ولدي جنني
 

السلام عليكم ورحمة الله وبركاته

اخواتي العزيزات..ودي اطرح عليكم مشكلة اعاني منها واتمنى من اللي عندها حل انها ما تبخل به علي..
مشكلتي في طفلي ذو الثمانية اشهر..حاولت مرارا وتكرارا اعدل نومة بدون فايده.
ولدي راعي سهر مره مره..ما ينام الا بعد الفجر واحيانا ممكن يسهر الى 9 الصباح.
استخدمت طرق كثيره عشان اعدل نومه بس بدون فايده..مثلا كنت في بعض المرات اصحيه بدري
واحاول انه ما ينام اكثر من ساعه بالنهار عشان ما يسهر ومع ذلك..يسهر وبمزاج متعكر بعد.
المشكله الثانيه..ان طفلي هذا نومه قلق جدا وما يستغرق في النوم الا ما ندر.
يعني اول ما ينام يبدأ يتقلب يتقلب ويفرك وجهه بالوساده ويرفس برجوله ممكن يهدأ بعد ساعه
وممكن الوضع يستمر طول ما هو نايم..يهدأ عشر دقايق ويرجع لحالة التقلب والترفيس:17:
وبصراحه نفسيتي وصحتي اندمرت من السهر..هو ينام بالنهار بس انا ما راح اقدر لان وراي مسؤوليات البيت ومسؤولية زوجي..وحتى لو حصل ونمت معاه بعد الفجر مباشره يكون نومه قلق ويتقلب لين يصقع راسه بحافة السرير..ويبكي او
ويبدأ سريره يطلع اصوات من كثر ما الولد يتقلب..لذلك انا ما انام ساعة على بعضها بسبب هالموضوع.
انا ودي يتعدل نومه لان السهر مو زين له ومضر جدا خصوصا للصغار بس ما باليد حيله.
وانا تعبت جدا من السهر..ماصار فيني حيل لشغل البيت ولا للطلعه ولا حتى صرت اشتهي ااكل من شدة ارهاقي.

لاتبخلوا علي بارائكم..وبانتظار ردودكم اعزائي............................................ ........

الله يعين هالزوجات

الله يحفظ اولادكم و يرزق كل محروم
مثل ما قالت اختي الحبيبه ام خالد
اقري عليها و حصنيها من العين
و النهار لعبيها وقبل ما تنام شبعيها و اعطيها حمام دافئ و حطيها بالفراش و اتركيها ترفس تبكي شويه و تنام
بس لا تنيمها بالنهار ابدا ممكن تنام ساعه قبل صلاه الظهر لكن ليس بعدها
احيانا يكون الطفل جوعان و الجوع يقلق منامه

تذكرت امر
ماهي اخبار الاسنان عندها ،،، ربما تكون هذه الحاله من الاسنان

عزيزتي ام اثير..اشكرك على تجاوبك مع الموضوع
وحبيت اوضح باني والله ماقد وديته للسرير الا وهو شبعان ونظيف واكون مدوخته من اللعب:17: ومع ذلك بدون فائده
وبالنسبه للاذكار فأنا احصنه بها يوميا عند الصباح وعند المساء ولله الحمد وهي من الاشياء اليوميه الاساسيه بالنسبه لي..واحاول قد ما اقدر انه ما ينام بالنهار..بس احيانا غصب ينام والله ينام وهو على كتفي او بالمشايه:15: تخيلي مره من شدة ما انا متاذيه من خربطة نومه قررت انه ماينام نهائيا بالنهار وكان كل ما غفت عينه ..شلته وغسلت وجهه
وطلعته بالحوش واحيانا اطلب من ابوه ياخذه شوي بالسياره يمشيه عشان الهوى يطق وجهه ويصحصح..
وربي ان وجه الولد بالشباك والشباك مفتوح والهوى يكفخ والولد نام ولا جاب لاحد خبر...............
الله يهديه ويصلحه بس

نفس مشكلتك باضافة انه ابني ماينام الا لما احط رجوله بين رجولي حتى اقيده ومايتحرك وبعد ساعتين يبدا يقوم احطه بيني وبين زوجى لكنه يبدا حكاية التقليب والفرك والترفيس حتى اني مانام طول الليل اقوم الصبح مسطله اسوق السيارة وادوام وانا اتتاوب وابي انــــــــــــــــــــــــام انهلكت

انا مع اختي سنون ومنون هاذي الطريقه اللي اتبعها مع اطفالي عشان ينامون وافتك،ودايما اقرا دعاء الارق ((اللهم غارت النجوم وهدأت العيون وانت حي قيوم لا تأخذك سنة ولا نوم يا حي يا قيوم اهدئ ليلهم وانم عينهم)دايما اقوله اذا عيالي مللوني وهم يقاومون النوم

يا امهات يا امامير


ما في غيرها الاسنان


سبب كل المشاكل


استعملو جيل الاسنان
و دائما اتاكدوا من درجات حرارتهم
و اذا كانت في حراره اعطوهم خافض حراره
تفرحو بيهم كلهم و الله يصلح ابناء المسلمين

الله يكون فى عون الامهات هذا حال كل الاطفال فانا عندى طفلين سنتين و خمسة اشهر لا ينامو قبل الفجر وعندما احدهم فى ساعة مبكرة فيصحو سريعا على صوت الاخر وانا تعبت من السهر و قلة النوم وكثرة الشغل فى البيت الله يهديهم ويعطينا القدرة و الصحة لتربيتهم

السلام عليكم
أختي الله يصلح لك ولدك بس الترفيس وعدم القدره على النوم المتواصل دليل على التهاب الاذن اللي يكون نتيجة دخول بعض الماء او الترجيع احيانا وانمت مو داريه .......... روحي دكتور يكشف عل اذانه ويعطيه مضاد حيوي انا من كثر ما تعرضت لهالحله صار عندي تشبع من تجي هالحاله لعيالي رحت الصيدليه وجبت لهم الدواء صرت عارفته ......

وإذا ما كان هذا السبب ........ عليك بتسبيحه بماء دافي وقرائت القران عليه وهزه بحنان وانشديله بهدوء لين ينام ..........

أو انه مثل ما قالو الاخوات قاعد يسنن ........... افركي لثته بأصبعك إذا لقيتي انه فيه انتفاخ او شي حاد او حراره يعني سن بيطلع وما لك الا تتحملين فتره بسيطه لين يطلع السن .......

أو يكون فيه مغص من الحليب اعطيه قطرات المغص وهي متوفره بالصيدليات مثل ( دنتينوكس - أو سالينال ) وهي معروفه تطلع الغازات وتهدي الطفل ............. نوميه على بطنه وطبطبي على ظهره لين يرتاح ...........

وعليك بالدعاء له الله ما يرد احد .................

أختي ارجو اني اكون افدتك والله يصلح لك ولدك ويقر عينك فيه وتشوفينه معرس بس لا تنسين تعزميني على عرسه ..ههههه........