|
عزيزتي الزوجه ...هل مررتي بهذا الموقف
السلام عليكم ورحمة الله وبركاته عزيزاتي الزوجات حبيت اعرف ردة فعلكم او ردكم على ازواجكم في هذا الموقف يعني انتي مستانسه ونفسيتج مرتاحه ورحتي حق زوجج اللي متجهز حق الطلعه من البيت وتقولين له بدلع حبيبي وين بتروح احين ورد عليج بصوت قاسي قريب الى الصراخ لكنه مو صراخ وقال لج :مو شغلج :mad: ) وانتي كررتي السؤال مره ثانيه ورد عليج بنفس الجواب وبنفس الاسلوب شنو راح يكون موقفج وشنو بتكون ردة فعلج ،انه امر بهالموقف وايد واول ما اسمع هالرد احس ان ودي احذف عليه اللي يمي او اللي في يدي وافلعه ،واقوله اسكت عني ولا ترد علي هالرد :19: |
انا بصراحه ما عندي حل , بس الي اسويه اني ازعل ,, عشان ما يعيد معاي هذه الحركه مره ثانيه , مع ان بعض المرات ما يفرق معاه اذا زعلت وله لا :(
|
خليه يولي...<<<<<<<<< خخخخخ
لا تسألينه وين رايح ومن وين ياي.. خليه يحس إنج فقدتي أهتمامج به.. ومايهمج إذا راح وللا يه.. وإذا سألج عن التغيير قولي له إنت تتضايق لما أسألك ففضلت أسكت وأخليك براحتك.. |
شكرا اختي نستله على مرورك ،وصدقتي لا زعلي ولا رضاي مثل الشي عنده
اختي بحرينيه ولكن مشكوره على المرور والمشاركه وطبعا هذا اللي سويته بس ما في نتيجه لانه اصلا زوجي عديم احساس في هذي المواضيع |
انا بصراحه رح اسكت وابين اني زعلااااااااااااااانه
|
عزيزتي عيون فتانه
أغلب الأزواج يكرهون هذا السؤال ( وين رايح ---ليش أتاخرت ---وين كنت ) وأغلب الزوجات يعشقون هذه الأسئله وأغلب المشاكل الزوجيه تكون بسبب هذا الموضوع الحل أبتعدي لفتره عن سؤاله ثم غيري أسلوبك بمعني إذا كنتي تريدي أن تعرفي أين سوف يذهب قولي له عندما تريه لابس وينوي الخروج ياريت إذا كنت ذاهب للسوق أن تجلب معاك بعض الأغراض الضروريه أو إذا كنت رايح عند أصدقائك وديني في طريقك لأهلي أتونس معاهم شوي وهكذا لأن الرجل لايحب السؤال المباشر ولو كان بأسلوب لطيف عندها سيجيبك على سؤالك من دون أن يحس أنك بتسأليه حيرد لاأنا مو رايح السوق أنا رايح000000 وتنتهي المشكله |
مو المشكله في السؤال
المشكله في وقت طرح السؤال أكيد بتحسين إنه خلال اليوم راح يطلع لمحي لاتصرحين ولا تكونين حبيبتي دقيقه إذا بيقول حياه الله إذا مايبي ربي يساعده ويرجع سالم ومرده بيتكلم ويقول وين رااااح وعادي تصير أتوقع في كل البيوت تحيـــــــــــــــــــاتي |
شكرا اختي الناس على مرورك عيزت وانه ابين اني زعلانه لكن قلتها وارجع اكررها (لاحياة لمن تنادي)
اختي تناتن اشكرك على النصائح بس انه بطلت اني اسأله وين رايح ووين ياي وحرمت |
اختي الاجوديه اشكرج على مشاركتج
|
أنا أوافق رأي الأخت تناتن إن الزوج مايحب ينقاله وين رايح ووين جاي
لكن بصراحة لو صار معي هالموقف راح أزعل ولازم يجي يراضيني.. والله يعينك أختي عيون فتانة على عدم الإحساس وان شاء الله يتغير.. |
اختي شموخ المشاعر اشكرج على المرور وانه ما اسأله عن فضول ساعات سؤالي عفوي يكون اجوفه لابس واساله
|
اقتباس:
غاليتي عيون فتانه اول ما تزوجت زوجي كان ما يجيني الى الفجر كنت اسال وين بتروح وليه ومن هالكلام واجلس استنى وزعل واصيح لين تخلص دموعي بس ما فيه فايده ولا احد يرضيني كان يقولي انا حمار اقعد بالبيت كان عيش كنه عزوبي يجي يتغدى ما عد اشوفه الا الفجر بقولك خالطه الكنتاكي الي غيرته تطنيش ما اساله وين ريح وين جاي و انام واخليه يقولي استننيني اقوله تبغني تعال بدري انا ما عندي استعداد اسهر وصدقيني كان ما يجيني النوم بس اذا دخل جلست امثل اني نايمه اعطيه حقوقه وكلمه بسلوب حلو وابين له اني مستانسه وانه ما يهمني لو طلع صدقيني صار هو الي يدورر علي |
ا صبري ولك الأجر
|
اختي اشورايا شكرا بحاول اني اقترض منك الخلطه وبنجرب يمكن يكون عنده بقايا احساس
اختي شكرا جزاك الله خير على مشاركتك |
مدري ليه سر الهجوم الكاسح على الرجال وكانهم جماد مايحسون :29: يااخوات .. الرجال مو بسوى ..... فيهم اللي كله حنية وحب ويحب اللي يسال عنه وبكثرة وبدلع بعد :23: انا عن نفسي ... ^^ مستحيل تجيني زوجتي واردها بكلام مثل هذا ... راح اقولها وين بروح قبل ماتسالني وبدلع بعد ^^ :22: عسى الله يعين |
شكرا اخوي تركي على المرور وصح ان الرجال مب سوى لكن الاغلبيه وللاسف عديمين احساس بمعنى الكلمه بين كل 100 رجل واحد بس حنون ورومانسي وكل الصفات الحلوه فيه واكثر شي يقهرني كلمة(انه ريال وانه حر)اموت من القهر لما اسمعها
|
اقتباس:
سبحان الله .. تختفي هالكلمة اذا شيب الرجل وصار يحتاج لام عياله وكانه طفل اسال الله لنا الزوجة الصالحة المطيعة الحنونة واسال الله ان يقدرني ان اكون صالحا حنونا عطوفا عليها ^^ على الاقل اذا كبرنا .... نكون متعادلين ... ^^ :22: |
اخوي تركي الله يرزقك الزوجه الصالحه والله يهنيها بك وان شاء الله ما ينضب نبع حنانك بعد الزواج (لان شئ وارد بالحسبان) :)
|
عزيزتي ام عيون فتانة ... الاخوات ماقصروا معاج .. انا ماصار لي الموقف هذا .. بس اتوفق اني بجرب معاه حلين اما اظل احاول واحاول بط رق ثانية او ماعاد اسأله ابد .. ومن المحاولات الاتي: 1- اذا قال مب شغلج .. بقوله شوشووووو .. حبيبي انت تعرف شو يالس تقول اوكي اوكي سير وين ماتبي , وبسوي عمري زعلانة بدلع يعني اخذ ساعته قبل مايلبسها واخليه يقول لي هاتيها وانا اقول له شو مااسمعك ..بعدين البسه الساعة وانا اضحك واعبس في وجه وبعد هالشي اشوفه لو يعيدها ويقول لي مب شغلج يكون لي تصرف ثاني .. 2- اغير صيغة السؤال اقول له .. بسألك سؤال واعطيك 3 اجابات واختار منهم وين بتطلع ..1- الشيشة 2- المول 3- ولا واحد من الاختيارات واذا مانفع معاه 3-ابين له اني زعلانة واحط لافته ع الباب اذا رجع اني زعلانة الى ان يسألني ليش.. واقول له انا اسألك وين رايح مب عشان شي بس اجابتك تحسسني بالحب والحنان والامان وانت وكيفك انا زوجتك اذا تبي تعطيني حنان وحب وامااان جاوب مرة ثانية ..حتى لو كانت الاجابة غلط بس قبل كل شي .. حبيبتي شيلي من بالج ان زوجج عديم الاحساااااس لانه حتى لو حس ماراح تصدقي وتظلي على احساسنج انه عديم الاحساس بالعكس اقنعي نفسج انه حساس بس خجوول وكتوم ويبي يبين انه قاسي لكنه من داخل حنووووون لابعد الحدود تحياتي لج |
انا رايي من راي الاخت بحرينه ولكن والاخت تناتن
|
عادي زوجي لما اساله وانا مااسال عادة لكن لما القى طالع بغير عادته اساله يقولي واش دخلك اروح وين ماروح
اقوله طيب الله يسهل عليك واروح اقعد على التلفزيون يجهز واذا كلمني كنه مافي حدا بيكلمني واذا اصر ارد اقله بما انوا انا مالي دخل ماتكلمني لحد مايصير لي دخل يطلع ويرجع يقولي وين طلع وايش ساوى ومع مين طلع عموما زوجي مايتاخر ابدا بره البيت لبعد الساعة 10 مساءا يرجع وينام 12 مايحب السهر لكن لما يطلع طلعات مفاجئه مش كالعاده ويكون بتاخر اتضايق لانه ماادري وين رايح واضلني قلقانه وهو يعرف هالكلام اساله حتى اتطمن مو فضول او تدخل والله |
| الساعة الآن 01:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©