|
من يعرف منتجعات في ابها؟؟
الله يعافيكم
انا بسافر ابها مع زوجي وابغى اسماء منتجعات في ابها وارقامها بعد وافضل الاماكن السياحيه والمنتزهات هناك لاتطنشوني مسافره بكرا ان شاءالله الله يفرجها لكم |
الله يوفقك ويرجعك بالسلامه
شوفي ارقام للاسف ما عندي لاكن اماكن ممكن فندق قصر ابهاقريب من مستشفى ابها الخاص وفي واحد في ابها الجديده فندق شفا ابها على العقبه الاماكن كثيره الفرعه السوده مهرجان التسوق طريق المطار ملاهي السلام الدلمون منتزه الامير سلطان الحبله الجبل الاخضرودلغانوابها كاها جميله مين يروحها مايندم |
انا مع اختي نريم فالاماكن التي ذكرتها وافيه وكافيه
أتمنى لكي قضاء اوقات ممتعه تروحين وترجعين بالسلامه أختك روتي |
نريم
توتي مشكورات حبيباتي الله يعطيكم العافيه انتظر الباقين اللي راحوا يدلون بدلوهم |
هلاحبيبتي
ماشاء الله الأخت نريم ماقصرت وأنا عندي منتزه حلو أحبه كتير منتزه المسقي بصراحه منتزه روعه لأنه مسقي من المطروفي خضاروجوجنان وفي حديقة الجبل وابها حلوه يكفى الجوفيها رووعه |
روعه
مشكوره حبيبتي |
أبها تكفي طبيعتها الخلابه
والاخت نريم ماقصرت تروحين وترجعين بالسلامة بس تكفون لاتروحون طريق الباحة لأبها ترى يخوف بالليل |
حياتي بسرعه تعالوا اليومين ذي الجو يفتح النفس
المنتزهات كثير صدقيني أي مكان تروحين له تلا قينه منتزه جبال وخضره وأمطار السوده القرعاء دلغان المسقي الحبله وفيها تلفريك على تهامه النادر بالفرعين البلحي سراة عبيده أحد رفيده الواديين الخميس أما الفنادق قصر أبها في أبها الجديده الأنتر في السوده قصر السلام روتيلا وكثير بس ماني مفتكره فيه مكان زي القلعه بتلاقينه في المحارث طريق السريع وإذا أفتكرت كمان أعطيك خبر إن شاء الله |
الفنادق/ فندق الانتركونتنتال بالسودة .... فندق البحيرة بابها فندق ترايدنت بخميس مشيط فندق العزيزية داخل البلد منتجعات وفلل سياحية بابها االجديدة والحبلة الشقق المفروشة بكثرة وبكل مكان ... جديدة وحلوة الاسواق : عسير مول بابها مجمع القبة بابها مجمع الخيرية بخميس مشيط وفيه كثير من المجمعات والاسواق ومتواجدة بكثرة في ابها وخميس مشيط وعلى طول الشارع الاسواق بشكل عام ... روحي لخميس مشيط .. فيها اللي تبين ومن كل شي ..وعلى فكرة خميس مشطي رابع مدينة من حيث الاقتصاد بالسعودية المنتزهات السودة .. دلغان .. القرعاء ..المسقي .. الحبلة .. الجرة ... والمناظر والمناطق اللي هناك مرة حلوة ... انصحكم تاذخون فرة بالسيارة تكتشفون الاماكن الاسواق الشعبية سوق الجمعة بالواديين ..^^ سوق شعبي فيه شغلات قديمة وترائية وحلوة سوق الثلاثاء بابها طبعا هذا اللي في بالي الحين واذا تذكرت راح ازيد ان شاء الله |
عقد اللؤلؤ
لدودي تركي بن محمد..ماقصرتوا الله يجزاكم خير ويفرجها لكم يارب |
اعتقد الاخوان ما قصروا
وبزيد للي يحب يعرف اكثر عن ابها بالنسبة للفنادق افضل 3 راح اذكرهم الانتركونتنتال في السودة .. يعتبر افضل فندق في ابها الفندق فيه فلل ايضا ً .. والمنظر من الفندق جدا ً رائع فندق و شقق ابها الجديده .. عباره عن مدينه كامله مسوره فيها فندق و شقق و مدينة العاب و مطاعم و مقهى ( شيشة ) رجال و نساء :) فندق البحيره .. هذا اي شخص يجي ابها انصحه يسكن يومين فيه الين يقرر اما يظل فيه او يغير السكن الى شقة .. يقع في اول الطريق المأدي الى السوده بالنسبه للشقق كثر النمل .. و الارقى موجود في حي الضباب .. وعموما على شارع الحزام كلها نظيفة اما الاسواق فا الاشهر عسير مول و سوق القبه في ابها اما الخميس ماشاء الله مليانه اسواق بالنسبه للاماكن السياحية بكل تأكيد السووووده حلوه جدا ً فيها التلفريك مدته 10 دقائق يمشي فيك 2 كيلو بس مره حلو فيها مطلات كثيرات :) وحلووووه تطلع على العقبات و بعض القرى ما اعرف اساميها على طريق السوده في اكثر من منتزه و مطعم وللعوائل فقط في ايضا ً الحبله ما تبعد كثير عن ابها .. فيها مناظر حلووه طبعا ً الحبله اسفل توصل لها بالتلفريك .. مدته 3 دقائق ممكن .. بسيط جدا ً سموها الحبله لانهم كانو يطلعون فوق بالحبال فقط لا غير قبل يجي الملك فيصل ويأمرهم يطلعون .. حتى ان بعض بيوتهم الى الان موجوده زي ماهي عليه فيها العاب للاطفال وجلسات عوائل و شباب نرجع ابها .. في منتزه و مطعم الجبل الاخضر .. جدا ً حلو حتى فيه تلفريك يودي الى ابها الجديده ويرجع فيك فيه مطل قمه مره مره حلوه وقليل يعرفونه .. موجود فوق ابها الجديده .. انصحكم تروحون له فيه مطعم قريب من دوار القصبه اسمه مشاوي صح .. انصحكم تاخذون كنافه منه .. اااااااااااه بس لاتنسون الملابس الشتويه .. تحتاجونها بالليل .. اذا طلعتو برا راح تبردون .. وخاصة الاطفال وبالاخير ... اتمنى لكم سفرا سعيدا ً و ممتعا ً .. وتروحون و ترجعون بالسلامه ان شاء الله |
| الساعة الآن 05:31 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©