دور تحفيظ والا لا
الله يهدي الجميع |
أسأل الله العظيم أن يرزقكِ الذرية الصالحة
غاليتي أكثري من الإستغفاااااااااااااااااار و وزوجك كذلك وبإذن المولى سترون أباءكم وأبناء أبنائكم |
عزيزتي لاتحملي الموقف أكثر مما يحتمل وأسعدي الآن بأيامك وأنت خفيفة من غير أطفال والله أتمنى أحيانا أن نذهب نسافر من غير أطفالنا ولو لمدة قصيرة حتى نستطيع أن نخلو ببعض قليلا لكن أقول الله يخليهم لي ولا يحرمني منهم أبدا لكن المقصود استمتعي بأيامك الآن وانت الحمدلله حملتي قبل يعني معليك خلاف فلا تخافي والله يسعدك يارب ...
|
يارب يرزقكم بالذريه الصالحه اكيد يالغاليه هذا الي يتمناه
|
اللهم هب لاخينا واختنا من لدنك ذرية طيبة انك سميع الدعاء
|
الله يرزقكم الذرية الصالحة ان شاء الله
|
صح كلنا نريد عيال
|
| الساعة الآن 11:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©