|
أتطلق منه وأنا بأول حمل لي؟!! (عدت من جديد)
السلام عليكم ورحمة الله وبركاته أدري اني انقطعت عنكم فجأه وأظن أغلبكم نسى موضوعي لانه صار لي شهرين تقريبا من آخر مره كتبت فيها المهم موضوعي تسكر لانه وصل 12 صفحه وانا ما رديت فتحت موضوع جديد لاني وصلت لمرحلة التشبع من الكلام والنصايح وعطيت نفسي فرصه عشان اراجع نفسي للي يبى يتذكر الموضوع أو اللي يريد متابعة موضوعي من البداية اليكم الرابط أتطلق منه وأنا بأول حمل لي؟!!! ملخص سريع عن الاحداث اللي صارت بعد آخر رد لي كان آخر اسبوع لي بوظبي بالصوالين تعرفون شغل حريم صبغ وقص وبدكير ومنكير وحنه وسمكرة وخرابيط وطبعا ما نسيت قمصان نوم جديده صراحه هو تجديد وفي نفس الوقت اللي قبله تضيق علي لان بطني كبر:d المهم رحنا نفس اليوم جابوا الاثاث عشان نحطه مع بعض على ذوقنا واهله جابوا القبيله كلها عشان يساعدونا وما قصروا مشكورين وممنونين لهم صحيح انهم يبون كل شي على كيفهم تخيلوا حتى مكان سرير غرفتنا يبون يحطون المكان اللي يعجبهم! بس انا كبرت عقلي واسترجعت كل نصايحكم ومشيت عليها والحمدلله صار اللي انا ابيه ادري الموضوع تافهه عند البعض بس هو انجاز عندي لاني قدرت افرض رايي بدون ما انحرج وفي نفس الوقت بدون ما ارجع لزوجي واعوره له راسه بسالفه تافهه اللي جاي كله فضفضه ومو لازم تقرونه تقدرون تنطون لتحت عشان تعرفون مشكلتي اللي ابى حل لها هذي فضفضه من جأنا دبي وزوجي وابوه يحاولون يقربون بيني وبين اهله المهم انا شلت كل اللي بقلبي عليهم وفكرت بكلامكم انه لازم اصفي النيه اذا مو عشانهم عشان زوجي عالاقل.. بس طرق زوجي ما كانت تعجبني .. وانا مثل ما صرتوا تعرفون ما احب حد يفرض علي شي --- قبل كل شي (ترى هذي لين الحين ما قالت شي!!) ابى اقولكم ان انا بآخر اسبوع لي ما كنت نايمه زين يعني باليوم كنت ارقد 2 ولا 3 من التهابات نسائيه كانت فيني وعذبتني موت وجيت له وانا بعدني على هالحاله وأزيد ==> جايتكم بالموضوع اللي يخص هالنقطه بس تحت المهم بذكر المواقف اللي صارت لنا: (( 1 )) بثاني يوم لنا فدبي كنت رايحه العياده العصر عشان اتابع علاجي وعطتني الدكتوره تحاميل أثرت سلبا فيني وما ناسبتني فعشت عذاب فالليل لين الفجر ولين ما طلعت الشمس... وزوجي كان المفروض بثالث يوم الصبح يروح بوظبي لان عنده شغل ومنها يوصل عمه المستشفى ... الساعه 5 ونص تقريبا .. صحيته من النوم قلت له تعبانه وبموت لازم اروح المستشفى.. تخيلوا شو قالي.. انا وراي خط لبوظبي.. وتعرفين لازم اوصل عمي المستشفى!!... يوم برد الظهر بوديج انتي حاولي تنامين!! مجنون هذا!! انا لو جاني نوم كان نمت قبل لا تقولي يا الذكي.. يوم شفته قاعد يهذي اخذت موبايلي ورحت اتصل فابوي وهو يركض وراي عشان يسكر لانه يعرف احراج وما صرلنا ايام بدبي .. بس انا اتصلت وقعدت اصيح واصيح .. ابوي مستغرب من برودته وكلمه وقاله انا اصلا كنت بوديها!! :29: رحنا وخلصنا بس .. الموضوع طبعا ما ينسكت عنه خصوصا اني حامل وهذا فيه خطوره على ولدي صح ولا لاء؟ وبعد لاني شفته انه مو حاس انه مسوي شي غلط.. وانا ما اباه يعيد اللي صار فكلمت امي وشكيت لها لاني اعرف ابوي يمشي الموضوع .. قامت امي باليوم الثاني وكلمت ابوه وعطته من ذاك التهديد اللي تعلمهم الاصول وقالت ترى بنتي امانه واذا انتوا مو قدها بجيبها عندي لين ما تربي.. وخلي ولدك عندك وربيه من جديد .. وابوه موته وحياته ولا اروح من عندهم مو عشاني عشان كلام الناس وصورته جدام اهله .. واتصلت بزوجي بعد وعطته من ذاك الكلام وهو طايح كذب جدامي عشان يطلع نفسه بريء .. ما فشلته ولا تكلمت بس لما سكر قلت له انت كيف تكذب عليها ... قال خلنا نتابع الفيلم .. انا سكت لاني حسيت انه خاف وعرف ان وراي اهل مو عاقيني عليه.. --- (( 2 )) نفس اليوم اللي رحنا فيه المستشفى الفجر .. طلعنا على آذان العشا وقال يبى يمر بيت اهله ياخذ اغراض له.. قال بنزل باخذ عالسريع وبرجع بس لما وصلنا قال نزلي بروح اصلي لان اذا ابوي شافني فالبيت وقت الصلاه بيعصب.. قلت له انزل معاي وبعدين روح .. وكنت معصبه لان انا عرفت انها حركه عشان يوديني بيت اهله يعني اونه يبيني اسوي الواجب وانا ما عندي مانع .. بس طريقته ما عجبتني وانا ما احب حد يحطني جدام الامر الواقع ويفرض علي شي.. المهم رجع واشوف الاخ ماخذ راحته وقعدنا لين الساعه 11ونص انا كنت امشيه الوضع وقلت في نفسي خير ما سويت عشان ما يقولون اني ما اجيهم بعد .. بس اشوف محد مسوي لي سالفه وكل واحد داخل غرفته وانا قاعده بالصاله قلت يلا صرت من اهل البيت ورحت لهم الغرفه عند خواته .. المهم طول اليوم وامه تلمح وتمسك علي اي كلمه عشان تعلق تعليث بايخ مثلا.. زوجي قاعد يتدلع على امه يوم تقوله روح اتعشى يقول ما ابى برد البيت حرمتي بتسوي لي .. هي ما صدقت قالت انتوا كل يوم اكلكم من برى بعد تقول عشا على آخر الليل.. هي تقوله بس الكلام لي يا جاره.. انا طنشت ولا كأن حد يكلمني.. هو صحيح كان اكلنا من برى بس الا هي 4 ولا 5 ايام لاني كنت تعبانه .. بس قلت المهم زوجي يعرف مو لازم هي تعرف... وغير جذي لما زوجي يسألها صح بيبسي ولا شيبس وهالسوالف مب زينه حق الحامل اطالع فيني باحتقار وتقول وانا اش دراني ...عيوز يايبه درزن عيال تقولين ما تعرفين.. بس هي منقهر لان زوجي مهتم فيني.. حتى انه لما كان يضرب اخوانه الصغار تقوله ليش تضرب عيال اذا ايدك تحجك قوم اضرب حرمتك!!!.. انا قهرتني لاني اعرفها ما تمزح وهي قاصده تحرض زوجي على هالشي .. بس انا ما سكت لها عن هالشي .. قلت لها ماله حق انا بنت ناس مو اخته ... وزاد عليها زوجي وقال تعرفين هي حامل حرام تنضرب... وهي قاعده تموت قهر زياده وزياده!!! انا ما كنت راضيه لا اني اقهرها ولا هي تقهرني ... بس هي كانت طايحه فيني مع انه اول يوم اجيهم.. وصار لهم 4 شهور مو شايفيني.. بس شو أقول.... ------ من هالحركات وهالمواقف اللي مرت علي ولاني اول مره ابتعد عن اهلي ... وكتمت كل شي بقلبي ولا فضفضت لاحد حسيت بثقل على صدري .. بس كنت اصبر نفسي.. ويوم كنا طالعين نتمشى ... ما ادري ليش فجأه جاتني حالة صمت وودي ارد البيت .. مع انه يعرفني اموت عالطلعه.. وقريب البيت انفجرت صياح الله لا يراويكم ما قدرت اسكت نفسي وهو خاف .. ويبى يعرف شو فيني وانا ما قدرت اتكلم وما ابى اتكلم ... لاني عرفت اذا تكلمت بجرحه وبرجع اايام النكد.. ورحنا البيت وانا بعدني اصيح وما غير اقوله ابى اروح بيتنا ابى اهلي... هو اصر يعرف فقلت له.. قلت شوف انا مو جايه من بوظبي عشان اتهاوش ويا هذا واقهر ذاك .. انا جايه عشان ريلي وبس وهو مو فاهم .. فقلت له باختصار انا ما ابى اروح بيت اهلك لاني ما احب تلميحاتهم وبعدين هم ما يبوني ولا يسألون عني ولا قالو لي تعالي بس انت ترز وجهي عندهم.. وانا اعرف انهم ما يحبوني ومو مجبورين يحبوني بس ما اباك تفرضني عليهم.. شكلي كسرت خاطره ورد علي كعادته يدافع عنهم قالي كلمتين .. خلاص كيفك لا تروحين عندهم مو مجبوره.. اهني هديت ونمت لاني حسيت واخير من جيت ان حد فاهمني ----- اهني بوقف قرقرتي الزايده اللي مالها داعي ..ادري بنضرب لاني تكلمت وايد تعرفون اسلوبي طويل ومفصل وكله فضفضه هذي مشكلتي هي احد المشاكل اللي ذكرته بموضوعي القديم... كل يوم قاعد يأكد لي انه زوجي مو حريص ولا هو ما عنده هو باختصار بخيل مثل ما قلت لكم اتفقنا انه يمشي لي مصروف شهري ووصلنا او اللي قدرت اسحبه منه هو 1000 درهم وهو راتبه 8آلاف واشوي بس يستلم منهم 5آلالاف واشوي والباقي على قرض.. المهم الفتره اللي كنت فيها بوظبي وهي شهرين كان مصروفي يروح عالعياده ولما اطلب منه كان يتحجج بان ما عنده .. هذا ونحن ما كان عندنا بيت ولا مصرف بذاك الوقت يعني وين يودي فلوسه ما اعرف!!! وبعدين لما جيت اهني وصارت عندنا ملجه سريعه لبنت خالتي محد لحق يجهز له فستان فانا قلت باخذ جاهز بس طلعت من بين الفساتين القديمه شي يناسبني بعد ما بدا بطني يبان... المهم وفرت عليه سعر فستان وعطاني 500 اجهز به باقي اغراضي وحق الصالون .. وانتوا يا الحريم ادرى بان 500 ما تسوي شي بس انا مشيت نفسي وما اشتكيت وغير جذي فصلت لي كم كندوره (جلابيه) حق فتره الحمل وقالي هو راح يدفع بس الحين اشوفه ما يبى يدفع ويقول ما عنده.. ويباني احط من مصروفي وانا اذا حطيت بيروح كله واقعد مفلسه من اول الشهر.. هو الا يبى يطير اللي عندي ويفلسني بعدين يفكر اذا بيعطيني ولا لاء بس انا ادري ما بيعطيني فخليت كناديري فالخياط.. والحين اقوله ابى فستان حق عرس بنت خالتي لانه قريب بعد شهر ونص يقولي اصبري بعدين!!! ويوم رحنا الجمعيه ناخذ اغراض البيت انا قلت له ترى يبالنا ميزانيه 1000 درهم تقريبا وهو حاط بباله 400 ولا 500 وانا ما قصرت وخذت كل اللي نباه مره وحده لاني اعرفه بيقص علي يقول خذي اشوي والباقي بعدين!!! المهم وقت الحساب هو كان ضامن انه بيدفع 1000 وشي بس سبحان الله كيف طلع 500 ما ادري مع اننا خذنا وايد اغراض تقريبا عربانتين!!! حتى هو استغرب.. المهم قلت له انت كنت حاط فبالك بيروح 1000 درهم وكنت رضخت يعني للامر والحين وفرت على نفسك 500 ليش ما تزيد فوقهم حبتين وتجيب كناديري قال لا!!! نبى نوفرهم يمكن نحتاجهم!!! وسبحان الله كل هالبخل وآخر شي الله يبليه بشي تافهه ولا بخراب بسيارته اطيره كل فلوسه اللي كان موفرها وانا اقوله لما كنت ابى ما عطيتني وهالسخافات ما استخسرت عليها.. بس هو شايف انه حط بشي اهم .. الله يسامحه يستخسر فيني دايما وانا ادري هالطبع جايبه من ابوه لانهم متعودين بيتهم يستخسرون الفلوس عالحرمه تصدقون حتى لو كنا متفقين على شي معين ونعرف سعره اقوله عطيني فلوس لاني رايحه مع اهلي بآخذه بالمره يقول لاء لما انا وانتي نروح بروحنا بناخذ.. تدرون ليش؟ لانه حرام عنده الفلوس تنحط بايد حرمه!!! وآخر شي صار انه تم وبمكرمه من الشيخ خليفه الله يحفظه .. صرف مبلغ صندوق الزواج بسرعه لكل اللي تزوجوا بـ 2005 وقبله وهو بمقدار 70 ألف درهم مثل ما انتوا عارفين لكل المتزوجين مع ان ناس متزوجه من 3 سنين وما حصلت لين الحين المهم حط 40 ألف على ايجار الشقه و3500 على التأمين و1500 انسحب من البنك على فيزا كارت.. باقي 25 ألف خمسه حطهم بالبنك و20 جاء اخوه وتسلفهم منه بكل برود وهو طبعا ما رفض لانه اخوه اونه محتاج يعني الحين يا الدب ما لقيت تتسلف الا من اخوك اللي متزوج ووراه بيت ومسؤوليات .. عنده اخوه الثاني ولا ابوه .. وهو ريلي قالي كلمه زعلتني وخذت على خاطري بس سكت قلت له تعرف هالمبلغ يعطون اللي يتزوج يعني حقي وحقك الزبده عطيني منهم شي او خذ لي مو بايل جديد (لاني اعرف فلوس ما بيطلع منه) قال بس انا ابى اسلف اخوي ولا تبينه يزعل مني ..انا قلت فنفسي يعني انا ازعل بالطقاق الا 1000 واشوي حق موبايل شو بيستوي!! بس البخيل بيتم بخيل وانا ناويه افتح معاه السالفه جديا لاني من جيت دبي وانا ساكته عنه وايد واشوفه اذا ما انعطى العين الحمرا يكبر راسه زياده وابى ابدى معاه من سالفة 20 الف اللي سلفهم حق اخوه لانه كان مبلغ مكمل للي عنده عشان ياخذ بهم سياره بس اشوف لا سياره ولا شي ولا البارحه يقولي انه يبى يتسلف منه بعد لانه يبى يسافر مع ربعه الحين بذمتكم في حد يتسلف قبل ليحصل السياره ولا هي نكايه فيني يعني!!! يعني خذ الفلوس وحط عنده!!! ليش ان شاء الله!! حد يعطيني سبب قبل ما انفجر على ريلي بهالموضوع وأخير ادري بتقولون لي لا تخلين الفلوس تخرب بينكم بس لا تنسون ان انا حرمه بالنهايه واحب سوالف الللبس والكشخه مع ان صارلي 5 شهور تقريبا ماخذت لي بدله جديده ولا نعال جديد ولا حتى شنطه ... وهذي مب حاله مو انتوا قلتوا لي لا تشكين لحد من اهلج هذاني جيتكم :d |
بصراحه أنا مصدومه....
معقول إنت تتكلمين من كل عقلك؟؟ يا شيخه حرام عليك زوجك... ما غلط فيك ولا شوي.. بالعكس.. هو جدا محترمك ويخاف عليك.. وأنا ما شفت من أسلوبك كلللللللللللللللللله غير.. العصبيه.. والجمود.. والنفتره... حرام عليك يا شيخه... راعي زوجك أكثر شوي... إنتوا شخصين.. ورايحه تشتري لوازم البيت بألف ريال؟؟ ليش إن شاء الله؟؟؟ إنت لما تزوجتي هل إشتريتي أغراض ولبس وفساتين أشكال وألوان؟؟؟ لسا هاللبس ما مر عليه 5 شهور على حد قولك... وتتذمرين لأنك ما اشتريتي شي جديد ؟؟؟ سبحان الله.. زوجك لو رح يرد عليك بكل طلباتك ما رح يخلص يا حبيبتي.. وأنا عارفه طبع النساء جيدا... كل وحده منا تحب يكون عندها كل يوم فستان جديد وموبايل آخر موديل.. وسياره آخر موديل وخادمه وسائق و و و و .. بس لازم يكون في حدود لتصرفاتنا.. الرجل دايما يفكر بالعقل... ويعمل حساب الأيام اللي جايه... يعني مو غلط لو قالك بنوفر شوي... الرجل ما بخل ب شي عليك.. إحمدي ربك... ودللي زوجك.. وواضح إنك مثلنا كلنا في بيت أهلك كنت عايشه ملكه وطلباتك أوامر.. بس الوضع شوي بيتغير لما الوحده تتزوج.. وفي وراها مسؤليااااات لازم تراعيها.. وآخر شي أحب أقولك " إن كان حبيبك عسل.. ما تلحسوش كله" على رأي أخواننا المصريين.. دمتي بخير,, |
بصراحة دندون شييييييي رهيب
وحتى شوفي توقيعها يحل لك المشكلة |
|
ييييييييييييييييييييييييييياه جد انهه دمك خفيف
حبيبتي والله انه باين زوجك طيب عاملك كل اللي بدك اياه لاتشكيلي لبكيلك ياحبيبتي لو تشوفي اللي عندي من زوج واهل بطقي بس لاني بحب زوجي بستحمل كل شي وكمان عشان ولادي اما اهله صدقيني تعلمت برود الاعصاب منهم لانه لو بلاحقهم بنجن لكني بالاخر قلت والله كل شي بوكله لربي هو العالم اني مااسأت لحدا بشي والله على الظالم حبيبتي هدي اعصاب لانه كنك معصبه اذا بدك الصراحه شكله حملك منكدك ومخليك مو طايقه حدا يمكن فيك بنوته لاني في حملي ببنتي كنت مستعده اطلب الطلاق من زوجي من كتر مكرهته وعرفت بعدين انه حمل البنات هيك . اما بالنسبه للفلوس قولي بس الله يعيني انا لانه حالتي مأساوية اكتر منك بكتتتتتتتير تخيلي انه في حملي ببنتي وابني التنين مع بعض ماشتريت غير 4 فصاتين حمل لاغير واول اتنين لما كنت حامل ببنتي ابوي اشترالي اياهم لما زوجي رفض تخيلي!!!!!!! وغيره كتير لكني قلت بحالي انه سيئات زوجي مقابل حسناته ولا شي وكلنا فينا عيوب مثلا انا زنانه وشكايه بطبعي وكسسسسسسسسسسوله وهدا اهم عيب فيه انا وباين عليك انت انك عصبيه وروحك بمنخيرك عزيزتي خففي عصبيتك وتحكمي بحالك كوني حكيمة لاتخربي بيتك لانك دلعتي شويتين ببيت ابوك كلنا ادلعنا حاولي ابدا ابدا ماتذكري عيوب زوجك لاهلك ابدا الله يوفقك انت وزوجك |
انا عارفه ان الموضوع عندك مهم وما اخذ جل تفكيرك,,,,,,,,, بس اسمحي لي ,, باقولك شي لاحظته في
كلامك وشكلك مومنتبهه له وهو ** انك تتكلمين كانك في معركه لازم يطلع فيها هازم و مهزوم والحياه يا حبيبتي ماهي كذا الحياه اذا انتي تبين نصيحتي الحياه ((حب وحبيب حب لله وفي الله وحبيب زوج وطفل واهل )) اختي هدي شوي وفكري في حياتك زين بهدوء ولا تخلين من الحبه قبه ,,, صدقيني انت اللي بتخسرين في الاخر اختك // لي مشاعر |
والله ما اعرف شنو اكتب لان بصراحة صعب جدا تفكيرك صعببببببببببببببببببببببببب وللاسف اهلك مشجعيك على هل تفكير
الاخت دندون اعطتك لب الجواب وما راح ازيد لان بصراحة ما ممكن ينردلك بألطف من هل طريقة بس اريد اعرف زوجك ليش وشلون متحمل حطي بعيونك واذا اهلك لهل درجة خايفين عليك خلي يعطوك مصروف الرجل معطيك خمس مرتبه شتبين اكثر ؟؟؟؟؟؟؟؟؟؟؟؟ اختي مرة وحدة افتحي قناة الجزيرة وشوفي مآسي الناس وبلاويهم شوفي النساء في فلسطين و العراق واندنوسيا ووووووو وتعالي كولي 500 درهم ما تكفي حق صالون |
اهئ اهئ محد فاهمني ياناس زوجي انا احبه واموت فيه واباه حقي وبس ما ابى حد يهتم فيه غيري وما ابى حد يسويله سالفه غيري وانا والله العظيم من مووضوعي الاول لين الحين تغير وااااااااااااايد وعصبيتي بانت فالموضوع لاني صرت اكتم وامشي على مبدأ طنش تعش بس مازال بداخلي زعل ما ابى افرغه على زوجي مثل قبل لاني فعلا مليت من المشاكل واللي كتبته فوق كله اشياء منرفزتني وحبيت افضفض اغلبه اشياء ما قلت له ولا جبت له سيره يعني لما اقول ما عطاني حق الصالون ولا فستان ما تضاربت معاه بالعكس قعدنا نتفاهم وعرفت انه ما يبى يعطيني لانه على قولته ما عنده انا ما شكيت له عن اهله بس لما صحت تكلمت وقلت راس الموضوع وما فصلت له لاني عرفت اني حساسه زياده عن اللزوم خاصه ان هذا اسلوبهم وهم بطبعهم دفشين مع بعض.. وامي اول من نبهتني على هالشيء وقالت لي طنشي ما عليج منهم dand00n انا عارفه انه وايد لان خالتي عندها 4 عيال واغراضهم يجي 1000 تقريبا بس نحن تونا منتقلين ما صارلنا 3 اسابيع وجيت على اخر الشهر وما اخذنا الا الضروريات فطبيعي باخذ اشياء وايد هالشهر لان البيت فاضي.. ولا العاده كنا ناخذ 500 ولا 600 اذا زاد انا صارلي متزوجه سنه تقريبا الا اسبوعين مو 5 شهور ولبسي هو هو من يوم العرس ما زدت عليه بعد ما تزوجت الا 4 يمكن 2 لعيد الفطر و2 لعيد الاضحى!!! وبعدين اللي صدق يخليني احسه بخيل هو ان خالتي تزوجت بعدي بشهرين وعايشه مع زوجها بشقه ومعاش ما يزيد عن 3 آلالاف درهم مع هذا اشوفها عايشه احسن عني ... مغيره موبايلها يمكن 4 ولا 5 مرات وكل اسبوعين ولا 3 رحت عندها شفت شي جديد وبيتها ما شاء الله كامل مو ناقصه شي.. ونحن اللي عيشتنا ومستوانا احسن خلاطه لين الحين ما عندنا!!! وانا راضيه انه يوفر بس ما يجي على آخر هالتوفير ويفر فلوسه على سخافه الا مسلف لي اخوه ولا عقه عالسياره ولا سوا طلعه محترمه مع ربعه طير نصهم انا اولى صح ولا لاء؟ الباقين برد عليكم |
الفارس26 شو أقولك !!! ما فهمتني:( Eman007 انا كنت سابقا اذكر عيوب زوجي بس الحين لالالالالالا اما سالفة المستشفى فهذا مو عيب فيه هذي نذاله وحقاره ولا احد يشوف زوجته تناقز جدامه من الالم وتصيح وما يحس!! لي مشاعر الحمدلله وحده تفهمني وتحس ان هالشيء كبير عندي.. وانا والله احاول اصبر نفسي بس ما في فايده... الفلوجة انا ما ادري شو سويت له عشان تقولين لي كيف متحملك!!! يا ناس انا قاعده اقول ان هالكلام كله بيني وبينكم وافكار قاعده ادور براسي ما طلع منها شيء لزوجي .. صح انا قلت له عن سالفه الفستان والصالون بس كان مجرد نقاش وانتهى ما تضاربنا عليه... وبعدين حبيبتي اهلي كانوا بيعطوني 3000 مصروف شهر وابوي كان راضي بس ما اضارب مع زوجي لانه خايف علي لكن زوجي رفض مو لانه يقدر يوفر لي لا لالان هالشيء يجرح كرامته ... يا سلام يفكر بكرامته ولا همه اتعذب وانحرم !!! وبعدين انا احمد ربي مليون مره عالنعمه اللي انا فيها والمصايب واللي قاعد يستوي بالدنيا انا اشوفها بس هذا مو معناته احرم نفسي واقطع عمري عشان احس فيهم دام اني عايشه بنعمه ليش احرم نفسي!!! والصالون شر لابد منه في عرس بنت خالتي والعالم كلها تروح صوالين وهذي اسعارهم انا شو اسوي ؟!!.. ما احط شي لان العالم عايشه بمصايب!!! الحمدلله بس على عالنعمه |
والله ماكو شي
السلام عليكم ورحمة الله وبركاته
حبيبتي انتي كم عمرك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لان من كلامك يدل انك ياااااااااااهل:15: :15: :15: وحرام اهلك زوجوك وانتي بهالتفكيييير حرام عليك الريال يا شيخه اقري مشاكل المتزوجين وقولي الحمدلله على حالك تبين كل شي على مزاجك وهو الريال تبينه طرطوووووور ولا تقولين لأ لأن هذا اللي تبينه ردي لزوجك قبل لا يلقى الحكمه والعقل عند غيرك |
قريبتك هاذي اللي تقولين عنها إن عندها موبايل جديد كل شهر...
و زوجها راتبه 3000 ريال... أستحلفك بالله تروحي تسأليها من أين لك هذا... لأنها واحده من 2... يا تسرق يا تاخذ من أهلها... مع إحترامي الشديد لك... ولها.. لأن يا عزيزتي الموبايل الجديد تكلفته لا تقل عن ألف ريال.. يعني زوجها بيعطيها ألف ريال عشان موبايل كل مده ؟؟ وين عايشين هذولا؟؟؟؟؟؟؟؟ أكيد زوجها فيه شي غلط.. والله والله أنا مو ضدك... بس إنت لازم تكبري عقلك شوي وتفهمي إنه السعاده يبيلها فلووووس ويبيلها قنااااعه أيضا ! وإذا زوجك سلف أخوه مو مشكله.. بس إذا طلع سفريه مع أصحابه وتركك محتاجه هذي مشكله وأنا رح أكون أول الواقفين معك ضده.. زوجك مو بخيل يا غاليتي... إحسبيها صح.. والمفروض تفرحي لما زوجك مايرضى إنك تاخذين من أهلك مبلغ,,, لأنه رجل.. وكرامته تتعلق بهالشي.. أين رجولته وهو لا يصرف عليك؟؟ (هذا تفكير الرجال.. وهو صحيح ومافيه غلط).. وإنت لما خذتيه كان المفروض تتوقعي هالشي.. كلنا كنا عايشين ملكات.. بس الحياه الزوجيه غير.. ولا شو رأيك ؟؟؟؟ |
اقتباس:
بسم الله الرحمن الرحيم أختي العزيزة .... البابن عليك بجد صغيرة في العمر !!!! يعني كم عمرك ؟؟ حبيبتي الدنيا مو كذا أبداااااااااااااااااااااااا والباين عليك كنتي مدللللللللللللة جدا جدا عند أهلك والحين ماتبين تتنازلين عن شي أولا : حبيبتي الرجل بيهرب من المرأة النكدية الأنانية اللي مايهمها حال زوجها المهم هي تبي تصرف عن نفسها مثل ماكانت عن أهلها وتقارن نفسها بغيرها وتبي مثلهم !!! ثانيا: الرجل أحيانا بيخجل من ناس معينين مثل أخوه .. أخته وأحيانا صديقه ومايقدر إلا يعطيهم ... بس مايخجل أنه يقول لا لزوجته وخاصة "لما يلقاها مثل حالتك دائمة المطالب" لتعلمي أخية أنا متزوجة من 10 شهور وما اشتريت شي غير ممكن بدلة وحيدة وماهي غالية ... وحتى بالأعياد لبست ملابسي اللي جبتها معاي لأنها كانت جديدة ومو لابستها قبل !!! رغم أن أختي كل يوم تقريبا لبس جديد وموبايل جديد وسيارات أخر موديل .... بس والحمد لله ما أقارن نفسي بها ... بل وبحس نفسي أسعد منها لآن الرومانسية والحنية وطيبة وكرم وأخلاق وعلم زوجي .....تجعلني أسعد إنسانة بالدنيا .... مو الفلوس .... والله يجزي أبوي كل الخير سبحان الله "هو يعلم بحالة زوجي " لما شافني اشتريت البدلة كنت عند أهلي نصحني نصيحة ماأنساها " قالي يا بنتي انتي ماسكرتي سنة بزواجك وكل الفلوس اللي عطيتها لك قبل الزواج واللبس اللي اشتريتيه خلاص خرب !! قال يابنتي الرجل لا يحب المرأة كثيرة الطلب" وأنا أيضا ظروف أهلي وحالتهم المادية أفضل بكثير مما عليه زوجي الأن ... في البداية كنت أتدمر ..."بس أقل منك بكثيييييييييييير" بس الحين عرفت أني بضايق زوجي ونفسي وبعد !!! وإن السعادة تصنعيها لنفسك بنفسك بقناعتك !!! ثالثا: حبيبتي أنتي حاسة نفسك وكأنك في معركة وتبين تفرضين رأيك أنتي وبس وعصبيييييييية جدا وخلقك في راس خشمك "أنفك يعني" وهذا مايجوز و الحل في رأيي : أولا : اعلمي وتيقني أنه لا يوجد إنسان بدون عيووووووب .... وعلينا أن نتعايش مع هذه العيوب وأن نرى أن العيب فينا لأننا نراه عيب .... يعني بدل ماتقولين أنه زوجك بخيل .... قولي أنه عاقل وحريص ويبي يوفر لكم مستقبل لك ولعيالك ... وبعدين السلفة اللي عطاها لأخوه .... بتكون له في وقت عوزة بيقدر يردها منه ... بس لو عطاها لك بتصرفينها ومن دون رجعة !!!! ثانيا :حبيبتي وتعلميها وكل أخت .... المرأة الذكية هي التي ترضي زوجها وتأخذ منه ماتريد برضاه وبكل طيب نفس منه ... بالحيلة وبكيد النساء .... "وهو أبدا لايكون بالشجار والصراخ" ثالثا : وهي مهممممممممة جدا لا تقارنين نفسك بأحدددددددددددد أقولك قصة بسيطة : " أنا عندي خالة كذا اسفة بس تقريبا مثلك " زوجها يادوب حاله على قده وهي ماهي صابرة وتبي منه كل شي تبي لبس أخر موديل وتبي موبايل وتبي لعيالها أحسن وأغلى لبس ومادخالها بزوجها المسكين من وين يجيب الفلوس "حتى أنه صارحها أنه بدأ يفكر يتزوج عليها " حياتها كلها نكد وأولادها صايرة عنهم مثل حالة نفسية من كثر مايسمعون أمهم وأبوهم يتشجارون قدامهم .....والناس: اللي يشوفها يقول يابختها جمال ولبس وكشخة .... ومايدرون عن الداخل حبيبتي ... إرضاء الناس غاية لا تدرك وأخيرا : اللي مافيه الخير في أمه .... ما فيه الخير لأحد .... حذاري ثم حذاري أنك تذكرين أمه بالسوء قدامه .... لأن بصراحة جربي نفسك ... أنتي بروحك أكيد بتكرهين من يذكر أمك بسوء وهو سيكرهك لو قعدت تسبين أمه أو تقولين عنها كلامه مو زين ..... وبالنسبة إلى أنه يوصل مشاكلكم لها .... أنا أقولك حل : أنا مثلا مرة زوجي لما كنا مسافرين عند أهله اشتريت هدية عجبتني لبنت أختي الصغيرة ولأختي .... وزوجي من أول مانرجع البيت يحب أنه يوري لأمه كلل شي اشتريناه .... "طبعا أنا لو بقوله ما ودي أوريها بيزعل وبتصير مشكلة " وأنا ما أبي أوريها لآنها هدية لأختي أخاف تتحسس منها ... قلت لزوجي .... "حبيبي شوف أنا ماعندي مانع أننا نوري كل شي لآهلك بلعكس أنا أحب فيك اهتمامك بأمك ... "ومدحته شوي" بس حبيبي ولو أن أمك ماشاء الله عليها امرأة حكيمة وماعندها خرابيط النساء ... بس يعني هي في الآخر أم وأكيد بتغير من كنتها ... لأنك قبل ماتتزوجني كانت هي المرأة الوحيدة في حياتك والحين دخلت أنا وهي بتحس أني أخذتك منها ... وهي لو بنوريها الحين بتحسس وبتقول كيف يعني اشتري لأهلي هدايا ..... وأنا أبيها تحبني وما أبيها تحسني أني أجذبك نحو أهلي بعيد عنها ....قتله هادي وجهة نظري وانت براحتك" اقتنع زوجي بل بلعكس فرح شكرني على اهتمامي بمشاعرها .... وحصلت أنا اللي أبيه وبرضى بل وبسعادة زوجي آسفة جدا على الإطالة حبيبتي بس خلك حكيمة واتق الله في زوجك اتق الله في زوجك اتق الله في زوجك عن حصين بن محصن أن عمة له أتت النبي صلى الله عليه وسلم فقال لها : " أذات زوج أنت ؟ " قالت : نعم قال : " فأين أنت منه ؟ " قالت : ما آلوه إلا ما عجزت عنه . قال : " فكيف أنت له فإنه جنتك ونارك " . ** رواه أحمد والطبراني في الكبير والأوسط بسند حسن لو كنت آمرا أحدا أن يسجد لأحد لأمرت المرأة أن تسجد لزوجها " رواه الترمذى .قال الألبانى فى "إرواء الغليل" 7/54 :صحيح . حبيبتي راجعي نفسك .... وأعتقد أن رد كل الأخوة الذين ردوا تقريبا لم يتعاطفوا معك ..... ففكري جيدا وراجعي نفسك أين عساها تكون العلة أسأل الله لك بالهداية والسعادة والسلام |
حبيبتي وسعي صدرك ,,انتي تقولين صارلك 5 شهور ما مشتريه شي و مسميه زوجك البخيل والله انتي غريبه ,,اذا انتي صارلك 5شهور ما مشتريه شنو رايك بلي صاير لها 4 اربعه سنين ما مشتريه شي ,,ومحرومه من كل شي ,,بس الحمدالله اهلي قبل سنه ودولي اشياء بسيطه مدبره حالي فيهم و بينما انا كنت عايشه بعز و دلال ما يعلم بيه غير رب العالمين عند اهلي بس من تزوجت انصدمت لان زوجي انسان حريص جدا انا اكرهه كلمت بخيل و هو حريص جدا جدا جدا و علئ كل حال الحمدلله ,,حبيبتي زوجك ابدا مو بخيل بس الظاهر انتي حساسه و لا تخلين هذي الامور تاثر فيج لانها سراحه اشياء ما تسوئ
|
لم أرى مشكلك فيك بتاتا .. لكن العجب كل العجب في صبر زوجك عليك ..
وقوله صلى الله عليه وسلم : ((ثلاثة يدعون الله عز و جل فلا يستجاب لهم : رجل كانت تحته امرأة سيئة الخلق فلم يطلقها , و رجل كان له على رجل مال فلم يشهد عليه و رجل آتى سفيها ماله و قال الله تعالى : { و لا تؤتوا السفهاء أموالكم } )) . لكن عموما أن شاء الله تكونين كفارة لزوجك .. |
والله يا اختي حرام عليك زوجك وانا اقراء الموضوع بغيت ابكي عليه وسامحيني على هذا الكلام زوجك صابر عليكي
حبيبتي خذيها من اخت مو حلو الانانيه بالعلاقة الزوجية خلي زوجك يحس انه حقه هو حقك مو تحاسبينه كانكم فاتحين شركة وانا اللي شايفته انه زوجك مو بخيل ولاشي انتي ياحبيبتي اللي مبذذذذذذذذذذذذذرة وتحبين المظاهر اكثر من زوجك وكمان مو حلو كل اشوي تدخلين اهلك في الموضوع فين الخصوصية واذا كنتي مو قادرة تستقلي عنهم ليش اتزوجتي حرررررررررررررررررررررام اللي تسوينه اتقى الله في زوجك "وجعلنا بينكم مودة ورحمة" وبعدين حاجة ا خيره عندها حق امه تزعلك لانه مو اشوي اللي تسوينه في ابنها الله يهدييييييييكي |
اقتباس:
مشااااااااااااااركة عااااااااااقلة من امرأة حكيمة استفيدي منها بارك الله فيك وهداك للخير. |
حيرانه بوظبي
الله يهدي سرك ويسعدك ويسخرلك زوجك حبيبتي باين انك بتغاري عليه اهدي الغيره بتحرق صاحبها محدا بيستاهل تحرقي نفسك عشانه يارب يهديك ويهديلك زوجك ويحنن قلب امه عليك ويرزقك بالذرية الصالحة (خواتي ليه التجريح لما حدا يقول مشكلته كلنا نعاني من مشاكل ويكون وقتها تفكيرنا مو صافي ولما تهدا قلوبنا نقول ليه كنت افكر بهاي الطريقه ،،، هدا تفكير الغضب مو لازم نقول كلام قاسي احنا المفروض اخوه مانجرح بببعض بالعكس نحترم تفكير غيرنا عشان غيرنا يحترم تفكيرنا ) |
أختي العزيزة ،
أضم صوتي لصوت جميع الأعضاء في المنتدى .............. مبلغ 1000 درهم مصروف شهري لك وانت غير موظفة ولا يوجد عندك اطفال والأكل والشرب مسؤولية زوجك يعتبر مبلغ كبير جداً في بلدي ، بل يعادل راتبي بقليل ، فحلفتك بالله على ماذا تصرفينه ، أختي أرجوك تذكري أن هناك الافاً من الفقراء لا بل مئات منهم في جميع انحاء العالم من المسلمين لا يجدون اللقمة ليأكلوها وأنت غير معجبة بمصروفك ؟ تذكري المساكين في فلسطين والعراق وفي افغانستان تذكري المشردين في الباكستان واندونيسيا من جراء الزلازل واحمدي ربك ليل نهار على أنه منحك الاستقرار والزوج والعائلة وقريباً إن شاء الله الأولاد، وارجو أن لا تزعلي مني ولكني أرى أن أسرتك قد دلعتك والدليل اتصال والدتك مع زوجك فوالله مضى على زواجي سبع سنوات ونصف ولم يحدث أن اتصلت مع أمي واخبرتها بشئ ولا حتى هي بعمرها رفعت السماعة على زوجي ، انت عندما تزوجت كان يجب ان تعرفي ان بيت الأهل تلهية وبيت الزوج تربية كما يقول المثل العامي عندنا .............. واعتقد أن أهل زوجك انت كرهتيهم في نفسك من تصرفاتك معهم .......... لا تدخلي اهلك في أي موضوع بينك وبين زوجك واقتصدي في مصاريفك قليلاً وتوددي لأهل زوجك وكوني طبيعية غير متصنعة معاهم وقبل كل ذلك توجهي إلى الله بالدعاء أن يصفي ما في النفوس وان يهديك انت وزوجك وأن يقربك من أهل زوجك أكثر ويكفيك أنك في منزل مستقل بعيد عنهم وزوجك المسكين ما خدعك عندما أخذك لمنزل أهله بل حاول ان يقرب بينكم ودائما ً ضعي الظن الجيد قبل الظن السيء حتى في المستقبل عندما ترغبين بالخطبة لابنك لا تاتيك كنة تبعدك عنه وتبعده عنك |
هذه اول مشاركه لي
ما اقول الا اتقي الله في زوجك أخبر صلى الله عليه وسلم أن المرأة كثيرة اللعن والشتم والسب إلى غير ذلك، ولذلك قال: {رأيتكن أكثر أهل النار، تقول امرأة: "ما بالنا يا رسول الله! أكثر أهل النار!" قال: تكفرن العشير وتكثرن اللعن، فأما كفر العشير فلو أحسنت إلى إحداهن الدهر ثم رأت شيئاً قالت ما رأيت منك خيراً قط } |
وادي حنين رديت قريت موضوعي ادور على ردي بس شفت تم تعديله انا كنت راده احسن صيغة الرد لاني والله العظيم ما قصدت اجرحك ولا قصدت اللي انتي فهمتي انا مثل ما كانت احد الاخوات كاتبه وانمسح ردها انا قلت كل وحده تمشي على عادات بلدها ومثل ما قالت الاخت عندنا الناس تحب المظاهر بشكل فضيع انا ادري هالشيء غلط بس شو بتقولين... مو انا ولا اهلي ولا اللي حولي هذا شعب بكبره جذي تبيني انا اطلع غير عنهم؟!! تصدقين حتى الجنسيات العربية الثانيه اللي جاية ادور لقمة عيشها قامت تمشي على هالعاده... عشان جذي ارد اعتذر لج واتمنى انج ما تشيلين علي... |
عذاري انا مو صغيره انا عمري 22 سنه وسالفة الطرطور هذي قديمه :d ما عاد اعيدها صدقيني انا احس نفسي وايد تحسنت من موضوعي الاول طبعا من خلال معاملتي مع زوجي يمكن انتوا تشوفون العكس بس هو بعد لاحظ هالشيء dandoon قريبتي هذي خالتي ومستحيل تسرق ولا تاخذ من اهلها السالفه انها تشتري موبايل وتبيعه وتاخذ واحد ثاني مستعمل وتحط عليه 200 ولا 300 درهم وبعدين لو تتخيلين وضعها هالشهر وهي لها 3 مناسبات وكل مناسبه يبالها صالون ما يقل عن 350 درهم في احسن الاحوال تعرفين شو سوت؟!! قللت مصاريف البيت يعني مصاريف الجمعيه وغيرها من الاشياء المهمه عشان توفره للصالون... طبعا هالشيء مو معقول ولا يدش العقل بس هي مجبوره عشان الناس ما تاكل ويها انا لو مكانها ما برضى لا أقلل مصاريف البيت ولا اني ما اروح الصالون وبعدين انا ما احب اطلع بصوره اقل عن خواتي ولا غيرهم وانا اللي كنت الاحسن والاكشخ بينهم قبل الزواج.. ادري شي غلط بس شو اسوي!! |
بنوتة_صغنوتة انا قلت اني مو صغيره انا عمري 22 سنه ومخلصه دراسه بعد مدلله!! ما ادري بس ابوي كان يوفر لنا كل شي مو دلال بس هو ما يحرمنا دام انه عنده حتى اخواني اخذلهم كل واحد سياره على مزاجهم وموبايلات آخر موديل يعني مو دلع .. هم يطلبون وهو يعطي .. لانه يعرف اللي عنده حق عياله وحرمته.. وأبوي وهو ريال كبير وبعايله كبيره .. الله يحفظه مو محوش شي ولا عمرنا سمعنا يقول بحوش حق المستقبل لان على قولته الفلوس تروح تجي والحمدلله الحمدلله .. الله مبارك فيه أكثر من غيره اللي يحاول يحوش ويكنز لان الفلوس عنده وسيله مو غايه بس انا من تزوجت وانحرمت منه صرت احسه غايه مو وسيله وانا نفسي متضايقه من هالشيء لاني ما ابى الفلوس تصير أول همي... وبعدين زوجي ما في مره قلت له عطيني وقال اوكي كله لا لاء لاء.. حتى لو شي تافهه يعني بطاقة موبايل ولا شباصات ولا شي عجبني بكشك بو 5 دراهم!!! هذا شو تسمينه؟ بخل ولا حرص؟ وبعدين انا صدق نكديه او كنت بس وايد خفيت والله حتى قبل كنت كله اقوله أمك سوت واختك قالت.. واشمعنى هم حلال وانا حرام ومن هالكلام الفاضي.. بس الحين لا اتكلم عنهم بخير ولا بشر .. وصدق اكتشفت ان هالشيء ريحني انا قبل ما يريحه.. ويمكن انا مثل ما قلتي ابى افرض رايي بس مو لدرجه المعركه السالفه اني احس اني افهم منه .. خاصه انه طيب وعلى نياته وعادي ينقص عليه اما سوالف البيت وهالاشياء اللي تخصنا لازم يكون الراي رايي لانه سوالف حريم ومتعتنا بهالشيء .. صح؟ وبالنسبه للسلفه انا ما كنت رافضه بالعكس قلت له اخوك هذا بالذات انا مطمنه منه وادري ان الفلوس عنده امانه وبيردها متى ما بغيت .. خاصه انه دوم يتسلف منه بس هو حدد انه بياخذ عشان سياره اشوفه لا خذ سياره ولا حتى انه قاعد يدور واظن من حقي اطمن على فلوسنا ونحن ورانا ياهل اللي خلاني اعيد التفكير بالسلفه ان اخوه جاه البارحه يبى فلوس لانه مسافر مع ربعه !! يعني معقوله اقوله عطيه ونحن يالله يالله بيكفينا لاخر الشهر اللي عندنا؟!!! صح هو بيستحي منه بس انا بعد ما ارضى نضيق على اعمارنا عشان اخوه يستانس اقتباس:
انا ما ابى اقارن بس هو علمني هالشيء دايما يجيب لي امثله من اهله ولا ربعه اذا كانوا من النوع الحريصين على قولتكم ولما اجيب له امثله بالمقابل على ناس اقل منا وعايشين احسن منا يقول ما علينا من الناس!!! شو هالتناقض؟؟!! عطوني حل الله يخليكم؟ |
mesona ردودي السابقة فيه رد على كلامك جمر ردك هو هو من الموضوع السابق كنت اتمنى تعطيني نصيحه حلوه في طريقة تعاملي مع زوجي او اسلوب افضل لطلب حاجاتي وبعدين انا سألته مره اذا كان راضي فيني قال انا راضي فيج بس لو تخففين حركاتج اشوي يعني مو مثل ما انت متوقع انه كارهني ويبى الفكه مني قلب راضي انا ما ادري ليش مصوريني وكأني واقفه فوق راسه 24 ساعه وقاعده اما اطلب فلوس ولا قاعده انكد عليه واضارب معاه بالعكس هو اغلب اوقاته طالع لشغل واذا مو وراه شي نقعد فالبيت ولا نطلع نتمشى.. اظن لو كارهني لهدرجه كان ما قعد لي دقيقة بالبيت حتى انه ما يحب اروح لاهلي .. لانه ما يحب يقعد بروحه فالبيت مع اني اقوله فرصه لك تطلع مع ربعك ولا تروح عند اهلك.. بس هو ما يبى.. وانا صارلي تقريبا شهر بدبي.. ما رحت لاهلي الا مره وحده وكانت 3 ايام بس.. الشقه شكرا لانك مريت على موضوعي EMAN007 فعلا لازم اهدي الغيره اشوي .. مع اني احس غيرتي تزيدوصرت ما اقدر اكتمها المشكله ان زوجي يفهم انها غيره هو يحسب حقاره مني يمكن!!! واذا كنت تقصديني بالتجريح فانا فعلا ما قصدت اجرح حد.. واذا على كلام الاعضاء انا ما ازعل لاني اعرف انهم مو داخلين الا ليساعدوني ومالهم مصلحه يجرحوني.. اتمنى منكم نصيحه حلوه ومساعده تفيدني enasanwar تدرون شي... انتم الوحيدين اللي قلتوا لي ان 1000 درهم وايد!!! الكل من صديقاتي وقريباتي اللي يدرون عن مصروفي يشوفون انه ولا شي!! ولو هو مو اشوي .. ما كان ابوي حدد لي 3000 درهم ... وبالنسبه لاهل زوجي انا معاهم احسن مما اكون مع اهلي لان اهلي اذا شفت شي غلط على طول بعصب وبقولهم فوجهم.. لانهم اهلي ويعرفون طبعي اما اهله فأنا دائما مبتسمه معاهم .. وما اتصنع بالعكس احاول اسولف واكون مرحه معاهم مع ان لو قعدت معاهم يوم كامل وما فتحت موضوع مستحيل هم يتكلمون وانا ما ادري ليش هم يكرهوني مع انهم ما يعرفون باللي يدور بيني وبين زوجي.. يعني كره من الله.. هذا وانا ما سويت لهم شي يعني اكبر دليل اني ما اهمهم انهم ما باركولي بالحمل يوم دروا.. حتى اذا قلت لهم كنت تعبانه .. ما تفرق ولا يسألوني حتى شوفيج اما اذا حد منهم صابه لو زكام بيقعدون يلوعون جبدي وهم يشرحون مرضهم.. واقولكم على سالفة البارحه كمثال على تعاملهم معاي.. هم من صرنا فدبي يو عندي 3 مرات آخر مره البارحه قالوا لزوجي جايين عالعشا.. وتقريبا 10 ونص جايين مع انهم يدرون ان انا وزوجي مرضانين==> عدينا بعض:d ومخبرينا عالساعه 9 تقريبا!!.. وقمت بسرعه سويت لهم شي محترم من وصلوا عشيناه لان الوقت متأخر.. فوق هذا جايبين ولد خالتهم معاهم وهو شاب مو صغير كلهم قاعدين بالمجلس وانا قاعده بروحي داخل.. بصراحه لما جا زوجي عندي عصبت وقلت له.. تشوفوني خدامه عندكم .. اطبخ لكم واجهز لكم .. وتتعشون واغسل من وراكم.. ولا حتى حد سأل عني.. يعني من كبر الشقه .. ولا مروا علي بعدها صاروا خواته يجوني .. لانه هو قالهم.. وهو كل شوي يجي يشوفني يعني لو ما قايله شي كنت صدق قعدت مثل الطرطوره عندهم.. المهم تعشوا وقعدوا ربع ساعه مع بعض فالمجلس وراحوا بيتهم .. يعني لا سولفوا وياي .. ولا قعدوا معاي وتبيني احبهم بعد!!! انا ادري بطلعوني بعد غلطانه فهالسالفه بتخلون كل شي بتمسكون علي كلمه خدامه..!! |
ليلة البدر
وانا ما اقول الا الله يصلحني واكون خير النساء له أغنيه عن نساء العالم كله سهل الكلام وسهل العتاب واللوم والتجريح.. والاسهل كلمه حلوه ونصيحه من قلب لوحده طالبه مساعدتكم مو دعواتكم علي |
معليش بس ممنووووووووع قراءة الرد للرجال !!!!
بسم الله الرحمن الرحيم الغالية حيرانة بوظبي ... بصراحة حسيت من ردك الأخير مدى حرصك ورغبتة في التغيير ومحاولة إصلاح نفسك فبارك الله فيك وأسال الله لك بالتوفيق والهداية ... وان شاء الله بتقومين بالسلامة وتجيبيلنا بيبي قمر مثلك !! حبيبتي أنا حابة جدا أني أساعدك وان شاء الله مع بعض بنقدر نوصل ونتعلم كيف نقدر نخلي أزواجنا يعطونا اللي نبوه بكل طيب نفس ومحبة منهم ... رح أحاول أرتبلك الأسلوب اللي تتبعيه على شكل خطوات ... والله يوفقنا جميعا لما يحب ويرضى أولا : هاذي قاعدة أساسية ومهمة جدا جدا "علمتها لي خالة لي جزاها الله خيرا أحسبها من أحكم النساء وأكثرهن ودا لزوجها ... وهي سبحان الله نقيض لخالتي الأخرى اللي حكيتلك عنها في ردي السابق" وأنا دائما أتذكرها ونفعت معاي 100% القاعدة تقول : "لا تقولين لا أبدا " مهما طلب منك زوجك ... أي شي "أكيد في غير معصية الله" حتى وإن كنتي كارهة لهذا الشي لأبعد الحدود ... لاتقولين له لا .... أمسكي أعصابك وردة فعلك ... وقولي حاضر وعلى راسي واللي تبيه أنا حاضرة ....وفوقها ابتسامة "ولو مصطنعة".. وبعدين نبدا الشغل وناخد اللي نبيه ...!!!:d !!!!.... مثلا : لو زوجك طلب منك تروحون مع بعض لبيت أهله وأنتي كارهة جدا للذهاب هناك وماعندك خلق .... قوليله ... حاضر حبيبي ... وأنا نفسي كنت بقولك نروح لهم لنا زمان مارحنا .... ولما يقرب وقت الذهاب : مثلا : تعملين نفسك تغيرن ملابسك قدامه وتطلبين منه مثلا يفكلك الداخلي .. أو أي شي يعني تغرينه .... وتحولي الموضوع للفراش ... وبعدين يصير الوقت متأخر ... وماتروحون !!!:22: أو مثلا : "وخاصة أنتي حامل"اعملي نفسك قايمة بتجهزين نفسك وأنك تتألمين ... لو سألك قولي ما أدري بس بطني توجعني وايد ... بس يلا توا بروح بغير ملابسي ... واعملي نفسك يادوبك قادرة تمشين وأنك تتوجعين ...فهو طبعا بيلغي الطلعة !!!! :20: أو أي فكرة أخرة تقدرين تخترعين من نفسك ... انتي بس شغلي عقلك شوية !!! مافي مرأة مو ذكية !!! بس المهم تعترف تستغل ذكاءها !!! وبالمقابل حبيبتي ... لو قلتي لا في الأول.... حتى ولو ما ذهبتوا ... بس هو رح يكون زعلان ومتضايق منك لأنه حاسك بتبعدينه عن أهله .. وحتى ولو رحتوا بعد ردك الأول ... رح بيحسك رايحة بالغصب وأنك تكرهينهم ... والرجل لا يحب من تكره من يحب هو !!! ثانيا : أكتشفي من أي الأنواع زوجك !!! يعني هل هو من النوع العنايدي ؟؟ أو من النوع العصبي ؟؟؟ وماهو الشي الذي يعصبه ؟؟ وايش يحب ؟؟ وايش يكره ؟؟؟ وهل هو من النوع المسالم ؟؟ اللي مايحب المشاكل والمناقشات ؟؟؟ أنا مثلا : زوجي عنايدي ... يعني يموووووووووت على العناد لو بعانده مستحيييييييييل يعطيني اللي أبيه ولو يصير اللي يصير ... وأختي مثلا : زوجها مسالم مايحب العراك والمناقشات ... لو أختي تبي شي وهو مايبيه يعطيها اللي تبيه حتى يريح راسه من النقاشات والعراك !!! وبالنسبة للنوع العنايدي... هذا أصعب شوية من النوع الثاني ... بس كل شي وله حل .. أهم شي في هذا النوع لا تعانديه ... ولا تأمرينه بأي شيء "يعني لا تقوليله شي بصيغة الأمر" مثلا : أبغى أروح بمكان وشاكة أنه بيخليني .. "أروح أتوددله واقوله حبيبي وحياتي وعمري .. الخ ... بطلب منك طلب يا ريت ماتفشلني .. أعرف أنك تموت في وماراح تفشلني .. "ومعاها كم بوسة عالماشي" أبغى أروح لذاك المكان ؟" في العادة بعد هالأسلوب مايقول لا ... بس ولو قال لا .... أقول " خلاص حبيبي براحتك المهم أنك تكون راضي علي ... رغم أنا كانت عندي رغبة شديدة في الذهاب لأن يعني كنت متضايقة من البيت وبغير جو .... "وارجع نشيطة لحبيبي" بس خلاص براحتك انت " بالنسبة لزوجي لقيت أن هذا هو الأسلوب اللي يمشي معاه 100% على طول بيقول روحي خلاص !! بالمقابل : لو قلت "انت أناني ودايما تطلع تستانس انت وربعك وانا قاعدة بروحي في البيت ومو حاسس فيني " ومن هالكلام ... بيقول : "قلت مافي روحة وخلاص " ويمكن يطلع ويسكر الباب في وجهي !!! ثالثا : وهذي مهمة جدا ... لا بد من التنازل والتضحية يعني مو كل اللي نبيه بناخذه ... لازم نربي نفسنا ونهذبها على هذا الشي لا تقولين ما أقدر فهذي الكلمة هي المشكلة بحد ذاتها ... أنا مثلك كنت عايشة أميرة في بيت أهلي أبوي يفضلني على أخواني كلهم ويلبيلي كل طلباتي .. بس الله يجزاه كل الخير زرع فينا أن رضاء الزوج ومراعاة مشاعره وظروفه هو الأساس في الحياة الزوجية .... بداية زواجي كنت أتسبب في مشاكل ... بس بعدين والحمد لله صرنا "نشتاق المشاكل :16: :d فنفتعلها ... لأنها بهارات الحياة الزوجية وتعطيها شوية متعة " صحيح نحن نساء ونحب المظاهر واللبس .... وما ألومك ... بس لازم نوجه نفسنا ونتحكم بها .... ما أقولك أنا مثالية ... حاشى المثالية مني ... بس أحاول أجاهد نفسي ... وما أكثر طلبات على زوجي ... أحاول أدخر المال وأحطه في حصالة من مصروفي حتى أوفر لشراء أشياء أحتاجها ... وزوجي مايقدر يدفع ثمنها مرة وحدة!!! وخلي دايما قدام عينك : " من أرضى الناس بسخط الله وكله الله إلى الناس و من أسخط الناس برضا الله كفاه الله مؤنة الناس" تحقيق الألباني ( صحيح ) انظر حديث رقم : 6010 في صحيح الجامع رابعا : مافي شي أسمه كرامة بين الزوج وزوجته !!! .... أنتي وياه شخص واحد بجسدين ... فأنتي روحه وهو روحك .... وهل بين الأنسان وروحه كرامة ؟؟؟ في حكمة عندنا تقول : "المرأة تعلق كرامتها على باب بيتها يوم تتزوج " بمعنى تاخدها معاها لما تطلع للناس وباقي العالم وتنسى هذي الكلمة مع زوجها !!! هذا ما في جعبتي إلى حد الآن !!!! آسفة على الإطالة .... بس بجد حبيت من كل قلبي أساعدك لأني إلى حد أقل منك شوية بس كنت نوعا ما مثلك ...!!! .... والحمدلله حاولت وجاهدت حتى استطعت أن أغير جزء كبير من نفسي !!! أتمنى أنك تستفيدي !!! ولو كان مني من صواب فهو بتوفيق من الله عز وجل ... وإن كان من خطأ فمن نفسي والشيطان !! وأي مساعدة اعتبريني أختك .... وأنا حاضرة والسلام عليكم ورحمة الله وبركاته |
السلام عليكم ورحمة الله وبركاته
[SIZE="2"]حبيبتي واضح انك انسانه عصبية شوي وما تتحملين
بس ابغى اقولك شي مهم انتي يوم تزوجتي لازم تعرفين ان حياتك عند اهلك شي والحياة الزوجية شي ثاني وانتي لسه باول سنة زواج فالازم تحصل اختلافات ومشاكل بس يبغالك شوية صبر وتفكير ومشاكلك انتي الحمد الله بسيطة ونصيحة مني لا تخلين الفلوس سبب مشكلة بينك انتي وزوجك حبيبتي انا تزوجت وانا ادرس بالكلية وكنت استلم مكافاه 850ريال وكان زوجي راتبه تقريبا 5000ريال وجلست اكثر من سنة ما طلبت من زوجي ولا ريال لاني عارفه ان الراتب ما يكفي وبعدها انقطعت عن المكافاه وصار زوجي يعطني مصروف 300ريال بالشهر وكنت راضية لاني عارفه ان اللي فيه مو بخل لو معه كان عطاني اكثر واستمرين على هذا الحال ثلاث سنين وبعدها الحمد الله زاد راتبه وصار يعطني اكثر من الف ريال بالشهر هذا غير المناسبات واللي اشوفه انا من مشكلتك ان زوجك مو بخيل ولا شي بالعكس زوجك يحاول يوفر وتاكدي لو معه اكيد بيعطيك اكثر وانه يسلف اخوه ما اشوف فيها شي ولا غلط عليك هو عطاك حقك وبعدين سلفه سلف ولا تقعدين تحاسبينه على كل شي ولا تضغطين عليه بعدين يمل منك ويطفش ارجو انك تتقبلين كلامي ولا تزعلين منه[/SIZE] |
:d :d :d حيرانة ... والله اني حبيتك ... تنحبين لخفة دمك (عسل والله ) وسعة صدرك وتقبلك للاراء انا متابعة موضوعك الاول وكنت اقول خسارة انه ما عرفنا اخبارك... انا ودي اعلق على نقطتين فقط الاولى : مسألة البذخ اللي كنتي تعيشين ... الصراحة وما ابالغ في هالشئ لازم كل الي في المنتدى يعرفه ونتعامل من هالواقع انه فعلا انتو عندكم مشكلة يعني احنا عايشين في دولة خليجية بس ابد ما عندنا ترفكم وعشان كذي الوحدة منا لو تزوجت تواجه صعوبات بس مثلكم بس خليني اقولك قصة صاحبتي ، رفيجتي خطبها واحد من عندكم وواحد من عيلة معروفة جدا جدا وسوت لك ذاك العرس وصرفت على جهازها ذاك المبلغ الخيالي وشئ ( عندنا ) وايد فيه من البذخ ( اسمحيلي صارت مسخرة ) وفي الاخير زوجها قالها والله ما صرفتي ربع اللي كانت بتصرفه بناتنا !!!!! وبعدين سافرت معاه بلدكم التقيت فيها بعد فترة لما يات عندنا ... وقالت لي ان زوجها ( ما شاء الله ) مستانس منها وسر الاناسة هو انها بتخاف على فلوسه ( رفيجتي اعرفها ما تخاف ولا شئ ...) ودايما مهتمة فيه وهي تقول انه دايما يصر عليها انها تصير نفس خواته بس اهي رافضة !!!) اسفة طولت السالفة المهم زوج رفيجتي قام يشجع ربعه يخطبون من عندنا .. اخوه خطب من عندنا !!! الشاهد من الموضوع : طبعا مب كل بناتكم بهالطريقة بس معظمكم تكون البنت مدللة جدا جدا لين ما تتزوج وتتوهق مشكلتج ان لازم تنسين الوضع المادي السابق وتتأقلمين مع الوضع الجديد يعني مثلا عندك اختي تزوجت من سنة ونصف تقريبا واحنا في بيتنا اي شئ نطلبه ابوي يوفره لنا وابوي مثل ابوك عمره ما جمع شئ بسسسسسس اختي قبل فترة ( تقريبا بعد سنة من زواجها ) لاحظنا ان جهازها ما تغير وهي متنت نتيجة الحمل ومع ذلك ملابسها اهي اهي ..ما تغير الوضع !!! ولا عمرها اشتكت ..ما شاء الله قمت انا وخواتي اتفقنا انه نشتريلها هدايا عشان ما ينجرح زوجها ولا هي اذا عطيناها مبلغ مادي . . طولت ادري بس انتي السبب الله يسامحك عديتتيني :29: :29: النقطة الثانية : والله نسيتها .. اذا تذكرتها برد اقولك:25: :25: : : اسماء |
أحب الناس اللي تفهمني ومتفيجه لمشكلتي بنوتة_زغنتوتة قبل كل شي بقولك أحبك...:25: تدرين انك خطيره ... ما شاء الله عليج صح انا حرمه بس والله ما خطرت على بالي أفكارج الجهنميه خاصة هذي اقتباس:
تدرين .. انا فيني عيب ان ما اتعلم من مواقفي مرة صار لنا نفس الموقف تقريبا ... هو كان يبى نروح بيت اهله عالغدا يعني مطولين (قبل ما اصيح واقوله ما ابى اروح).. انا وافقت لان توني يايه من بوظبي وما ودي بالمشاكل.. لبست وتجهزت واحاول ابين له اني مستانسه.. فجأه اتصلت اخته تقول.. ترى في حريم وناس وزحمة فالبيت اذا ما يضايقك... لانهم يعرفون انه يحب يقعد معاي.. رد زوجي قال لا خلاص ما بنجي .. وصارت السالفه لصالحي وطلعنا تغدينا برى :22: اقتباس:
بالنسبه لثالثا.. بديت اطبق من اليوم :d خلص زوجي شغله الساعه 9 وقال بمر عليج نطلع .. يبى ياخذ له شي.. المهم طلعنا .. وبعدين مرينا عالجمعيه .. وانا اموت عالجمعيه احب اخذ اغراض البيت .. أول مره شفت شي قلت له خل ناخذ نسينا ناخذه المره اللي طافت.. يقوم يطالعني .. يقول بدينا!!! تذكرت كلامكم .. فقلت له .. ولا أقولك ما يبالنا..!! أما سالفة الكرامة هذي سالفه... خليها على الله بس.. بانتظار أفكار جديده تراني مو مثل باقي الحرييم.. مالي بسوالفهم .. |
اين قلبي 850!!! ما بتكفيني!!! تدرين شي.. حتى يوم يكون عندي مصروفي كامل .. واروح اتسوق.. ما اقدر اشتري شي.. تدرين ليش؟ افكر اذا صرفتهم على بدله بيطير أكثر من نص المصروف.. كيف بعدين أكمل باقي الشهر!! ويجي لين نص الشهر تقريبا وانا لسه المصروف فجيبي.. خايفه اطيرهم واشوف شي يعجبني بعدين وما اقدر آخذه.. كأنه راح يطير من السوق!! (اسماء) انا انحب؟!! ردي لموضوعي القديم ولا حتى هذا وشوفي ردود الاعضاء لو انا جدامهم بيضربوني بدون تردد!! الحمدلله الحمدلله في حد يدري بظروفنا ... مع اني ادري ان لو صبرت كم سنه .. ان شاء الله ظروفنا تتحسن.. بس افكر ... واقول.. شو فايده بعد كم سنه.. اكون كبرت وضاع شبابي .. وما تهنيت بالكشخه والمظاهر:29: وعلى طاري السوالف والامثله .. هذا واحد ربيع اخوي يمكن راتبه ما يجي 4000 او اقل وفوق هذا ينخصم منه عالبنك.. تزوج بنت خالته وعطاه عمه واحد من فلله عشان يعيشون فيه.. المهم .. حرمته كانت صريفه درجه اولى.. ما ترضى الا بالماركات.. وانتي ادرى شنطه ديور مثلا تجي راتبه كله وهي ما يعجبها العجب.. مثلا.. كل شهر تبى موبايل جديد تدرين شو كان يسوي!! كان يبيع موبايله ويزيد اشوي من عنده ويعطيها.. وهو يرد على موبايل قديم كان عنده حتى الهنود ما يرضون يستخدمونه.. بس البنت خانته.. فطلقها .. بعد فتره اعترف لاخوي وقال.. صح البنت ما كانت تحترمني .. واطول لسانها واحيانا تضربني.. بس كنت احبها وراضي فيها لوما الخيانه..!! بانتظار النقطة الثالثة.. |
اختي العزيزه حيرانه بوظبي
انا اسفه لاني قسوة عليك في ردي ولكن اسال الله العظيم رب العرش العظيم ان تعيشي حياة سعيدة مع زوجك وان تكون زوجه صالحه مطيعة له في غير معصية الله وانا مع الاخت بنوته في نصيحتها ملاحظه: كانت امي تقول لي اللي تحب زوجها تحب اهله اذا انت تحبين زوجك دوري رضاه وتعلمي من اخطائك فالحياة دروس لنا. وتقبلي اعتذاري اختك ليلة البدر. |
لاحول ولا قوة الا بالله العلي العظي
والحمدلله رب العالمين |
بسم الله الرحمن الرحيم !!! هلا بالغالية حيرانة بوظبي !!!! والله وانا حبيييييتك بجد !!! خشيتي قلبي وخاطري الله يسعدك ويهنيك ويحببك في زوجك ويحببه لك حبيبتي ترا الأفكار الجهنمية ماهي بصعبة .... بس !!!! خل ننسى العصبية وكلمة لا !!!! وترا أنا أجززززززززززززززم أنه مافيه رجل بالدنيا كللللللللللللهاا ماينقدر عليه !!! تصدقين !!! أنا زوجي ابن عمي قبل ما أتزوج .... كل العيلــــــــــــة من كبيرهم لصغيرهم حذروني منه لعصبيته وعناده .... وحتى ذكاءه ماشاء الله عليه ....:d تصورين أهلي كلهم "ماعدا أبوي لأنه كان معجب في أخلاقه وذكاءه والأهم دينه" بس أمي واخواتي حذروني منه أنه عصبي متعقد وذكي ماتقدرين عليه بيحبسك في البيت ويوريك النجوم في عز الظهر ... ومن هالكلام !!!! قعدت محتارة جدا بس استخرت الله وتوكلت عليه من قلبي ... وقلت حرام علي أرفض رجل الكل يشكر دينه وأخلاقه وعلمه على شان هذا الكلام !!! والحمد لله .... أنا جدا سعيدة معاه ... ولقيت نفسي أقدر أخذ منه اللي أبيه وبرضاه .... بالكلمة الطيبة ... ولو تحتاج شوية حيلة ...وكل شي يصير تمام :22: !!!! هههههه صاير أحيانا يضحك ويقولي والله "إن كيدكن عظيم" وأنا طبعا أناظره بعيون البراءة :25: !!!! بس أعاود وأقولك أهم نقطتين يالغالية !!!:30: "ننسى العصبية والرد بدون تفكير " وننسى كلمة لا " فكري قبل ماتردي بأي شي وقولي حاضر وانت تامر وعلى راسي !!!! وبعدين تقدرين تاخدين بالطرق الملتوية كلللللللللللل اللي تبيه !!!! خبرينا عن جديدك ولو تبين أي شي بعلمك من الحيل وكيد النساء ههههه عشان صرت خبيرة حتى خواتي أحيانا يستشيروني :d :17: الله يسعدك أختك بنوتة زغنتوتة |
ليلة البدر صح كان ردك قاسي بس أدري عشان مصلحتي بس ترى هالرد وايد أحلى من اللي قبله ومشكوره عالدعوه Sarro الحمدلله على كل شي.. بنوتة_زغنتوتة طيب عندك طريقة اخليه يجيب كناديري من الخياط مش من مصروفي طبعا ===> بتنضرب:29: كلها 3 كنادير ما تجي 750 درهم :25: تدرين والله احاول اكون زينه معاه وامسك نفسي وما اقوله الا تأمر بس.. هو يرفع ضغطي ويهدم كل اللي احاول اسوويه مثلا البارحه قاعدين نمر عالاجهز الكهربائية.. شاف جهاز DVD على 450 درهم تقريبا تدرين شو قال.. شو رايك ناخذه!!!! انا لو ما الناس كان ضربته بالشنطه على راسه قلت له بدل هالمسخره ناخذ خلاط ولا نجيب كناديري مو احسن عالاقل شي ينفع.. مو DVD القنوات مو مقصره... شو بتردين على هالكلام؟؟ بعد تبيني اتحمل غباءه وانانيته... |
اقتباس:
يعني يستخسر فيني الشي لكن إذا هو خاطره فيه مايقول غالي أو أوفر فلوسه.. قبل لما أشوفه بياخذ شي أنكد عليه وأقوله إنت اللي في خاطرك تاخذه وأنا لو أقول لك إخذ لي شي ترفض بحجة توفر وغالي وماتحتاجين له.. وطبعا تصير سالفة ومشكلة .. وفي الأخير ياخذ اللي في باله.. تدرين ألحين أش قمت أسوي.. إذا خاطره في شي أشجعه.. مثلا: عطورات عنده الدنيا والدين.. من يومين رحنا مجمع وشاف العطورات وقال اش رايج في ذي؟؟ قلت الله واايد حلو.. وهذا بعد.. قال آخذ أي عطر فيهم ؟ قلت له: أخذ الأثنين لأن اثنينهم حلوين.. وإذا اتصل يستشيرني في شي عشان ياخذه.. على طول أقول له إخذه لا تخلي شي في خاطرك.. تدرين شالنتيجة؟؟؟ صار لما أطلب منه شي يستحي يقول لا.. لأنه يشوفني أوافق على كل شي يبيه له.. فعيب لو هو رفض شي عشاني.. وأصلا يدري لو رفض بافكر في قلبي.. عندك فلوس لك وماعندك لي.. جربي هالشي وصدقيني النتيجة مضمونة.. وحبيت أقول لج.. ترى أنا عجبتني شخصيتج.. لأن الكثير يردون عليج ردود قوية ويمكن تضايق وتزعل.. لكنج ما شاء الله عليج.. تتقبلين النقد بصدر رحب.. وماتسمحين لكلامهم إنه يحبط من معنوياتج.. بالعكس يخليج يزيد اصرارج على تغيير نفسج للأفضل.. تحية تقدير واحترام مني لج.. والله يوفقج..... |
بحرينية ولكن معقولة هالطريقة بتنفع وياه؟!! بس جذي بخليه ياخذ كل شي يباه وما يخلي لي شي آخذه:( انزين شو اريج بسالفة المصروف؟ احس هو ريحني فالبدايه لانه كان احراج بس الحين ويهي صار لوح :d يعني حتى لو اتبعت وياه هالاسلوب بيكون مطمن انه يعطيني مصروف على كل ابى اخذه يقولي عندج مصروفج..!! وبالنسبه للردود القويه والتجريح ترى عادي ادري اني ارفع الضغط وبعدين محد عنده لي شي ولا انا عندي شي عند حد يعني ردودهم ردود صريحه ومن القلب ما يقصدون من وراه التجريح |
ياحبيبتي..
أنا زوجي نفعت معاه هالحركة.. بس يبي لها صبر اسبوع اسبوعين لا تطلبين منه شي وخليه عـــــــــــــــــــلى راحته ياخذ اللي في خاطره.. وانتي لا تطلبين إلا الاشياء الضرورية كلش.. بالنسبة للمصروف.. فهمت أن بيئتكم تختلف عن باقي الخليج.. بالنسبة لي أكتفي بـ 500 كل شهر.. لكن.. إذا كنت طالعة معاه وخاطري في شي هو ياخذه لي.. إلا إذا شفت إنه شي غير ضروري أستحي أخليه يدفع.. يعني مصروفي حق الكماليات.. وهو يدفع للأساسيات.. ياخوفي يكون ريلج من النوع اللي إذا عطاج مصروف يقول لج خلاص إذا بغيتي شي هذا مصروفج.. وإذا خلص مالي شغل تنطرين الشهر الجاي.. وبعدين عزيزتي حاولي تعلمين نفسج على الأقتصاد.. بس إذا احتجتي شي ضروري.. فهذا حقج وهو ملزوم فيج.. ولا تنسين.. عندكم ياهل في الطريج.. وتحتاجون وايد فلوس عشان أغراضه.. وتذكرت نقطة.. زوجي بعد ماجبت بنتي الاولى صار أحسن من ناحية الصرف.. يعني زاد الكرم.. وألحين الحمد لله أحس إن مشكلتي تقريبا انمحت.. عقبالج يارب.. |
الله المستعان لا حول ولا قوة إلا بالله
ضاع الوقت على الفاضي |
في البداية ابي اقول للأخت حيرانة انها بصراحة تغيرت كثيييير من آخر مرة، وهذا شي يفرح ويبين انها
تبي الحل المناسب لمشكلتها ومستعدة تتنازل وتسامح... مع احترامي لك الاعضاء اللي سبقوني بالرد على الاخت حيرانة،، لكن في نقطة مهمة يمكن ما انتبهوا لها... يعني الشاب قبل لا يتقدم لأي بنت لازم يعرف مستواها المعيشي ويشوف اذا كان يقدر يعيشها بنفس المستوى ولا لأ،، انا مو قصدي ان الغني يتزوج غنية والفقارى للفقارى،، لكن هذا شي الاسلام اقره ان البنت لمن تطلع من بيتها وتروح لبيت زوجها لازم يدير باله ويصرف عليها بنفس الصرف اللي هي تعودت عليه (بشرط انها ما توصل للاسراف)، واذا كانت هي متنازلة وتسامحه من هالناحيه كان بها... اقتباس:
واللي لاحظته ان الاخت حيرانه هذي هي مشكلتها، وبصراحة زوجها مقصر من هالناحية |
اسمحوا لي ياللي ردوا مؤخرا اني راح اطوف التعليق حاليا وراح اعلق عليكم بكره ولا بعده لاني متضايق واااااااااااااااااااااايد وقاعده اصيييييييييييييح مع أن السالفة سخيفة بس حبيت اطلع اللي بخاطري عشان ارتاح السالفه ان اهلي باتوا عندي البارحه وراحوا اليوم عند يدتي وحسيت البيت فضى علي.. والحين قاعده اصيح.. ابى اهلي... امي قالت بتمر علي بس انا قلت خلاص بروح انام بس ما ياني رقااااااد ... أبى اروح معاهم بكرة بوظبي وريلي ادري ما بيخليني شو اسوي؟!! ... انا متضايقه وااااااااااااااااااايد على فكره ترى هو لما كنا بوظبي كان يروح كل اسبوع وانا صارلي 3 اسابيع ما رحت لهم.. رايكم اعانده واروح معاهم؟ والله مشتاقه لجو بيتنا!! |
السلام عليكم و رحمة الله و بركاته . . أختي العزيزة . . حيرانة بوظبي . . انا قرأت موضوعك من الأول للأخير . . و قرأت جميع الردود . . و الصراحة انصدمت ان عنوان موضوعك ( أتطلق منه و انا بأول حمل لي ) !! هل الطلاق أصبح شئ سهل جدا لهالدرجة!! الله يهديك بس!! حبيبتي ببدأ معك من الأوّل . . أولا . . شوفي كل البنات ترى يكونون متعلقين بأهلهم كثير قبل الزواج . . و لما يتزوجون يحسون بفراغ كبير و حزن بسبب بعدهم عن أهلهم . . لكن مع الوقت تتأقلمين . . ثانيا . . حسّيت من كلامك انك ما تحبين أهل زوجك أو بمعنى آخر تغارين عليه منهم . . و هذا خطأ كبير جدّا جدّا . . الزوجة لازم تحب أهل زوجها . . و تزورهم و تتودّد لهم . . حتى لو كانو هم ما يحبونك حاولي بكل الطرق انك تقربين منهم و تخلينهم يحبونك . . لكن حسب كلامك انك انتي ما تبين هالشئ . . تبين تبتعدين عنهم باي طريقة و بعد بتبعدين زوجك عنهم!! و بعدين ما ينلامون اذا كانوا ما يعاملونك عدل لأنك تكرهين حتى زيارتهم!! شلون تبينهم يحبّونك؟!؟! المفروض تخصصون يوم بالأسبوع تتغدون عندهم أو تعشون . . تجيبين معاك أكل من البيت ( تعملين طبق حلو أو مالح ) و تذوقينهم عمايل أيدينك . . تتصلين على خالتك أم زوجك و تسألين عن أخبارها . . تصادقين أخواته و تطلعين معاهم أو تعزمينهم على مطعم أو كوفي شوب . . و حاولي انك تصفين النية و هذا أهم شئ . . هم لما يشوفونك كذا قريبة منهم و تحبينهم و تسألين عنهم هم بيحبونك و مع الوقت يصيرون ما يستغنون عنك . . و لا تنسين حبيبتي اللي ماله خير بأهله ماله خير في الناس . . يعني باختصار لا تحسين انك في حرب بينك و بينهم على زوجك . . هم أهله قبل لا تكونين انتي زوجته . . و لازم تساعدينه انه يحبهم و يودهم و يؤدي الواجب معهم و انتي بعد . . اقتباس:
مع احترامي لكاتبة الرد انا أشوف انها طريقة خاطئة جدا . . لأن مو معقولة يكون الزوج ساذج لهالدرجة و ما يفهم هالحركات . . بعدين بسألك سؤال حبيبتي و أتمنى انك تردين علي بصراحة . . وش بيضرّك لو رحتي لأهل زوجك لو على الأقل مرّة بالأسبوع!! وش بيضرّك لو فرّحتي قلب زوجك و أهله؟! لو انتي فعلا تحبينه راح تحبين أهله . . لكنك الله يهديك ماخذه المسألة عناد و حياة أو موت!! و عاملة مشكلة من ولا شئ . . يعني انا أشوف انك تروحي مع زوجك لا و أنتي اللي تقولين له ودني لاهلك . . و لازم تكونين من قلبك مصفية النيّة لأنك اذا كملتي على هاللي تسوّينه ما راح ترتاحين أبد و بتكرهين زوجك فيك . . و بعدين انتي تشتكين من رفض زوجك لمطالبك . . صدقيني يا أختي أقسم بالله انه زين اكتفى بس بعدم تلبية طلباتك . . و ما نكّد عليك بشئ أكبر . . لا تزعلين منّي بس شنو تتوقعين ردّة فعل زوج تكون زوجته كارهه أهله . . و ترفض زيارتهم . . !! و فوق هذا كلّه تتطلّب!! حبيبتي اللي ياخذ لازم يعطي . . لأن الدنيا كلها أخذ و عطى . . ما في أنسان ياخذ بس!! يعني لو تهتمين شوي بأحساس زوجك و تجاملينه و تؤدين واجبك تجاه أهله والله وقتها لو تطلبين عيونه بيعطيك اياهم . . و بعديم أغلب مجتمعاتنا كذا و لازم اللبس و الزينة . . لكن ما ننكّد على أزواجنا بهالشكل!! حبيبتي بنصحك نصيحة . . الرجال تملكينه بمعاملتك الحلوة له و لأهله . . انا أقول لك شلون . . يعني تملكين زوجك اذا حس انك تحبين اهله و قريبة منهم . . تملكينه اذا حس انك مهتمّة فيه و مدلّلته . . و ما ترفضين له طلب . . تملكينه اذا حس انك تبيضين وجهه عند اهله أو أصحابه اذا عمل عزيمة مثلا . . تملكينه اذا حس انك محافظة على ماله . . و ما تطلبين كثير . . تملكينه اذا سمع منك كلام حلو و دعاء له . . بدل ما يسمع تذمّر و أمك سوّت و أمك فعلت!! بهالأعمال البسيطة صدقيني بتملكينه و راح يحبّك أكثر و أكثر . . مو بالخطط و بالتفكير كيف أقدر آخذ منه فلوس!! حبيبتي الفلوس عمرها ما جابت السعادة . .لازم تقتنعين بهالشئ . . و بالنسبة لجلابياتك ما أظن ان فيها مشكلة اذا جبتيهم من مصروفك . . الشهر كلّه 30 يوم يمرّون بسرعة . . يعني مو لازم تتسوّقين كل شهر!! الله يهديك بس و يهدّي سرك مع زوجك . . و أخيرا حبيبتي . . تقربي من الله أكثر . . و ادعي الله ان يغير ما فيك من عصبيّة . . و يبدّلها بحب لزوجك و لأهله . . تحياتي لك . . أختك : أم خالد. |
| الساعة الآن 01:56 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©