|
قرب الزواج و زوجتي تستحي !
السلام عليكم و رحمة الله و بركاته
من 6 شهور نزلت موضوع و الحين رجعت لكم مرة اخرى :29: المهم تمت الملكة ولله الحمد :22: و العرس تقريبا بعد شهر و نص :14: المهم زوجتي من النوع اللي يستحي مرررة عاد انا مراعي ظروفها ولو انها المفروض خذت علي شوي :p طلبت منها اني امر اسلم عليها و رفضت (الحمد لله وفرت علي مشوار :d ) الشي الثاني انا مقرر اني اجل ليلة الدخلة عليها و لا عندي مشكلة لو اسبوع او اسبوعين او حتى ثلاث اسابيع بس سؤالي هل هذا ياثر عليها او انها افضل لها ؟ |
انت بتشوف شو المفروض تعمل بحيث لا تؤذيها جسديا او نفسيا
اي ان كان التأجيل افضل لها نفسيا فأجل و ان كانت قد استعدت له و جهزت نفسها فلا حرج استأذنها و قرر ماذا تفعل تبعاً لرأيها لأن رأيها مهم جدا بحيث لا تتضرر هي و لا تغصبها على أمر لا تطيقه و انت قم بالتمهيد لها و اقناعها تدريجيا و ان شاء الله ما بصير الا الخير أخي و ألف مبروك |
قرار التاجيل لي انا
لان خايف بعد <=== لا يسمعك احد بس اخاف اني اطول المدة و تصير شايله همها كل هالمدة ! |
الف مبروك أخي الكريم أتم الله عليكما بخير
ولكن هذا الموضوع يعود لك ولها حسب وضع زوجتك فهل حياؤها خوف؟؟ إن كان خوف واضح بحيث أنها تخاف من الجلوس معك مجرد الجلوس فعليك مسايستها تدريجيا ولكن لا يطول الموضوع عن إسبوع حتى لا تتعود على بعدك أو تتعود على هذا الوضع!!! ولكن إن كان حياءها طبيعي فالمرأة حيية وقد تتمنع راغبة وليس رفض!! ولكن عليك بالملاطفة كما أمر الرسول وأترك الموضوع دون تخطيط توكل على الله وسييسر الله الموضوع ول تشغل فكرك كثيرا بالقلق والخوف دع الأمور تسير بهدوء وبطبيعتها.. وألف مبروك.. |
استشيرها بما تنوي فعله لان الموضوع مشترك بينك وبينها وينبغي ان تتم الامور برضى الطرفين.
|
اختي مخملية الاحساس اتوقع خوفها هو خوف بنت ستجلس مع رجل لا تعرفه لاول مرة في حياتها
اخاف ان تمانع حتى مع المسايسة وانا ما ابي اسوي شي هي ما تبيه شكرا للرد == اختي البتول بصراحة حتى اسمها اذا كلمتها ما اقوله اذكر مرة قلت لها انها غالية عندي وابي يصير لها شي فصرفت الموضوع بشكل سريع يعني مواضيع زي هذي بتسكر السماعة في وجهي و قلت سابقا انها رفضت حتى مقابلتي بعد الملكة اخاف يستمر معها الشي هذا بعد الزفاف شكرا لك |
اخوي انت اذا بتشاور البنت
صدقني بتقول لك خل كل شي بعدين يعني لاتشاورها ======= إذا اجلت الدخله هي راح تكون شايله هم الجماع اول ليله وفض غشاء البكارة وانك بتشوف جسمها . او تعتقد انك ما تعرف وش تسوي ومن وين تبدأ !! ======= صدقني يا اخوي الامر طبيعي جداً جداً جداً انا متزوج قبل خمس شهور وقبل الزواج كنت اقول الله يعين على الدخله بس الحمدلله الامر عادي جدا والله يوفقك |
اخوي خلني ارد عليك بما اني بنت وخجوووووله مرررررررررررررررره
انا مرره استحي مع خطيبي..يعني لدرجه اني في التلفون ما ارد عليه الا بكلمات تنعد عالاصابع بس اكوون مبسوطه يعني صحيح مرات اكون خايفه بس مبسووطه انت حاول معها شوي شوي ولا تنسى باقات الورد الاحمر..ترى لها مفعوووووول سححري فاجأها بعطر..اي هديه بسيطه ارسل لها مسجات اول ماتقول من النوم..وقبل لا تنام ترى هالاشياء البسيطه تأثر كثير.. وعن ليلة الدخله ماقدر افيدك..اعذرني لاني للحين ماجربت.. |
اخوي انا كذا
كل من سالته قال ان الوضع طبيعي جدا و انا احس انه طبيعي مرة لكن ولو خايف خايف على شعورها و خايف من انها تكرهني اما بالنسبة اني ما اشاورها هذا اللي كنت اخاف منه انت تقول لا تشاور و غيرك يشدد على نقطة الحوار و انها افضل مشكور على المشاركة == النمره الوردية فعلا كنتي ابي بنت في وضع زوجتي يعني انتي ما تردين عليه بكلام كثير لكن هل تستانسين اذا كلمك ولو طول في المكالمة او انه ارسل لك مسجات كل ساعة و السؤال الاهم و اعذريني عليه هل تفضلين زوجك يسالك و يشاورك في ليلة الدخلة او لا ؟ شكرا |
يرفع لمزيد من النصائح
|
لازم تكامها انك سوف تاخر موضوع الجماع ولا تكن مثل زوجي الي اجل وماكلمني وظليت اعيش في هم وهو يوم واحد والى الان0-عشر سنوات -س لم انسى لان الواحده بقدر ماهي خايفه ومستحيه تكون خايفه انها لا تعجب زوجها انتبه
|
ام قمر اشكرك على الرد
بكون جدا صريح معك انا مقدر افاتحها بمواضيع اقل احراج من هالموضوع فمقدر افاتحها بمثل هالمواضيع خاصة اني متاكد انها ما تبي مثل هالمواضيع تنفتح معها شكرا لك |
اخي الكريم..
طالما انك تخجل انك تفاتحها في مثل هذي المواضيع... خلك طبيعي... على الاقل... أجلها اول ليلة... و ثاني يوم اسألها اذا بعدها تعبانة والا لا....:o و منها تقدر تفهم نفسيتها :) و الف مبروك :d |
اختي غناتي اشكرك على الرد
الظاهر اني بسوي حلك و اخلي الامور تمشي زي ما تبي شكرا لك |
اخوي
انا حاسه انك انت اللي تستحي بعد!! حاول تكسر الحاجز اللي بينك وبينها من الحين انا وحده استحي موت من خطيبي لكن هو ما شاء الله عليه ساعدني شوي شوي انت يا اخوي اتصل فيها كلمها بتفاصيل يومك كأنها عايشه معاك ودايما اسألها عن تفاصيل يومها شو سويتي اليوم؟؟؟ وكلمها بصراحه عن يوم الدخله حتى لو تمت ساكته هذا رايي والله ايسرلك امورك |
يا جماعه...
بيقولكم ما سلم عليها بعد الملكه تقولون خليه يكلمها عن ليلة الدخله؟؟؟ إسمع أخوي... أكيد إنت مستحي وهي كذلك.. وهذا شي طبيعي.. بس إنت داوم على المسجات الرقيقه.. وعلى الغزل.. وإذا بترسل لها بيتهم باقة ورد بيكون شي رائع.. ومسجات الغزل خلي فيها جس نبض.. يعني مثلا قولها بس أشوفك رح أسوي كذا وكذا.. شو رأيك؟؟ هي طبعا بتكون خجلانه بس هذا الشي بيكسر حدة الخجل والخوف بينكم.. ولا تشاورها بليلة الدخله.. لأن هذه المشاورات بتيجي تلقائيه بعدين.. ونصيحتي لا تأجل ليلة الدخله كثير.. يعني يومين على الأكثر.. لأن الوحده بتكون مهيئه نفسها إن في شي رح يصير.. وهي عارفه هالشي.. بالتالي باقي موضوع واحد.. ممكن إنت تقيسه وهو الوقت المناسب.. وهذا الشي إنت رح تحدده بعدين.. الله يوفقك ياااااارب.. ويسعدكم ويتمم لكم على خير :) |
أشوف الموضوع طبيعي مع كثير من البنات .. لكن لو أعطيتها المجال من البداية أكيد بترفض و بتستمر في الرفض خوفا و خجلا
أنا رأي بما أنها خجولة جدا تأجل الدخلة يوم أو يومين بالكثير و بعدها تتوكل على الله بس انتبه و رفقا بالقوارير .. فهمها انه هذا شيء طبيعي و كل بنات حواء بيمروا بهذي التجربة .. و ان ماكانت اليوم بتكون بكرة .. و أشوف التأخير مو في صالح أحد .ز يومين ثلاثة و ان شاءالله يكون الوضع تمام بالتوفيق منك المال و منها العيال بإذن الله |
عذوب معك حق انا مستحي يمكن اكثر منها
لكن لو لقيت تجاوب منها في الموضوع بطرحه لكن المشكلة هي تستحي لو ناديتها باسمها! و لي الان اكلمها اكثر من شهرين و دايم انا اللي اتكلم هي مجرد مستمع ما ترد الا بايه او لا ! قلت لها اكثر من مرة وش تسوين وين تروحين ابيها تسولف لي بس ما عندك احد مشكورة على الرد == دندونه فعلا اثنين مستحين بس انا مستعد اكسر الحياء لو هي حاولت معي المهم انك قلتي اللي ابيه لان سؤالي بصيغة ثانية هل العروس تكون مهيئة نفسها للدخلة في الايام الاولى او لا و انا بيني و بينك ما قصرت معها و الله في المسجات من كل الانواع بس لا حياة لمن تنادي شكرا لك === ابو اسامة احد الاقارب ذكر لي انه ما دخل بزوجته الا بعد 25 يوم و يقول الحمد لله انهم مستانسين سالته هل هي مستانسة و قالت لك عن الموضوع قال لي لا قلت اجل ما يحكم عليكم فحسب ردك و رد الاعضاء ان التاجيل يمكن يكون ضار للطرفين و هذا اللي كنت ابيه شكرا لك اخي الكريم |
اقولج شي يا خوي
بس ما اعرف في عضو في المنتدى اسمه خلك ايجابي او شي بهالمعنى وكان له تجربه وايد حلوه بهالموضوع واتقلبت خطيبته 180 درجه لو حد من الاعضاء يساعدنا بوضع الرابط |
و الله يا ليت اختي عذووب
لان بديت اشل هم من الحين شلون اغيرها شكرا لك |
اقتباس:
اعلم ان الله يحبك بحياء زوجتك بعدين وين رايح تسلم عليها خلاص طالما انك قلت زوجتي وعقدت عليها ليش تاجل ذكرتني ايام نسلم المشاريع دايما نحب ناجل موعد التسليم ونتحبب راس الدكتور:) |
اخوي المعماري مهندس
انا والله ولا تعلم احد ما ودي اروح لها ايام الملكة انا ودي اخليها يوم الزواج بس اشغلوني العالم لازم تروح لها على شان ما تخاف منك يوم العرس (اللي يسمعهم يحسبني باكلها) عاد الزبدة اني يوم قلت لها و عيت علي قلت الحمد لله جت منها بس صرت اخاف اني يوم الزواج اتورط بها و تصيح علي انا ماراح اسوي شي لها ولو تبيني اطلع من البيت طلعت الين تحس اني وش حليلي :) بس ودي اول يوم في الزواج و اللي بعده تصير جلسات ودية و سواليف و سعة صدر مابيها (كاشة مني) من اول يوم فابي اوصل لها اني بجلس معها فقط الين ييسر الله امرنا على طاري المشاريع تصدق اني الى الان افكر في هالموضوع و اننا ليش ناخر تسليمها مع انها تزيد حمل علينا و جلست اقارنها بموضوع الدخلة بس اكتشفت فرق جوهري صح اني انا طرف في القضيتين بس القضية الاولى لو تسلم للدكتور المشروع اليوم او بعد اسبوع و الله ما يناظره يعطيك درجة من راسه اما القضية الثانية فتدخل فيها الزوجة و عليها اما ترسب او تنجح <==== معبا راسي من زملائي :( شكرا لك |
شوف أخي الفاضل..
الخوف والصياح توقعه في اول ليلية.. بس واضح إنك طييييييب وماراح تجبرها أو تضغط عليها .. بالرااااحة يوم يومين ثلاثة.. لين تتعود عليك شوي.. الدنيا مابتطير.. |
بحرينية هذا اللي ما ابيه
مابي صياح من اول يوم اخاف تدري انه سلاح ما اقدر عليه ثم تستخدمه ضدي كل يوم :( مشكورة |
السلام عليكم والرحمه
انا عضوه جديده عندكم بهالمنتدى واستنى الترحيب الحار منك [IMG]Big Grin22[/IMG] على فكره اخوي انا بنت من البنات اللي استحي حتى من ظلي حتى من صديقاتي استحي وماحب حد يقعد يطالع فيني حتى لو اهلي بالبيت يعني انقط حيا والله يستر بس بس صدقني لو استمريت وكثرت مكالماتك معا خطيبتك وانت بنفسك فتحت قلبك لها وحاولت انك تناقش حتى مشاكل الدوام ولا مشاكل صارت لك من قبل وحسستها انها انسان مهم بالنسبه لك وانك محتاج لها ولنصايحها بتزيد من ثقتها فيك وثقتها من نفسها وبتاخذ وبتعطي معاك ومش بس بهالمواضيع يعني حتى اسألها وقولها مثلا انا اليوم بطلع اشتري الشي الفلاني شو رايك باللون كذا بيناسبني ولا انت عندك رأيي ثاني يمكن حلولي على قدي بس تصدق انها كانت سبب من اسباب تعودي على خطيبي وصرت ما استحي منه مثل قبل وحسسها دايما انها محبوبتك وانك فخور فيها وانك مالك غنى عنها بالمره يعني هواك اللي تتنفسه والله يوفقك ويفتح عليك ابواب الخير ويسمع عنك اخبار حلوه وطمنا عليك بعدين بس لا تنسى تعزمنا عالعرس اوكيك[IMG]smilie[/IMG] |
اختي وحده من القمر
انا مبين لها هالشي بس ما احس انه هامها ما اشوفها تغيرت او لازم اصبر شوي و ابين اكثر؟ شكرا |
سلام يالخارج عن الحدود .... انا نفس حالتك وبعد اعقد أنا ملكتي بعد 8 ايام من الان والزواج عقبها ب اسبوعين والمشكلة انا بأجي للملكة خميس وجمعة وراد لمنطقة ثانية يعني مافيه أمل نتقابل الى يوم الملكة ويوم الزواج المهم انا [اقولك عدة نصائح خليها ببالك وخلك من النصائح السطحية : 1- اولا حاول تزيد من ثقتك بنفسك وتقديرك لذاتك ... ولها طرقها وكتبها ومواقعها 2- لا تبني شخصيتك وردودك مع زوجتك بناء على ردودها او ردة فعلها وخاصة فترة الحياء الشديد ... فطالما تعرف ان هذا الشي اللي تعمله صحيح فأنت في السيف سايد لأن اعتمادك على ردودها يعني ان تبقى في تردد تام ... وطبعا وهذا يعتمد على معرفة ماهو الصحيح وماهو الخطأ 3 - يقولون خلك على طبيعتك .... >>> اصلا الموضوع اللي داخل فيه مومتعود عليه وطبيعتك مامرت بمثل هالامور لهذا انا اقول دام فيه حياء ( الحياء == وضع طبيعي جدا ) فحاول تبني سيناريو جيد وتعرف ماذا تعمل قبل الزيارات 4- قد تحدثك نفسك ببعض السيناريوهات وبعض التخيلات تجد لها قبول في نفسك انت ولكن بعد فترة تجدك تتراجع عنها او لاتتجرأ عليها ... وهنا أنا انصحك ان تتمسك بها فهي الطريقة الصحيحة ولن يمنعك غير الحياء الزائد عن الحد فحاول تعمل بتخيلاتك المقبولة 5- ايدلوجية مجتمعنا وخاصة السعودي فرض علينا بعض الافكار تبرمجت داخل أدمغتنا بأنها الحقيقة المطلقة والغير قابلة للتغيير .... عندما تتزوج فتيقن ان لا تربط هذه الافكار بالزواج وبالاخص العلاقة بين الرجل والمرأة 6- اخترع حلول نفسية لك تساعدك على تخطي الحياء الطبيعي 7- تخيل انك مكانها نفسيا ... وعلى ضوءه قرر. 8- لا لا لا تزيد الامور سوءا بالحياء الزائد والمبادرة دائما هي المفتاح 9- ما الافضل عندما تتقابل مع شخص قوي الشخصية ام مع شخص متردد 10- خفف على نفسك ولاترهب نفسك واقتنع انك تتعامل مع شخص يتقبل منك اي شي ويحبك يحبك يحبك كان الله بعوني وبعونك :) |
Sdeal
كلامك المفروض يفتح له موضوع باكمله 1- انا ثقتي مع نفسي كبيرة مشكلتي تعاملي مع الاخر اين كان هذا الاخر فانا حذر جدا جدا. 2- لا اخفيك اني بديت ابني تصور عنها بسبب بعض الردود و لكن اذا جلست لحالي اتذكر انه ممكن الحياء تركه تقول كذا او انها مع الحياء ما عرفت تعبر عن اللي تبي تقوله 3- بالنسبة للزيارات قبل حفل الزواج خارج من قاموسها! 4- كم ذكرت لك سابقا المشكلة تعامل مع الاخر دائما حذر . 5- لا اعيرها اي اهتمام اعتبرها كتجارب مرت فقط 6- لهذا اطلب منكم المساعدة ابي حلول تساعدني منكم , اما مني فما قدرت :( 7- لو تخيلت الوضع هذا معد كلمتها ! 8- ما عندي مشكلة بس مدري هل تتقبلها زوجتي او لا ! 9- مع شخص منفتح لكل الامور 10- السؤال هل هي تحبني و انا لم ارها و انما كلمتها !!!! اشكرك جزيل الشكر على ردك الرائع و الرائع جدا تحياتي العطرة لك :) |
ياليت احد الاعضاء يبين
عدم تفاعل الزوجة في فترة الملكة مع الزوج في الرسائل او المكالمات هل هو تغلي او حياء ؟ يعني تدور اقرب فرصة انها تقطع المكالمة او ما ترد بالرسائل! |
السؤال هل هي تحبني و انا لم ارها و انما كلمتها
أنت جاوبت على السؤال أخي الكريم من خلآل ردك شلون تبي حب من غير ما تعيش معك وتاخد وتعطي معاها هل هو تغلي او حياء نعم حياء وبالدات في مجتمعاتنا الخليجيه وبالدات إن ما تكون فترة الخطوبه طويله في المملكه بس تراها عندما تنام تدكر كل كلمه قلتها في الهاتف وتستانس بها وتدغدغ قلبها بها يعني تدور اقرب فرصة انها تقطع المكالمة او ما ترد بالرسائل! ياأخي البنت ثقيله لأنها مربيه أحسن تربيه مو أنت ماخدها من بيت مو من شارع !!!!!!!!!!!!!!!!!!!!!!!!!!!!!!!!!!!!!!!!! للأطمأنان أنا من هدة الشاكله من البنات وعندما كنت أأتي من بيت خطيبي أدغدغ قلبي بكل كلمه قالها لي والحمد لله صار لنا عشر سنوات زواج |
اوكي ارجع واركز واقول .... المفتاح هو الثقة بالنفس صدقني
بالنسبة ليش ماترد ؟ المكان غير مهيأ لها كي تسترسل معاك وايضا لاتجد شي لتقوله لك .. حاول تعرف مايهمها ... تكلم عنه ... والرسائل التي ترسلها جميلة جدا وقمة في الرومنسية لدرجة انها لاتجد ماهو بمستوى هالرسائل لترد عليها .... حصلت معي اكثر من مررررررره على فكره مره سحبت علي خطيبتي ولا رسلت لي رد على اكثر من رساله .... قمت ارسلت لها رساله كالتالي حبيبتي جوالك مفصول صح ؟ ( اعرف انها ماحصلت رد لرسالتي الاولى ... قمت طلعت لها عذر وهي ماصدقت ورسلت لي من نفس الجوال>>> ( ايه مفصول ) مسكينه انكسفت واجد ) لكن رجعت عذرت لها وقلت ماشاء الله صايره تعرفي خدمة 48 ساعة من الاتصالات :) اما مسألة المكالمات :: انا مابعد كلمت خطيبتي بكلمها ان شاء الله بعد الملكة لكن انصحك ..... لاتكثر عليها مكالمات يعني ابو 5 دقايق كل مكالمة لحد ماتتأقلم شوي حاول تكون المواضيع سوالييييف فقط وليس اتفاقات تخطيطيه مستقبليه بس انت ارفع لنفسك واكبس ...... والامور الى خير اذا اراد الله |
اختي ام جهان فعلا لم ارها الا في الخطبة (النظرة الشرعية) لكني لا اخفي عليك اني احبها من اول يوم كلمتها!
هل هي تبادلني نفس الشعور او لا او كيف اعرف الشي هذا ؟! اذا كان حياء فانا اعذرها تمام طيب اذا هي ثقيلة هل من المفروض اني اثقل معها او لا ؟ شكرا لك على الرد |
اخوي Sdeal
انا من النوع اللي الحمد لله اعرف الشخص اللي معي بمجرد مكالمته ثلاث الى اربع مرات او افهمه تقريبا لكن مع زوجتي كل يوم شكل و فعلا انا متنقي رسائل و اخذ مني جهد كبير و الحمد لله بدات اليوم احس ان الرسائل ماثره عليها لاني اليوم ما ارسلت شي لانشغالي في العمل و بعد العمل و ارسلت لي تستفسر ليه ما ارسلت لها (يكفي رسالتها) و اما مكالمتي لها فوالله انها سواليف عابرة ولا فكرت اتكلم عن اي موضوع يخص الزواج اتوقع انها شايلة همه و تبي تبعد عنه و انا مقدر ظروفها انسان غريب ما تعرفه و هي ما تعودت تكلم غريب و بتعيش معه كل العمر ان شاء الله بس لازلت اسال الى متى و هذا الشعور بيكون معها ؟ اشكرك على التفاعل و اسال الله لك و لي التوفيق في الحياة الزوجية تحياتي |
اخوي معليش ...
هاذي دخله بلغلط ... شكلك شنب وتخوف ... ......هههههههه .... (امزح) ماشاء الله الاخوان كفوا وماعندي شيء اضيفه .. الله يوفقك ويسخرلك زوجتك ..... ويسعدك دنيا واخره ..... قول آمين . |
أخوي .. إذا انتم متملكين من فترة طويلة وهي الى الحين تستحي منك فهاذي والله مشكلة !!
صحيح إن الحياء صفة حلوة في البنت لكن ما توصل لهذي الدرجة .. المفروض انها تكون أخذت عليك وان الحواجز اللي بينكم تكون ذابت .. المهم .. انت عليك الحين انك تخلصها من خجلها .. حاول تكون جريء معها بالتدريج .. عشان هي تتغير وتبادلك نفس الجراءة .. ترى موضوع الخجل هذا إذا طول صدقني رح يتعبك .. بالنسبة لليلة الدخلة .. شوف نفسية البنت ومدى استعدادها لهاذي الليلة .. وحاول إنك تختار الوقت المناسب على حسب نفسية البنت .. بس إذا تبغى نصيحتي لا تأخر هالليلة أكثر من اسبوع .. الله يوفقك .. |
اصغر اخواني و الله اني حبيب مرة :)
بس يعني تعرف \ تعرفين ان حياتك مع شريك عمرك تكتب لها النجاح او الفشل يمكن بتفاصيل صغيرة ما ينتبه لها احد الله يسمع منك الدعاء و لك مثله. شكرا لك == شاطئ المحبة هذي مشكلتي باختصار اخاف يتعب الشي هذا بعدين معك حق لازم انا اكسر الحواجز بس كيف ؟ ابي مساعدة من اللي تزوجوا قبلي شلون سووا بما يسمى كسر الثلج انا اول مرة اتزوج اما اختار الوقت المناسب فانا ماعرف شلون اختاره هل المقصود اسالها ؟ شكرا |
وش ثلاث اسابيع
الشغل لازم يكون اول باول يعني حار يافول |
اخوي ابو ثنيان
فيه طرف ثاني معي لازم يكون مرتاح مابي ابدا حياتي معها بقلق نفسي لها ! شكرا لك على المشاركة :) |
| الساعة الآن 09:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©