قالوا عنها بأنها ليست جميله .....ولكن؟؟؟
 

* اخواني احبائي اعضاء المنتدى اريد مشورتكم الحكيمه من رجال و نساء :-
اخواني بالامس ذهب اهلي الى بيت ناس صالحين ليخطبوا لي ابنتهم فبعد رؤية اهلي للفتاة قالوا بأنها ليست قبيحه ولا جميله ولكن مملوحه ملح بسيط .
* فما رأيكم هل اتوكل على الله واقدم عليها ؟ وادع مسألة الجمال ؟ علما بأني علمت بأن الفتاة روحها جميله......مرحه ....حكيمه....طيبه .
* اخواني المتزوجين من جميلات هل مع الوقت البسيط تتغير نظرتك لزوجتك وتبدأ تنظر لروحها وتصرفاتها ؟؟؟؟؟

أخي صلي الإستخارة وتوكل على الله

جمـــــال الروح ذاك هو الجمـــــــال الحقيقي الذي تطيب له الخلال ويدوم على مر الزمان ويطغى على جمال الشكل

وفقك ربي لما يحب ويرضى

انا من ناحيتي يوم خطبت زوجتي ما جبت سيرة الجمال ابد

طبعا مابيها تكون قبيحة بس العادية و الاقل من العادية ما عندي مشكلة للزواج منها

و صدقني لو طبقت حديث الرسول صلى الله عليه و سلم

(فاظفر بذات الدين تربيت يداك)

و الامر راجع لك انت فانت اللي بتعيش معها

فاستخر الله و ادعه بالصالح لك

* جزاكم الله خير على مروركم.

اولا .. حكم اهلك على البنت من ناحية الزواج قد يكون مختلف كليا عن نظرك ... فالناس اذواق


ثانيا ... استخير ربك ... وودي اقول كلمة اخوي . وحتى اوجهها لنفسي بعد


^^ المشكلة احنا نجي ونقول جمال ومدري شنو .. فياليت الواحد منا ياخذ جولة على المراية ويشوف وجهه ... ويحمد ربه اللي خلقنا في احسن تقويم ^^


ثالثا.. لو قدرت تشوفها خفية بدون ماتجرح مشاعرها بالرفض .. يكون احسن


وعسى الله يوفقك

* اخ تركي ضحكتني يوم قلت لي شوف وجهك قبل :) الله يحفظك ويسعدك يا رب

اخوي بقولك بصراحه


الزوجه الجميله تراها بتنغر عليك وبعدين زوجها بيفرح بجمالها وبعد كم شهر يتعود على ملامحها خلاص

يروح الجمال تصير حرمه عاديه بنظرة


اما اذا مرحه وخفيفه دم فليش لا يمكن اهلك يشوفونها عاديه بينما انت تشوفها ملكه جمال



الجمال مو كل شي


وخذ نصيحه مني الزوجه الجميله غالبا تكون ديكور جواتها فاضي

ذكرو لك انها مملوحة

يعني مهي عادية.. اخوي ترى الوحدة اذا صارت مملوحة تكون جذابة وانثوية اكثر

بينما ملامح الجمال الواضحة في الغالب مايكون فيها جذب

والمملوحة هذا نوع من الجمال يعني البنت تعتبر حلوة

وهذا ذوق اهلك يبقى ذوقك انت

الله يوفقك ويكتب لك الخير

اخوي انا ماشفت اهلي قالوا عن وحده انها حلوه ابدا ووصلت لنتيجة

وهي ان نظرة المرأة للمرأة غير نظرة الرجل يعني انت اذا شفتها ممكن

تنهبل عندها بينما امك واخواتك يقولون ليست جميلة وتأكدت من هالموضوع

بنفسي كنت نازل في يوم من البيت ومسرع مع الدرج الصبح بدري واخت جارتنا

طالعة مع الدرج وكاشفة وجهها وهي ماتدري ولا انا ادري المهم فجأة تقابلنا

وجه لوجه والله والله والله انها كانت ملكة جمال الله يستر عليها المهم قلت اختبرهم

واشوف ذوقهم ورجعت البيت بعد المغرب وجلست مع امي واخواتي قلت فلانة ايش

رايكم فيها قالوا لا مهيب حلوه قلت ايش فيها مهوب حلو المهم عطوني اجابة قهرتني منهن

قلت بصراحة انا حبيت اختبركم لاني اليوم شفتها بالغلط والبنت بصراحة قمة فالجمال والانوثة

وهي بعد كم شهر بتعرس الله يوفقها لكن عرفت ان الحريم لهم نظرة مختلفة تماما عن الرجل

اما تتوكل على الله والا اطلب الشوفة ومدام قالوا مملوحة والله لتعجبك

اخي الكريم....................نضرت النساء للنساء من ناحية الجمال مغايره تمامآ عن نضرة الرجل للنساء..............
فتوكل على الله واحكم انت بنفسك........فما الحكمه من النضره الشرعيه.................وبالتوفيق

لا تعتمد كل الاعتماد على نظرتهم لان الجمال امر نسبي ونظرة الناس تختلف ، وليس معنى ان يقولوا مثلا عن واحدة انها جميلة جدا ان يراها هو كذلك وكثير من مشاكل الاعضاء اشارت الى تلك النقطة ،
وليس معنى ان قالوا انها مملوحة ان تكون بنظرك نفس نظرتهم .

لذلك لا بد من ان تراها وتحكم بنفسك ، وذلك لكي ترى مدى الانجذاب الذي تشعر به وهذا حقك وامر ضروري ان نفعل كل ما بوسعنا من اجل انجاح الحياة الزوجية ما دام الامر حلالا شرعا .

وفقك الله.

اخي اللي اقدر انصحك فيه بان ترى البنت، وهذا ما اوصى به رسولنا عليه الصلاة واللسلام
لأن نظره الرجال تختلف عن النساء
على عموم البنت المملوحه جذابه
لكن حتى لا تظلم البنت يجب ان تراها وتقتنع فيها
وتذكر الاخلاق اهم شي

الرؤيه الشرعيه وبس

علشان تقطع الشك باليقين


وتاخذون بعض عن قناعه شخصيه


الله يوفقك وييسر امورك

خذ الجمال الدائم (جمال الروح) فهو الذي سيبقى لك
اما
جمال الشكل وقتي فقط

بما انك تقول انها روحها جميله ومرحه وطيبه

ومملوحه بعد


وشتبي غير كذاااااا


والله الطيبه تنشرىىىىىىىى


واحد خطب جميله بعدين سأله صديقه بعد فتره قال : ذهب الجمال وبقي الأخلااااااق

اذا كانت سمعة البنت طيبه استخر وتوكل على الله اسئل الله ان يوفقك


وبصراحه اعجبني رد اخوي تررركي اقتبااس (المشكلة احنا نجي ونقول جمال ومدري شنو .. فياليت الواحد منا ياخذ جولة على المراية ويشوف وجهه ... ويحمد ربه اللي خلقنا في احسن تقويم ^^ )



الولد يتشرررط وهو من زينه الحين طبعا ما اقصد احد بعينه لا عموم اللي يتشرررررررررررط


الله يوفقك

الاستخارة وحدها من سيريحك ويذهب حيرتك ..وبصراحة لمست في كلامك الرغبة فيها فتوكل على ا لله واستخر فلن تندم .........أختك أم عبدالله

انا من رايي
صلااااااااااااااااااااااااااة الاستخااااااااره
والسموحه

الجمال مو كل شي

عندي قريب لي تزوج وحده انبهر من جمالها وماكملوا الشهرين الا وهم منفصلين

وتزوج وحده جمالها اقل بكثير من اللي قبل وهو الحين مبسوط معها

الجمال مو كل شي

قد تكون البنت جميله ولكن عليها تصرفات تخليك ماتشوفها جميله

توكل على الله

* جزاكم الله خير على مروركم وعلى ارائكم الحكيمه.
* اخوكم المحب العابد لله.

انا مع كلام الأخ تركي لانه عين العقل ولكن يا اخي استخير ربنا محد رح يريحك الا اللي خلقك ولكن لازم ازا وافقت عليها توافق عن قناعه تامه عشان لا تظلم البنت
بس رح اقلك شي ترى والله عين الخاطب والمخطوبه ونظرتهم لبعض تختلف عن كل العيون والأنظار انا عن نفسي اشووف خطيبي احلى رجال في العالم مع العالم انه ممكن غيرو يشوفو عكس كدا ولكن انا بعيوني شايفتو كدا
عموما ربي يخترلك اللي فيه الخير ونفرح فيك يارب

* جزاكي الله خير اختي جوجو على النصيحه.
* لا تنسوني من دعائكم لي بالتوفيق .

في دراسات اثبتت ان معيار الجمال المظهري لدى الزوجة وتأثيره على الزوج يدوم فقط اول شهر من الزواج وبعد ذلك يصبح الامر عاديا جدا بنظرة الرجل لزوجته

اخي بالله ان الجمال الباقي هو جمال الاخلاق والعشرة وجمال الروح وصفاء القلب واسأل المطلقين والمطلقات وخاصة الجميلات منهم