|
أبي أعطى زوجتي كف فردت زوجتي على ابي بكف ماذا أعمل ؟
بسم الله الرحمن الرحيم السلام عليكم ورحمة الله وبركاته اسعد الله ايام الجميع بكل خير اضع هذا الاستبيان وهو عبارة عن قصة حقيقية وقعت لأسرة فاحببت ان اصوغها على شكل سوال لكم وهو على النحو التالي : اب أعطى زوجة ابنه كف فردت الزوجة واعطت الاب كف ، ثم ذهبت الزوجه الى أهلها ، علما ان الزوج يحب زوجته وهي تحبه وبينها ابناء ماذا يعمل الزوج حينها ؟ |
رح خذ زوجتك وهم يحلون الموضوع بينهم
يمكن الاب متعود هذا الاسلوب |
ايش ماكان السبب
والله اللي ماتحترم اهلي ماتستاهل ....................... والله عيب تضرب رجال بكره تمد يدها عليك قدام الناس اذا الطفل الصغير مانمد يدنا عليه كيف ورجال كبير مع الأسف ماتستاهل تصير زوجتي تشيل اسمي واسم اولادي حسبي الله ونعم الوكيل الله يكفينا شرار الناس |
لاحول ولا قوة إلا بالله
أجبرها على أن تصالح أبي وتقبل رأسه ويده وترجوة وتتوسل له أن يرضى عنها وأيضا تدخل مشائخ وأناس وجاهيات لكي يرضى الاب وعلى الزوج أن يعاقبها لأنها أهانت أبوة ودمتم لكن الطلاق لالالالا ليس حلا ً |
مايحد الرجل يضرب الا وشي كايد
حتى لو كان متعود و كانت هي مظلومه من الأساس ليش قربت عنده اكيد استفزته لأن في حريم الله يكفينا شرهم ولايبلانا بغيضات ومستفزات ودي اضربها انا وانط في بطنها .................................................. ........................زودي اصرخ من القهر حسبي الله ونعم الوكيل |
اقتباس:
اقتباس:
هل ضربها امام ابنائها حيث ذكر ان لها ابناء وانت قلت اذا الطفل الصغير مانمد يدنا عليه من منا ان يريد ان تهين زوجته اهله ولكن رفقا بالقوارير نحن رجال |
ماقدر أختار بكل صراحه ولا نقطه من الاستبيان
شتت أفكاري لكن المتعارف عليه واللي تربينا عليه مهما كان المخطء فأكيد الزوجه تعتذر لانه اول شيء أكبر منها سناً ثانيا جد أبنائها بكرا بعد تربيهم على مد اليد أسمحلي خاليه من الادب هذي الانسانه والله لو أنا رجال وصار لي كذا لأطردها من البيت واللي يصير يصير أما يطلع من البيت طل بوجهها والله ياانا بداخلي الكثير لكن مادودي أتمادى أطيب تحيه |
حتى لو اخطأ عليها وضربها هذا ابو زوجها ولا يحق لها ان تمد يدها عليه
وان تبادلها الاحترام لو كان سيئا |
حرام عليكم دائما كبير السن رحوم لا يمكن انه يمد يده ودائما نجد ابنائنا وزوجاتنا يحبون الجد لانه
يدلعهم اكثر من اللازم ومر بتجارب بالحياة والله حنا ماتعلمنا التربيه الحسنه الا منهم انا لايمكن اختار في الاستبيان لان الموضوع غير سوي من الاصل |
اخي المعماري
فاهمه قصدك بس في حدود هذي مربيه الا خساره فيها المربيه بس ان ماكنت غلطانه ماده يدها قدام الناس يعني اكيد في احد اما قدام الخوات او الصغار او قدام زوجها تخيل انت المنظر زوجتك تضرب ابوك كف والله لأضربها كفوف انا مضطره اتابع الموضوع بصمت لأني احترقت من القهر واخاف اقول شي ماله داعي اعتذر عن الجميع سامحوني استغفر الله العظيم من كل ذنب عظيم |
صراحة عيب .. حتى لو كانت مظلوومة كان اتحملت ويمكن راح يعتذرلها لانه استحى من اسلووبها وكمان الاسلوب هذا راح يكبر المشاكل في العائلة
|
لا نستطيع معرفه من على حق دون معرفة التفاصيل.. فربما اجبرها الأب على هذا الفعل بإهانتها و ارادت رد اعتبارها.. لا اعرف فأنا ارى ان الاثنين مخطئين فمهما كان تصرف زوجة الابن لا يحق للاب ان يضربها على وجهها.. و مهما كان تصرف الاب لا يحق لزوجة ابنه ضربه على وجهه.. برأيي ان الزوج حضر المشكله من اولها ويعرف تفاصيلها وعليه ان يكون موضوعي و يحاول اصلاح الأمر بأقل الخسائر.. بأن يراضي زوجته ويقنعها بالاعتذار من والده لانه رجل كبير وله حق |
بإختصار
اجبرها تصالح ابوي حتى لو كان مخطي لكن تحط براسها اني معاملتي معها بتتغير كثير |
...............
يرجى الالتزام بالموضوعية في الرد مهما كانت الأسباب ... ولك جزيل الشكر والتقدير |
لايمكن ولم تحصل هذه ان وجدنا جد يضرب زوجات ابنائه وبالتالي فالموضوع مختلق وليس صحيح
لان الاب زوج ابنه وكون اسره............................... والابن هو المسئول عن تربية بيته كثير من الاباء يفرحون ان المسئوليه على الابن وهو الان محل الاحترام وتقبيل الراس |
صعب جدا ان إمرأة تعطي رجل في سن والدها كف!!!!!!!!!!!!! مهما كان السبب!!! فكيف اذا كان والد زوجها. فإيش السبب اللى خلاها تتصرف بهذا الشكل الفظيع. يجب معرفة الموضوع وشرحه بشكل حيادي. حنى نستطيع ان نحكم. ودمتم في حفظ الله,,, |
الله لايجيب هالامور
- والله الجواب صعب جدا اكتفى بقراءة الردود.. |
انا استنتج ان الاب الذي هو جد الابناء لجاء الى هذا الاسلوب
لاحد امرين اما ان الابن ماعندك احد او انه لايزال يستخدم اسلوب العنف والاخرين السمع والطاعه لذلك استنتج ان الابن لايستطيع معالجة الموضوع ويمكن راح يجيه كمان كف اذا تصرف بتصرف لايعجب الاب او الزوجه |
ليش شسبب
ولية ابو الزوج يعطي البنت اسطار من البداية هو الغلطان مو هي غلطانة وعيب يمد ايده عليها لو كانت زوجتها معلية بس هي مرت ولده وااذا عندة اشكال يواجه ولدة مو زوجتة يجي ويعطيها اسطااار وهي اكيد من قهرة وبترد احساب كرامتها عطته اصطار يمكن ابو زوجها ماايستحق ولا يستااهل ويمكن صفات ذميمة لانة عيب الرجال يمد يدة على النسوان |
شيبه كبير لاحول ولا قوة الا بالله انا مع انه حتى لو غلطان المفروض ماتمد يدها عليه استغفر الله العظيم
|
اقتباس:
ناقصات عقل ودين لذلك لازم يكون الرجل حكيم |
اولا :لابد ان نعرف السبب الذي جعل الاب يضربها واقول بصراحه مهما كان السبب فهناك وسائل اخرى غير الضرب فهذه بنت ناس وتبقى ضيفه لديهم وليس من حق الا ب ان يمد يده عليها والزوجه لو كانت تقدر زوجها لما مدت يدها على ابيه ثانيا: ان ارى الموضوع يحل بأعتذار المخطي,واللي ودي اعرفه وين الزوج عن هذه المظاربه.
|
هذا الأب وبكل صراحة لا يحترم ذاتة أو أبنة ومهما كان غلط الزوجة فهناك والدها هو من يربيها ويرشدها وليس هو
أنا أقول بصراحة ( جعل ليدة الكسر ) وكل رجل يضع أختة أو أمة مكان هذه الزوجة اليس من العيب في حقك التعدي عليها الا يوجد لها اهل يحمونها هذا ردي وبس |
المعماري
لاتكون قاسي بحكمك نعم ناقصات عقل ودين لكن وش القصد من الايه هذي مو مد اليد والضرب وموب كل رجال باالزمن هذا حكيم (الرجال قوامون على النساء بما فضل الله بعظهم على بعض) يعني يمكن المرأه أفضل من الرجال بمليون مره والله زعلتنا بردك القاسي والرجل الحكيم ماينتظر أراء الناس حتى يقرر مصير زوجته بعد مادمدت يدها أطيب تحيه |
لا حول ولا قوة الا بالله العلي العظيم عشنا وشفنا حرمة تمد ايدها على مسن بس نبا نعرف شو السبب الله يعافينا بس
|
اقتباس:
اسمح لي أخي( المعماري مهندس). بسؤال خارج الموضوع. لماذا اذا اخطات المرأة تقولون ( ناقصات عقل ودين). بينما اذا كان الرجل مخطىء تبحثون له عن ألف سبب وسبب. ناقصات دين تعرفون المعنى وهو من رحمة ولطف الله. ولكن ناقصات عقل لماذا يفسرها الرجل ععلى كيفه؟ وكم من إمراة حكيمة اعقل من الرجل. |
صح كلام الاخوات صح ناقصات عقل ودين ولكن ارجع للحديث والتفسير لتعلم ما القصد من هذا القول
ولا ماكان احتجتونا المراة والدتك واختك وزوجتك وقريبتك وانا اقول لو نعرف السبب عشان نعرف نحكم |
طيب ليش مايكون فيه خيار اشوف اساس المشكله ماهو واحاول احله سبحان الله تحاول تدور حل للتصرفات الوقتيه ولا تحاول توجد حل للمشكلة الاصليه
يعني الخيارات كلها اضرب اجبر اطلق اترك مافيه حل للمشكله الاساسية الي خلت الامور توصل لهالموقف قل اصلح بينهم اسمح خاطر الجميع واتوقع انه لو سوا لها شئ سوا بحق او بدون مثلا كسر سنها اوفقع عينها فلها القصاص لانه هو البادي في الموضوع وتكسر سنه او تفقع عينه وضرب الحيوان على الوجه لايجوز فما بالك بالانسان تراها كبيرة يضربها ولو هي ردت عليه بغلط كبير بس مو معناه تطلقها |
اجبر زوجتي ان تصالح ابي حتى ولو كان مخطى
وهذا هو الصواب |
من الاساس غلط ايراد سؤال بدون ذكر الظروف المحيطه والقصه كلها.........
علشان كذا حيكون فيه ردود شاطحه ومتنرفزه شوي...ومنها ردي اذا البنت غلطانه(يعني شطحت جميع قوانين وحدود الادب والتسامح الطبيعيه وتطاولت بما لا يمكن السكوت عنه ابدا دينيا ثم اجتماعيا)... والرجال عطاها كف فليته طير راسها مع هالكف...... واذا كان بس لحظة غضب منه عليها فالاولى ان تكون اكلت الكف ويجيها حقها مرتين....... واذا كان صفيق وخبيث ونذل وصفقها بس لعب في راسه. ويسوي نفسه رجال ويقدر يكسر راسها بس لأنه اخذها لولده........فيا ليت البنت ما عطته كف الا عطته اللي تقدر عليه كفوف.... صدق قلة ادب....وقلة عقل اني اقول هالكلام بس بعض الناس يفرض عليك احترامه والعكس صحيح........بعض الناس ودك تشويه كذا مره...... واللي يقول تتسامح منه حتى لو هو غلطان.....انا اقول ماله حق عليها علشان تتسامح منه كأنه ابوها الحقيقي.....يعني اذا زعل عليها ابو زوجها ما بتدخل النار بسببه.......الا بالعكس بعض الناس اتقاء لشرهم الاولى ان تكون العلاقه سطحيه بمعنى السلام عليكم وبس.........انا سمعت فتوى بس من زمان بهذا الخصوص...... وهي ماعليها الا من زوجها وبس.....وحده نعرفها كملت الان اكثر من 15 سنه مقاطعه ابوها ....الاصح ابوها مقاطعها....لانه زعل على زوجها....ومن باب ان الاب يبي ينفذ اللي براسه مهما كان...خير بنته قدام زوجها وقال لها يا انا او زوجك.....قالت له اجل اختار زوجي ....قال زوجها بس قبل لا تطلعين احب اقول لك ماني مكلم ابوك الين يصالحني...قالت الحق لك....وطلعت معاه.....ومن يومها وابوها محرم يشوفها بس الشرع معها مو مع ابوها.....والمفروض من الزوج اللي في الموضوع الرئيسي ان ياخذ بحق زوجته لو غلط ابوه عليها....بعض الناس تخصصها الظلم.....وحرام عليه لو طلقها ارضاء لأبوه..... يا رب ما اكون غلطانه بشي |
بصراحه رجال ورق اخر الزمن الله يرحم الرجال الاولين
والله لوتكون غلاها مثل عيونه يطلقها بدون تردد امحق مرة وامحق رجال يشاور وهي ضاربه ابوه كف لا ويسالون وش المشكله وش السالفه لو كان غلطان لوكان وش مسوي بس تردله الكف بكف ماصارت ولاحتى بالافلام والله قووووووووووووووووووووويه رجال ورق |
,والله عيب اخص على دى تربيه هاذى قليله ادب ويبغالها ضرب وكسر يد
ولازم تروح تبوس يده ورجله عشان يصفح عنها |
:( :( :(
ياليتني مشرفه واقفل الموضوع لا الغيه بعد انا صح امراة واهل زوجي ماهو من زينهم بس لو ابوه يعطيني كف اعطيه خدي الثاني بصراحه مقهورة من ضعف الرجال هذا ومن بذاءة المراة هذي امحق زمان |
اقتباس:
كتبتي الي ودي اقوله ولا عرفت صح لسانك |
اقتباس:
وتقولون النساء بس ناقصات عقل.....بالله هذا عقل؟ وعلى اي اساس تتسامح منه اذا هو غلط عليها بدل ما تقول اخذ بحقها واكرمها اذا الوالد الله يهديه غلط عليها..... ليش ما تسوون الحق؟ الحين لو امها صفقتك كف مو تقاطعها؟ ليش اللي حلال لكم حرام علينا بالله قولوا خير والا اسكتوا معليش بس ما احب الغلط |
صح بدنك يا مافيه اسماء
|
زوجة لا تحترم أبي مهما كان السبب : إذا فهي لا تحترمني ولا تستحق حتى العيش معي لحظة واحدة ومن مد يده على أبي فكأنما أصابني في مقتل
أخي المعماري مهندس كلام الأخت إشراقة فجر صحيح فلا تؤل الحديث على غير تأويله الصحيح |
اقتباس:
ريميه الله يهدينا وياك صاحب الموضوع مو هو صاحب المشكله بس الله يسامحه انه فتح هالموضوع لان بحره عميق توقيعك مره حلو وقت الزعل....ردديه معي.... قبل ما انسى........ولا خيار مزبوط بس ممكن الاخير |
مسكينة المرأة في كل شي مظلومة
يقولون له انتي غلطانة تقول معلية يقولون له ناقصة عقل تقول انت على عيني وعلى راسي يقولون لها انتي احماااااااااارة تقولك سيدي وتاج راسي يقولون بتزوج عليك من غبااوتها تطب على رجولها يقولون لها انتي غلطانة وحتى لو الحق معاها ونطت وداافعت صاارت جليلة ادب يعني الزوجة او المرأة بشكل عام سجاادة تحت قدم الرجل نعلة يلبسها ويفصخها مثل مااايبي انا لله وانا اليه راجعوون ولي كلام معالكم بس راسسي مصدع |
ريميه انا ام وليد
|
| الساعة الآن 08:45 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©