|
فرحة العرس في عيون العريس والحضور
امس كنت معزوم في عرس صديق عزيز وجار منذ الطفولة والعروس من غير سعودية
المهم حضرت وباركت للرجال لكن والله ماشفت فرحة العريس بعيونه ابدا اشوف الرجال خجلان من وقوفه في مقدمة القاعة لاستقبال الظيوف سلمت عليه وناظرت في عيونه لقيت الرجال يوطي راسه فالارض قلت غريبة وش فيك مارد المهم دخلت القاعة طبعا هو من قبيلة اخرى لكن نرجع في نفس القبيلة الام المهم اغلب الموجودين اعرفهم بحكم الجيرة جلست بالقرب من احدهم والا الرجال يفتح الموضوع الزواج باجنبية قلت له انا ارفض خلال وجودي شعرت برفض تام للفكرة من الحضور. لكن اللي ماحسبت حسابه ان اهلها يجون يجلسون جنبي بصراحة انا انصدمت من اهلها يعني انا اسمعه يتكلم كثير عن الالتزام والمستوى الثقافي والاجتماعي بصراحة اهلها الظاهر عليهم انهم من طبقة عديمة الثقافة تماما وبريئة برأة الذئب من دم يوسف من الالتزام جلست اشيلهم واحطهم واتسمع كلامهم بصراحة مستوى صفر ثقافيا واخلاقيا ولو يقول جمال بصراحة ماشفت تحليت وجوهم ما مرها الحلا ابد. خلاصة الموضوع ليش نسوي شي نخجل منه اخوي الصغير قال لي ليش سوى كذا قلت لانهم زوجوا خواتهم لو عندهم خوات ماطلع برا. انا طبعا ماني جاي اناقش الزواج باجنبيات لا لكن حبيت اروي القصة لكم لاني احتقرت ذوقه بصراحة وكل الحضور قريت على وجيهم كلامي |
ليش يا اخي الكريم تحتقر ذوقه؟؟ هادا نصيبه في الدنيا في انسان يختار نصيبه؟؟؟
ربنا كاتب عليه هادي الزيجه ويمكن ربنا رايدله الخير فيها طالما انه جارك وصاحبك ادعيله بالتوفيق والسعاده والله اعلم بظروف العباد الله يسعده ويهنيه ويجعل حياته نعيم وسعاده :) |
انا اتمنى له التوفيق لكن اختياره مايستاهل انه يترك بنات البلد
|
يا أخي من كل بلد يوجد الصالح والطالح وهذا ما كتبه الله له فلعله الخير له ؟؟
|
الزواج نصيب
لكن هو ليش متضايق !!!! هو اللي اختار ، المفترض يكون راضي عن اختياره. وفي الاخير عسا ان تكرهوا شيئا وهو خيرا لكم ، يمكن تعجبه!! "" جمال بصراحة ماشفت تحليت وجوهم ما مرها الحلا ابد."" ما هو شرط اذا كانوا الرجال جميلين معناه ان الحريم جميلات!!! وهذه الحقيقة ، كثير نشوفها!! تحياتي |
اقتباس:
ثم قد لا يكون موطيا رأسه بسبب خجله من اختياره.. قد يكون منحرجا من الموقف نفسه.. أي وجوده أمام كل هذا الجمع.. والله أعلم.. |
انا ماراح ابدي رايي لاني رافض الفكرة كليا لكن اللي شد انتباهي
الرفض العام ووضعه يوم العرس انا بصراحة ماقد شفت عريس بهالحالة ممكن يكون مرتبك - خايف لكن وضعه البارح غريب اتمنى له التوفيق لكن السوأل ليش يطلع شاب عمره ماتجاوز السادسة والعشرين للخارج قلة بنات فالبلد |
لولا اختلاف الاذواق لبارت السلع
|
"بصراحة اهلها
الظاهر عليهم انهم من طبقة عديمة الثقافة تماما وبريئة برأة الذئب من دم يوسف من الالتزام جلست اشيلهم واحطهم واتسمع كلامهم بصراحة مستوى صفر ثقافيا واخلاقيا ولو يقول جمال بصراحة ماشفت تحليت وجوهم ما مرها الحلا ابد." افاااااا عليك اخوى ليه تتكلم عن الناس بهذى الطريقه؟؟؟؟؟؟؟؟ "حبيت اروي القصة لكم لاني احتقرت ذوقه بصراحة" تمنى لهم الخير افضل وادعو لهم بالتوفيق انك لاتعلم الغيب عشان اتخمن ان هذا الزواج سيفشل!!!!!! كلمه احتقرت قويه:11: كل انسان حر باختياره!!!!!!!!! ومن الافضل ان تعود نفسك على احترام اذواق الاخرين وارائهم حتى لو كنت تخالفهم!!!!! اتمنى انك تتقبل كلامى بروح رياضيه :22: ] |
اخي الفاضل
شبابنا هداهم الله عزفوا فكرة الزواج منا لاسباب هم وضعوها امام عيونهم لكن اين يجد من هي من ثوبه تجامله وتداريه الزواج من الاجنيات له اثااااااااار سيئة جدا جدا ماتظهر الا بعد ان يقع الفاس بالراس اما صديقك فهذا اختياره وفي الاول والاخير هو حر |
الاخ الكريم انا اختلف معاك كثير اول شيء تحتقر ذوقه مين اللي بيعيش معاها انت ولا هو ثانيا مو طلب رايك في زوجته هو حر مااختار الا وهو مرتاح هذا شيء ولما قلت الحضور ماعاجبهم ياسبحان الله خليهم يخفضو المهور وبعدين يتكلمو وكمان رضا الناس غاية لاتدرك ومو شرط ان اهلها يكونو تعبير عن اخلاق البنت ياما وياما شباب الله يستر عليهم في عالم غير واخواتهم في عالم تاني ماتحكم على احد من الاخ او الاب اصابع يدك مو زي بعض وهذا نصيب زي ماقالت الاخت الكريمة بس انك تحتقر ذوقه اعتقد كلمة كبيرة انك تقولها انت ماراح تتزوج اختها او بتناسبهم هذا شيء راجع للعريس ولو مشينا على المبدأ ايش رايي الحضور عز الله ماعمرنا بنسمع منتدى الحياة الزوجية اسمه منتدى الرجال او النساء بس زواج لا هذا وجهة نظري واختلاف الراي لايفسد للود قضية ومشكور وجزاك الله خير
|
اقتباس:
انا صدري وسيع جدا ويتحمل المنتدى واهله لكن بصراحة التكافؤ مطلوب اجتماعيا وثقافيا يعني لو اني تركت بنات قبيلتي وبنات بلدي لازم يكون الشي يستحق كل ذلك ونحن نعلم ان في بلد هناك عوائل جيدة وهناك عوائل اقل مما تطمح له. انا اعرف اسر كثير غير سعودية عايشة بالمملكة منهم من يتميز بالتدين والعلم الشرعي ومنهم من يتميز بالمعرفة والعلوم العامة ومنهم العادي ومنهم ومنهم لكن انا ماشفت شي يستحق التضحية ابدا وتكلمت مع اخوه عن اسباب هذا العزوف قال لي كلام عجيب جدا يقول انهم يبحثون عن زوجة مقطوعة تماما وليس لها الا زوجها فقط حتى يتسنى لهم السيطرة عليها قلت خير ياخوي ليش القطيعة وين الرحم قال عشان مايصير مشاكل بيني وبين اهلي اكيد اهلها يغونها قلت ايييه لا ياخوي ازين لكم تاخذون من الصين عشان عشرين تتعلم عربي وبعد كذا تموت وهي ماسوت مشاكل. معنى الخروج ان الشخص يبحث عن شي مفقود اما اذا كل شي موجود وتجيب اقل منه فهي الكارثة نعم وهذا مارأيته عندما حضر اهل العروس. |
اقتباس:
بصراحة اخوي اصبحنا نردد كلمة واحد خليهم يخفضوا المهر ياخوي الرجال دافع خمسين الف مهر يعني وش فرقت عن السعودية وحفلة عرس في قاعة محترمة يعني عرس سعودية متكامل مدري ليش كل ما تكلمنا في شي طلع المهر يعني لمتى نتحجج بحجج واهية واعذار مالها داعي وبعدين المهر خله غالي ممكن تقتصد فالحفلة لكن عشان ام العريس تبي حفلة كبيرة ماننظر الى تكاليفها بس المهر وبعد العرس نسألها وين ضيعتي المهر عجيب والله حالنا ندور في حلقة المهر بس زاد المهر نقص المهر كل شي مركز على المهر ياليت نصحى ونكون واقعيين شوي اذا حنا عزفنا عن بناتنا وين يروحون ينحرفون والا يقعدون فالبيوت لا تنسى ان الجيل الجديد راح يقول ابغى اتزوج بنت خالي او خالتي وشفت كثير من اللي امهات اجنبيات يتزوجون من اخوالهم يعني المشكلة تتفاقم مع مرور السنوات نزيد مشاكلنا اكثر واكثر ليش كل الجنسيات تتزوج من بلدها الا شبابنا. |
| الساعة الآن 09:11 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©