|
زوجتي تبيني اقول لها كل اللي عندي
السلام عليكم ورحمة الله وبركاته
عندي زوجتي تتهمني بعدم الكلام تقول أنت ما تسولف علي :d وأنا ما عندي سواليف إلا شغلي لو اسولف لها ما تفهم عليه يعني ليه اتعب نفسي ولما تسولف علي وتعطيني علوم الحريم :d تعرفون سواليفهم تقول يالله عطني سواليف اخوياك وعطني اسرارك اعترف اخرط لي :d طبعا الحريم تعرفون ما يقالهم سالفة لاني لو اشرب شاهي اتصلت على امه وخواته قالت زوجي شرب شاهي اغلب الحريم يخرطون كل شي لأهلهم يعني وشلون لو اقوله سالفة خطيرة كان ننفضح عند الله وخلقه لذلك اي واحد وده يجرب زوجته هي فضيحة ولا لا يقولها سالفة عادية ويقولها لا تقولين لاحد بكرا الخبر بالجزيرة طالع :d لذلك دائما سواليفي عادية والزوجة مهما قالت لزوجة اي شي مو راعي خرط يستمع بس بس الحريم صحفيات الله يهديهم ونحب نرى انتقاداتكم وارئكم |
انا ضدك يا اخ ,مو كل الحريم نفس شي ,هو صحيح في حريم كانهم مرتكالو,بس مو كل اصابعك متساويه ,في ريايل والله الحريم احسن من عندهم ,والله انا اعرف وحده زوجها يقول لها انا اوديج عند صديقاتج بس لازم تقوليلي شنو تسون ,شنوتتكلمون ,يعني يبي تقارير عن الحريم حاسب نفسه امم المتحده خخخخخخخخخخخخخخ,,زوجته توصل له الاخبار اول باول ,و اذا صارت صدفه وحده من الحريم اتصلت علئ هذي الحرمه و يرفع زوجها سماعت التلفون ,يقول لها كل شي عن الي عرفه عنها ,,صحيح الحرمه ناقص عقله بس الخطاء يرجع للريال
|
اخرط لها كل اللي ببطنك انت وش وراك يعني
اترك عنك التغلي الزايد(طبعا هذي صفه في اغلب الرجال) الا الاشياء اللي ما تبغى احد يعرفها طبعا لا تقول لها |
انه مع الاخت ميسونا،مو كل الحريم مثل الشي ،في رياييل حتى اسرار الفراش للاسف يتباهون بها جدام اصدقائهم
|
هههههههههههههههههههههههههههههههههههه
حلو الاسلوب الله يهديك انا اقول ان كانت غير موثوق فيها فاخرط لها اشيااااااء مو مصيريه او مهمه سوالف عاديه وترى مو كل إمرإه كذا فيه زوجااااات مستودع لاسرار الزوج واسرار عائلته |
أختي الكريمة / mesona
أدري أن الحريم مو واحد لكن يغلب على النساء أنها ما تحتفظ بأسرارها وهذا طبع الحريم يعني تفضح أو تخرط أشياء مالها داعي من غير قصد ولا أقولك بعد أن الرجال أحسن شي فيه رجال أردى من الحريم لكن أتكلم عن الغالب من النساء فيهم هذي العادة !ام خالد! شايلة علينا الله يهديك هذا مو تغلي لكن على ايش اسولف لها اقولها قرارات وظيفتي الجديدة ولا اقولها سوق الاسهم نسب تحت :d وبنفس الوقت زوجتي اهتمامتها مكياج وازياء يعني لو تجلس تسولف علي الليل والنهار ما ادخل جو بسواليفها لذلك انطم انا وتنطم هي احسن ولا اذا لقينا احد نحش فيه ما قصرنا :d عيون فتانه اقتباس:
هذه المصيبة العظمي وأنا استحقر الرجل الذي يتحدث بهذه الأمور من باب المبهاة غلا القلب والله وما أدراك لنا نصيب بالكذب يالله يالله عجزت القى سواليف عاد والله جاب الانترنت نلتهي فيه ولا كان منهبل :d |
أخي الكريم
حقيقي أنصحك تشتري كتاب الرجال من المريخ والنساء من الزهره اقرأ فيه وأخفه عن زوجتك وهي تراك أضمن لك أنها ستنشغل به ردحا من الزمن وستستفيد أنت وهي والسلام |
وأنت يا أخي الله يهداك ساكت طول اليوم .. وبعدين حظك أن زوجتك تحب تتكلم وتعبر لك عن كل اللي في خاطرها مو تجلس اليوم كله تناظرك وتناظرها
|
نصيحه لا تخرب حياتك بنفسك
لانه بيجي يوم تتمنى زوجتك تسولف عليك وهي خلاص تعودت انها تنطم وتسكت والله معاناة ترى الحرمه لها طاقه معينه على التحمل وبعدكذا خلاص هي بتبيعها وبتعاملك بنفس الطريقه انا رديت كذا لاني احس ان قمة الاحتقار للحرمه اذا سفهها زوجها ولا شاركها في الكلام يعني عادي كلمها عن المكياج والملابس وش بيصير يعني بينقص من رجولتك شي؟؟؟؟ وما فيه مانع لو تكلمتوا عن الاسهم وفهمتها اللي اعد يصير والله ما يصير ملل بين الزوجين الا من الصمت الررررررررررررررهيب ترا انا مو متحامله على احد بس هذي نصيحه مني لكل رجال ما يسولف مع زوجته ويحس ان كلامها ما له معنى وكلامي مو لشخص معين |
والله معك حق
فيه حريم بصراحه يصدعون بالراس من كثر الكلام ... يعني يبغى لك حبوب صداع اذا جلست معهم ... وبعدين انا استغرب من اللي تطالب الرجل انه يتكلم كثير ويسولف ووووووو طيب الرجال اغلبهم اذا مو كلهم شي طبيعي قله الكلام عندهم .... يعني الصمت التام ماينفع والكلام الكثير ماله داعي ...والحرمه الشاطره تقدر تطلع الكلام من زوجها برضاه وتكتفي فيه .. مو تطالبه يكون ردايو مايسكت ابد يعني مثلا انا وانا بنت طبعي كتومه وكلامي جدا قليل مع الناس ( الا في المنتدى طبعا اقول كل اللي ابي )يعني هذا طبعي وهذااللي ارتاح له وشي مزعج بالنسبه لي اذا شخص يجبرني اني اسولف معه على طول والا اسمعه اربع عشرين ساعه .. والله يصدع راسي من كثر مااسمع الكلام شلون عاد لو احد يطالبني اتكلم معه ... والمعروف ان الرجال كلامهم اقل من النساء هذا الشي الطبيعي و الواجب مايطالب اي شخص بتغيير طبعه |
ههههههههههههههههههههه لا مش كل الحريم اخوي لا
اسمحلي أقول انتا غلطان >>اصبوعك ايدك سوا لا طبعا عشان جي مش كل الحريم نفس الشيء والسموحه |
ترا بتصير النتائج عكسيه على حياتكم
مافيها شئ اذا استمعت لها او سولفت لها وبحدود :) |
يااخي شكلك ما خذ فكره غللللط عن معشر النساء
الله المستعان مثل مافيه الي كلامها كثير وما يثبت ببطنها علم فيه الكتومه الي محافظه على اسرار بيتها وفيه رجال الله المستعان ................... أنا اعرف واحد يسولف على اخوياه الي يصير بالفراش:( احمد الله على زوجتك:14: بعض ذا الحريم يمللون تتمنى امنيه انها تتكلم بموضوع او تسولف على طول التكشيره ما تفارق محياها:( الله يخليكم لبعض |
أخونا في الله طالب الفائده
أنا لن أطيل عليك ولن أزيد عما ذكروه أخواني وأخواتي سوا شيئاً صغير لقد أمنت زوجتك على أسمك وشرفك ومالك ياترى ماذا بعد هذا من الممكن أن تخاف عليه أكثر من ذلك ..... حتى ولو لم يكن هناك ماتتكلمون فيه يمكنك حينها أن تفتح موضوعات كثيره عن المستقبل وأمالك وأمنياتك من الله تحدث عن الماضي عن نوادر وغيره كنت قد تعرضت لها من قبل وتأكد أخونا الفاضل أن النساء عندها قدره عاليه في حل المشاكل ...أي إذا كنت تعاني من مشكله أعرضها على زوجتك وأسمع رأيها وتناقش معها وإذا كانت حلولها مقنعه فأعترف بهذا وحل مشكلتك كما أشارت عليك وهذا ليس عيب . أدعوا الله عز وجل أن يهديك ويهديها يجعل السكينه والمحبه بينكم بأذن الله أخوك في الله |
انا راي اخي مادام هي مهتمه انها تعرف ولو عن شغلك الذي لا تفهم فيه فهذا اهتمام يستحق منك تقديرها واحترامها انا معاك ان بعض النساء لا تؤتمن ولكن هي زوجتك وانت تعرفها جيدا.يعني الموضوع مش موضوع هي عايزه تتكلم او انت تتكلم هو نوع من حب التواصل تبقي عارفه عنك كل شيء وانت عارف عنها كل شيء فاتمني ان يتسع صدر الازواج لكثير من زوجاتهم والله الموفق
|
ههههههههههههههههههه
الله يعينك عطها سواليف كذب ^_^ >>>>>>>>> ترا امزح الله يسعدك معها انشالله اتمنى لكم حياه سعيده مليئه بالخرط تحياتي |
اقتباس:
انا اعرف نااااااااااااس بشكل عام يشرحون بالضبط الله المستعان بس |
الحرمة السنعة هي الي تسحب زوجها بالكلام وهو ماهو داري
تجيب الدله والرطب احلى سوالف وراح يخرط الي عندة كله لكن بعض الحريم تنق عليه سولف علي .......... انت ليش ماتسولف علي ............ اختي منيرةزوجها يسولف عليها ......... بنت عمي حصة تهاوشت مع زوجها ............ بعض السوالف مالها داعي بعض الرجال يستمتع بالاستماع لها والبعض يستنقص من ترويها له فالحوار المثقف بين الزوجين دون ان يكون هناك مبالغة في العرض او تمليح او نقاش يتحول الى هواش فيقول الزوج او الزوجة ليتنا سلمنا من هالسوالف اخي الكريم بعض الامور ليس شرطاً ان تطلع عليها الزوجة اذا كانت غير ثقة انا معك ان بعض النساء ماتبقى في فمها سالفة ( مو كلهم بعضهم ) وبعض الرجال لايأتمن على اي سر اوخبر ( خربت بيوت بسبب سواليف بعض الرجال) يعني كلهم فيهم البركة سواء كان حرمة او رجال الا من رحم الله الله يوفق الجميع |
والله إن كانت امرأة عاقلة وحكيمه مستحيل أن تفشي أمراً خاصاً بزوجها إلا إن كانت من الأمور العادية أو من الأمور التي تفتخر المرأة أنها حدثت لزوجها
وإن رأيت أن زوجتك من اللواتي لا يسكتن عن الكلام وتطالبك بالحديث عن أمورك أرى أن تحدثها بأحاديثك العادية التي تدور مع الشباب وماذا حدث معك في العمل وإن شعرت بالملل فهي من ستطالبك بالسكووووووووووت :) |
|
أختي شذى30
اشكرك على النصيحة وسأبحث عن الكتاب لعله يفيديني [line] الأستاذ أخوي حنا نسولف لكن مو بكثرة وبعدين هي مو راعية كلام وأنا مثلها بس بعض المرات تطلب مني اخرط لها كل اللي عندي :11: [line] !ام خالد! أنت متصورة إننا ساكتين طول الوقت وعيشتنا بتقصر العمر على قولة المصريين لا الوضع عادي بس أنت كبرتيها شوي كل ما في ذلك أننا ما نسولف كثير ممكن هي تقلب بالتلفزيون وانا بالانترنت وكل واحد مشغول بحاله :d وممكن كل واحد يجدع له كلمة نعبر أنفسنا بكم كلمة عن قولة ما يسولفون :) وبعدين أي واحد ما يكلم زوجة يكون احتقار طيب إذا ما عندي سواليف أو أنا طبعي ما اتكلم هل يكون احتقار للمرأة أنتم تأخذون الموضوع أكبر من حجمة وعلى فكرة خليتها تشوف الموضوع وتشوف ردودكم بس للحين ما سألتها عن رأيها :) |
*&* لولو *&*
والله يا أختي لولو كثرة الكلام بدون فايدة يفقع الرأس أحيانا تسولف لك زوجتك عن أشياء مثل المكياج وغيره ولا لي فيها أعجز أدخل جو معاها أقول كل شي ايه بس مو لمها بالي بشي ثاني وهي بعد لما اسولف لها مثلا عن الانترنت ما تدري وش السالفة واعذرها مو من اختصاصها وبعضهم هنا يقول لازم تسولف معها أنت وهي بنفس مجالكم طيب ما اقدر الحين لا دخلت مجلس عام من الشباب وكلهم يتكلمون مثلا عن الكورة طيب مو من اختصاصي الكورة اطفش من المجلس واطلع ولا العب بالجوال لاني بصير من الاطرش بالزفة :d [line] طاوعت قلبي صح مو كل الحريم بس يغلب عليهم هذا الشي [line] _طاوعك قلبك_ أي تنقلب حياتي والله الحمد لله زي العسل ونسولف بس عادي اقل من المعقول [line] jeans ويالله يمكن أكون مأخذ فكرة غلط واقولك أن فيه حريم أزين من الرجال ونحمد لله على كل شي [line] m_alaaelden تصدق أخي الكريم إني لا أحب الحديث مع الزوجة عن المستقبل ولا عن أي مشكلة تواجهني فطبعي الكتمان في هذه الأمور مع زوجتي ومع غيرها ولا أحدث بها أحد أما الحديث عن الماضي فهي قريبتي وتعرف ماضيي أكثر مني :) ويكفيني منك هذه الدعوة المباركة جزاك الله خير ودمت بخير [line] zakzoka_e أخي الكريم زوجتي واكن لها التقدير والاحترام الحمد لله والحياة بيننا من أفضل ما يكون ولله الحمد وهذه نعمة من الله جل وعلا وأسأله أن يديمها لكن أنا قليل الكلام وهي قليلة الكلام ونحتاج إلى من يضغط الزناد حتى نشتغل ويستمر الحديث لان بداية الحديث حديث :) |
ناصر 966
شكرا لك أخي ولا توصل للنصب حتى الآن شكلنا نبي نضطر له :d [line] لوووبا اقتباس:
لابد يكون الجو مهيأ للحديث فيه شي يجذب أما زي ما قلتي تنق عليه سولف لي ما تضبط يبي لها جلسة ويبي شي يحرك الضروس :d [line] دلع ودلع المرأة غالبا تفشي الأسرار من غير قصد من كثرة ثرثرتها تخرط كل عندها سر ولا مو سر :d [line] !ام خالد! أشهد أنا لوووبا جابتها أنا والله من الناس أحب القهوة والرطب والشاهي ولا الله لا أخرط اللي ما ينخرط :d :d :d طالعة من قلب :d |
يا خي ليش ماتسولف عليها
والله لو أني متزوج لا أخصص كل يوم فترة سواليف :d بعدين قل لزوجتك اللي بينا يبقى بينا مابي أحد يدري عنه وهي اكيد اذا كانت تحبك مب رايحه تقول لاحد أبنصحك نصيحه أنظر لزوجتك على انه حبيبه مب زوجه طبق هالنصيحه وفالك طيب :22: |
هذا الشي بالحريم محد يقدر ينكره ....... حتى روح عزومه وادخل عند الرجال وبعدين ادخل عند الحريم صح
بتحصل الرجال يتكلمون ويقولون اشياء لكنك اذا رحت عند الحريم بتلاقيهم اخس من الرجال ب3 اضعاف ...... اصلا الحرمه اذا ماتكلمت وقالت اعتقد بتكلم الجدار يعني تحس فيها دوده ماتقدر الله يعينهم بس فعلا محد يقول شي للحريم مره خطيرات تراهم ولا السي ان ان . |
وليش ماتبي تقولها مسكينة تبي تسمع منك الخريط والمخروط تعب لسانك شوي وقولها على الاولي والتالي حت الاشيا المومفهومة بس حسسها انك ماتخفي شي عنها وانك تحبها لدرجة تقولها نشاطك بكل ثانية ..
وبعدين شنو النظرية احنا الحريم لما نحب بقلب مانفضح بالجرايد النظرية للرجال مو للحريم تحياتي لك موفق انشاء الله |
والله موضوع حلو والتعليقات حلوه بعد هههههههههههههههه
وبصراحه الحريم فعلا يحبون الكلام وانا وحده منهم........بس مو بالاسرار وخراب البيوت ابد ..... كثير من الحريم يدور حديثهم عن الموضه والمكياج والسهرات و....و.... مثل الرجال اللي تدور احاديثهم حول الكره و الرياضه والسيارات و... وفيه عينه من الحريم والرجال يموتون ويتكلمون باسرار البيوت ...... واحس هذا الشي واضح، المرآه الذكيه المثقفه هي اللي تعرف وش تتكلم ووش تقول برا البيت لانها قبل تخرب بيتها وتزعل زوجها فهي بتغضب رب العالمين، وبتعرف كيف تتكلم مع زوجها بعد وباي مواضيع ووش الوقت المناسب وما تطالبه انه يتكلم معاها مثل ما تتكلم معاها صديقتها او اختها وبالمقابل الرجل ما يطالبها انها تكون مثل صديقه مثلا ،وبصراحه انا ما اجد ابدا ملل من سواليف زوجي عن اي شي يحبة حتى بامور الرياضه والسيارات .واكيد ما راح اكون انا ثقيلة واوجع راسه بالكلام عن الموضه بس بلقا مواضيع احبها ويحبها هو بعد ، وكل شي باعتدال يعني كلامنا مو قليل جدا ، ولا كثير. تذكرت قصة قريتها قبل الزواج فادتني كثير وخلتني احذر من كثرة الكلام مع زوجي عن الاشياء اللي احبها فقط ...... تقول القصة انه كان فية زوجه تشكي لامها من بعد زوجها عنها ، وما يحب يقعد معاها ، سالتها امها وش يقضي وقته فيه قالت مع الحمام ، قالت لها روحي اشتري كتاب عن الحمام واقرئي فيه، وبعدها روحي معاه للحمام ،وفعلا اخذت الابنه بنصيحة الام ، وصار وقت الزوج كلة معاها ، واتوقع ان الزوج راح يحب حتى المواضيع اللي تهم الزوجه بعد كذا. صدق اني حرمه احس اني حكيت كثير ههههههههههههههههههه بس والله ودي افيدكم والله يوفقكم ويخليكم لبعض ولا تنسونا من الدعاء. |
مو كل الحريم الحين تغيروا
|
رجل طيب ومتسامح
أجل تخصص كل اليوم سواليف عشانك عزوبي ولا تزوجت إذا تزوجت تبي تلزق فيها بالكثير 6 شهور ثم ترجع الحياة لوضعها الطبيعي أما السواليف صح لو قلتها لا تعلمين ما تقول لأحد بس كل سالفة بقولها لا تعلمين أحد [line] ضاحي هلا ضاحي الحريم يغلب على حديثهم الحش بالناس معذورين ما يدرون وش يسولفون فيه :d [line] تاهئة الحياة يعني الحب ما يظهر إلا بالخرط مو دليل بس إذا كانت زوجتي ما تفهم على شغلي وسواليفي ليه اتعب نفسي لانه بعض المرات تحتاج ترجمة لبعض الكلام ( الشغل ) ثم يجيني احباط واسكت احسن لي [line] ما فيه اسامي كلام الحريم كله حش بالناس نبي سواليف جديدة وكلام مفيد شكلي بجيب بلاستيشن وبلعب انا وياها اصرف بس ما تعرف تلعب كورة ههههههههه :d [line] لام الحنون أدري مو كل الحريم بس اكثرهم كذا |
والله العظيم انك ضحكتني يا طالب الفائدة..............انا زوجي نسخة منك وسبحان الله ما يتكلم واااااااااااااايد ولا يقول اي شي واحس اني الوحيدة اللي فاهمتنك......زوجي ما يحب يقول مشاكله لأنه يريد يحل مشاكله بروحه .......وبعدين اهو من الدوام للبيت ومن البيت للدوام..........فما عنده سوالف وانا عاذرتنه بس انا طبعي احب اسولف.........استنى زوجي لين ما يرجع وينام وبعد صلاة العصر نشرب انا جاي وهو قهوة وناكل سويت(حلاوة) ورطب.........واحب الكلام منه حتى لو ما يبى يقولي.........على العلم ان زوجي ملازم ما ادري انه من سوالف البزنس........وبعد الزواج اكتشفت ان زوجي تاجر وعنده محلات ولا قالي عليه إلا بشطارتي
|
اسحب الكلام بشطارتج لا تقوليله يلا قول تراه ما بقول حتى لو كان ناوي يقول.........سياستي في التعامل مع زوجي كالتالي بس مب دائما هذي وحدة وجربيها وان شاء الله تنفع..............اول شي اسولفله شو اخبار الدوام واخبار جامعتي بعدين انكت بعدها اقوله فخاطري نكته فيقولي واذا قالي ما عندي يديد اقوله يلا نفتح النت ندور ونضحك وبعدين ابدا اقوله مثلا اخوي سوا هكذا انت لو كنت مكانه شو بتسوى........ويقولي يوم يخلص بروحه يريد يخبرني تصرفه في بعض الامور ويقولي عليه وهكذا اخلي زوجي يسوووووووووووووووووووووووولف
|
محد دلوع شراتي
عاد تصدقين طلعت مثل زوجك من الدوام للبيت الا الاربعاء والخميس :) يعني زي ما قلتي من وين تجيني السواليف والشطارة من الزوجة واعتقد لازم تكون المبادرة منها لان إذا جاء البيت زوجها يكون ملكها ولازم تهي له كل سبل الوناسة والرضى وبعدها يبي ينطلق لوحده يعني وريتها هذا الموضوع وكنت أبي رأيها ما عبرتني ولا بكلمة ههههههههههه بس متعود على التحطيم :d |
ماأدري أخوي لو كان صديقك بالعمل كنت تتضايق منه مثل ماانت متضايق من زوجتك
وبعدين ليش ماتحكيها عن الاسهم أنا زوجي كنت أشوفه ينزرع بالنت وأجيئ أحط لي كرسي وأتكي معه وقهوه طبعا يطقطق في الاسهم وسؤال مني وجواب منه وماخليت منتدى للاسهم الادخلته وصرت أرسله رسايل عن المؤشر والشركات اللي نسبت و صرت أفضل منه والله يشاورني يقول ها أبيع والا أنتظر أشتري والا لا ترى اللي تحب زوجها تتعلم أي شيئ علشان تسعده |
زوجي مثلك تمااما بس انا مااخليه يسكت اطلع له لعبه جديده واسندره ومااخليه بحاله وهو فالبيت....بس بعد ابيه يسولف من نفسه من غير ماابدى انا... هو يسولف بس مب واجد..وانا وياه عكسكم انا احب النت وهو يعشق التلفزيون :)
|
ليتني اسلى
أختي الكريمة تقولين تكلم مع زوجتك بالاسهم أنا عن نفسي ما دخلت الاسهم وبعدين لو حدثتها بأمور ثانية ما تفهم على حديثي حتى الحين لو أحد يكلمني على أي موضوع ما أعرف فيه ما ادخل معاه جو لذلك ما ألومها بس مثل ما قلتي لو افهمها أكيد تبي تسولف معي . ================================================== ================ كبيـ بعيوني ـره أختي هو على حسب الزوجة وطريقة تعاملها مع زوجها مثل أنا مرررررررح لأبعد الحدود ومزحي كثير مره زوجتي غير مرحة ولا تحبي مزحي لان مزحي ثقيل ههههه وبعض المرات انقهر أبي أحد يفرفشني لذلك طول وقتي بالانترنت 5 ساعات يوميا يضيع من وقت انترنت |
عكسي تماما ..
زوجي ثرثااااار .. من يجي وهو يسولف لي من طلع من البيت حتى الحمضيات اذا اتراها يخبرني عنها .. اكره طبعه يسولف ويعلمني بكل شيء.. وانا لازم اكون مستمعه .. في حين اذا جيت اقول سالفه مايتعب نفسه يتابعني .. بس احسن من اللي يخش عن المرأه .. يعني زوجي لو يسولفون في الحريم او يوصونه خويانه جا علمني .. خخخخخ رلاب ضارة نافعه .. |
((( هذا مو تغلي لكن على ايش اسولف لها اقولها قرارات وظيفتي الجديدة ولا اقولها سوق الاسهم نسب تحت ))))))))))
ظننتك تتعامل بالاسهم لذلك كان ردي عن الاسهم كنقطه لبدأ التحاور |
لحظة صفى
الأزواج والزوجات يختلفون كل واحد وله طبعه لكن زوجك شكله سوالفجي ماشاء الله عليه يعني ما أتورط لو اجلس معاه يريحني بسواليفه لأني صعب أنا ادخل بالواحد علطول سواليف إذا كنت أول مره اشوفه :) والله يوفقكم ويسعدكم [line] ليتني اسلى أختي وبنفس الوقت اكره السواليف عن العمل سواء مع زوجتي ولا غيره وأنا استمتع باللي حديثه عن الاكترونيات :d لذلك ادخل جو علطول مع الواحد |
الله يسامحك مو كل أصابعك واحد بالعكس انا ما فيه صغيرة ولا كبيرة الا أعرفها عن زوجي وما حد بالدنيا عرفها ومتعودين على مبدا الصراحة والحمد لله ما صار وواحد فينا كشف أسرار الثاني ولمعلوماتك فيه رجال صحافيين اكتر من الحريم
|
iris
إذا كانت زوجتي كاتمة لاسراري وواعية وتعرف عواقب الامور فهذا شي طيب وأنتي فئة نادرة من النساء اللواتي يكتمن الاسرار . |
| الساعة الآن 09:36 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©