|
ساعدوني كرهت زوجي
والله مستحيه كيف ابدا بشرح مشكلتي
بس ابي كل زوج وزوجه تعلمني كيف اتصرف زوجي قلت رغبته فيني من بعد ولادتي لانو كانت ممنوعه عنه طول فترة الحمل ولمن جيت بعد انفاس لاحضت انو مو هذا زوجي الي اعرفه لي ثلاث شهور والده ولايجيني الا كل اثنعش يوم مره زهقني احس مايلبي رغبتي حولت افهمه بكذا طريقه مطنشني كرهت وكرهت نومتي معاه والحمدلله انا ماتغيرت وهو يقول كذا وياكد عليه ولافيني ترهلت ومحافظه على جسمي ليش اتغير عمره 37 وانا 29 انصحوني والله كرهت القعده معاه وكاني قاعده مع حرمه مو رجال |
افضل طريقه اختي انك تحاولين تجددين في نفسك وطريقة لبسك حتى بيتك وخصوصا غرفة النوم
ان شاء الله يفيق ويرجع لك والله اعلم |
مشكوره درعاويه الله يوفقك انا دايم اجدد بلبسي بس والله مادري وش فيه
|
انا من وجهة نظري انك تصارحينه وتطلبين منه معرفة السبب بكل صراحه
|
كما قالت الأخت صارحيه بالموضوع خاصة أنك تقولين أنك غير مقصرة معه البته وإن شاء الله نسمع الأخبار السارة في القريب العاجل يا رب
|
أختنا في الله غنج
لن أزيد عن غالبية الردود والمشاركات وهو لابد لكي أختنا أن تجددي من نفسك غيري من أماكن المفروشات بالمنزل أنا أقول غيري الأماكن وليس المفروشات نفسها المهم جددي كل شيء حولك ... المهم والشيء الذي بسببه شاركت بالرد الأتي: ــ اقتباس:
أتقي الله أختنا الفاضله هذه الكلمات لو خرجت من داخلك لكان الثمن غالي جداً جداً جداً ... أتقي الله أختنا في زوجك حتى وأن كان بينك وبين نفسك أخوك الناصح لوجه الله تعالى |
لا نفاجئينه بالطلب والتلميح حاولي انك تتركين طفلك عند اهلك
يوم وتعتذرين من اهلك انك عندك شغل بالبيت والسوق وما ودك تتركين الطفل لوحده وطلعه مع الزوج يومين برا والسوق وتمشيه واثناء ذلك مداخلات تفرفش وتحرك شيء وانتي ادرى ببعض الحديث ويكون التركيز انك ما تستغنين عنه وله مكانه ليس بالكلام ويجب يكون الكلام بدون ترتيب يكون عفوي لان الترتيب يحسسه انكي مرتبه الموضوع وبالتالي يسبب انفعال عنده راح يتغير مع تكرار هذا الموقف صدقيني بس انك وديتي طفلك عندك اهلك وخروجك معه راح يغير كثير بينه وبينك |
السلام عليكم ورحمة الله وبركاته
يا اختي الفاضلة
ما فيه احسن من الصراحة بين الزوجين انتي اجلسي معه في يوم يكون رايق وهادي واتكلمي معه واعرفي السبب يمكن عنده مشكلة مضيقة صدره وما يبي يقولك ويمكن ما يكون فيه سبب الرجال سبحان الله تجيهم اوقات برود وما يبغون الجماع ابد بدون سبب والله يعينك ويوفقك |
حبيبتي أنا راح انصحك نصيحة لوجه الله ، لا تنتظرينه يجيكي ، انتي دايما البسي احلى اللباس وابدأي معاه ، يعني تدلعي عليه ، غازليه ، ، انتي اللي ثيري غريزته ، صدقيني راح تكتشفين ان زوجك طبيعي .
|
الله يوفق كل من رد علي ويستر عليه ويرحمه رحمه تاسع السماء والارض
والله راح اجرب كل الي قلتولي عليه بس احب ابين شي ابيكم تفسرونه لي قبل مااحمل عادي ممكن انا ابد لاكن بعد الولاده مااتخيل اني ابد او المح مادري وش هاالتغير الغريب الي صارلي الشي الثاني اخو الناصح انت تقول كلمتي تشيب لها الولدان لا ماتشيب اذا كنت نايمه مع واحد مثلي مثله ولفتره طويله مايبيني احسسهبرجولته ولايحسسني بؤنثتي |
أختى الغالية غنج . بارك الله فيك وأصلح حالك كلة وأسعد أيامك وأصلح لك زوجك أختى الغالية
الأيام دول واليل يسبق النهار ودوام الحال من المحال فنحن بشر نتغير ولانتبدل فالصحيح اليوم قد يمرض غداً . فترة وتعدى وتمر هذة الأيام عليك ولكن لاتستسلمى وأسعد أيامك الله ولكن كما هناك ليل ونهار تأكدى أختى الغالية أن النهار قادم بعد ساعات قليلة وايامك الحلوة قادمة صدقينى الأيام الجميلة قادمة لك مع زوجك بارك الله فيك وأسعد أيامك |
اقتباس:
يعني التغيير من الأثنين.. حاولي إنكترجعين كما كنت وأفضل.. خلك على طول مبادرة.. وممكن بعد فترة لما تشوفينه تغير وصار ينتظرك.. إنك تعملين انقلاب فجأة.. أي إنك مرة وحدة توقفين مبادراتك وتنتظرين منه يبادر.. ولا مانع من مصارحته بأنك ستنتظرين مبادراته.. هذه فكرة في بالي.. إذا شفتيها مناسبة طبقيها والله يوفقج.. |
أختي الكريمة ألا يمكن أن يكون السبب ما كنتي تشكينه العام الماضي في موضوعات سابقة؟
|
اخو الشقه
حبيت اجاوبك على طول وحلو انك متذكر مشكلتي بارك الله فيك هو تارك هالبلاوي والدخان من ولادتي وهذا الي مخليني استغرب يعني معقوله هي الي معطيته نشاط ولمن تركهن اتغير؟ مااتوقع المفروض يصير العكس حتى هو لمن صارحته امس انحرج من الموضوع بالمره بس مارد علي وش سبب فتوره وتغيره المفاجئ بس احس انو فيه شي ولايبي يقوله لي شي فيه هو مو انا ياليت الي عدهم خبره في هاالمجال يردون علي هل ترك المخدرات تسبب فتور بالعلاقه وجميع من رد علي ولاعطاني النصيحه اسئل رب العرش الكريم ان يجعل الفردوس الاعلى مثواه |
لا لا أختي الكريمة ، العكس هو الصحيح ، فترك هذه البلاوي يعيد نشاطه ، وأعرف الكثيرين كذلك .
أختي الكريمة الزوج حينما يفتقد للجماع فترة طويلة تقل رغبته فيه ، وهذه من حكم الله تعالى ، ثم يتشبع لأول مرة أو مرتين ، لكن مع الأيام وعودة النشاط مرة أخرى يعود لما كان عليه وأكثر. تحياتي،،، |
اختي الغاليه
الاخوان ما قصروا في الكلام اصبري ومع الايام راح يتغير للاحسن ان شاءالله واهم شي انتي تكوني معاه صريحه ومافيها شي اذا قعدتي معاه وقلتي له |
اخوي الشقه
قول امين الله يستر عليك ويرحمك ويرفع درجات بالدنيا والاخره والف شكر على نصايحك وبإذن الله راح يتغير للاحسن اختي جارة القمر الف شكر لك |
اختي الكريمه............هل انتي متاكده ان زوجك لا يلجأ الى طرق اخرى كالعاده السريه اوغيرها؟؟؟؟؟؟؟؟
وخاصه انه تعود على بعدك مده ليست بالقصيره.................. |
أختى العزيزه غنج أنا أشكر جميع الأخوه و الأخوات و لكن لا بد من المصارحة معى زوجك و تجلسى معاه فكل زوج يحب أن يسمع ماذا تقول له زوجته فأنتى المفتاح للبابه حتى و لو كان هذا الباب مغلق فإجسلى معاه فى لحظة صفاء و هو يتكلم معاكى
|
كلهم هده حالهم يتحولو الى ثلاجات
|
اقتراح اذهبي وإياه ثلاثة أيام بدون الطفل ولو حتى لفندق في نفس االمدينة اجلسي معه فقط ويجلس معكي فقط
تزيني واطلبيه باللمس والهمس اكثري من الدعاء |
الله يوفق كل من رد علي
بس صدقوني قعدت معاه واتكلمت بكل وضوح اول شي كنت المح له بس مافي فايده وهو كان يفهم قصدي وبعدين صارحته بس مطنش وهو اذا باني جاني من غير مايسئل عن نفسيتي او راحت او اثر تقصيره معاي على نفسيتي لاكن مافي فايده كلامي معاه حتى المساج الي كان يحب اسويله مايبيه نهائيا احس انو فيه شي بس مايبي يقوله لي زززززززززززززززززززززززززززهقني ومللني احس او بااااااااااااااااااااااااااااااااااااااااااااااااا اارد وممل وبنسبه لبنتي عمرها ثلاث شهور يعني صغيره ماقدر اتركها عند امي |
اقتباس:
انا كان عندي نفس المشكلة بس في وقت الحمل و الولادة و الحمد لله تعالى انها بس مؤقتة و الحل كان انه انا خليته يقرأ على النت حقوق المرأة من ناحية الجنس و المعاشرة الزوجية و يسمع خطب و دروس و مثل هيك شيئ ، بعدين انا كنت اخجل بطلت صرت انا المباردة اولا حتى خليته نيسى الدنيا هلأ مبسوطين و الحمد لله تعالى على فكرة زوجي كان يدخن في فترة انقطاعة عني و بعد ان اصبح يسمع كل اللي ذكرته سابقا ترك الدخان و صار نشيط اكثر ، حتى انه كان وقت التدخين ينام بدري و ما يصحى على حاله اما هلأ احسن بكثير و الحمد لله و اتمنى من الله عز و جل انه يصلح احوالكما ان شاء الله ملاحطة// انا ظليت اقرأ المعوذات و اية الكرس و الفاتحة على ماء و اشرب انا و اياه منه و بعلمه في ذلك الامر اي ليس بالخفية و ادعو ان يصلح شأننا يارب. الحمد لله كل شيئ تمام و ايضا ما تنسي انه الرجل احيانا لا يريد ان يحرج زوجته لأن يخبرها انه بعد الولادة صعبة شوي عليه من ناحية في بالهم لا يفصحون عنها ، و لكن نحن النساء نفكر بطريقة مختلفة عنهم اي انه لازم يكونوا مشتاقين النا بعد غياب ، بس هم الرجال يفكرون بطريقة مختلفة الله يوفقك و شوفي ان شاء الله خير (بس كان يدخن مش اشي ثاني) |
اختي الفاضله انا مريت بنفس مشكلتك
بس الحمدلله بدا مع الوقت يرجع مثل اول وانتي لاتنسي طول فتره انقطاعه عنك اثناء الحمل والنفاس كل هذه اسباب تؤدي الي بروده والله اني حاسه فيك بس صدقيني مع الوقت وشوي شوي راح يرجع.انا مثلك بعد ولادتي يمكن جاني مره وحده وبعدها باسبوعين او اكثر فكانت المده متباعده جدا والان لي اربعة اشهر احس انه راجع مثل اول .اكيد زوجك.....يشاهد افلام ويستعمل العاده السريه لاني اكتشفتها بزوجي حاولي اختي.انك ماتتركين زوجك لوحده. وحاول تغرين وتثيرين زوجك وكوني انتي المبادره |
بحكم أني شاب ومتزوج ولدي طفلة وكثير من الاصدقاء (يفضفضون)لي
اقول لك: 1-انا الرجل يمر بفتور لا يلبث ان يتجدد او ما نسميه ملل وهذا طبيعي في اغلب الرجال 2- قدوم الضيف الصغير له تأثير على الناحية الجنسية بين الزوجين ولو لم يلاحظ الزوجين ذلك والله اعلى وأعلم |
صااااااااااااااااااااااااااااااااارحته مافي فايده
ممل في الفراش مايبي الاالمسااااااااااااااااااااااااااااااج من غير اي شي ثاني والله بديت استحقر نفسي ولااعتقد انو يمارس العاده السريه |
ام الفوز
قصيميه adeg بصراحه مادري شقولكم هذا الي ابغيه تجاااااااااااااااااااااااااارب ونتيجة التجارب راح اعمل بنصايحكم والله يوفقكم ويسعدكم ويستر عليكم ويرحمكم بالدنيا والاخره بس ابي اسئل عن حاجه انا بادرت مره اومرتين وماعطاني وجه والله مادري ليه اقسم بالله مانقصني شي بعده استحقرت نفسي برايكم ارجع ابادر ولا اصارحه ولاايش؟؟؟؟؟؟؟؟؟ |
اجلسي معاه يمكن شايف شي مانتي شايفته او اسلوب موعاجبه
|
اقري قران على نفسك
وادعي في الثلث الاخير من الليل الله يوفقك ويسخر لك زوجك |
قوليه الي انتي حسه فيه ولاكان باسلوب هادئ لان الرجال ما يحبون احد يطلبهم بشي بس وضحيله انك متضيقه او وجه نضرك قوليله مقصره بحقك انا فيه شي مو عجبك وزي كذا عموما فيه فترات من الزواج الاثنين يحسون بفتور بس ترجع العلاقه زي اول ان شاء الله سحابه صيف وتعدي
الله يسخره لك و ينولك مرادك (إن شاء الله )تكتب هكذا |
الله يوفقكم ويستر عليكم ويجعل الجنه مثواكم راح اسوي جهدي
وإن شاء الله يرجع زي اول |
لله يعينك ويصبرك والله حاسه فيك..............
ما لك الا الدعاااء والصبر........وهو بيرجع لك زي ما كان بس اصبري لان اتوقع كل الرجالل كذا تجيهم فتره برود ونفور................ما ادري ليش |
بندوره
ربي يوفقك ويستر عليك |
اختي العزيزة السلا م عليكم ورحمه اللة وبركا ته
ممكن تعا طيه المخدرات سا بقا سبب له ضعف جنسي فقد قرات ان من اسباب الضعف الجنسي تعا طي المخدرات |
الاخت غنج.................
أنا رجل واشعر ان هذا الرجل ما قصر سبحان الله يالحريم .................. تاركته طوال اشهر الحمل ولا فكرتي الا في نفسك والحين ....12 يوم بتجننين الدنيا ...:29: .. اقول روحي شوفي نفسك والله ما يمل الزوج من زوجته الا من سماجتها واحياننا وساختها ................ ويقولون ليش يتزوج ثنتين و.... اربع اقول حريم تجيب الهم :30: الوحدة متسدحة اربع وعشرين ساعة مقابلة هالادمي ..................... وتحس نفسها ملكة جمال ليش ما يجيها الرجال طفشان واللله العظيم انه طفشان وشايف شي يفقع القلب ........ واذا المرأة ما عرفت تغيره ............فلن يصارحها الا نادرا وحتى لو صارحها يكون بعد ما يمل منها اسف جدا على الاسلوب ........... بس ممكن انا هذا رأيي :11: |
| الساعة الآن 10:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©