|
ساعدوني لأتخلص من هذا الطبع...
مرحبااااااااا
كيف الجميع؟؟؟ مابدي اطول عليكو بس راح ادعي من قلب قلبي للي يعطيني طريقة لاتخلص من الي انا فيه لانو حيخرب علية اخرتها.... اناياجماعة خاطبة(مكتوب كتابي)(معقود قراني يعني) من شهر 3 خطيبي شواحكي عنو؟الكلام قليل عليه ...لو اضل طول العمر احكي واحكي واحكي عالفاضي ماشالله عليه لاقوة الا بالله تبارك الله ماكنت احلم بهيك انسان بحبني وبحبو بنموت على بعض وكل شي تمام منسجمين اااااااااخر انسجام المشكلة فية انا اناطيبة وحنونة ودافية مطيعة مش عنيدة وكل شي فية حلو بس فيه هالطبع اااااااااااااخ لو اتخلص منو انافية جانب طفولي بشخصيتي بساهم سلبا وايجابا فية ايجابا بالدلع وخفة الدم والمشاعر البريئةوالطيبة اما السلب:( اخ عليه بس بالنسبة مع خطيبي هوة سافر قبل شهرين ليشتغل ويجهز حالو للزواج لانو ظروفو مش هلأد المادية هلأ من يوم ماسافر قلبي متقطع مووووووووووووووووت ميتة وحالتي حالة هوة بيقطع حالو عشان يخلص بسرعة ونتزوج باقرب وقت المشكلة بتظهر لمايسافر يعني طول ماهو عندي زي العسل ماعمري بحس بشي بس من يوم ماسافر وانا على قولته بنت صغيرة كل اكم يوم بعمل الو مشكلة من فراغ (انت بطلت تحبني...انت تغيرت مشاعرك انت مهملني....) من غير سبب :( بالاول تحملني كتير بس بعدين طق الزلمة صار يترجاني رجا ابطل حكالي ابوس ايدك بطلي هالطبع لانك زي العسل ليش تعملي هيك من غير سبب؟؟؟؟ يعني مابعرف انا ليش بعمل هيك معو والله مابعرف احنا 100% بس قبل شهر زادت خناقاتنا وانا وعدتو ابطل وقعدت شهر زي العسل مااتذمر او اتدلع عالفاضي (اتذمر من بعدو وسفرو) بس هاليومين طقت بمخي ورجعت:( عاد شو هوة ماعندو كمبيوتر او نت بالسكن هوة بيحااااااااول يخلص شغلو بدري ليلاقي فرصة يحكي معي عالنت المشكلة انو انا من غزة واكيد سمعتو بمشكلة الكهربا فصارت الاوقات قليلة واتفقنا اي وقت يكون فيه كهربا احكي انا معو وهيك صار بس الي فترة حموت كل مااجي احكي ينادوه شغل وهيك انحرمت يعني شوي منو ياحرام مش بايدو فهاليومين انفجرت فيه وهاتك مسجات وهوة بالبيت اشي بيسم البدن واليوم باعتالو ايميل طويل عريييض احكيلو ليش هيك مهملني ليش بطلت تحبني ليش ليش ليش وكلام عاري عن الصحة شايفين الكارثة عارفة انو كلامي خبيصة وانو عكس الحقيقة وبرضو حكيتو انا بحكي هيك وانا عارفة انو كلامي غلط وانو حبيبي بيموت علية مووووووووووت وانو لايمكن يتغير واني كل حياتو وانوكل سفرو وكل التعب هادا عشان خاطري انا بس ليش هيك بعمل ماعارفة لسة هلأ سكر وروح وكنت اتخانق معو وهوة بيحكيلي حرام عليكي لازم تتحملي انت مش بنت صغيرة الحياة طويلة لازم ننجح سوا او نفشل سوا انا مابدي افشل لاتعملي فية هيك حكالي اني بنت صغيرة ودلوعة زيادة عن اللزوم وحكالي انو مسجاتي بتخليه ماينام الليل من احساسو بالزنب حراااااااااام حبيبي حزنت عليه حكالي لازم تتحملي عشان نرتاح حكالي بكرة حيصيرلك ولاد كيف حتربيهم وعصب كتير وزعلان روح زعلان لانو الشركة سكرت وحكالي طبعا هلأ المسجات من هون لاخر اليوم ماراح ترحمني كلام قاتل طبعا انا حكتلو لا لاني مو ناوية اعمل هيك بس هوة حكالي اتحداكي انك راح تبعتي .... طبعا انا ناوية ابعتلو مسجات كتيرة بس كلها مراضاة وتزكير بايامنا الحلوة لماكان عندي بدي منكو طلب رجاء الله يخليكو ساعدوني وياريت لو حد من ذوي الاختصاص شواعمل لاتخلص من هالطبع بدي ابطل طفولية اناناضجة ومخي كبير وخطيبي مش مسدق حالو فية من الفرحة فية كل شي حلو بس هالطبع لو اتخلص منو حيكون احلى واحلى خايفة يتغير لو بضل هيك خايفة خايفة خايفة كل مااحاول اتغير برجع نفس الاشي حموت الله يخليكو ساعدوني مابدو اخربها علية من فراغ امانة بترجاكو ساعدوني مساعدة حقيقية بحل جذري ..... احكولي كيف اراضيه كمان؟؟غير المسجات شواعمل؟ كيف اخليه يلاحظ التغير الله يخليكو بترجاكو ودموعي تنزل :21: |
انتي شكلك مابتدرسي او مابتشتغلي والفرااااغ هلكك مزبوط وعشان بطلتو تشوفو بعض ولا حتى بقعد معك ويحكي زي اول فاشتقتي له وكانت رده فعلك لاشتياقك اله بالعكس حاولي تشغلي وقتك اقراي العبي ساعدي امك اطلعي عند اي حدا ابعدي عنه فتره بسييييطه يعني ماترسليله مسجات ولا شي ورح تشوفي بعدها رده فعله اللي رح تعجبك 100% اشتياق وكلاااااااااااام حلو ومن هالاشياء انا متأكده لو حاولتي ماترسلي اي شي بس اساليه عن احواله وصحته ووووبس واكتمي كل هالاحاسيس الموحلوه بصدرك لانها اصلا من الشيطان تعوذي من الشيطان وتاكدي انه بحبك وكل ماحاول الشيطان يلعب براسك تعوذي منه وقومي سوي اي شي وماتفكري............... ربي يسهل عليكم ويطمنك عنه بالقريب العاجل ويجمعكم ع محبته ورضاه |
عزيزتى من الواضح ان عندك فراغ اشغلى نفسك باى شىء حتى يعود ولا تحمليه ل الاسى انت بهذا مثل الشخص اليقاتل حبيبه لكى ياتى له بلقمة عيش تسد جوعه من وسط الاف الافواه المفتوحة لكنه يقوم بكل برود برميها ارضا دون ان ينظر اليها ولا يقدر كيف حصل عليها
ارجوكى كونى له السكن وليس الجلاد تحياتى |
حبيبتي ملك شادي كلو الا دموعك حبيبتي انتي:(
اسمعي انا كمان كان عندي مشكلتك لما اكون زهقانة وما عندي اشي اعملو بعمل طوشة مع خطيبي بس كانت تتطلع على راسي هو هلء مسافر وبحاجة الكلمة الحلوة مو الطوش والنكد وهو انشغالو عنك لمصلحتك ومصلحتو لانه هدفو منو يجمع المصاريف اللازمة للزواج وجربي اعملي كنترول على حالك واشغلي حالك بأشياء تفيدك وما تنكدي عليه عشان ما يمل تصرفاتك ويبعد عنك طمنيني عليك ازا جد جديد :22: |
الله يعينك
انا فيا هالطبع كمان لما يشنغل عني بثور زي النار.. بس هاد كلله سببه الفراغ والله لو تشغلي حالك بشي تاني وتنشغلي عنو شوي كمان رح ترتاحي واذا حكيتو مع بعض امطريه بالكلام العسل لانه رح يصير متلهف انو يحكي معك كل وقت والتاني ورح يصير كمان يفضي نفسو عشانك بالغصب :d :d سيبك من النكد ترىماهو حلو.. واسمعي كلام البنات اللي قبلي وكلامي رح تستفيدي الله يجمع شملكم عن قريب ويهنيكم ببعض يا رب سلامي يا عسولة :d |
اتبعي نصائح الأعضاء اللي قبلي..
وحااااااااسبي.. تصرفاتك هذه بتخليه يوم من الأيام ينفر منك.. |
خدي هادي نقطة حلوة .. من كتاب اهدتني اياه اختي
39 ـ كيف تكسبين زوجك في سماء الإنترنيت؟؟ المرأة الذكية هي التي تستغل هذه التقنية وتحاول أن تكسب زوجها بذلك تستطيعين ذلك بعدة طرق: إرسال كروت المعايدة وبطاقات التهنئة أو بطاقات تحتوي على قصائد جميلة أو كلمات معبرة. ممكن للزوجة التي ترتاد ساحات الحوار أن تمدح زوجها وتذكر محاسنه وعندما يقرأ كلامها سيكون في قمة السعادة. أن ترسلي له بعض المواقع التي تهم زوجك فإذا كان يهتم بالمواقع الطبية وعثرتي على موقع طبي فأرسليه على بريده فهذا يسعده ويشعره بقرب المسافة بينكما. ممكن أن ترسلي له مواقع تحتوي على أناشيد. إذا كانت الزوجة لديها القدرة على عمل موقع وتهديه لزوجها فهذا سوف يسعده. |
ييي بتسدقي انتي متلي بالزبط الله يعينهم علينا مع إني مجوزة بس يروح الشغل بفقع
الله يهدينا |
الله يعينك ويصبرك ويرجعك بالسلامه
|
مرحبا
شكرا لكل الردود ومعكو حق انا فااااااااضية يلعن ابو الفضاوة بس الي سنتين متخرجة عمري23سنةونص بس للاسف لهلأ مااشتغلت بالمرة ولاعندي شي اعملو بس انا ماما مسافرة وانا قايمة بدورها بالبيت يعني بطبخ وبعمل الحجات هي بس مابعرف انامالي نفسيتي تتعب كتير وهوة مسافر غصب عني يعني لما كان عندي ياسلام كيف كنت مافي احسن من هيك الفرح والراحة والسعادة وااااااااااضحين بوشي عالااااااااااااااااااخر يعني مافيه احسن من هيك بس لما يسافر:( شكرا كتير الكو بس مااعطيتوني برضو حل جذري حل نفسي يعني شواعمل زعلانة من حالي كتير مابدي اخرب علية احلى حلم استنيتو طول العمر حاااااااولو تفهموني :( مع حبييييييييي اقتباس:
|
مرحبااااااااااا
طبعا عارفاكو قلقانين علية شوفو شو صار امبارح خطيبي وهوة معصب حكالي انو متاكد انو راح ابعتلو مسجات بتزعل لمايروح مسجات زي الي كنت ابعتهم اناعاد ماعملت هيك رحت باعتالو مسجاااااااااااااااااات كلهاحب وغرام واعتذارات واشي غير شكل والله الكرت تبع الموبايل خلللللللللص ههههههههههههههه من كتر المسجات المهم محسوبتكو خبيييييييييرة يعني بعرف شو الي بخليه يدوب اكتر ويخليه بلحظة ينسى كل اشي وبس يموت علية يعني كتبت الو كلاااااااااام لو تشوفو بس كلام كلو حب وعشق وحجات معينة عارفة انو بيسيح لماازكرو فيها حجات كانت تصير واحنا سوا المهم وباخر الليل بعتلو مسج حكتلو لو راضي اعمل كانسل للخط وعملي عطوووول (ملاحظة هوة كرتو خلص ومامعو رصيد فماكان يرد او يرن وماكان فيه امكانية يعبي غيرو بهالوقت) وبعتلو كرت بجنن حلو كتير كلو كلام دوبان اليوم هلأ لسة فتحت الايميل لاقيتو فاتح الكرت ومو رادد دايقت شوي بس الله هداني وفتحت الايميل الخاص بينا هادا ايميل بس الي انا واياه ماحد عليه الاانا واياه لاقيتو باعتلي كرت بجنن التصميم مكتوب عليه My heart will forever be yours واماهوة حبيبي كاتب كلام رومااااااااااااااااااااااااااانسي مالكو دخل فيه عاد ماراح احكيلكو اياه بس خلاصتو انو(بموت علية وانو ملكي انا بس ) شوفتو؟اناخبيرة حب الي بدها مساعدة انا جاااااااااااااااهزة هبلة انا صح؟بس مبسوطة كتير والله لانو عدت عخير اصلا هيك دايما احنا مايطول خنقانا اقل من يوم ماشاءالله لاقوة الا بالله الله يهديني مافيه خناقة الا انا سببها:(زعلانة كتير من حالي انو ليش هيك؟؟؟؟ المهم هلأ باقي مااعيد هالحركات مرة تانية ساعدوني ارجوكووووووووووووووووووووووو (((فلسطينية وافتخر:::شورايك؟اطمنتي هيني حكتلك الجديد الي صار)))) |
الله يوفقك معه ويجمع شملكم بالخير يارب بس أختي إسمعي نصايح أخواتي إللي سبقوني حتى ما أقدر أزيد شي
|
الله يبارك لكم فى كل هذا الحب
ويجمع بينكم على خير لكن لما يكون الشخص فاضى ممكن يعمل الف الف حاجه مفيده مثلا إيه رأيك فى دبلومه تكمله للدراسه لإيه رأيك فى دراسة العلم الشرعى إيه رايك فى حفظ القرآن الكريم أيه رايك فى نشاط إجتماعى مفيد متلبعة اساحه السياسيه والأخبار والتحليلات تعليم مجموعه من أطفال العائله شئ مفيد فى الأجازه تصفح المواقع المفيده على النت زيارات للأسره وعمل معارف جدد من الأصدقاء أيه رأيك فى .................................................. وهكذا حاجات ياما أنا من زمن نفسى أفضى لكن للأسف عموما بيقولو على قد همومك بتكون إهتماماتك ونفسك كالطفل إن لم تشغلها بالحق شغلتك بالباطل وقال رسول الله صلى الله عليه وسلم نعمتان مغبون فيهما كثير من الناس الصحه والفراغ وأخيرا الله يجمعك بيه على خير و يجمع بينى وبين روحى وحياتى وكل ما أملك (حبيبتى وخطيبتى) اللهم آمين |
و الله متل ما بقولوا..."بو طبيع ما ييوز عن طبعه"...
|
شكرا عكل الردود وكل احترامي لاصحابها::::
اقتباس:
شوهالرد اختي؟مفروض انا بطلب مساعدة مابطلب حكم وامثال تبين انو مافيه حل لمشكلتي صراحة ضحكتيني يعني كان مفروض اما تحكيلي حل او ماتردي اصلا عموما شكرا مش مشكلة :)بسيطة شكرا للجميع |
ايوة هي الاخبار الي بتفرح حبيبتي ملك خليكي هيك اوعي ترجعي تنهبلي:d
اسمعي ليوم اتصلي فيه وحطيلو اغنية حلوه ورمنسية ( حركة حلوه انا مجربتها :22: ) الله يوفقك ويوفقني ويوفقك الكل |
ههههههههههه
فلسطينية وافتخر:::: احلى شي (ماترجعي تنهبلي) والله معك حق انا انهبلت من يوم ماسافر الله يرجعو بالسلامة يارب واخلص من هالهم اما فكرة الاغنية حلوة بس مابظن اعملها لانو الماكلمات عنا غااااااالية ان بدي اجيب كرت حيخلص قبل الاغنية ماتشتغل ههههههههههه مابعرف هيني بدي احكي معاه عالنت بس شكلو مش هون هيني بستنى ادعيلي حبيبتي الله يخليكي ومازلت انتظر الاقتراحات من الاعضاء |
| الساعة الآن 04:26 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©