|
آخر تفاصيل خطبتي ... أريد آرائكم ونصائحكم
السلام عليكم ورحمة الله وبركاته
مساء الخير أخواني أخواتي الاعضاء بصراحه مدري من وين أبدا ,, أحس أني أشغلتكم بمشاكلي اللي ماتنتهي :( ولكن قسم بالله أني أرتاح لما أسمع ردودكم ونصائحكم الله يوفقكم ويستر عليكم بالنسبه لموضوعي انا خطبت البنت اللي قلت لكم عنها .. اني أكبر منها 10 سنوات اهل البنت مارفضو بالعكس رحبو بــ الوالده وقالوا اذا بينتظرها لين تكمل دراستها ان شاء الله بتكون من نصيبه ودراستها باقي عليها سنتين .. غير السنه هذي طبعاً انا صح أني أحترم هالبنت واقدرها ومرتاح لها ومن ويوم انها صغيره وهي بعد متأكد انها تبادلني نفس الشعور .. بس وش يصبرني سنتين :( من جد مقدر أصبر على العزوبيه احس لو صبرت سنتين ... بضيع ضيعه مايعلمها الا الله .. يكفي السنين اللي راحن من عمري تعب وهم وجروح وحزان وفقر وضياع صعبه أجل الزواج سنتين .. لا ني من جد أبي أستقر و أملا فراغي العاطفي بالحلال .. انا ما أدري أصبر سنتين .. والا أدرو غيرها والا أكلم خالها اخليه يقنع اهلها ويقولكم تتزوج وتكمل دراستها وانا ماراح امنعها محتااااار وأبي أرائكم ؟ |
والله من رايي كلم اهلها وحاول معاهم
واستغفر كثير اذا ربي كاتبلك خير الله يتممه لك |
كلم خالها يقنعهم 0000 واوعدهم انك ماتمنعها من الدراسة
وبالتوفيق ان شاء الله |
أهلا أخي الكريم...
هممممممممم... والله هذه مشاكل هذه الأيام :( الدراسة ماراح تؤثر على البنت بل بالعكس يمكن يزيدها اصرار :22: والحل برأيي تكلم أحد أقرباء والد البنت وخليهم يقنعوه :25: واذا ما قدروا... فالصبر مفتاح الفرج :15: وبالتوفيق |
توكل على الله وكلم خالها .. وادع ربك إن خالك يقدر يقنعهم.
وفقك الله ورزقك الزوجة الصالحة عاجلا غير آجل. |
كلم خالها وإن شاء الله أهلها يوافقون.... بس قبل لا اتكلمه فكر بين نفسك هل انت بتكون قد الوعد واتخليها اتكمل دراستها... لأنه الصراحه مسؤولية بيت وزوج بالإضافه إلى هم الدراسه شي أبدا مش سهل...
وتأكد انه اللي الله كاتبه راح يصير وإن كانت من نصيبك ربك بيسرها إن شاء الله تمنياتي لك بالتوفيق إن شاء الله |
اخي الكريم
في هذا الامور لازم الامور توخد باصدق ونصيحتي لك ان تخبر خالها كما قلت مع التحية |
اقتباس:
إذا ضيعت الفرصة من يدك.. تضمن إنك تحصل بنت غيرها وتتزوجها على طول.. وماتجلس سنتين وإنت تدور على بنت الحلال؟؟ |
اقتباس:
الله يجزاك خير أختي راح أكلم خالها ووبقوله يقنعهم وبقوله انا متمسك فيها لــ آخر حد |
اقتباس:
الله يجزاك خير اخي كاره الرياضيات ياخي مستحيل أقول كلمه واوعد بشي وما نفذه بخليها تكمل دراستها وان بغت اذاكر لها بعد ماعندي مانع تراي شاطر بعض المواد :22: |
اقتباس:
والله مشكله هالدراسه بحاول اقنعهم وانا قلت لكم متمسك للبنت لا آخر حد اذا ماقدرت اقنعهم الله يوفقها .. الله يجزاك خير اختي |
اقتباس:
اخوي وهذ ا اللي بيصير ودعولي ان اهلها يقتنعون |
فعلا مثل ماقالوا .... كلم خالها وأقنعه لأنه لو ضيعتها من يدك ممكن تقعد سنتين تدوور على واحدة ثانية ماتلاقي ..
بالتوووفييييييييق .... :22: |
الله يكتب لك اللي فيه الخير اخوي ...
والله معك حق ان سنتين كثيره ... الله يهدي الأهالي يارب قول لهم واكد لهم انك راح تكون عون لها في الدراسه وعلشان يتطمنون اكثر قول انا ماعندي مانع يكتب شرط بعقد الزواج انها تكمل الدراسه مهما كانت الظروف .... وموفق يارب |
خالي اهلها يوفقوا على طلبك ان شاء الله بنا يسهل لك امورك
|
توكل على الله وكلم خالها .. وادع ربك إن خالك يقدر يقنعهم.
وفقك الله ورزقك الزوجة الصالحة عاجلا غير آجل. |
الله يوفقك
وانا رايي من رأي اخواني واخواتي وان شاء الله نسمع اخبار طيبه بس انت لا تيأس !!!! ، حاول تقنعهم ، وتقنع خالها عشان يساعدك |
| الساعة الآن 07:09 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©