|
انتهينا :(
السلام عليكم ..
تكفوون هالمره صح حالتي صعبه . انا و خطيبي خلاص انفصلنا من يومين وانا لي الحين بس ابكي و مااقدر انام ولا اكل و لا حتى اروح الكليه :( والسبب على قولته انا بنت رائعة والف واحد يتمناني و اهو عيوب الدنيا فيه و مايفكر بالزواج !! يريد ان يلعب شوي وبعدين يتزوج !! .. و صارحني بانه هو حاول انه بس يكلمني ولكن عندما لم يقدر الوصول لي ، تقدم على اساس انه نتزوج !! بس هو نيته ياخذ الذي يريده مني ثم ننفصل !! بس يقول ماقدرت اخذ منك شي لان كل مااقول الحين ، شي داخل قلبي يردني !! .. و قام يبكي اخر شي و قال الله يوفقك مع غيري .. وانا قعدت اتصل فيه مايرد علي ..لمن رد اخر شي قال لي خليني انساك وانتي لازم تنسيني :rolleyes: واريد الحل تكفووون انا احبه ومااقدر اصبر .. :( |
تكفووووون ردوا علي محتاجه حق نصائحكم .. ترا محد يدري بحالتي غير الله .. والله اني حاسه بمووووووووووووووت .. صح السالفه ممكن اشوفها سالفه كرامه خصوصا اني ادق ومايرد علي لكن مااقدر انساه .. تعبت :(
|
حبيبتي انا اعرف انه صعب النسيان الحين ...........
لكن صدقيني الله بيسر لك امر نسيانه لانه الله سبحانه خلق الانسان وسماه انسان لكثرة نسيانه لا تيأسي اختي الغالية واهتمي بحياتك والزواج قسمه ونصيب وعسى ان تحبوا شيئا وهو شر لكم انتي ما تدرين يمكن الله ابعده عنك لأنه يحب لك الخير ولاجل ان تعيشي حياتك بهناء وسعادة بعيدا عن المشاكل والمصايب التي ممكن يرتكبها الزوج فينكد عليك حياتك وتكرهين اليوم اللي ارتبطتي فيه كل الرجال قبل الزواج اش حلاتهم يهبلون ..............لكن بعد الزواج يتغير الحال ويتبخر الحب ويظهر الوجه الثاني الا من رحم ربي طبعا ..............فلا تحزني اختي بالعكس احمدي ربك ورددي هذا الدعاء اللهم أجرني في مصيبتي واخلف لي خيرا منها فسيرزقك ربك بزوج أحلى وأجمل وأطيب وأحب الى قلبك من خطيبك الاول صدقيني .........رددي هذا الدعاء وسترين لان الله يجيب دعاء الانسان المبتلى والرسول صلى الله عليه وسلم صادق وهو من أمرنا بهذا الدعاء عند المصيبة ومن قاله عوضه الله خيرا مما فقده أرجوان تكوني بخير وتطمنينا عليك تحياتي . |
اشكرك اختي نوور .. وجزاك الله الف خير .. اي انا اردد هالدعاء و اقول اللهم انك كريم تحب العفو فاعف عني و طول ماانا ابجي اقول استغفر الله واللهم اشرح لي صدري ... بس والله صعب علي .. انا حبيته واهو يدري وتحملت واااايد اشاء منه .. ماتوقعت انه هذا بكون جزائي :(
|
يا اختي معليش بس شكله مادام انه بيلعب مايبغى يتزوج مايستاهل دموعك يالغاليه
انسيه والله يوفقك مع غيره ان شاء الله اللى يعرف قيمتك ويقدرك |
في شغله ابي اخذ رايكم فيها .. توه اختي شافتني ابجي و اتصل فيه واهو مايرد علي .. وعلى فكره انا فيني القلب و اختي تبي توديني الطبيب لان مو زين لي البجي ..و قلت لها اذا طحت عليكم وصار لي شي قوليله .. ردت اختي و قالت لا ماراح اقوله لانه مايستاهل و بجذي بقول تبي تكسر خاطري !! .. انتوا شرايكم ؟؟
|
ولد مكه .. اشكرك على ردك .. تكفون ادعولي اني انساه :(
|
والله حبيبتي انا نفس القصة بالضبط وطرحتها فالمنتدى ما ادري اذا قريتيها بس الفرق بيني وبينك انه ما طلب شي ولا اعترف انه كان يبا شي مني بس نفس النهاية ونفس الجملة الله يوفقتج مع غيري وتستاهلين للي احسن عني................الخ
والله انا ابا اواسيج بس حاسة فيج وعارفة اني كلامي مابياثر لاني مجربة هالاحساس انا صدق حسيت براحة نفسية فالبداية بس رجع لي نفس الاحساس حنين وكابة الله يعينك اختي هذا للي اقدر اقوله وحااااااااسة فيج والله |
والله مادري يااختي مااعتقد قريت قصتج .. اذا عندج اللنك حطيه ماعليج امر يمكن استفيد من الردود اللي لج بعد لان والله العظيم تعبت وااااايد .. وانا ماخذه كورس صيفي والامتحانات قربت وانا موقاعده اداوم ولا اقدر ادرس :(
والله يعينج يالغاليه و يعيني معاج :( |
على فكرة اختي اذا قلتيله انك مريضة بيفكر انك تبين تسوين اي شي وتالفين اي قصة عشان تكسري خاطره مثل ماقلتي وهو بيفهمها بهالطريقة وبيفكر انج تكذبين عليه هذا رايي
|
|
اي اختي قريت قصتج .. الله يعوضج بالاحسن منه ياااارب ... انتي 10 شهور انا 3 سنوات :( .. سنتين ونص حب جزء منها كان مجرد حب متبادل بس من غير مااكلمه او شي .. و عقبها تقدم لي رسمي :(
خلاص باخذ برايج انتي واختي والله يصبرني ان شاء الله .. مع انه يدري ان فيني القلب بس خلاص ماابي يفكر بمليون طريقه :( |
اختي الكريمة احمدي الله ان كشفه على حقيقته قبل ان يفعل ما كان ينوي فعله ثم يتركك ، ماذا كان سيكون موقفك وقتها ؟
هو لا يستحق حبك ، يكفي ان تعرفي نيته منذ البداية ، فهو لا يحبك ولا يريدك زوجة له وأما لأولاده ، ليس لسبب فيكِ ولكن لأنه ليس أهلا لذلك ، كنتِ ستكونين ضحية شخص اناني مستهتر عديم الضمير ، ولكن الله نجّاكِ منه ، وتقولين : ما زلت احبه ؟ لماذا بعض النساء تحب من يهملها ويبعدها عن حياته ؟؟؟؟؟؟؟!!!!!!!!!!! انتصري لنفسك ولكرامتك بأن تنزعي حبه من قلبك فهو غير جدير بذلك الحب . واحتفظي بمشاعرك الجميلة لمن سيكون زوج المستقبل والذي اتمنى ان يرزقكِ برجل بمعنى الكلمة ، احيانا لو لم يكن الحب موجودا في البداية ولكن الرجل عندما تلمسين شهامته واخلاقه العالية ومروءته ستحبينه رغما عنكِ ، صدقيني ، اشتري من يشتري قلبك وليس من يبيعه بأبخس الاثمان . |
اشكرك اختي البتول .. ان شاء الله .. بس الكلام وااايد اسهل من التطبيق انا في البدايه قلت احسن و كنت اتمنى هاللحظه تأتي من زمان لكن الحين احسها واااااااااايد صعبه علي :(
دعواتكم ":( |
الله يسهل عليج عزيزتي... ان شاء الله انج تنسينه.. و الله يرزقج باللي احسن منه.. تذكري ان عندج رب كريم.. و ما الله كتب لج تستمرين معاه الا ان ما في خير لكم مع بعض... اذا كان في خير لكم مع بعض... بالعكس.. كان ربج يسر لكم كلللل الامور.. و ذلل لكم كللل العقبات.. و لا تنسين... و عسى ان تكرهوا شيئاً... و هــو خير لكم!! يعني.. ان شاء الله ان هذا في خير لج.. الله يسهل عليج... و اهتمي في دراستج.. و استغفري ربج.. و احمديه.. كل شي بإرادة رب العالمين.. و ان شاء الله ربي بيعوضج باللي احسن منه يالاااا عااااااااااد... ضحكي الحيييين... و قومي غسلي ويهج.. و اقري لج على الاقل صفحة من القرآن الكريم... و ان شاء الله نفسيتج راح ترتاح :d |
غناتي والله ابتسمت علشانج والدموع بعيني .. قاعده اسمع قرآن .. تسلمين على الرد .. يزاج الله الف خير :)
|
الله يهون عليج حبيبتي !!!!ويرزقج بلي احسن منه !!!!!!
اختي والله ربي يحبج لو انه صج اخذ اللي يبيه وبعدين خلاج !!!!تكون مصيبتج اكبر !!!!! فانا اقولج عليج بالدعاء انه الله ييسر عليج نسيانه !!!!! واهم ماعليج صحتج !!!ولا تقولي له انج تعبانه !!!!!بعدين بيرفع خشمه عليج ويمكن يقدر ياخذ منج اللي يبيه !!!! الله يعوضج بلي احسن واشرف منه !!!!!!! |
مشكوره اختي والله يسمع منج ان شاء الله :( ..
وان شاء الله .. بس تعرفين لمن تحبين انسان اكثر من نفسج و بعدين تنصدمين منه لدرجه تكرهين نفسج .. هذا اللي صار مع اني ماني قادره انساه ولا حتى اكرهه ماادري ليش والله ماادري :( |
اللى يبيعك بيعيه بأرخص ثمن لآن اللى مثله ما ينبكى عليه ابدا
ادعى الله انه يرزقك ويعوضك بخيرا منه والله يصبرك وصدقينى دى مسألة وقت وبعدين هتنسى انت المفروض تحمدى الله كثيرا ان الله اظهره على حقيقته فى الوقت المناسب وضميره استيقظ قبل ان يقوم بأى فعل ممكن تندمى عليه عمرك كله |
الحمد الله على كل حال :(
اشكرك اختي على الرد .. |
وين الكرامه يا اختي ترفعي وسوف يعوضك الله خير منه
|
اختي الكريمة 000
خير لك انك لم ترتبطي بهذا الانسان 000 لانه يحب اللعب على البنات 000 وهالنوعية يعذب بعد الزواج خيانة ومغازلات ورايحة تكرهينه وتندمين على ان ربطت حياتك معه 000 واضح انه لايتحمل مسؤولية زواج 000 احمدي الله انه انسحب من الان ولم ينسحب بعد سنين من الزواج والتضحية 000بعد وجود اطفال 000 بعد ان تذهب زهرة شبابك 000 تمنياتي لك بالتوفيق |
اشكركم على المرور .. ادعولي انساه .. و صح الكرامه اهم شي انا بحاول اني اسكر موبايلي او اي طريقه عشان انساه .. بس وايد صعب علي .. محتاجه حق دعواتكم :(
|
يارب تنسينه وتلقين اللي احسن منه واللي ينسيك اياه وكل شي يخصه...حبيبتي اللي قاعده تمرين فيه مو سهل
لكن هذا الشي مكتوب وخلي ايمانك بالله قوي وخلك مع الدعاء تراه يشرح القلب...وترى حتى لو رجع لك المسأله فيها كرامه وراح تحسين انه راد مغصوب !!!!..المسـأله مسألة وقت صدقيني كم شهر ان شاءالله وراح تلقين نفسك نسيتيه ..واشغلي نفسك بالدراسه و بالرياضه وبالصديقات وعسى الله يشرح صدرج يـــــــــــــــــــــارب وتنســــــــين |
الله يسمع منج اختي ( محتاسه ) ومشكووره على الدعاء .. وان شاء الله الله كريم ..
وبالنسبه اذا رد مااتوقع يرد .. لان مااتوقع له وجه يرد لي .. الا اذا ندم !! مااتوقع اهو اعتذار ماكان يعتذر اذا زعلني تبينه يقول انا غلطت بحقج !! |
الله المستعان ... بنات آخر زمن ... !!
حب وتبادل مشاعر .. ويكلمك وتكلمينه .. وتدرين انه يبي يلعب معك ومع غيرك وانه يبي يوصل لشي غالي عندك بطريقه سهلة .. وأنتي اعتقد انك متساهله معه .. وتقولين ساعدوني .. انتي وقعت في مخالفات كثيرة كيف تبينا نساعدك .. الله المستعان |
الحمد لله على كل حــال
صحيح بأن قلبك يحبه وماأنتي قادرة تنسينـة ولا ألومــك !! لكن ! فكري بالأشياء الثانية " السلبيات أكثر من الإيجابيات " علشان راحتــك بس .. إعترف لك بـ لسانه إنه ماقدر يوصل لك ، وإنه هدفه اللعب فقط ! هذا أكثر شي يخليك تفكرين بأنه إنسان مايستاهل قلبك وحبك له .. لاتحاولين تستعطفينه بمرضـك وحاجتك له ، لأنه واضح إنه ما يبالي من البداية فـ كل شي بيرجع على نفسيتك لما يعرف وهو مكانه ماعمل لك أشي يرضيك ! الجأي لـربك وادعيــه يغنيك عنه برجل صالح يخاف الله فيك ِ ويحافظ على مشاعرك وقلبك .. بالتوفيق يارب .. |
جست ماحد رح ينفعك بالكلام
التجئي لربي افرشي سجادتك وووجهي كلامك ودعواتك لاكرم الاكرمين وارحم الراحمين ماحد رح يحس فيك والكلام الي تقرينه سهل ينقرا بس صعب يتسوا عشان كيذا ارفعي يدينك لربك واطلبيه وارجيه ان الله ينزع حبه من قلبك ويعوضك بالي ينسيك اياه جست الي ماراعاك ولا فكر بمرضك وسوا فيك كل هذا كيف يقوا قلبك تحبينه !! يمكن عشانه اول رجال بحياتك ويحس الواحد انو خلاص مايقدر يعيش بدونه بس صدقيني والله مع الايام بتذكرين هالذكريات وتحقرين حالك كيف صرتي ضعيفه كيذا الله يعوضك يارب ويشفيك ويخليك لعينن ترجيك وزي ماقلت لك افرشي سجادتك وتوجهي لربك سبحانه مارح يردك باذنه تحياتي لك اختك توفي :) |
يا اختي .. انتصري لكرامتك .. تحبين من يبيعك و قد قالها بملء فمه .. تحبين من كان يراك لغرض معين تحبين من اراد ان يأخذ منك اغلى ما لديك ثم يذهب عنك ارجوك .. ابتعدي عن اوهام الحب هذه و ادعي الرحمن ان يرزقك من يقدرك و يحترمك كانسانة لها مشاعر و احاسيس و ليس ... كجسد فقط اصحي يا اختي .. فلا هو و لا من هم على شاكلته يستحقون ان تذرفي دمعة من اجلهم او لحظة حزن بسببهم كوني قريبة من اخوتك و والديك .. حاولي ان تخرجي و لا تلقي بنفسك للتهلكة .. فنفسك امانة لديك و عليك ان تحافظي عليها دعائي لك |
فهد المحتار .. اخوي فهد ياريت بالاول تقرى مشكلتي عدل بعدين تقول اكلمه ويكلمني ... انا قلت انه ماكلمني بس من قعدات الاهل كنت اشوفه غير هذا ماصار شي لمن قال لي ابي اخطبج و فعلا تقدم لي و تمت الموافقه .. مو انا اللي اكلم واحد ...
................................. اختي توفي .. يزاج الله الف خير .. و فعلا انا اليوم كنت بالمستشفى و تعبانه و درى اني بالمستشفى ماكلف نفسه و دز مسج على الاقل يسال عني .. فاول ماطلعت من المستشفى دزيت له مسج قلت له اختي غلطانه قالت لك و اسفه علازعاج .. ......................... ابنة القهر .. اشكرك اختي على ردك الحلو :) .................................................. .......................... على فكره انا امس شفته بالشارع بالصدفه و ظل لاحقني انا و اختي وكان شكله تعبااااااااان ومتضايق اول مره اشوفه بهالحاله .. لمن صار بجانبي و حط عينه بعيني فتره ولا لف ويهها الا لمن شبت الاشاره وانا اخذت شارع ثاني لان ماابي اشوفه اكثر اخاف ابجي جدامه :s |
اختي غاليه اشكرج على ردج و صح كلامج طلع انسان مايهتم .. واناني ..
الله كريم ... ياااارب ابي انساااااااااااااااه :( |
اقتباس:
انا لله وانا اليه راجعون .. أنتِ ماعندك أخوان .. |
أختي الغالية
أدري مشكلة النسيان صعبة وخصوصا لأنه الحب الأول والأصعب انه هو من انهى العلاقة وهذا الشي يحز بالنفس أكثر وانت لما تتصلي فيه عندك رغبة قوية انه يرد لك اعتبارك ويرجع ولكن هالنوعية صعب التعايش معاها لأنه كثير العلاقات وأكيد بيخون ويكذب والحياة معاه ما بتنطاق .... وألم ساعة أفضل من ألم العمر كله ممكن انك تكبري عيوبه وتحاولي تذكري مواقفه السيئة عشان تنفري منه.... ممكن بعد انك تكتبي والكتابة للفضفضة واذكري عيوبه وعبري عن مشاعرك وكل ما تعانينه وعقب قطعي الأوراق أو احرقيها وتخيلي انه انتهى وزال من نفسك .... والأكيد في الاول والأخير استعيني بالله لأنك في محنة وعند المحنة نحن في اختبار من الله اما نلجأ له ونزيد الايمانيات فينا أو نتخبط في امور تزيد ضعفنا وتدهورنا ..... حاولي هالفترة تشغلي نفسك مثلا اشتركي بنادي رياضي لأنه الرياضة كثير بتفيدك في الخروج من حالتك النفسية الحزينة وبتشتت تفكيرك الدائم فيه...... تذكري انه المستقبل أفضل وأكثر اشراقاً وانتي بالنهاية محظوظة لأنك نجيتي من حياة تعيسة مع شخص لم يقدرك أو يعرف قدر حبك واخلاص مشاعرك فهو لا يستحق الحسرة او البكاء بقدر ما انك تحمدي ربك على النجاة من حياة زوجية تعيسة تجمعك معه.... |
فعلا موقف اكثر من صعب.....لكن...اتحبين من كانت نيتة لكى فالشر..اتحبين من لن يتقى الله فى بنات الناس..انظرى حبيبتى من تحبين..انظرى لة ولكلامتة التى تدل على عدم خوف من الله..احيانا يصيبنا شيئ فالقلب تجاة انسان اخر ونتوهم نحن انة حب..ولكن صدقينى...انة ليس حب..فى شيئ لا يمكن ان يختلف علية البشر..وهو ان الحب عطاااااااااااااااااااااااااااااء بمعنى اذا اعطاكى مشاعر و حب مبتبادل وطبعا ينطبق علية الشروط التى تجعلك تحبية من مظهر واسلوب..وحب متبادل بينك وبينة..فلم يتوفر اهم شرط فية هو حبة لك..وقبل اى شيئ ...ان يكون صاحب دين وخلق...وم كلامك لا يوجد فية لا دين ولا خلق..فكيف لك ان تحبية...اصلا كيف كلمتية بعد ما سمعت منة تلك الكلمات...لو كنت مكانك لجعلتة يندم على اللحظة الى فكر يرتبط فيها بى...عموما وفقك الله وزال من قلبك تلك المصيبة
|
ياناس تكفووون ادعولي انا تعباااانه حاسه اني وحيده .. موقادره انسى اللي حبيته من كل قلبي احس انه طعني بظهري وانحاش :(
يومي كله يمر علي بالصلاه و القران و الدعاء والبجي بس ماني قادره اتحمل اكثر من جذي احس اني مخنوقه ماادري شسوي .. امس طلعت مع اهلي يعني عشان اغير جو .. شفت مثل سيارته بالشارع جان اقعد ابجي و نكدت عليهم بالطلعه و كلهم قالوا لي مايستاهل انسيه بس ماني قادره حاطه ابالي انه برد لي في اي لحظه .. احس ساعات اني غبيه المفروض انساه و تكون عندي كرامه بس شي اكبر من هذا يشدني له :( توني دقيت عليه من تلفون اختي من غير علمها رد علي كان صوته عاااادي و قال انا طالع الحين ارد و ادق عليك ! كلمني كاني شاب !!! .. شكيت من الوضع انه يمكن معاه وحده !! .. دزيت له مسج قلت له لا تدق على هالرقم لانه مو رقمي اذا انت قد كلمتك و فعلا تبي تدق دق على رقمي .. مارد علي !! .. اختي درت و عصبت قالت انتي غبيه .. خليه حاولي تنسينه انا مو قادره انساه .. احس صرت مثل المينونه ماسكه موبايلي و شابكه مسنجر 24 ساعه على اساس اي لحظه يشبك او يدق .. والله العظيم اكتب لكم و ابجي بجى اللي احد من اهلها توفى :( كل اهلي مو راضين افتح الموضوع معاهم كلهم يقولون لي انسيه واحنا ماراح نكلمج بالموضوع عشان تنسينه !! مالي غير الله و انتوا .. اقدر اكلمكم لان انا ابي انساه بس مااقدر .. اهو اول حب بحياتي كان ابوي و اخوي و خطيبي و كل شي :( ياااااااااااااااااااااااااااااااااارب ساعدني :(:( |
وعسى ان تحبوا شيئا وهو شر لكم
خلاص انسيه هو اعترف بلسانه انه ما يبغيكي زوجة .... يعني افهميها يبغيكي حبيبة يتونس بيها وبس وشكله صاحب سوابق ربك يحبك وما يبغيكي تتبهدلين خليه وراكي وانسيه والله بوفقك في غيره وقولي" انا لله وانا اليه راجعون اللهم اجرني في مصيبتي واخلف لي خيرا منها " |
اي والله انا لله وانا اليه راجعون اللهم اجرني في مصيبتي واخلف لي خيرا منها :(
|
اختي ما راح ازيد عن اللي قالوه لج الاخواان وانتي تدرين ان اللي تسوينه ما في فايده تحبييين بالهوا يعني هو مو حاس
اختي ترا اللي تمرين فيه انه قاعده امر فيه بس بشكل ثاني بس المقصد نفسه وادري باحساسك وشعورك انك ما تقدرين تنسينه بس تحملي وصدقيني الاخوان قالو كلمه لك توجهي لربك بالدعاء وقومي خلنا نروح نصلي ركعتين لله انه فكنا من هالذئاب وبين حقيقتهم لنا قبل فوات الاوااان قومي يا اختي نتوضا ونصلي وما في اجمل من حب الله خل نعطي ربنا هالحب اللي محد يستاهه غيره ونتوجه بالدعاء له عسا يرزقنا ياربي بالزوج الصالح اللي يستر علينا وعلى بنا تالمسلمين . تحياتي اختك |
الله يسهل عليج يااختي و يصبرج و يصبرني معاج .. والله كريم :(
ومشكوره على مرورج .. |
أختي وربي تحمست وانا اقرا كلامك وانقهرت مررررررررررررررررة
والله لو انا بمكانك اني اتركه مباشرة وعن قناعة تااااااااااااااااامة اللي يبيعني ابيعه صح بتعذب وبابكي وبنهار وبفكر فيه دايم وبتذكر ايامي معاه بس عادي فترة وتروح اهم شي راسي فوق وكرامتي ماتنزل عشان واحد واطي لعب علي اطلعي روحي تمشي جددي من روتينك شوي كل ماصليتي بسجودك رددي اللهم اجرني في مصيبتي واخلف لي خيرا منها |
| الساعة الآن 09:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©