|
يريد حلا فهل من مستجيب
أول شيء أشكر كل القائمين على هالمنتدى من مشرفين وأعضاء لاننا بصراحه استفدنا منهم الشيء الكثير فلهم منا كل الشكر والتقدير ،،، أردت هنا أن أطرح مشكله لزميل لي ولثقتي في هالمنتدى أريد منهم أن ينيروني وينيرون زميلي الموضوع بأختصار خويي تعرف على وحده من النت وحبهااا وهي حبته وقرر يتزوجها على سنه الله ورسوله مع العلم ان هي من قبيله وهو من قبيله وهي من جنوب وهو من شمال السؤال هو هل يسوي كل حاجه عشان يتزوجها وهل هالقرار الي راح يتخذه بزواجها صح والا لا ،، هو يعرف ان العلاقه هذي حرام وتاب وعشان كذا هو حاب يتزوجها |
هو واثق منها؟؟ هذا نت والكذب فيه ببيزه!
|
بس ترى البداية غلط مرررررررررررره
لانه رايح يشك فيها بعدين مهو حب هذا......هذا اعجاب فقط |
وهل علاقتهــما على النت فقــط ؟
ألم تتجاوزهــا لغيــر ذلك ؟ هل أحب فتــاة .. أم أحب حروفــاً وكلمــات ؟؟ ما مدة علاقتهمــا ؟ وعلى أي أساس قــرر الزواج بها .. الحب فقط ؟ بانتظــار إجابتــك .. وعلى كل .. ليستخــر الله أولاً .. ثم يقــرر !! *** |
اقتباس:
بانتظار اجابتك اخي الكريم |
اقتباس:
اقتباس:
مو عشان كذا يبي رأيكم !!!! اقتباس:
اقتباس:
مالمقصود جمال الوجه وإنما جمال الروح ،،، اقتباس:
اقتباس:
كل حاجه فيها عجبته ومثل ماهو راسم لها بالظبط كل شيء تبيه هو يبيه ،،، وفوق هذا مو يحبها وبس يموووت فيها وهي تموووت فيه ،،، يكفي انه يقول لي انها سريعه الرضا بطيئه الغضب ،،، |
دامه حبها خله يسأل عنها وعن أصلها لو كانت البنت فعلاً محترمه فليش لا
|
لو مو واثق منها كان مافكر يتزوجها ،،،
هو عارف ومتأكد ان البدايه غلط مثل ماأنا جالس اكتب لك هالكلمتين ،،، معليش اخوي .. بس ماتلاحظ انه خويك متناقض ؟؟؟ احدى شغلتين ... 1. اما ان يكون من داخل نفسه مو مقتنع باللي يسويه وانه غلط 2. او ينتظر بس اشارة من المجتمع عشان يقولون ^^ كمل ... وماعليك من اي احد ^^ بانتظار ردك |
الاستخاره هي الحد الفاصل ازا كان تاب واراد الستر
|
يكفي انه يقول لي انها سريعه الرضا بطيئه الغضب ،،،
كلهن في البداية جذي.. |
ما ادري وش اقولك لكن كل انسان يحمل فلسفه معينه في شخصيته00 يعني المفروض انه يجلس مع نفسه جلسة مصارحه ويحادث فيها نفسه ويتخيل انه تزوجها ويفرض افتراضات ويشوف كيف يتعامل مع مشاكل الحياة بشكل اوضح يشوف هل بداياته معها يمكن في يوم من الايام تأثر عليه اولا طبعا هذايكون بعيد عن العاطفه لازم يحكم عقله
اما من وجه نظري اعتقد اول حاجه يسويها لما يتزوجها انه مايضع نت في بيته 0000 طبع الرجال الغيره وترى فيه بنات كثير لما يتزوجون يخلصون يعقلون لأن اغلب البنات تسوي كذا بسبب الفراغ العاطفي ولما تتزوج خلاص بلقاه بزوجها |
ممكن اعرف كم عمره .. ؟؟
لانه قد يكون مراهق وهذا اسميه انا اندفاع واعجاب .. واكيد انه اول مره يكلم بنت .. وهذي مشكله ان المجتمع يكون ولله الحمد محافظ والشباب لديه غريزه وعواطف والمفروض الزواج المبكر عشان نتجنب مثل هذي الامور .. الله يكون بعونه .. ولكن المفروض يدرس الموضووع زين .. هذا زواج مهب لعبه .. والمشكله الكبرى البنت مسكينه .. يعني احتمال اقولك يكون هناك فشل والضحيه البنت .. اتمنى له التوفيق |
اقتباس:
ياليل مااطولك ....... ديما دموووووووع .... :29: :29: :29: :29: |
أخي الكريم ..
إن كان صديقك منها واثقاً كما يقــول لما احتــاج استشارتنــا ، ولما استشارك أنت أيضاً ( مع احترامي ) .. مشــروع زواج ناجح أساسياته : 1. التآلف الروحي بين الطرفين 2. التناغم والانسجــام بينهما 3. التوافق البيئــي ، ولو إلى حد ما 4. التوافق الفكــري ، وهو الأهــم فإن رأى صديقك توافــر هذه العناصــر لما استشــارنــا لست أعــي سبب تردده ، فمن أحب ، ووثق في اختيــاره أقــدم ولم يدبــر !! نصيحتــي .. ليجمــع صديقــك عناصــر الموضــوع وينظــر ارتياحــه النفســي من عدمــه وفق آراءه وأفكــاره ومعتقــداته ثم .. ليستخــر .. ويقــرر !! *** بالتوفيق |
يا اخوي شنو المشكله مثل اي خطبه عاديه ماصار البنت من تتعرف على الشاب بشغله عيب لو حرام البنت يشكر فيها وباخلاقها ويعرفه بس يسال عليه والله يوفق
|
ان كان صديقك سعودي قله يتركها بس
السعوديين والله مهما تغير تفكيرهم هم هم بهالأمور مايتغيرون يشك فيها بعدين وبيذلها وبيخاف بجيه ابليس بيجي يوم ويخاف على بيته منها وبيخاف على عياله المجتمعات الثانية لأنهم متفتحين شوي تلاقيه يقول يمكن زوجتي مرت بتجربة سابقة وهذي حياتها وكانت عايشة قبلي عادي!! لكن رجالنا لو عرف شي بسيط من ماضيها اتوقع بيسرحها مباشرة ماراح يتخيل زوجته مع رجل ثاني!! اكيد بعد الزواج بيتغير تفكيره الا وتجي لحظة ويشك انها كلمت واحد عالنت او التليفون الا بيجي يوم ويقول تجرأت تكلمني بتكلم غيري! وصدقني هذا اعجاب ويقدر بالراحة ينساها اذا كان عنده ارادة وعزيمة فكر فيها من جميع النواحي.. فكر في عشر سنوات قادمة.. لاتفكر في الحاضر الزواج شراكة عمر حياة ماهي صداقة مؤقتة!! |
قله بطل مراهقه
|
الاخ الفاضل
لايمكن لك ان تجد الجواب الشافي الا في داخلك انت الاراء هنا كثيرة ومتفاوته كلا حسب ثقافته وعاداته وقناعاته فمن الظلم والاجحاف في حق نفسك ان تجعل غيرك يقرر لك انظر الى ما انت مؤمن به والنت هو وسيلة مثل كل الوسائل لا تضمن لك النجاح او الفشل ...!! اتمنى لك التوفيق تحياتي |
اذا مو مقتنع لا يعذب بنت الناس معه
سبحان الله مهما تطورنا وتعلمنا وتثقفنا ما نقدر نتقبل العلاقات الغير رسميه (حتى لوكانت نظيفه) قد تكون البنت فعلا ممتازة ولا يعني انها قبلت تكلمه وتبادله الحب معناته انها انسانه غير جديره بالزواج لكنها للاسف ما اختارت الطريقه الصح اللي تتزوج فيها بطريقه كريمه وواعيه اكثر ..بدليل ان البنت هاذي لو ماتزوجها خويك مصيرها تتزوج بطريقه تقليديه وتكون زوجة مثاليه وام فاضله (مافيه بنت ماتحلم بالزواج والاستقرار والامومه) انا ما الوم البنت اذا انجرفت ورا عواطفها (لانها مو حجر) لكن الومها اذا نست حق ربها عليها وحق اهلها عليها ..وضربت بحقوقهم عرض الحائط مع انك لو فكرت بضمير والله ثم والله الضحيه هي البنت المسكينه اقل شي بينكسر قلبها يمكن اجابتي مو مفيده...بس احب اقول اللي في نفسي حتى لو بعدت عن الموضوع |
انا مع الأخت عبير الأحلام بكل لكمة قالتها وكذلك كلام الأخ أو الأخت سراب..
بالنسبة لرد الأخت مرتاحة الله يريحك بالطاعة يا اختي... [انا ما الوم البنت اذا انجرفت ورا عواطفها (لانها مو حجر) لكن الومها اذا نست حق ربها عليها وحق اهلها عليها ..وضربت بحقوقهم عرض الحائط$] ما تلاحظين أن السطرين جدا متناقضين؟!! بعدين حبيت أسأل أذا ما لمناها على انها تنجرف وراء عواطفها إذا متى نلومها؟!!! إاذ حكمت عقلها؟!! يعني عادي أخلي نفسي كل ما اشتهت شي سوته؟!! الشرف شيء ثمين تعرف كل وحدة كيف تحافظ عليه واللي ما تحافظ عليه لا تتذرع بالعواطف بان كل ساقطة إنما جرفتها عاطفة! |
اقتباس:
يسلم راسك ..حكم والله اختي الكريمة الله يستر على كل مسلم ومسلمة |
اقتباس:
حتى لو كانوبس تليفون شلون تقولين نظيفه إنها تكلم رجل ما يحل لها نظيفه والله لو كنت رجل ما أقبل بمثل هذا الزواج وشلون تربي بناتي على العلاقات النظيفه وتقولين مهما تطورنا مع أحترامي الشديد العلاقات النظيفه الغير رسميه هي سبب التخلف والإنكماش كل ما عليك أقرأي كتب السيره لتعرفي سبب التقدم في زمن الرسول والصحابه وزمن التخلف زماننا |
اقتباس:
|
اذا واثق منها ومن نفسه يروح يتزوج وربنا معاه
|
اقتباس:
نعم في رائي يسوي كل حاجه عشان يتزوجه بمعنى يحاول ويبذل كل الااسباب وموافقه الاهل هى اساس السعاده قراره بزواج منها صحيح يتوكل على الله ونصيحتى له قبل مايقدم على شي لازم يتأكد انها تحبه ومتفاهمين على كل شي.. موفقين ان شاء الله |
معقوووووووووووله
فيه احد ممكن يبغى وحده تدردش معه في علاقة محرمــــــــــــه والله حرام يا نـــــــــــــــاس |
اقتباس:
اسمحلي عل القساوة خويك هذا يبغى يكمل مشواره غلط |
| الساعة الآن 11:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©