|
مجروحة من أهل زوجي ومعاملتهم لي .. أجهل الحل ؟
مرحبا
انا اول مره اشارك في هل منتدى الرائع وحبيت منكم انكم تعطوني نصيحه او مشوره منكم واكون شاكره له من كل قلبي راح ابتدي في قصتي انا توني متزوجه من سنتين تقريبا مشكلتي هي اني اول ما دخل علي اهل زوجي حسيت في برود ومعامله باااااااارده جدا ولا اعرف السبب المهم انا سكت وقلت بيني وبين نفسي يمكن ه>ا طبعهم المهم مره الاشهر الاوله علي وجودي عندهم واحس كل يوم يزيدونهااا حباااااات مو حبه وانا اطوف وكل ما اطلع عندهم واجلس يجيهم الصمت التاام ولا اكني موجوده عندهم وانا اقول يمكن صدفه مايقصدون ما يتكلمون قدامي المهم جائت لزيارتي رقيبه لي جدا جاتني الساعه الخامسه العصرا ولا عرف انهاا موجوده عندنا الا الساعه الثامنه وانا وفي شقتي ما ادري عنهااا واسالت عني وقالتلها خالتي موجوده وتسكت وقريبتي ه>ا استحت منهااا ودقت علي وقالتلي وينج صارلي فوق الثلاث ساعات وانا عندكم وانا صعقت وتفاجات المهم طلعت وسلمت عليها وانا منبهره علي الي يسونه معي وحتي قريبتي منصدمه منهم المهم جاء عندنا مناسبه زواج بنتهم وعلى فكره انا من ديره ثانيه مو نفس ديرتهم وانا اعتبر في غربه ما عندي احد غير اهل زوجي نهائي المهم واهي خالتي ام زوجي قررررررررريبه مني يعني من نفس عائلتناااا ه>ا المصيبه واعرفهم عدل ه>ا مو طبعهم بس لين جيتهم تغيرو المهم اكملكم عن زواج بنتهم يجهزون طبعنا ويروحون ويجون ولا حتي احد قالي تبين شيء معنا تبين تشترين او تخيطين المهم معتبيرين صنم عندهم والله انه ه>ا مايهمني بس علي الاقل يحسون فيني وانا ماقلت طبعا لزوجي اي شيء صار من كل ه>ا اطوف وابي اعيش المهم انا تجاهلت كل ه>ا والله مافتحت ثمي وعلي فكره اختهم شتمتني وقسم اني ما كنت قايلتله شيء ولاعلمت زوجي في سب اخته لي وهم ه>ا ما تكلمت ولا فتحت ثمي بحرف واء يوم العرس احجزولهم في صالون وانا ناقه الله وسقياها ولا اعرف اي الصالونات عندهم ولا اعرف شيء وربي شاهد المهم انا شفتهم مايبوني اروح معاهم قلت حق زوجي انا مولا زم اروح الصالون انا راح اسوي مكياجي بنفسي قالي لا روحي معهم اهم قالولي انهم راح اوديهم لصالون قلت خلاص علي راحتك انت وخواتك بس انا مراح اروح صالونهم الي هم يبونه ودني اي صالون وراحو وركبو معنا ولا وحده قالتلي حياج معنا ولا كلمه لي انا طبعا هم علي راحتهم وطوف ولا قلت شيء ولا حسست زوجي اني زعلانه علي تعماهم معي المهم انا علي فكره حامل في الشهر الثالث والدكتوره امنعتني من الوقفه كثير والقعده كثير لانه كان معي نزيف خفيف راح اليوم العرس وانا طبعا علي كرسيي ما تحركت وعلي فكرهوالله والله انا كلمت اخت العروس وقلتلها وين اختج ابي اسلم عليها قالتلي لا الحين ما وصلت وانا عرفت بعد الزواج انها كانت فوق في الغرفه قاعده اتصور ولا علموني قسم المهم ردينا وصار علي العرس ثلاث اشهر تقريبا واخرتهااااا ما قدرو يتحملوني انفجرت علي ام زوجي قاعده اتسب في زوجي وانا وماخلت شيء الا وسبت حتي ولدها انصدم من امه وصايحت علينا لين اطردتنا من البيت والله والله والله انها اطردتنا الساعه وحده اليل قسما اني ما اك>ب عليكم عمري بحياتي ماراح انسي طلعتنا من البيت بليل والله صرنا انا وزوجي مثل التايهين في الشوارع المهم رحنا فندق وقعدنا فيه لين شفنالنا شقه نسكن فيها وانا تخيلو كنت حامل في السابع ولا خافت من ربها لما اطردتني انا تعبانه المهم انا وزوجي لا الحين في مشاكل بين اهله وبيني وزوجي يبيني ولا يبي يتركني ولا الحين اتحاول امه وخواته تفريقنا من بعض وانا الحين عندي ولد وعمره سنه والله انه ماشافوه عن ولادته ولا حتي اسالو عنه وربي انا مجروحه حيل منهم علي تعاملهم معي بس انا ادعي ربي انه الله يعوضني في اولدي وفي زوجي الله يخليكم ادعولي ودعو لزوجي ان احنا ماننكسر ونفترق واهي الحين امه حيل تضغط علينا من جميع النواحي من نصيبه من ميراثه من ابوه ولا الحين مشكلتنا ما نحلت والله معناااا وانا ادري اني طولت عليكم بس قسم بل حر مافيني والله لو هي تبيني احب ارجولهااا بس تخلينا بسلام ولا نبي شيء منهاااااااا قسم والله الهادي واتمن انكم تقولولي شنو اسوي في مصيبتي ه>ا الله يخليكم لا تبخلون علي ودمتم |
يارب ياكريم يارزاق ياوهاب يامعطي يارحمن يارحيم ارزق ام الملك 2005 راحة البال والسعادة والطمأنينة مع زوجها واحفضهم لبعض يارب الله يسعد ايامك ويحفضك عيالك ليكي اصبري وادعي ربك وان شاءالله مايصير الا كل خير يارب لاتفرق بينها وين زوجها ياكريم وخلي محبتها في قلب زوجها تزيد يارب ياكريم الله يعينك اختي الكريمة واصبري ان الله مع الصابرين
|
حسبي الله عليهم
معقوله فيه ناس بقساوة هالقلب اعوذ بالله و والله يختي تقطع قلبي عليك الله يصبرك ويعينك على ما بلاك ويعطيك ان شاء الله على طيبة قلبك وصبرك وان شاء الله ما يفرقك انتي وزوجك شي أحمدي ربك انك طيبة قلب لا ظلمتي احد والمظلوم ان شاء الله في الجنة وامه وأهله حسبي الله عليهم ربي فوقهم مالك إلا الصبر والدعاء والله يفتح لك ويفتحها في وجهك ويرزقكم بالسعادة وراحة البال وين مارحتوا |
اولا تسلم اخوي هايم البحر علي ردك لي وعلي دوعاءك
وربي شاهد اشكثر فرحت وخنقتني العبره لما شفت ردودكم انت والاخ ملك قلبي تسلمو علي ردكم وعلي تجاوبكم معي واسال الله لكم جزيل الجزاء بس علي فكره ما قلتولي شنو تنصحوني فيه ومعلومه لكم بعد انا لا الحين اجيهم واسلم عليهم واسال عليهم في كل مناسبه والله ماابي الا الجزاء من ربي والجنه والهدايه لولدي قولو امــــــــــــــــــــــــــــــــــــيـــــــــــ ـــــــــــــــن الف الف شكر لكم ودمــــــــــــــــــــــــــــــــــتــــــــــــ ــــــم |
الله يعينك اختي ويفرج همك بس مو تقولين ان ام زوجك قريبة لك خلي احد يدخل من الاقارب ويشوف شنو الي صار وشنو الي بيرضيها
الله يديم عليك زوجك ويجعل الخير كله به و بولدك وانت ما في داعي تضايقين نفسك الموضوع صار له فترة المفروض انك تعودتي عليه اتركيه و ركزي على حياتك انت بعيدا عنهم |
شوفي يا حبيبتي كل وحده تتزوج غريب عنها شي طبيعي بيصير مشاكل بينهم وخصوصا اذا كانت ساكنه معاهم في
نفس البيت لانه هي متربية في بيئة غير بيئة زوجها . لكن بما انكم طلعتوا في بيت لوحدكم احمدي ربج لان سالفة الميراث ان شاء الله بتنحل الدنيا مش سايبة لان المحكمة هي اللي تفصل في موضوع الميراث اذا ما اتفقوا الاطراف . وثاني شي الحمد لله ان زوجج معاج وعرف اهله فحافظي على زوجج وولدج والله يديم السعادة عليكم ويفرح قلبج الموضوع مسالة وقت ويبيله صبر . وادعي ان الله يهداهم وادعيلي وياج لاني في مشكله مقاربه من مشكلتج بس انا ما اقدر اطلع من البيت الله كريم . |
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
يسعد مساك ام الملك 2005 باين عليك انك طيبة والله يجعل خطيبتي مثل طيبتك لاكن صدقيني ربي راح يعطيك على قد نيتك وراح يعرفون غلطتهم اذا مو اليوم بكره صدقيني راح يعرفون غلطتهم والله يسهل لك امورك ويخلي لك زوجك وابنك يارب ياكريم ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ |
اختي الكريمة انتي اتصلي عليها وتواصلي معاها وكلمي زوجك انه يكلم امه ويتصل عليها وخلي كل هذا قدامه مو من وراه انتي بنفسك يوم كذا قومي وقولي حبيبي ايش رايك نتصل نسلم على امك واذا ردتك انتي ماقصرتي وسويتي عليكي وبكذا برأتي نفسك قدام ربك (صلة الرحم) ثم قدام زوجك وحتى اذا ردتك حاولي بس لاتكثري يعني من فترة لفترة والله يسعد ايامك يارب ويحفضلك زوجك وولدك يارب ياكريم
|
ينقل الموضوع إلى عالم المشاكل الاجتماعية مكانه المناسب إن شاء الله
|
اااااااااااااااه يا ام الملك2005
صج اللي يشوف مصيبه غيره تهون عليه مصيبته انا مثلك اعاني منهم ومن كثره الكلام من وراي والله العظيم حاولت لواسوي وش اسوي مايقدرون سويت عشانهم كثير وضحيت براحتي ووناستي عشانهم وباغلب ربعي واحبابي عشانهم ولايستاهلون لكني الحمد لله اسويه لوجه الله اتصدقين انا ساكنه معاهم فوق بس غرفه نوم وداخلها حمام وانتو بكرامه وصابره ومتحمله والغرفه ضيق وقهر وزحمه مع اني عندي ولد والجاي بالطريق وزحمه يادنيازحمه بس اللي قاهرني اني مااحب احد يتكلم ويحش من وراي هم يطعنوني ورى ظهري وقدامي زين تطلع منهم الكلمه الحلوه بالموت ويجاملوني على حساب مصالحهم يتقربون مني عشان المصلحه والطلبات وكل شيء عارفين اني ماارفض طلب واحب اسعد غيري بس ليته يبين يستغلوني استقلال دنيوي وعشان صورتهم عند الناس وانا كل ماقلت لا خلاص ماراح اصير طيبه وماراح اعطيهم شيء ارجع ولا كأني انقرصت او انجرحت ياخي ودي يواجهوني بالكلام كله يصير من وراش يامره معليش استحملوني لاني مقهوره ومااقول الا حسبي الله ونعم الوكيلز اختكم اللي واصله حدها ومصدعه من الهذره والتفكير دلع باي |
صراحه فعلا اثبتي انك حرمه ولا كل الحريم ماشأالله عليك
اولا بسكوتك وانك ماقلتي شي لزوجك لو انه انا كان ماقدرت اصبر والله برافو عليك قدرتي تحافظين على بيتك أو الأصح زوجك لأنهم الواضح من تعاملهم وتصرفهم معاك بالعربي يبغون يطفشونك ويحسسونك انك شخص غير مرغوب فيه لكن اهنيك لأنك قلبتي السحر على الساحر بصبرك وصمودك وقوتك وتحمل اعصابك واثبتي انك تحبين زوجك وتبغين تحافظين على استمرار حياتك اما الحل من وجهة نظري فشوفي حبيبتى مادام ان المشكله مع اهل زوجك فالأمر يهون الف مره من ان تكون مع زوجك نفسه فاحمدي ربكالأن ماعليك الا انك ترضين زوجك وتوضحين له وجهة نظرك وانك ماتحملين اي كره تجاههم وتقولين له ان حياتنا مع بعض اهم من الف ميراث ويمكن انه يتعوض ماعدا الحياة السعيدة مايمكن نعوضها وربك مايضيع احد واشوف انك تحاولين تصالحينهم مره مرتين وأذا ماشفتي ايجابيه منهم اتركيهم والزم ماعليك زوجك شوفي وجهة نظره لكن انا عندي سؤال ماسبب هذه العدائيه تجاهك ؟؟هل كان زواجك من ولدهم من غير رضاهم!!!! وفي الأخير ماقول الأربي يعوضك ويعطيك على قدر نيتك ويحفظ لك زوجك ويصلح ابنك ويسخرلك زوجك ويرزقك بذريه الصالحه |
لا إله إلا الله
|
طيب انتي ماعرفتي شوسبب الكره هذا هل هم ماكانو موافقين عليج من البدايه ولا شو السالفه .......
انتي الحين ساكنه لوحدك نعمه كبيره الحمدلله ربي بعدك منهم وخلاص خلي معاملتك سطحيه معاهم وطنشيهم متني علاقتك بزوجك اكثر مايهمك الا زوجك وخلاص انتي بعيد عنهم الحين لاتعاملينهم الا بسطحيه اذا رحتي عندهم او شي وبس هذيل شكلهم فيهم لؤم |
أختي العزيزة ...
الحمد لله ان زوجك متمسك بك ويريدك ولم يسمع كلام أمه ولم يتأثر بكلامها عنك ... مشكلتي أيضا نفس السيناريو بالضبط ولكن الفرق بأن زوجي يتأثر بما يحدث بيني وبين أخواته وبين أمه ... فيصدق كلامهم ولا يصدقني ... لدرجة أنه هو من طردني وليس أمه ...!!!!! لا اقول إلا حسبنا الله ونعم الوكيل |
ااااااه على الدنيا ان لم تكن ذئبا اكلتك الذئاب الله يكتب لنا الاجر في الدنيا والاخره ان شاء الله بتفرج يا اختي انا دائما اردد
فرجت وما كنت اظنها تفرجو <بيت شعر> |
مرحبا
وامسى عليكم باخير تسلموعلي ردودكم الحلوه وتفاعلكم معي وصدقوني شكثر فرحتوني علي دوعاكم الطيب لي ولزوجي الغالي والحبيب وربي علي شاهد اني دعيت لكل واحد حس في مشكلتي وتعاطف معي واسال الله لي ولكم خير الجزاء ولكم مني الف شكر وبنسبه الفلوجه :يسلمو علي الرد والله ما خلينا احد الا وتدخل من قريب وا ابعيد بس ما فيه فايده وعلي فكره اهي قريبت ابوي بس والله ما حطتله لا حشيمه ولا عتبار وحسبي الله ونعم الوكيل ونبراس: يسلمو علي الرد والله يسمع منك وشكثر يريحني كلامك والله يعينك علي مثل هذا المشاكل ومعلم طموح:يسلمو علي الرد والله يسمع منك وان شلءالله اهي اطيب مني وفيها الخير والله يحط فيها البركه لانك عن جد تستاهل هايم البحر :اولا تسلم علي الرد وتفاعلك معي وبنسبه اتصل عليها والله العظيم ما عندي اي مانع لو يبوني ابوس ارجيلهاا بس والله اهي تصدني بقوه وحتي لما اسلم عليها اتنزل راسها ولا تبيني اقرب عندها والله يسامحهاا كم مره اكسرت بخاطري وجرحتني بتصرفاتها والله كريم مراح ينساني دلع خاص:يسلمو علي الرد والله يعينا مافيه احد مرتاح النور كله :تسلمين علي ردج والله اهي بنفسهااا الي جاتنا لين عند باب اهلي وخطبتني لولدها واهي الا تعنت من ديرتهااا لين ديرتنااا محد غصبهااا وربي شاهد بس انا اشوف انهاا تغار مني حييييييييييل لانه تشوف ولدهاا دايما عندي ولا يطلع لا في ساعه دوامه ويرد بسرعه هذا مو ذنبي لانه زوجي حبني وكل ماشافته دخل عندي تعصب عليه وتهاوشه والله العظيم اني في مشكله محد يحسدني عليها لا صديق ولا حتي عدو والله يسامحهااا طيبه الطيبه :مشكوره علي الرد يا الغاليه ضاحي :يسلمو علي تفاعلك معي ولك مني الشكر والدعاء مافيه سبب بس اهي حييييييل تغار مني انا احس من نظرت عيونهاا حتي زوجي يقول امي تغيرت حييييل علي والله كريم ما ينساني الحب المستحيل :يسلمو علي الرد وايه والله يستاهل ابو الملك اني اموت علي شانه زربي ما يحرمني منه حبيب قلبي فديته انا فتحي الباب :يسلمو علي الرد والله يسمع منك |
اختي الكريمة اصبري ماعليكي الا بالصبر ان بعد العسر يسرا ان بعد العسر يسرا والله يسعدك ويرزقك باللي تتمنيه ويعطيكي راحة البال يارب ياكريم
|
صبر جميل والله المستعان على ما يصفون
اختي الغاليه ام الملك
السلام عليكم ورحمة الله وبركاته هذه مشكلة حقا ولكن عليك بحسن التصرف والسياسة الجيده لكل حركه تقومين بها تجاه زوجك او تجاه اهله ومدى تاثيرها على كل من الطرفين (اسال مجرب ولا تسال طبيب) بعض الناس لا ينفع معهم الا الترهيب والكيد وبعضهم طيب سهل المراس ينفع معه التكرم اذا اكرمت الكريم ملكته واذا اكرمت اللئيم تمردا اذا كان اهل زوجك من النوع الأول فعليك بالتالي: 1- اطلعي زوجك على حقيقة الوضع ودعيه يتصرف تجاههم 2- اذا لم يحرك زوجك ساكنا فا بلغيه رغبتك في ان يقف على الحياد ويدع الأمر لك(طبعا يكون علم ان المشكله من اهله) 3- اعزميهم على فنجان شاي هم وزوجك وصارحيهم بالأمر (لن تجدوا عندي الا ماتقدمون لأنفسكم ان خير فخير وان شر فشر(تكونين اعطيتهم حرية الخيار في طريقة معاملتهم لك) 4- قد يكون مالديك هي مجرد ظنون مثلا (بالخطوة السابقة تعطينهم مجال ليدافعوا عن انفسهم ان كانو مظلومين) 5- اذا صح انهم يكنون العداوة فا مسكي عليك زوجك واعتبريهم زي الكنبه اللي في البيت 6- اذا صدر منهم شي كتحرش فاطلعي زوجك وردي عليهم بطريقه تغيضهم ولا تضايق الزوج 7- لا تختلطي بهم كثيرا ولا تكثري المزاح معهم 8- لا تــجــــامـــــلــــــــــــي نعم لا تــجــــامـــــلــــــــــــي لانك بذلك تضعفين في نظرهم اي موقف عدائي او فيه لمز وهمز لا تدعيه يمر مرور الكرام بل مارسي الردع الإستباقي 9- اذا اعترفوا بخطاهم عليك واعتذروا فاقبلي فصفت الكرام قبول العذر ولكن لا تليني اكثر من اللازم لأن بعض الناس تستشري فيه هذه العاده اذا وجد صلابه اعتذر واذا احس تراخيا غدر 10- زوجك حبيبك لادخل له بالموضوع وقد وقف محايد فلا تشغليه بهذا الأمر بل اهتمي به ولا تذكري اهله عنده بسوء ولو كان يعلم ما يبطنون لأن الرجل لا يحب ان يذكر اهله بسوء ابدا سواء امرأته او اخوته تصرفي في وجوده معكي واهله بلباقه (هذا دليل احترامك له) ولا تزعجيه بامك فعلت او اختك قالت لأنه محايد كما سبق واي استفسار انا جاهز نفع الله الجميع وحفظهم وادام السعاده عليهم |
والله الله يعينج ويصبرج يا ام ملك ترى كلنا في الهوى سوى وانا قصتي مثل دلع تقريبن بس انا ساعات اطنش مو كلشي اسويه على حساب راحتي بس اللي بط جبدي انه يسون روحهم طيبين جدام الناس والله يوفق الجميع
|
|
لكم مني جزيل الشكر علي تفاعلكم معي
وسال الله لي ولكم خير الجزاء وانا ما اطلب من الله الا الصبر والثبات في الدنيا والاخره واشكرك اخوي هايم البحر علي ردودك لي مشكلتي ربي يهنيك ويسعدك في حياتك في الدنيا وفي الاخره اللهم امــــــــــين يسلمو كود المنتدى علي كلامك ونقاطك وتاكد هذا الي راح يصير باذالله وانا ما ابي الا الستر والخير علي الكل والحبه بينهم والله العالم هذا الي ابيه واتمناه حبي فهودي تسلمين علي مشاركتج وصدقيني كل شيء راح يهون وطولي بالك احمدي ربك ما مسكوكي الباب والله مدامج انتي معهم هذي بكبرهااا نعمه والله لا غير عليج اساليني انا وش صارلي لما اطردت في الشارع قسم بالله كل ما اتذكر طردتي من البيت تجيني العبره واكبي حسبي الله ونعم الوكيل وربي يسامحهم ودمـــــــــــــــــــــــتـــــــــــــــــــــــ ـــم اختكم المجروحه |
الله يساعدك يا اختي وكان الله في عونك ويصبرك على هالناس المتعصبين ويبعدهم عنك وعن زوجك ولدك
|
تسلمين والله يا ام فاطمه
وربي يرزقج من وين ما تدرين علي ردج علي مشكلتي وربي يخليلج فاطمه[COLOR="Blue"][/COLOR] |
شوفي اختي اهم ماعليك زوجك وبس لاتقصرين معاه وهم خليهم ولا يهمونك شافوا ولدك ماشافوه بكيفهم ولدك مابينقص اذا ما شافوه عيشي حياتك لا تخلين حاجه منهم تاثر عليها وادعي ربك وادعي لزوجك وصدقيني الله بينصرك عليهم
وهذي حالتي نفس حالتك بزياده انهم اتهموني بالسحر وانطردت انا وزوجي من بيتهم بعد 10 سنوات معهم والحمد الله الله ناصرني انا وزوجي بيت وعيشه حلوه عمرنا مااحتجنا حق احد غير الله الحمد لله على كل حال انتبهي لزوجك اللله الله فيه |
تسلمين اختي راضيه
عسي دوم تكوني مرتاحه وسعيده والله لا غير عليج بس والله شيء صعب الطرده وربي كل ما اتذكر تجيني بثل الطربه علي قلبي يارب انت شايف وعارف علي قولتج راح اعيش حياتي بس انا الي مضايقني تعاملهم معي وتغيرهم علي فجاه مع اني والله كافه خيري وشري ولا يسمعون مني حرف واحد علي قولت زوجي بكره راح الله يعطيهم مرت ولدهم الجايه علي راسهم علي شان يعرفون الفرق بينج وبينااا والله يسامحهم ودمتم |
الله يصبرك ويعينك.... أختي أم الملك 2005 ومن عانا مثلك من الأخوات، أما نصيحتي فهي كالتالي:
عليك بالصبر لأن الله مع الصابرين ومن يكون معه الله ما يضيع وانتظري البشارة حيث قال تعالى وبشر الصابرين هذا أولاً. ثانياً: مهما أساءو لك أحسني لهم وستلاحظين تغير معاملتهم لك ولوبعد حين وهذي عن تجربة ثالثاً: دائماً إذا خفت من أحد أو أهمك أمر إدعي هذه الأدعية: اللهم أكفنيه أو أكفينيهم يما تشاء وأنت السميع العليم ثلاث مرات في كل وقت وكلما ذكرت. أيضاً قولي حسبي الله لاإله إلا هو عليه توكلت وهو رب العرش العظيم سبع مرات، ولاتنسي أذكار الصباح والمساء فإنها والله لها تأثير ومفعول على حياتك اليومية. وأخيراً لاتكترثي ولاتهتمي يما يقوله الآخرون لأنه لايضر السحاب نبح الكلاب. مع خالص تمنياتي لجميع المسلمين بالتوفيق في الدنيا والآخرة |
يسلم فمك ياكوووووود
|
تسلمين اختي سهام المحبه
علي نصائحك لي وكوني متاكده ان شاء الله هذا الي راح اسويه ومالي الا الصبر والدوعاء الي ربي ولكي مني الف شكر وزجائكي الف خير تصدقين اختي وربي شاهد علي انه كلامك والادعيه ريحتني ربي يخليكي وكل من تحبين يا الغاليه |
قلبي معاك ام الملك 2005 حاسه فيك واتمنا من الله ان يسخرهم ، الصبر الصبر واللجوء الى الله بالدعاء
ياما ياما مرت علينا هذه المشاكل ولازالت اختي ، لكن الله تعالى فيه الكفايه 0 حسبي الله الذي لااله الاهو عليه توكلت وهورب العرش العظيم ، اللهم من ارادني بسوء فااكفنيه بما شئت اختي دائما اكرر هذه الادعيه وفيها راحه 0 الله معاك |
اختي ام ملك قلبي حاس فيك لان ما يحس بالوضع الا الي مجربه انا زيك اهلي في مدينه وانا في مدينه ولا عندي الا هم نفس الاسلوب يعملوني فيه بس انا على اوقح كنت اقولهم اذا طلعتو السوق ابي اطلع معكم يقولون ملنا حاجه بالسوق وبعدين يجبون الاغراض الي شروها يورني ايها يعني افهمي مانبيك تروحين معنا وهذا ابسط الموقف غير الكلام في الي يجرح من تعلقات وام زوجي دايم تهزاني عند بنتها واسكت لي لان سبع سنوات انا كنت مدللتها حتى رجولها ادلكهاودهنها بالفقس لكن ما يفيد المهم صرت رسميه معهم واخوته طنشتهم وبينتلهم انهم مو همني لكن ام زوجي هي الي على عيني وراسي انا اراعيها لاني اخف الله فيها وفي ولدها ما ابيه يصير عق بامه تخيالي هذي السنه بس حسيت ام زوجي بدت تقدرني لان بنتها كلن تزوج وخلها وما صار احد يقوم بها الا انا فنصيحتي لك اختي لايهمونك اخوته لكان حولي تكسبين امه لانرضى امه يعني رضى ربه عليه تخيلي تدعي عليكم او شي المهم ممكن اخوته يكبرون الموضيع بينكم حولي تتصرحين انتي وامه وقوليها انك تعزينها ودك ترضينها واساليها عن الي يضايقها فيك تخيالي انا لقيت ان اخوته يحشون رسها بكلام عني شي انا ما سويته وما قصدته كل شي يفسرونه على كيفهم راح تتفجئين من الاشي الي تقولها لانها حرمه كبيره في السن وحساسها حولي تكسبيها
وابي منك شي اختي انك لما تسوين شي لهم احتسبي الاجر عند الله ولاتنضرين شكرر من احد لما استخدمت هالاسلوب انا ارتحت لان حتى لو ما قدرروا الي انا اسويه الله يشوف ويعلم بنيتي اتمنى اني افدتك الله يوفقك ويسخرلك زوجك ويالف بيكنم ويسخرلكاهل زوجك ويفرج همك ويعينك في مصيبتك |
مرحبا اختي ..
الله يفرج همك ..ويصلح حال ام زوجك ..ويسعدك ويكون في عونك .. اول شئ انصحك انك ما تكثرين فتح الموضوع هذا على زوجك ..وتحاولين قدر الامكان تكونين لزوجك الصديقة الحبيبه العاشقة ..وتبعدين عنه الهموم والمشاكل ..وتكونين له خير صديقة واقرب حبيبة في مثل هذا الموقف .. وحاولي قدر الامكان انك تكبرين في عينه ..بتصرفاتك يعني تكثرين من المدح في امه ..من الدعاء لها ..اذا رحتي السوق تشترين لها ما تحب ..دهن عود ..قطعة قماش ..اي هدية بسيطة تناسب ذوق والدة زوجك ..وتناسب عمرها ..وصدقيني مو عشانها ..عشان زوجك .. وصدقيني ان شاءالله مع الوقت راح تكتشف امه انها غلطانه ..وباذن الله راح تتغير معاملتك لها ..بس انتي قدر الامكان حاولي تكونين متعقله وما تستعجلين في اي تصرف كان ..واسالي اي شخص يمكن يفيدك قبل اي تصرف ..او اطرحي موضوعك هنا ..وباذن الله ما راح يقصرون الاخوان معاك في النصح والدعاء لك .. مع تمنياتي لك بالسعادة والهناء ..وكان الله في عونك |
| الساعة الآن 05:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©