|
اخوي كاسر خاطري 000 ساعدوني
السلام عليكم ورحمة الله وبركاته
الى جميع اعضاء هذا المنتدى الغالي اتمنى ان تساعدوني فمشكلتي كبييييره مايعلمبها الا الله بسم الله نبدا .... اخوي شاب الحمد لله ملتزم وعمره 26 ونفسه يتزوج الحمد لله مقتدر بدا البحث الطويل وعلما ان شروطه مثل شروط اي شاب ملتزم يخاف الله ويبغى فتاه تعينه على طاعه الله 0 وكان من اهم شروطه التالي : 1_ ان يكون عمرها مايتعدى الـ 25 والشرط الثاني انها ماتسمع اغاني هذا اهم شرط عنده بدانا البحث طبعا كل اللي يقربولنا سبحان الله اكبر من اخوي او بنفس عمره واضطرينا للبحث من خارج العائله لاكن للاسف كل مالقينا ياانها تسمع اغاني او انها ماتبغى واحد ملتزم الصدمه الكبيره اللي اصابت اخوي انه قبل فتره رحنا لناس ولقينا عندهم بنت وما شاء الله تبارك الله كل اللي يبغاه اخوي وسالتها امي كم عمرك قالت 25 وبدات امي تتكلم مع الناس وقالتلها ولدي صغير والحمد لله ملتزم ويبغى واحده تعينه على الطاعه المهم رحبو فينا وفرحنا فرح مايعلمبه الا الله المهم قالت امها يقدر يشوفها سبحان الله ربي يريد ويتصل واحد من اخوانها على اخوي ويقله لازم اقابلك وراح اخوي وهنا بدات الصدمه الكبييييييييييييييره :( قال لاخوي احنا سالنا عنك والكل مدح فيك وماراح نلقى احسن منك لاكن باقلك بكل شي وادى اخوي ورقه قله اقراها لمن قراها اخوي طلعت صك طلاق :eek: طبعا اخوي تفاجا وساله هذا لمين الصك قله لاختي اللي بتتزوجها ملكت قبل سنتين وزوجها طلقها قبل مايدخل عليها ساله اخوي ليش قله مافي اي مشاكل بيننا لاكن الرجال عنده حاله نفسيه واحنا ماسالنا عنه والصدمه الثانيه : طبعا اخوي بعد ماشاف صك الطلاق حس ان في امور ثانيه لسا ماقالها 000 قله اخوي ممكن اعرف هي من مواليد عام كم ؟؟؟ لمن جاوبه طلعت اكبر من اخوي بسنه هي عمرها 27 :24: طبعا اخوي ماحب يكون في مشاكل بس قله خليني استخير واردلك خبر :19: المهم ان اخوي حالته تحزن ماحب يبين لنا اي شي لاكن قال مالي نصيب فيها اتصلو على اهلها وقولولهم ان الولد استخار ومالله اراد :confused: زبده الموضوع :: معقول وصل الغش والتدليس الى هالحد ؟؟؟ معقول مافي بنت بسن العشرينات ماتسمع اغاني ؟؟؟ معقول البنات مايبغون الملتزم ؟؟؟؟ ارجوكم لاتبخلون على بردكم والله اخوي كاسر خاطري اللي يدخله وماعنده رد على الاقل يدعيله بالتوفيق |
سبحان الله الا فيه بنات خير وصلاح وذوات اخلاق وبعضهم في 17 و18 سنه واخوك بيلقاء من بنات الاجاويد والصالحين الخير الكثير بنسبه للي خطبتو ا فانا اشوف ان ما فيها شيء اكبر سنه او غيره المهم الدين والصلاح خليه يتكل على الله واسالوا في مدارس التحفيظ عن البنات الله ييسر امره ويثبته ويكفيكم الشر اختك /لي مشاعر |
تلاقون ان شاءالله بنات الأجاويد كثر الله يحفظهم
روحوا مراكز التحفيظ مثل ماقالت الأخت و روحوا الندوات و المحاضرات و بتلاقون اللي تبون ان شاءالله بالتوفيق |
السلام عليكم ورحمة الله وبركاته ///
الله يعين أخووووك ,,,, العمر يا أختي مو مهم إذا كان الفرق بسيط ,.,., أنا شخصياً مملكّ قبل شهرين من بنت أكبر مني بسنتين تقريبا 27 والحمد لله ,.,., ( العمر مو مهم إذا كان الحب يسيطر على كلّ شي ) خليه يتريث .,.,., هو النصيب من عند الله .... البنات وكذلك الرجال في هذا الزمن كلّ ما كبروا كلما كانو أنضج وأنسب .. لازم تجلسيـــــــــن مع أخيك وتفهمينه ........... وأهم شي تصفية النية في الزواج ,.,., الله يوفقه ويرزقة الزوجــــــــــــــــــــــــــــة الصااااااالحة والحنوووووووووووون ,’,’,’ أخيك /// عبدالرحمن |
1 - إيش ذنبها إنها كانت مملكة من قبل ؟؟؟؟
ليه كذة نظلم البنات ..؟؟؟ و لو كان شاب و مملك من قبل قالوا الناس ( ماله نصيب ) ؟؟؟ و لو بنت و مملكة من قبل ( طلعوا فيها مية عيب ) ؟؟؟ و أخوك ملتزم ، و كان الأولى برأيي إنه يفكر بتفكير أكبر من كذة ؟ 2 - بالنسبة للعمر فمانقدر نتكلم ، دام هو نفسه بشئ ؟؟؟؟ لكن البنات اللي بالعشرينات و ما يستمعوا للأغاني كثيييييير |
الله يوفقه ويرزقه من تخافه وتتقيه
كما قيل في المشاركات السابقة فعلا دور التحفيظ مليئة بالبنات المحافظات الله يستر علينا وفعلا اتى الاسلام غريبا وسيعود غريبا |
عزيزتي
خلي اخوك يدور على العروس وراح يلقى، مواصفاته مو صعبة بالعكس مواصفات عادية وفي كثير يتمنوها وما دام مركز على التدين فأكيد الله راح يوفقه في زوجة صالحة |
اختي
لو كان اخوك متدين فمسالة العمر مامشكلة اقتداء بالرسول(ص)بزواجه من السيدة خديجة رضي الله عنها اما مسالة الاغاني اعتقد دي مسالة اتفاق بينه وبين البنت البرتبط بيها يعني ممكن يلاقي بنت تسمع اغاني وتبطلها عشان خاطرة اعتقد في مواصفات اهم من سماع الاغاني يفترض ان يبحث عنها وسيجد بنت الحلال فهم كثر ربنا يوفقه باذن الله |
اختي ليه التدنيس والغش؟ طيب هالشي خارج عن ارادتها يوم انفصلت!!
وانا مارى فيها عيب كونها نملكت وانفصلت عادي تظل بنت لكن يمكن نقطة العمر.. اذا ماهو مقتنع يعتذر لهم ودورو الله يعينكم.. وياكثر البنات الللي يبغون ملتزم الله يسهل على اخوك وييسر له ان شالله ويرزقه الزوجة الصالحة |
"اختي ليه التدنيس والغش؟ طيب هالشي خارج عن ارادتها يوم انفصلت!!
وانا مارى فيها عيب كونها نملكت وانفصلت عادي تظل بنت لكن يمكن نقطة العمر.. اذا ماهو مقتنع يعتذر لهم ودورو الله يعينكم.. وياكثر البنات الللي يبغون ملتزم الله يسهل على اخوك وييسر له ان شالله ويرزقه الزوجة الصالحة " انا من راي شو بارد والله يوفقه ويلاقي بنت الحلال الي تناسبه |
انا مااشوف اخوك يكسر الخاطر
المسالة بسيطة ولا فيها اي صعوبة واذا على العروسة البنات مترسة الدنيا كد حبة الرمل وشروطة مرة عادية ومش مشكلة تاخذون لة وحدة تسمع اغاني بعد الزواج تبطل كلنا حنا يالحريم شذي واذا كانت تسمع اغاني وش فية هي مو تجلس ا24 ساعة والاغاني شغالة على طول ولا بتجلس في السيارة وبتحط الاغاني على حدها ........ البنت تتكيف وتصير زي العجينة في الرجال وهذا امر سهل وكل وحدة تكبر وتفهم وتعرف اذا كان هذا الش بصالحة وبتشوووف الي يرضي زوجها ولو سمعت هي يمكن بتسمع جزئ بسيط ومع الايام تلهي بمصاعب الحياة حتى شعر راسها ماراح تحك بعدين مع الاعيال ومااغيرة بس صراحة انتي مسويتها مهمة صعبة انتي واهلك ولا هو شي عادي وبنسبة لفارق السن انا معاك بس اخوها صارحكم وقال لكم بعد الخطبة مايعتبر تدنيس |
انا مع الاخت طير ...
ممكن البنت تتغير بعد الزواج ... وتصير احسن ويقدر زوجها يؤثر عليها ... بالتوفيييق انشاء الله .. |
انا ماني شايف غش ولا تدليس الانفصال بعد وارد ومافيه شي
يعيب والسن قد تكون غلطة اهم شي هي مناسبة والا لا سنة وحدة مو فرق كبير وبعيد الخيار لكم فالاستمرار لان ماحصل شي الى الان |
جزاكم الله خير
|
معقول مافي بنت بسن العشرينات ماتسمع اغاني ؟؟؟
ايوه فيه بنات مايسمعون اغاني معقول البنات مايبغون الملتزم ؟؟؟؟ لا فيه بنات يتمنون الملتزم ويفضلونه على الشاب العادي بالرغم من انهم مو ملتزمات الله يوفق اخوك ويلقى الزوجة الصالحة التي تسعده حنان |
"اختي ليه التدنيس والغش؟ طيب هالشي خارج عن ارادتها يوم انفصلت!!
وانا مارى فيها عيب كونها نملكت وانفصلت عادي تظل بنت لكن يمكن نقطة العمر.. اذا ماهو مقتنع يعتذر لهم ودورو الله يعينكم.. وياكثر البنات الللي يبغون ملتزم الله يسهل على اخوك وييسر له ان شالله ويرزقه الزوجة الصالحة " انا من راي شو بارد والله يوفقه والملتزمات مليانيين بس يدور |
بصراحة اختي انا مااشوف ايها غش
مااشوف انه هناك مشكلة انسانة عقد قرانها على شخص وتطلق من غير دخول يعني بصراحة هي بكر ثانيا مسئلة العمر هذه بسيطة سنة وحده مو مشكلة في رجال تزوجوا بما هن اكبر منهم بسنوات لكن الامر يرجع في الاخير الى قناعة اخوك وبنات الحلال كثير والمتلزمات والطيبات اكثر واكثر وفيه بنات عندهم استعداد للاتزام لكن ظروفهم الاجتماعية ماتسعدهم اخوك ماراح ياخذ الا نصيبه |
اختي الغاليه
الامر ما يستدعي لهذا الحزن كله حبيبتي الغاليه لو بحثتي لاخيك عن بنت جيده حتي لوتسمع اغاني عادي بعد الزواج الزوج يقدر يخليها تصير مثله وتتطبع باطباعه وما راح تسمع اغاني يعني مافي مشكله بأذن الله ومسأله العمر والفارق اللي بينهم ما تسبب مشكله بس الافضل انه يأخذ اصغر منه بالعمر يعني من 19 وفوق ابحثي وسوف تجدي بنت الحلال اللي تناسب اخوك باذن الله وادعي له واستخيري قبل الذهاب لخطبه الفتاه والله يكتب اللي فيه الخير والبركه لكم وانا مع كلام الاعضاء |
اختي انا اشوف اخوك مصعب السالفه وايد وشفيها اذا كانت اكبر منه بسنه انا اعرف واحد متزوج وحدة اكبر منه بثلاث سنين وعايشين بسعاده وتفاهم كبير بينهم يعني العمر ماياثر وايد يعني مافرقت على سنه
وشفيها البنت الي تتملك وبعد تتطلق مدام مادخل عليها ياما بنات كثير صار فيهم كذا وبعدين تزوجوا الي احسن منهم يعني هاي بعد مو عيب في البنت ولا ظلم وتدنيس مثل ماقلتي اختي وسالفت انه البنات يوفضون الشاب الملتزم انا اعرف بنات كثير كذا لانه بنظرهم هاي الشاب عصبي ومايتفاهم وكل شي عنده حرام وحرام وانه بيحرمها من كل شي وراح يظلمها هاي المنتشر عن الشاب الملتزم بكثرة انا عندي صديقتي تقدم لها شاب متدين بس الرفض جاء من اهلها لانهم يرفضون يزوجون بنتهم لشاب متدين يعني الرفض اوقات مايكون من البنت بس حته من العايله هاي الشي انا اقوله من تجارب شخصيه لي وكل مجمتع تختلف نظرته وطريقت تفكيرة عن الثاني وبس هاي تقريبن كل الي بغيت اقوله كرد لموضوعج |
نقل الى عالم المقبلين على الزواج
|
يا اختي فيه ووايد بعد
بس يبغيلهم تدوير لانه الطبقه الظاهره فوق هم البنات اللي نص نص تعرفين اختي نحن عندنا جمعيات وموادي فتيات تابعه لناس ملتزمين يتجمعون فيها البنات الملتزمات عشان يمارسون انشطه ثقافيه وخيريه وترفيهيه اول ما يفكر حد من شباب عايلتنا انه يتزوج نخلي خواتنا المشتركين في هالمناشط انهم يدوروله سيري هالاماكن وبتحصلين ان شاء الله |
اشكركم جميعا على تفاعلكم مع موضوعي
بس حبيت اضيف تعليقات بسيطه الكل كان يقلي ان مافيه غش او تدليس ( حط نفسك بمكان اخوي تقدمت لناس ومابقي شي ويتم الموضوع رسمي ويطلبك شخص ويقلك تراه كانت مملكه وش ردت فعلك انا مااتهم البنت اللي ملكت وفسخت ان فيها عيب لا ابد بس ليش ماصارحونا من البدايه ) اكرر اسعدني مروركم وردكم على الموضوع والاهم من هذا كله اسعدني دعائكم لاخوي والله محد يدري قد ايش فرحت بدعائكم اسال الله ان يتقبل منكم جزاكم الله خير الجزاء |
ارى انه مالها ذنب كونها انفصلت عن رجل من قبل
لكن هناك الكثير من البنات اللي يبغون الملتزم والمتدين ايضا كثير من البنات في العشرينات ولا يسمعون اغاني لا تجعلو مسألة العمر تقف عائقا دون سعادة اخوك العمر ليس كل شيء .....لازم يتنازل عن هذا الشرط الله يجمعه ببنت الحلال اللي تسعده ياااارب |
شيخه الحور
اشكر لك مرورك لاكن الى الان محد فهمني انا مااقصد ان اخوي تركها عشان انها انفصت لالالالالالا انا زعلانه لانهم قالو عمرها 25 ليييييييييش وش حادهم على الكذب ليش ماقالو عمرها الصحيح من اول مره وانا مااقدر اقنع اخوي من حقه يتزوج اصغر منه مو حلو تكون اكبر منه ابد ابد على العموم اشكر لك مرورك |
بصراحة يا اخت انا وحده من الناس ما بيهم ازا كانت اكبر منه بس انها تقول ان عمرها 25 وهي عمرها 27 فهدا شي مو معقول.................
|
نصيب اخوك ما يعلمه الا الله
وهو انسان ملتزم ويتقي ربه واكيد عارف هذا الشي الطيبون للطيبات وان شاء الله ما يتزوج الا الانسانة التي تستحقه |
مرحبــــــــــــــــــــــــــــــــــــــــــــــ ـــــــــــــــــــــــــــــــــــــــــا حبيبتي:17:
شوفي,, ماشاء الله اخوكي من النوع الملتزم تبارك الله,, واحنا في وقت صعب انك تلاقي الانسان اللي يراعي ربه في كلامه وتصرفاته,, الله يخليلك اياه,, فالبنت اللي ما تدور عالشاب الملتزم والمحترم فهي الخسرانة لانو الدنيا رايحة ومو باقي من العمر قد ماراح ,, صدقيني ,, وربنا حكى" الطيبون للطيبات" واكيد اخوكي ان شاء الله راح يلاقي اللي احسن منها,, ويحمد ربه انو اكتشف هاد الشي قبل ما يصير كتب الكتاب,, الكذب والغش والخداع لازم نتوقعها من لناس وبالذات في زمن متل هالزمن اللي احنا عايشينه,, احكي لاخوكي ما يزعل ولا يهتم وان شاء الله راح يلاقي بنت الحلال اللي بدور عليها لانو شروطة سهلة,, ومتل ما بيحكو ان خليت بليت... يعني لسة في في الدنيا خير ومتل ما في شباب ماشاء الله متل اخوكي ,, فصدقيني راح تلاقي بنات بنفس الطبع والالتزام.. مو ربنا حكى الطيبون للطيبات؟ اذا متل ما اخوكي تبارك الله طيب ,, فتاكدي 100% انو البنت الطيبة اللي بدور عليها اخوكي موجوده بس لسة ما قابلها او لسة ما اجا الوقت اللي يقابلها فيه,,,الله يوفقك انتي واخوكي يااااااااااارب ويرزقنا واياكم الازواج الصالحين |
لا وين ياأختي فيه بنات كثييييييير ما يسمعون الاغاني وملتزمات وصغيرات بعد
ويتمنون ان الله يرزقهم بالانسان الملتزم انتم بس لاتيأسوا ودورا في كل مكان والحمد لله انكم اكتشفتوا عمر البنت قبل ما يتطور الموضوع........ بعدين من قالك ان البنات ما يحبون الملتزمين بالعكس اللي اشوفه انا ان غالبية البنات عندنا يفضلون الرجال الملتزم لانه يخاف الله فيها ولايمكن يظلمها................. الله يرزق اخوك ببنت الحلال اللي تسعده وتكون على مواصفاته |
جزاكم الله خير
اشكر جميع الاخوه الاعضاء على ارائهم ودعواتهم التي اسال الله ان يجعل منكم من تستجيب دعوته اسال اله ان يوفقكم ويبعد الهم والكدر عنكم اسفه كثير عن تاخري بحكم عدم توفر النت لاكن دعوة الاخ لاخيه في ظهر الغيب مستجابه فلا تحرمنا من دعائكم لاخي ولي ولجميع المسلمين والمسلمات |
خيتي........انا راح اكلمك لو كنت مكان اخوكي وش راح اسوي......
مثل ماقلتي هي صاحبة دين يعني ملتزمه...وكلنا كشباب اكيد من اولوياتنا اننا نحصل على انسانه ملتزمه... فموضوع ملكتها يمكن تجاوزه....واحتمال كبير مالها ذنب...لكن لكم الحق انكم تستفسرون وتتاكدون وتبحثون ايش سبب الانفصال بهالسرعه الجنونيه.... ثانيا_موضوع انهم يكذبون بموضوع العمر رغم عدم الفارق الكبير يعني سنه ولا شي بالمقاييس المنطقيه..بس مهما كا يعتبر كذب وتدليس...(يعني بعض الاخوات قالت سنه ولاشي...السالفه مو سالفه سنه ولا اثنين....السالفه ليش الكذب من اولها..يقولون لاهله كل المواصفات دون كذب وتدليس واذا فيه نصيب راح يصير...). انا بصراحه ماالومها هي المسكينه اكيد مالها ذنب بس هذا ذنب اهلها.... بالنسبه لي مااتصور اني لو كنت مكان اخوكي اني اكمل معاهم... بس لفت انتباهي شي...وهذا خارج نطاق الموضوع ...واحترم وجهة نظر اخوكي في انه يبغى يتزوج وحده ماتسمع اغاني.... بس ياهل ترى كل اللي يسمعون اغاني من شباب وبنات هم منحلين خلقيا.... يعني انا ياللي اكلمك هاللحين ولله الحمد ملتزم بصلاتي وديني واخاف الله في كل شي اسويه.... لكن بصراح اذا كنت في السياره احب اسمع محمد عبدو...او بعض الفنانيين....ادري انه غلط هالشي..واتمنى من الله انه يهديني واترك الاغاني.....لكن والله خيتي اعتبر الايجابيات اللي فيني اكثر من سلبية سماعي للاغاني(ومداح نفسه كذاب) والله يوفق اخوكي بالانسانه الصالحه............اللهم ااااااااااااااااااااااااااااااااااااااااامين |
لاتقولين مافي بنات مايسمعون اغاني
صديقني والله ان في بنات يمكن يسمعون اغاني بس فيها بذور من الخير انا الحمد لله احاول اني اتركها قد مااقدر لكني صدقني حكمكم علي الفتاه غلط انا فاهمتك انهم المفروض يصارحونها لكن الله يكتب الي في الخير وصدقيني انا من الناس الي اتمنى واحد ملتزم لكن يكون عقليه منفتحه مثقفه هذا اهم شي والله يوفقه لما فيه الخير والصلاح ودور وتلاقون ان شاء الله ولكم ودي |
والله في بنات كثير بس انتم دوروا صح وروحوا على تحفيظ القران وشوفوا بأنفسكم
|
اختي الغالية الانسان المفروض ما ييأس من رحمة ربه ..
وان شاء الله ربي بيرزقه ببنيه بكل المواصفات اللي يتمناها وربي يوفقه انين |
اسأل الله ان يكتب لاخيك النصيب الطيب
|
زبده الموضوع :: معقول وصل الغش والتدليس الى هالحد ؟؟؟ معقول مافي بنت بسن العشرينات ماتسمع اغاني ؟؟؟ معقول البنات مايبغون الملتزم ؟؟؟؟ )))
اهليييين حبيبتي منتظرة العريس فييييييييييييييه بنات بسن 18و17 مستقيمات وخريجات تحفيظ قران يعني من باب اولى مايسمعون اغاني ( وانا منهم):) :)>>>>>>> وحدة تمدح نفسها:d ولا عندهم فضائيات حتى قناة المجد ماعندهم ومن ناحية الجمال ماشاء الله ماعليهم:22: ،،، ما اقول انهم ملكات جمال ،، لكن فيهم نزعة من الجمال( مملوحين) :) ولا تحزنين وسعي صدر اخوك وطمنيه ان البنات وااااااااجد وماعليكم سوى البحث والتأني ولا تستعجلون استخيرو واسالو ،، وبتلا قون كل خييييييييييييير ان شاء الله.. ممكن سؤال ،، انتم من اي مدينة ،،، ندور لكم ههههههه:) :) :23: الله يوفقه ويرزقه بنت الحلال اللي تسعده وتعينه على الطاعة...:14: لاتنسوننا من الدعوة:23: |
| الساعة الآن 04:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©