اشرايكم ؟؟؟ اطنشه والا لا
 

اخواني وخواتي

زوجي كثير النوم وخاصة بايام الاجازه وانا لعدة مرات كتبت لكم عن هالموضوع

المهم بقولكم عن موقف صار معاي امس وقولوا لي رايكم

امس بعد مارجع زوجي من الشغل مانام العصر لان كان عنده شغل وهو في ايام الاجازه اذا مانام عادي يسهر
امس اخذني من بيت هلي وقال لي انا امثقل كثير في العشا وحاس اني دايخ وانا مو اول مره اسمع منه هالكلام يعني يقول دايخ وبعدين لما انروح البيت يسهر على التلفزيون وانا اللي اترجاه ان انروح اننام او احيانا انا اروح على السرير وانتظره لاني مااعرف انام وهو صاحي وخصوصا بالليل

المهم كنت قاعده عنده بالصاله وحسيت انه مشتاق وانتظرت وانتظرت وبعدين قلت له انا بروح انام وتوقعت انه بيلحقني
مرت ربع ساعه وطلعت من الغرفه وسكرت التلفزيون ورحت عنده اتلمس وجهه وخلف اذنه بعدين قام وكنت متوقعه انه يمزح ومش نايم .... المهم دخل الغرفه وانا كنت مشتاقة وقلت له انت كنت نايم من صجك؟ قال اي .... المهم حضنته وقلت له يالله كمل نومك ... حسيت انه كلش مو امعبرني ... مع اني مو من النوع اللي ابادر وايد ...

اليوم قام من النوم متأخر وحتى صلاة الظهر فاتته والبيت اتغدوا عننا... وانا مارحت بيت هلي اتغدى ككل يوم جمعه وقال لي روحي (عشان ينام على راحته ) وقلت له لا انا اتأخرت خلاص مب رايحه

صدقوني زوجي جالس عالكرسي وهو يغمض ويفتح عينه وكانه خايف ومنحرج مني لانه نايم ... بعدين قلت له انا الحين بروح بيت هلي عشان انت تستانس واتنام على راحتك ..... واانا مارحت

اذن العصر وراح يصلي ووعد بنته انه يوديها بعد الصلاه بيت هلي .... بعد الصلاه دخل الغرفه يقول لي : انا اتغديت تحت عند امي ... اكلت فواكه .... احتريت وبط جبدي لانه مافكر فيني لاني مااتغديت .... سكت وانا محتره وجلس بالصاله عالكرسي وقلت اكيد الحين بينام بعد .... قلت له : اشرايك نطلع مع العيال اندور ..... قال : ابغي اروح تحت اقعد مع اخواني وخواتي مثل كل جمعه .... مع ان الوقت بدري وكان ممكن نطلع ونرجع قبل المغرب ويقعد مع خواته .... سكت ونومت ولدي وقعدت على النت وهو جالس عالكرسي بالصاله ... عشر دقايق ... التفت الا وهو نايم ...وليلحين هو نايم .... والله اني مقهوره ...
تدرون لما ايقوم ايش بيسوي ؟؟ كالعاده بيبوسني وراضيني ويقول انا ادري انج زعلانه

فكرت اني بالليل اطنشه واسوي نفسي دايخه وانام عنه ولا اعطيه وجه ... واقول له انت شبعان نوم وانا الصراحه دايخه ومااقدر اسهر معاك

وعلى فكره فيه سؤال هو دايما يسألني اياه وخصوصا بعد مثل هالموقف وهو :

ليش انتي تتضايقين لما انام ؟؟؟

مااعرف اشلون ارد عليه ؟؟ اقول له ابيك تقعد معانا ... نطلع مع بعض ... انسولف ... هذي اجازتنا والمفروض نقعد مع بعض اكثر من كل يوم ...اليوم الثاني من الاجازه اروح معاه نتغدى بيت هلي وبعدين هو يروح البيت وينام وانا اجلي في بيت هلي لاني الصراحه امل بالبيت واتضايق وانقهر لما اشوفه نايم وهو يبيها من الله اني ماارجع البيت معاه عشان يتهنلى في نومه ....

قولوا لي الله ايخليكم اشلون اتصرف معاه

الاسبوع اللي فات في يوم الاجازه وطبعا قمنا من اللنوم متأخر واتغدينا مع بعض وأذن العصر وراح المسجد ورجع على طول عالسرير ... انقهرت وقلت له بكل برود انا باخذ العيال وبروح بيت هلي ..... قال : اوكي

والله ابيذبحني هالريال .... اقول بكسر خاطره بس مافس فايده

شسوي ساااااااعدوني .... هالسالفه واايد امضايقتني

الحين بقيمه من النوم وبقول له وانا محتره : بسك نوم خلاص عشان يعرف اني متضايقه ومقهوره .... صدقوني مافي فايده

واسفه عالاطاله

المهم هو نائم على طول أو يقوم بمهامه الزوجية على أكمل وجه

حبيبتي كلنا بلهوئ سوئ ,,انا زوجي عنده عطله شهر صدقين اشلون قضئ العطله ,,عند جماعته و علئ الكمبيوتر و علئ التلفون و عند اخته و النوم ,,يتصرف
كانه اعزب ,,شهر حبيبتي زوجي يالس بلبيت ما قال تطلعون او تبون اوديكم مكان و اذا اطفاله قالوله بابا طلعنه يقول انا تعبان روح لماما طلعكم و هو يروح عنداخته و يقضي الوقت عندها و انا و لا كاني موجوده بحياته ,,انا اشوف يا اختي لا تهتمين اغلب الريايل جذي ,بس انتي امشي مع الي يبيه لا تبينين له انج مضايقه والله هو راح يحس و يعدل نفسه بس يبيلها وقت و اهم شي لا تبينين له انج مضايقه ,,انا سويت هذا الاسلوب مع زوجي والله فاد مع وايد بس تبين الصج انا ما احب اطلع لاني اكرهه طلعات

اتصدقون هو يقول لي انتي ليش تتضايقين ؟؟؟؟؟؟؟؟؟؟ ليلحين ماتعودتي على هالشي؟؟

مايفيد معاه ازعل والا اتضايق بس انا شسوي والله غصب عني

اهو يقولك..انتِ ليش تتضايقين......ماتعودتي.؟
يعني معناتها ان اهو مايشوف نفسه انه على خطأ...وهذي مشكله لانكِ لازم تتأقلمين معاه...صعبه انه يتغير......

انا مثلك زوجي دوامه طوييييييييل ومتعب يعني يجي قريب المغرب وعلى طول كل نوم الى الصباح اليوم الثاني
الا اذا كان عنده شغل يبي يسويه....
بالبدايه ومازلت انقهر وايد على سالفة النوم اما اهو بالبدايه كان يحس انه على خطأ وانه المفروض يقعد وياي لكن مع الايام عااااااااااادي ....ولا كأنه يسوي شي....

حبيبتي عادي حتى انا زوجي اذا صار عنده اجازه لو اخليه كان ما يصحى
والواجبات الزوجيه على قولتهم بالدوام اكثر من الاجازه

اختي لا تحرين روحج ولا شي انتي تحترين وتنقهرين وتقولين وهو لا حياة لمن تنادي بس تدرين فكرتج حلوه اذا جفتي في يوم من الايام معزم على سهره دخلي غرفتج ورقدي عنه عشان يحس فيج (يمكن يحس ما اضمن لج:))

والله سالفتش مو جديدة .. أنا من رايي اذا طفح الكيل طنشيه وهو اذا اشتاقك بيجي ركض وساعتها خذي اللي تبيه بس لاتعتمدي انه بيغير عادته .. يعني خذي اشياء يقدر عليها.. والله يهديه ويعينش .. اكثري من الاستغفار ما في مثله لحل المشاكل والازمات

س - هل هو مقصر في حقوقه الزوجية؟

من بعد مااشتغلت صرت انا اللي اصرف على نفسي وثلاث ارباع صرف العيال علي وانا عندي ولد وبنت

روححات السوق يوديني لها بعد ما احن وياجل ويأجل لين مايوديني

كان قبل يقول لي قبل خاطري تطلبين مني مره ان انروح نتعشى او نتغدى في المطعم بس انا كنت مااطلب عشان كنت استحي انه اطلب ويقول لي لا وانحرج واصلا ماكان يوديني الا كل شهرين او ثلاث على الاقل
الحين صرت اطلب منه ويقول يوم ثاني واليوم الثاني يقول خليها بكره واسكت ويمر شهر ولا كاني طلبت شي
احيانا اقول ماراح اطلب منه شي مره ثانيه لان هو مايوديني مكان الا حسب مزاجه يعني اذا هو يبي .... عاد انا انتظر الشهرين والثلاث مااقدر ... ارجع واطلب منه مره ثانيه وعلى نفس الحال

لما اقول له ابي اروح الخياط مثلا يقول لي نتى ؟ اقول له متى ما تقدر واصبر يوم ويومين وثلاث واقول له ابي تروح اليوم الخياط يقول خليها بكره الحين مااقدر وبكره يجي واقول له لازم اليوم اتوديني وعلى هالحال يكرهني اني اطلب منه شي

احيانا اتضايق وازعل وهو يدري ويجي يراضيني بس اللي ذابحني انه يكرر نفس الشي في اليوم الثاني

يعني اتمنى ان يقول هالشي يزعل زوجتي لازم اني مااسويه .... بس هو لا مايفتكر ولا يبيني ازعل او اتضايق

امس بالليل طبعا كنت متضايقه وسويت نفسي تعبانه وابي انام وهو بعد كان حاس فيني وقال انا ابي انام يعني ماسهر علشاني بس بعد مااتكلم ولا كلمه بعدين قال لي : حطي عيني افعينك .... عشان اعرف انتي ليلحين زعلانه او لا ... قلت ماابي وبعدين حطيت عيني افعينه ونزلتها وقلت له خلاص ؟؟؟

المهم سكت وسكرنا الليت بس انا ماقدرت انام ... حاسه اني ابي اصيح .. قربت منه وحبيته على راسه حضنته خمس دقايق وهو ولا تكلم ولا كلمه بس كان يربت على ظهري .... وبعدين ابتعدت ونمت

قمت من النوم اليوم وحاسه ان فيني شي ابي اصيح ... متضايقه ... رحت بيت هلي اتغديت ... وبعدين قال لي : انا ماابغي اروح البيت عشان اذا رحت البيت بنام ... قلت له اشرايك انروح نطلع ... قال اوكي .... وطلعنا والحمد لله استانسنا

الحين حاسه اني مرتاحه اشوي بس ماادري لما يجي يكلمني احس اني اكلمه من غير نفس


ماادري اللي سويته صح والا غلط

نسيت اقول ان خاطري مره يفاجئني بهديه يشتريها لي خاااااااااااطري

دايما يقول انا ادري اني امقصر وبشتريلج .... لكن ... ليلحين ماشفت منه شي ... وانا الحين قررت اني مااشتري له اي هديه عشان يمكن يحس فيني ... وهداياي له كانت من قبل مااشتغل

وعلى فكره هو مقتدر ويقدر يصرف على اكثر من عيله بعد بس افلوسه كلها في الاسهم وقبل مااشتغل كان يشتري الاسهم لي ولعياله وكنت انا ابنفسي اعتبرها هديه من غير ماايقول لي بس بعد مااشتغلت صرت انا اللي اشتري لي الاسهم من افلوسي ولايفكر في مره يخلي الف او الفين هديه لزوجته

النوم سلطان!!

ما أدري عن زوجك.. لكن أصحاب النوم الثقيل كذا. ..هذا طبعهم.. تشعرين بأنه مطنش ومو حاس فيك لكن الواقع غيركذا.. هذي طبيعته فتعايشي معها.. حاولي معالجتها لكن ليس بالنرفزة والزعل والتطنيش.. . كذا ما ينفع أبد. ..بالعكس هذا يزيد المشكلة تعقيداً. .. .

خليك عملية شوي.. وحاولي أنتِ تبدأي بالبرامج والاقتراحات في الأوقات اللي يكون فيها في كامل نشاطه (مو في أوقات النعاس والنوم!!!!). .. أعرفي وش يحب زوجك وحاولي الإكثار منه. .. أبدعي في أفكارك. ..

وأخيراً.. أقترح على زوجك يجرب الحجامة.. فهي تساعد على تخفيف النوم.. وهي قبل ذلك سنة نبوية مباركة.. .

وبالتوفيق..