|
متقدم عريس لأحد البنات ومحتااااااااااااااااااااااارة ساعدوني
أخواتي الكريمات السلام عليكم ورحمة الله وبركاته حبيت أستشيركم في هذا الموضوع عندي ثلاث بنات أعمارهم 23 و 21 و 19 سنة ومتقدم عريس ... وأمه راح تجي وتشوف البنات طبعا أنا ما أعرفها وهي ما تعرفني وأخاف يقع اختيارها على الوسطى أو الصغيرة وبصراحة ما أتمنى أزوج الصغيرة قبل الكبيرة مراعاة لنفسية الكبيرة بالرغم من إن البنت الكبيرة دائما لما تجي سيرة زواج الصغرى قبل الكبرى ما ترى بأس في هذا بس طبعا هذا الكلام عام وما كان فيه شيء رسمي ما أدري ايش يكون رأيها لو صار هذا الشيء على الواقع هل تنصحوني أعطي البنات فكرة عن الموضوع ولا أترك الموضوع كأن الموضوع زيارة عادية ولو صار بعدين خطبة ما أكون عرضتهم للموضوع من أصله لأنه ماهو هاين علي يصيروا بناتي كأنهم سلعة تشوفهم وتختار اللي يناسبها بعض الأحيان أفكر أخلي الكبيرة بس هي اللي تجي عند أم العريس فقط ايش رأيكم ساعدوني محتااااااااااااااااااااااااااااارة أول مرة يجي عريس وما أعرف أحد مر بهذه التجربة يساعدني |
مبرووووووووووووك مقدما
السلام عليكم اختى
اتمنى التوفيق لبناتك ويرزقهم الازواج الصالحين يا رب انا ليا رائي و هو انه " مينفعش ام العريس تيجى لعندك و تشوف البنات و تختار اللي يناسب ابنها منهم لاااااااااااا بناتك ليست سلعه للمشاهده و لكن عليكى بمعرفه معلومات عن العريس عمره و طلباته في زوجه المستقبل مواصفاتها مش لازم من ام العريس و لكن من الوسيط بينكم . و علي هذا الاساس تقدر تقررى و تشوفى انهى بنت مناسبه ليه ولكن ارى انه شئ صعب جدا ان ام العريس تيجى و تتفرج و تختار من بينهم. لا الموضوع لازم يكون مترتب اكتر من كده بكتير . و لازم يعرفو طببعا بس بعد متعرفى معلومات عن العريس يمكن ميكونش مناسب بالنسبه لبناتك كلهم و يترفض ليه لا بتمنالك التوفيق و بتمنى لبناتك ازواج صالحين يا رب و يتوفقو معاهم و مبروووووووووك مقدماااااااااااا و لا تنسينى من الدعاء يرزقنى الزوج الصالح انا و بناتك و جميع المسلمين يا رب اختك توتا من مصر :14: |
أنا أشوف من المفروض إذا جات أم العريس
عليكي بتقديم البنت الكبرى وتقدم لها العصير أو المشروب وتجعلين البنات الأخريات في غرفهم هذا واقع من كل العائلات وبتصرف معقول تحياتي لكي والله يوفق |
الله يبارك فيك حبيبتي وان شاء الله ربنا يرزقك وبناتي أزواج يخافون الله فيكم
حبيبتي أنا من السعوديه وبصراحة المعلومات عن العريس مره طيبة دينه وخلقه وكمان وضعه المادي واللي عرض الخطبه أبو الولد وهو جار جديد لنا و بحكم مقابلته مع زوجي باستمرار في المسجد والحمد لله سمعتنا مره طيبه سأل زوجي إن كان عنده بنات وهل ممكن يزوج من غير القبيله اللي إحنا منه أجابه زوجي بحديث الرسول صلى الله عليه وسلم (( إذا جائكم من ترضون دينه وخلقه فزوجوه )) أو كما قال صلى الله عليه وسلم عندها عرض عليه الأمر وسأل عن البنات ومستواهم الدراسي وطلب ان تكون هناك زياره من أم العريس لنا نتعرف وتشوف البنات . . |
اخت "مستوى عالى"
لابد من معرفه معلومات ولو مبديه عن العريس علي الاقل عمره كام ؟ علي اساس لو عمره مناسب للبنت الكبرى تظهر و ان الاخريات مش متواجدين مثلا اتمنى التوفيق للبنات جمييعا يا رب |
طبعا كلها صفات جميله و صفات الزوج الصالح يا رب يتوفق مع بنت من بناتك و ان شاء الله هتكون الزوجه الصالحه واضح من امها انها ايضا زوجه صالحه و من اسره متدينه و علي خلق. ممكن تكون جلسه تعارف بدون علم البنات علشان ميكونش في احراج لاى منهم و لو سألوكى قوليلهم عادى الست جت تزورنا و تتعرف علينا و اعرفى رايها بعد كده و علي اساسه بلغى البنت
|
اقتباس:
أخوكي مستوى عالي أتمنى لكي التوفيق |
اسفه اخ " مستوى عالي "
الاسماء مش مبينه انو اخ او اخت بس عموما الشرف ليا يا اخ مستوى عالي |
فالسعودية معروف ان الناس تبدأ بالكبيرة وهو الاصح اظهري لهم الكبيرة والله يوفقها
بعدين لا تلمحين لهم بامكانية زواج الصغيرة قبل الكبيرة والناس ماتعرفكم ودام انهم اجناب المفروض مايتخيرون فالبنات |
اختي الكريمه
لا تبالين الكبيره الصغيره هاذي قسمه ونصيب وانا من رئييي قدمي الكبيره كما قال الاخوان والاخوات وان وقع الاختيار على غيرهاا فهاذاا نصيبهااا وربي يوفقكم ان شالله ويسعدكم اهم شيئ انكم سئلتو عن الرجال وجاتكم اعلوومن طيبه ودينه واخلااقه الله ييسر الي فيه خير سلاام |
معروف ان الناس تبدأ بالكبيرة وهو الاصح اظهري لهم الكبيرة والله يوفقها
بعدين لا تلمحين لهم بامكانية زواج الصغيرة قبل الكبيرة والناس ماتعرفكم ودام انهم اجناب المفروض مايتخيرون في البنات، الشيء الثاني يمكن سمعة الكبيرة تتضررخاصة وهي مازالت صغيرة جدا لأن الناس سوف يقولون أكيد الكبيرة فيها عيب ن وأنا أعرف ناس زوجوا الصغيرة قبل الكبيرة وإلى الأن لم تتزوج الكبيرة ولم ياتيهم طارق ، أبحثوا جيدا عن المتقدم عن دينه واخلاقه وغير ذلك من سيرته لكي لاتتورطوا ويقع الفأس في الرأس ، وكما يقول المثل لاينفع الصوت أذا فات الفوت وعليكم بالاستخارة كما علمناها النبي عليه الصلاة والسلام0 |
اقتباس:
فقط الكبيره تطلع للام والله يخيركم الخيره المباركه |
لا تقولين حق البنات عن الموضوع .. قولي انهم بزورونكم بس .. لا اكثر ولا اقل .. لان لو انا من البنات مااوافق اطلع واقعد معاكم لان بحس اني فرجه للعالم ! اعجب الام او مااعجبها !!! .. مستحيييل ارضى بهالشي .. فخلي البنات عاديين ومايدرون عن الموضوع .. واذا صارت خطبه رسميه ذيك الساعه يصير خير ..
|
ما دام نيتها خطبة الكبيرة بس تطلع.. لو كانت تعرف بس بدون ما جابوا سيرة الزواج كان ممكن يطلعولها كل البنات.. ولو جات خلي البنات الثانيين يطلعوا عند أحد.. بحيث لو قالت فين باقي البنات ؟؟ ما شفناهم! قليلها والله معزومين.. عشان تفهم.. إنت عندكم مبدأ الصغيرة ما تتزوج قبل الكبيرة.. خلاص هذا الموجود.. عجبتها فيها الخير ما عجبتها الله يعوض الجميع.. لأن لو طلعتيلها البنات كلهم أحس في إحراج.. وتعطيها مجال لفرض سيطرتها مستقبلاً !
|
إخوتي الكرام جزاكم الله خير ولا تنسونا من صالح دعائكم وربنا يوفق الجميع
|
ارجووووووووووووووووووووووك ارجوك ارجوك لا تطلعيلها كل البنات .. ارجوك لا تزوجي الصغيره قبل الكبيره لا تجرحي بنتك الكبيره وانتي منتي داريه لا يجي اليوم اللي بنتك تلومك فيه طول عمرها والبنات الباقيات انا اشوفهم صغار يعني مستعجلين على ايش؟؟ طلعي الكبيره وبس وقولي الباقيات معزومات زي ما قالو الاعضاء قبل وام العريس رح تفهم الباقي..
|
انا من راي يا اختي العزيزه وهادا الوضع المعروف احنا عندنا انه ازا جو ناس اتقدمو وخطبوو يدخلو عليهم وحده من البنات وهيا الكبيره ولا اي بنت اخرى ولا بنت عم ولا خال ما يدخلو بس الحريم الكبار والبنت الكبيره وبس يا اما اتقدمو وتم النصيب يا اما قالوو مافي نصيب
وبالنسبه لحكايه انه البنت الكبيره تقول ما عندها مشكله لو اختها الصغيره ااتخطبت اول شي الموضوع كلو قسمه ونصيب بس ترى انا مريت في دا الموقف وكان مجرد كلام ومررررررررررره اتأسرت رغم اني امام اهلي ما عارضت بس رح تتاسر البنت ولو مو من نفسها من كلام اللي حوليها ولكن ربي لا يحط وحده من بناتك في دا الموقف ويرزق كل وحده منهم ولد الحلال اللي يخاف الله فيها يارب :) |
بالمبارك مقــــــدماً ........ويارب تفرحي في بناتك كلهم وحده ورااااااا الثانية ...اللهم آآآآآمين
بصراحه لو توفرت لديك معلومات عن عمر العريس وشروطه يمكن تفكرين بالموضوع من منظار آخر .... خاصة اذا كان العريس واهله ناس طيبين وما يتفوت! خوفي تطلعي بنتك الكبيره ويكون اصغر منها ؟ او يرغب في سن معين وما تناسبه الكبيرة وتناسبه سن الوسطى او الصغرى ........في النهاية كلهم بناتك واللي نصيبها بيقع عليها الاختيار .........نصيحتي طلعيهم للتعرف على المرأة ام العريس يمكن بدل العريس يكون عريسين ولا ثلاث ....ارجو ان تكوني فهمتي قصدي ........ولا تعتبري المسألة عرض او غيره بالعكس هذه فرصه اجتماعيه مناسبه جدا انه جارتك تتعرف على بناتك وتشوف جمااااااااالهم المكنون ويارب يزيدهم جمالا فوق جمالهم ويسعدهم يااااااااارب...... |
اقتباس:
وبعدين اختي بناتك الثانيات صغار توهم... وشينة بحق بناتك والله ثلاثهم يستعرضون صدقيني شينة بحقهم انا اختي اصغر مني وامي ماقد سوت هالحركة نطلع مع بعض.. اصلا محد دق وقال بنشوف الثنتين ..خير غنم حنا؟؟ يطلبوني واطلع انا بس. والله لو امي تقول بتطلعون الثنتين بنهبل وبزعل بعد وبرفض اطلع لهم وبقولك شي ماهو شرط بنتك الكبيرة توضح لك مشاعرها.. مرة صار موقف وسويت نفسي انه ماتفرق معي لو تتزوج اختي قبلي مع العلم انه مافيه احد تقدم لها رسميا.. لكني في داخلي مااااااااااااابغى اختي تروح ولو تروح مدري شيصير فيني ادري بتقولين انانية قولو اللي تقولونه ماراح احد يحس بللي بداخلي الا اللي حاس فيني اختي واحبها واتمنى لها الخير بس ماقدر استوعب انها تلبس الأبيض قبلي يصير عندها بيت قبلي << ياويلي والله خنقتني العبرة لكن لو صار جد ماراح اوقف طبعا بطريقها بمثل واسوي نفسي مبسوطة والله يكتب لبناتك الخير ويفرح قلبك بزواجهم ويفرح قلب اميمتي بزواجي يااااااااب |
اذا انتي تعرفي الحرمه اللي بتجي وتموني عليها تقدري تقوليلها انكم ماتزوجوا الصغار قبل الكبيره
او تخلي زوجك يلمح لزوجها واذا لا خليها تجلس معاكم جلسه عاديه واللي ربي كاتب لها نصيب بيجيها ماتدري يمكن اذا شافت البنات الباقي تمدحهم عند اقاربها ويصير نصيب لهم بعد وبالنهايه هذي ارزاق الله مقسمها لهم قبل لاينولدون ماله داعي الحساسيه تحياتي |
لااااااااااا أختي لا تطلعين بناتك كلهم صدقيني راح يأثر فيهم هالشيء
طلعي البنت الكبيرة بس واستخيروا وربي يكتب اللي فيه الخير صديقتي جو ناس يشوفونها للخطبه واختها ضيفة الناس ... اعجبتهم الأخت مو صديقتي وتقدموا لها الأم رفضت العائلة لأنه أثر على نفسية البنات وعرفت ان تصرفها غلط |
| الساعة الآن 05:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©