|
زوجي يعرض عليكم مشكلته معاي ... ساعدوه
اخواني وخواتي
اعرض لكم هذي المشكله وهي مشكلة زوجي معاي وانا قلت له اشرايك نكتب المشكله بالمنتدى وشوف انت راي الشباب مع انه يقول اكتبي المشكله بس انا ماآخذ راي احد من المنتديات وعلى فكره هو مايحب يتابع هالمنتديات ويقول كلها خرابيط وكذب وكلام ماصخ ارجوكم عطوا زوجي الحل واقنعوه بفايدة هالمنتدى لاني انا وايد استفدت منه هذي مشكله زوجي يعرضها عليكم : (زوجتي تتضايق وايد من كثرة نومي واحس انها معتبره هالموضوع مشكله كبيره وااااايد وااايد واايد وانا اقول انها صحيح مشكله لكن ماتستاهل انها اتكون ساكته ومتكدره وشايله افخاطرها طول الاسبوع اذا اخذت اجازه في يوم انام لين الظهر واكمل نومي بعد العصر حتى المغرب بعدين اتروح بيت اهلها وانا اطلع عند ربعي وارجع البيت ولا تتكلم واتقول مافيني شي وانا ادري انها شايله علي تكفون قولوا لي شاسوي معاها هي واااايد امكبره الموضوع) |
ماشاءالله عليكم مافي مشكله خليه ينام نوم الظالم عباده ههههههههههههههه امزح بصراحه الله يسعدكم ومشكلتكم بسيطه جدا اذا نام نامي معاه وريحي ملايكتك انا من عشاق النوم اذا عندي مشكله اناااااااااااااااااااااااااااااااااام يمكن تنحل الحالها ههههههههههههههههههههههههههههه
|
أهلا بك..
إذا هالشي يصير أحيانا.. يعني مب كل يوم.. فمن حقك ترتاح شوي.. يعني إنت ماخذ الاجازة عشان ترتاح.. وتحصل النوم اللي تنحرم منه ايام العمل.. بس إذا كل يوم كل يوم نفس الشي.. فأسمح لي أقول إنك كثير النوم وهذا الشي أكيد يضايق الزوجة.. وبعدين عندي ملاحظة.. طول النهار نايم وبعد ماتقوم.. تروح زوجتك عند أهلها وإنت عند ربعك؟؟ مب المفروض إنك تعوضها عن الوقت اللي تاركها ونايم عنها.. وتروحون تطلعون مع بعض تغيرون جو.. أو حتى تقعدون بالبيت.. ماتخلي البيت للنوم وبس.. |
ريمية نجد
انا :اشلون الزوجه اتنام مع زوجها كل هالوقت والعيال وين اتحطهم اعتقد ان هذا مو حل زوجي : مستانس لان المشكله اعتبرتيها بسيطه وان انتي عطيتيني الحل بحرينيه ولكن انا :نومه هذا يكون في كل اجازه يعني اجازه نهاية الاسبوع او اجازته السنويه اما باقي ايام الاسبوع اننام انا وهو حتى المغرب بعد الشغل وبعدها نطلع هو عند ربعه وانا بيت هلي زوجي:مستانس لانج قلتي ان الاجازه عشان ترتاح وان هذا مايكون الا بايام الاجازه ومو كل يوم |
والله معظم الرجال بهذه الطريقه بينتظر يوم اجازه للنووووووووووووووم فقط لا غير واذا كان مش هينام فيخرج لوحده فعادي دي موجوده في كتير الا من رحم ربي
|
اقتباس:
بس يا زوجها إنت فهمتني غلط.. أنا ماقصدت الاجازة نهاية الأسبوع.. أنا توقعت الاجازة يوم تاخذه مرة بالشهر عشان تريح من الشغل.. بس كل أسبوع يعني يومين من أصل سبعة.. كثييييير.. وإذا إجازة سنوية المفروض أول يومين ثلاثة.. وبعدين تستعيد نشاطك وتعطي زوجتك نصيبها من الوقت.. أنا مستغربة إنتوا ماتطلعون من البيت مع بعض مشاوير وتمشي؟؟ ماشفت من كلامكم اللي يدل على هالشي...!!! |
اقتباس:
الله يهديك يا اخي الواحد مرته ما يصدق الا يلاقي وقت عشان يعوضها بدل اللي يكون بعيد عنها فيه!!! |
أنصحيه يسوي حجامه في أعلى الرأس لأنها معروفه تخفف كثييييييييييييير جدا من النوم
لو عملها راح ينام بين 3 - 6 ساعات في اليوم |
بحرينيه ولكن
زوجي: انا بعد المغرب لازم اروح عند الشباب في المجلس وهذا اللي اتعودت عليه من صغري وانا ومع ذلك اذا بتروح اي مكان اوديها مااقول لها لا مع اني كنت اأأجل قبل وايد انا : يوديني المكان اللي ابيه اذا كان ضروري مثل سوق او مجمع اما تمشي لا وحتى المطعم كل شهرين او ثلاث وبعد ماانا اطلب منه وما يقول لي لا يعني مانطلع الا لمشوار انا طلبته منه مثل شراء اغراض لي وللعيال اما مشوار تمشي ووناسه فلا الا بعد كل اسبوعين وفي عطله نهاية الاسبوع وبعد مانطلع من بيت هلي وبآخر الليل ياخذني بالسياره نشتري عصير او اسكريم ونرجع البيت |
زوجي : يقول بروح اسوي حجامه
انا : لا تعليق |
شخصيه مجهوله
زوجي : لا تعليق انا : مستانسه |
زوجي: سؤال هل هذي مشكله كبيره وتعقد او هي بسيطه وموجوده عند اغلب الناس ولا تتفلسفون بس ابي اعرف اذا هي مشكله كبيره او صغيره
|
يا أخي سالفة إنك تروح المجلس يوميا.. هذي للعزاب.
كل واحد قبل الزواج متعود على شي بس بعد الزواج لازم يغيره.. زوجتك لها حق عليك إنك تعطيها من وقتك.. إذا طلعتك من بعد المغرب... عيل لا ترقد كل هالوقت.. خلك معاها.. ترى فترة الضحى إلا مابعد الغدا حلوة وايد.. وفرصة جيدة إنك تقعد معاها مع العيال.. وتكون اللمة حلوة.. ممكن أسأل سؤال؟؟ متى تجابل عيالك؟؟ إذا فعلا الحجامة تقلل من ساعات النوم.. فأنا أيضا أشجعك تعملها.. |
اقتباس:
المشكلة موجودة عند أزواج كثيرين.. ولكنها كبيييرة.. |
بحرينيه ولكن :
زوجي: ماابي احد يتفلسفبس ردوا على سؤالي هذي مشكله كبيره والا صغيره انا : لما يرجع من الدوام احيانا يحصل العيال نايمين واذا صاحيين يقعد معاهم وقت الغدا وبعدين اننام كلنا ولما انقوم مع الممغرب اشوي يشوف اعياله ولما ايوصلني بيت هلي وبآآخر الليل وقبل النوم يكون الوقت المفضل عنده للعب مع اعياله وعلى السرير طبعا لان احنا نرجع البيت اخر اللي وعلى طول عالسرير وطبعا انا في هالوقت دايخه واحتر لان ابي العيال ينامون عشان انام وارتاح |
نوام هذا الله يعين اللي عنده الظاهر انه لازال يعيش حالة العزوبيه
عيب عليك اللي تسويه انت رجال ومتزوج وبكرا يكون عندك اولاد بيقتدون فيك ترى تنظيم الوقت شيء مهم المشكله عند زوجك متاكد منها انه ماينام بالليل يعني نوم النهار كله لايعادل ساعه بالليل ياخي فشلتنا عند الحريم وبين الله وخلقه خلك همه وارفع روسنا |
زوجي : قومي انروح اننام
انا : ترى زوجي كلش مب مقتنع ويضحك ويقول اتركي عنج المنتدى وانا بس ابي اعرف اذا المشكله كبيره او لا تحياتي لكم وتصبحون على خير وبكره بكمل معاكم واقول لزوجي عن ردودكم |
اقتباس:
الظاهر انكم من طينه وحده تصبحون على خير اقترح قفل الموضوع |
اقتباس:
وكيف أذا كان هناك امور كثيرة ..تترتب على هذا النوم ... وأشخاص تتضايق منه !!! أحسبها شوي .... |
اقتباس:
|
اذا سمحت يا اخي الفاضل هذا الشي لا يرضي الله ولاخلقه يعني حاط البيت لنوم فقط يعني فندق ليه المراه ماتحتاج ان تكون بجانبها بكل حواسك حتى يكون هناك نوع من الحوار والتفاهم وحتى تقربون من بعض وانا انصحكي يااختي بان تصبري وان الله سوف ياخذ بحقك ولو بعد حين
|
خالي الهم زوجك يعني ماعنده الا يوديكي لاهلك وانتي مستانسه خلوكم على هااااااااااااااااااااااالدقه
|
ياحليلكم...........................طرحتوا المشكله ورحتوا تناموا...........؟؟؟؟؟؟؟هههههههه
بصرااااااااحه مشكله كبيره.........وأنا اعاني منها............والمصيبه اذا ضاعت الصلوات..........او شاركني زوجي في سجادت الصلاه............. رجال آخر زمن فاضين ماهمهم الا النووووووووووووم.... |
اقتباس:
و هل كنت معتاذ من صغرك على نوم امرأة بجانبك ؟؟هل كنت معتاد على ان تكون ابا ؟؟ يا اخى الفاضل بعد الزواج يجب ان تتغير عاداتنا فهناك مسئولية القيت على عاتقك و كما تجلس مع ربعك فهناك امرأة احق بأن تجلس معها الله يهنيكم |
الله يخليكم لبعض ويفرحكم دااااايم هذا ردي لان مشكلتكم بسيطة وانتي يانجمة دلوووووعة حيل
|
المعماري مهندس
فجر احنا مش قاعدين نتسلى على احسابكم بس ريلي مش مقتنع من اللي اتقولونه وانا احس انه لما عرف ان هو الغلطان قال لي انا ماابي اعلرف الا اذا كانت المشكله كبيره او لا وانا دايما اقنعه بانه يشوف المنتديات عشان يستفيد منها بس هو الله يهديه يقول لا تسمعين كلامهم كل واحد حياته غير ويرد عليج حسب طبيعة حياته انت لو اتعرف نفسيتي اشلون هالايام ما رديت هالرد عالعموم مشكور وعلى فكره انا اكتب الحين ابروحي |
عزيزتي نجمة عشق..
لاتزعلين من بعض الردود.. ترى مايقصدون منها شر.. ترى كثير من الازواج مايقتنعون بالمنتديات.. أنا عجزت مع زوجي أحاول أشجعه يدخل المنتدى وياخذ افكار.. لكنه رافض.. المهم قولي له غن النتائج تقول إن مشكلته كبيرة.. ونومه طويييل.. الله يوفقكم.. ومانبي هالنفسية.. خلك كول ع طول.. |
تدرون امس لما رحنا اننام قعدنا تناقش في الموضوع وقال لي لا تشوفين هالمنتديات لانها ماتنفعج وكل واحد يقول لج رايه حسب طبيعته وطبيعة الحياة اللي عايشها
المهم بعدين قال لي انتي عمرج ما قلتيلي كلمه حلوه عمرج ماغازلتيني عمرج ماتأسفتي انتي تبين كل شي اسويه لج وانا مااستاهل منج شي؟ انا سكت وماعرفت اشلون ارد عليه وهو نام وانا تميت افكر لين الصباح اخواني انا معترفه له اني امقصره في الكلام الحلو ودايما اقول له ان خاطري اقوله بس الكلمه اتقول على الساني وماتطلع ودايما احاول اما بالنسبه للاسف : انا لما ازعل او اتضايق من شي هو يجي يعاتبني ويقول انتي امكبره الموضوع ويظل يتكلم وانا سااااااااااكته وكأن انا الغلطانه ويقول انتي وانتي ويتكلم عن اشياء مالها دخل بالموضوع اللي انا متضايقه منه وبعدين يقول لي اتأسفي .... يعني الغلط يرجع علي في النهايه ..... اشلون اتأسف في هالحاله هو مش معترف انه غلطان وان انا والعيال لنا حق عليه وخصوصا في ايام الاجازه وانا اذا نام ايام الدوام طول اليوم مااتكلم واقول تعبان وانا راضيه اذا ينام في هذي الايام لكن ايام الاجازه يرتفع ضغطي واعصب واتكدر غصب عني وياليت هو يفتكر اتخيلوا انه امس ماراح الدوام وانا اتصلت من الدوام اكثر من مره عشان اقيمه من النوم وبعدين قال لي انا مش رايح اليوم والله اتكدرت وقلت مو بس نهاية الاسبوع بعد اليوم تكدر وبعدين لما رجعت البيت الساعه ثنتين الظهر وقيمته تدرون اشقال لي ؟ قال ترى انا بنام العصر بعد ... قلت نام ماعلي منك انا بعد بنام لاني تعبانه والعيال بينامون معاي انا احترت معاه والصراحه تعبت واحس ان مافي فايده معاه وانا اعترف اني امقصره في الكلام الحلو اشلون يبي يسمع مني كلام حلو او نفس حلو وانا من داخلي احترق ومتضايقه قولوا لي اشلون |
يمكن السبب اللي يخليه ينام ويتهرب منك..
هو كل اللي قلتيه.. إنك مقصرة معاه في الكلام الحلو.. وإذا غلطتي ماتتأسفين.. باقول لج على سر: (( الزوجة إذا غلطت.. لازم تبادر وتعتذر.. والزوج إذا غلط.. أيضا الزوجة تبادر وتعتذر )) خلك لينه في التعامل.. ولاتبخلي عليه في الكلام الحلو.. |
الحين زوجي شافني قاعده على النت وقال لي ها اشصار؟؟
قلت له ليش مااعتقد انه يهمك وبعدين قرى تعليقين ثلاث وماكمل ولا قرى اللي انا كتبته بس وهو يقرى قال . هااااااااااااا وبعدين قام وترك النت |
كثري له القهوة والنسكافيه لين يطير النوم من عيونه 00000000
رأيي ان المسألة تحتاج الى تنظيم وقت لاأكثر 0000 لكن ألاحظ انكم عند الاستيقاظ ما تجلسون مع بعض 000 كل واحد في طريق غريبة اذا الحياة الزوجية ماهي جلسة مع بعض وكلام حلو وتربية للاولاد 000 فماذا تكون ؟؟؟ |
حبيبتي أتركي النت عنك ألحين..
وروحي أجلسي معاه.. قبل ماينام.. ولا تضيفين النت مشكلة أخرى إلى مشاكلك معاه.. |
بحرينينه ولكن
مااعتقد ان هذا سببب نومه والا كان هو قال لي بالعكس لما يكون قاعد اتشجع اسوي الشاي والقهوه والكيك ونقعد انسولف مع بعض ونلعب مع العيال احيانا يكون قاعد واذا قمت دخلت المطبخ ارجع احصله منسدح عالكرسي وعشان خاطري يقوم يشرب الشاي او ياكل قطعه ويرجع بعدها ينام احيانا اقعد وماادخل المطبخ عشان مااعطيه مجال ينام لكنه يكون قاعد وكأنه خايف مني وعينه اشوي وتسكر وكانه احد امعذبه ولا يتكلم بعد هو ذكر هالاسباب لانه يقول لي انتي مثل ماتبيني اسوي لج بعض الاشياء انا بعد احب انج اتسوين لي بعض الاشياء مثل اللي ذكرها |
اخي كاره الرياضيات
اذ هو يقوم من النوم يصلي المغرب ويطلع انا شسوي؟ يا اني انزل تحت اقعد عند امه او اني اروح بيت هلي بحرينيه ولكن انا الجمعه اروح بيت هلي اتغدى وهو كل جمعه يشجعني اروح عشان يفضى الجو له وينام واذا قعدت بالبيت احس اني امعذبته انا اروح عشان ارجع بالليل بنفس حلوه واكون رايقه واحسن من اني اكون متكدره طول الوقت وهو اموافقني على هالشي |
شي طبيعي عند كل الأزواج.. لما طرف يظهر عيوب الثاني..
يروح الثاني ويعرض عيوب الأول أيضا.. اللي فهمته إنه بجد يحب النوم ويبغي ينااااام.. لازم يسوي له فحص طبي شامل.. يمكن يعاني من مشكلة صحية.. |
انا الحين بطلع وبشوف النت بالليل ان شاءالله
تحياتي لكم |
أحس أن النت راح يفتح لكم باب انتم في غنى عنه
قفليه في الوقت الحالي بس في شيء طرأ على بالي يمكن سبب النوم انك صايرة مملة بالنسبة له، فيمشي ساعاته بالنوم لا تتغزلين فيه، ولا تقولين له كلمة حلوة.. مو كأنك أنانية شوي ؟؟ زي مالبنات يحبوا الغزل والكلام الحلو، بعد الشباب يحبوا نفس الشيء من البنات. جربي تتغزلين فيه، وراح يطير النوم منه اذا سمعك تتكلمين معاه بالكلام الحلو أدري يمكن يكون صعب عليكي في البداية بس حاولي وراح تقدرين، أهم شيء المحاولة ومو بس كلام، جربي بعد الحركات الحلوة والموجودة بالمنتدى من جلسات رومانسية وحركات دلع حق عرسان جدد، يعني بإختصار جددوا حياتكم وغيروا الروتين والله يوفقكم ويسعدكم ويبعد عنكم أي منغص وقولي لزوجك ان المشكلة مو في أنها صغيرة أو كبيرة في حد ذاتها، بس في مقدار الأثر اللي راح تتركه في الطرف الآخر <== مدري راح يعتبر الكلام هذا فلسفة أو لا. |
حبيبتي نجمة الظاهر انا اللي باخذ زوجي وباسويله حجامه لانه ينام من بعد صلاة الفجر ويقوم قبل المغرب اول كنت اجن من الوحده بس اللحين صرت انام وياه بس انا مو راضيه عن هالوضع لاني حاسه ان عمري ضايع هدر
|
اقتباس:
سبحان الله اختلاف الامزجه والقناعات انا عندي زوجتي مو مقتنعه بالنت لنفسها بس مقتنعه انه انا اجلس على النت واعطيها الاخبار تقول اذا جلست على النت اللي هي زوجتي راح يجيك حاله ويمكن تجيب بدالي نت حقيقي واتصال مباشر :) طبعا انا ماعندي وقت بجيب وحده ثانيه كان ما يجيني نوم عرفتو قصدي |
والله يخوك اذا زوجتك ما بتحس بتعبك , مهي زوجه هذي , هذي مديرك في العمل
لكن الزوجة الحنونه هي التي تحس بزوجها وتقدر جهده الذي يبذله لأجل لقمة العيش لتعيش كريمة |
| الساعة الآن 06:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©