|
ولدي أبيض .... وأنا حنطي ! ! !
السلام عليكم ورحمة الله تعالى وبركاته ..
تأكدوا أنني في كل مشكلة تواجهني أتوجه إلى لله ثم أليكم إخوتي ... رزقت بمولود ولله الحمد والمنه ولدي طلع ابيض مني بكثير .... يعني أصفر وأنا حنطي اللون وودي أحد منكم يفيدني عن ذلك من الناحية الطبية ...؟؟ وهل هناك خلل في الكروموسومات( مع العلم أن أم محمد صفراء اللون .؟ والحقيقة أني أخجل من الناس وأحب الجلوس في البيت بعيدا عن أنظار الناس ... ولكم تحياتي ... |
عجيب امرك.!!! هل تخجل من لون ولدك .. من لحمك ودمك..!!! يااما يناس سوود مب بس حنطيين يولدون بيييض.. يمكن حد من اجدادكم وآباكم كانو بيض .. مافيها شي يا خوي.. واايد اتصير وعند ناس كثاار.. بقولك عن ولد عمتي هو اسمر وزوجته صفره والله الولد اتقوول سوري او مصري ما شااء الله عليه ابيييييض والشعر اشقر.. بالعكس شي حلوو..:22: اطلع من العزله اللي انت فيه .. وصدقني في ناس يحسدونك على ولدك.. اقرى على ولدك قبل لا تطلع مكان.. بالتوفيق.. |
الله يجزاك خير
الصراحة محتاج لمثل هذا الكلام الجميل اللطيف على الكبد ترا أنا أتأثر سريعا وينعكس علي ما أقراه في لحظة تمنياتي لكي بالتوفيق والسداد |
أخي الكريم
تقول أم الولد صفرا ولدك طلع على أمه وسع خاطرك ولا تشيل هم تحياتي |
طيب ماهو شرط يطلعلك ... ممكن طالع لأمه يعني إيش المشكلة في الموضوع
|
المشكلة أختي الكريمة الخجل ...... ذبحني ...... ذبحني
عن جد ..... ذبحني ... مدري ليه |
أخي الكريم
تعوذ من الشيطان الرجيم وأحمد الله على النعمه تحياتي |
يا أخي كبرت الموضوع وخفت من كلام الناس وما خفت تقصر مع ولدك ( ولدك هذا هو اللى بيساعدك على الدنيا مو الناس ) وكمان انتبه لايأثر الموضوع على علاقتك بزوجتك ( هي الان خارجه من تعب حمل ووضع ) لازم تكون انت جنبها وبعدين عالم كثيره يتمنوا ان الله عزوجل يرزقهم بأطفال فحمد الله على النعمه وأطرد كل الوساوس اللى في بالك ...
وبعدين يأخي انا اشوف من زملائي اولادهم ماشاء الله زي القمر وما نقول لهم غير كلمة ( والله توفقت ) يعني ان زوجته جميله فيمكن يأخي ولدك طالع لزوجتك انت مو تقول انها صفراء اللون ؟؟؟!!!! وعلى العموم الف مبروك ويتربا في عزك وعز أم أحمد |
لا يا اخي ليش خجلان اصلا بلعكس المساله جدا عاديه
اصلا انا اعرف ناس سمر كثير يعني الام و الاب سمر و جابو ثنين بنات توم وحده سمره مثلهم و الثانيه بيضه بياض مو طبيعي و العيون زرق يعني كأنها من دوله غربيه و لو ما توم يمكن كانت تصير مصيبه بس لئن عندهم في اباءهم و اجدادهم بيض حدث هذه الشئ يعني الصفات الوراثيه ممكن تطلع في اولاد حته لو من جدهم الثامن عشر سبحان الله |
اخي الكريم 00000
يبدو انك من النوع الحساس 0000 عادي أنا ابني أصفر وأنا حنطي فاتح 0000 مع ان والدة ابني ليس صفراء لكن انا لما كنت صغير كنت اصفر 0000 ولما شبيت صرت حنطي وشعري تحول بني غامق 000 واحدى اخواتي نفس الشيء اذا كنت خجلان فابدأ بالتدريج يعني اول خذه معك للاقارب 000 ثم تدرج وخذه لواحد من زملائك 000 وكل مرة يشوفه واحد حتى يغدو الوضع مألوف عند الجميع 000 وهكذا وصدقني دايم نشوف زي كذا رجال وابنه 000 ولانستغرب الوضع 000 فثق بنفسك وتوكل على الله 000 |
اقتباس:
|
وأنا كذلك لم أفهم سبب الخجل
أي أحد في مكانك سيسر لأن ولده جميل كلنا نتمنى أن يكون أطفالنا بأروع ما تكون الخلق والخلقه وأن يكون جين من أجدادنا يظهر في طفلنا ليحليه والسلام |
من الواضح أن الولد طالع على خواله وهذا شيء عادي لكن كيف تخجل من الناس بالعكس المفروض تفرح.
|
هههههههاي
والله اضحكتني وارجوا عدم الزعل يا اخي الكريم طبيعه الطفل الصغير يكون ابيض ولما يكبر يغمق الي الحنطي كم انت حساس كان الله في عونك |
** السلام عليكم ورحمه الله وبركاته **
الله يهداك .. قول لا إله إلا الله ... احمدربك ياخوي .. ليش الزعل بس :d
|
يقول العلماء
ان الطفل ممكن يأخذ من سابع جد له يعني لما يكون ابيض وزوجته بيضاء ( شاميه ) لكن احد اجداده الحادي عشر اسمر لا تستغرب يطلع ولدك على جده العشرين |
لا حول ولا قوة الابالله
اولا: مبروك على المولد الجديد يتربى بعزكم .((ماشاءالله)). ثانيا :انا انصدمت بعد ماقريت الموضوع ليش يا اخي الكريم تخجل هذا ولد حلال مو ولد حرام المفروض انك تفخر فيه ما تخجل منه).. احمد ربك ان الله من عليك بولد>>>>>>>>>>> غيرك محروم من هذ النعمه ((استغفر واحمد ربك ولايلعب فيك الشيطان )) (( اجل لو يجيك ولد يشبه لنبي يوسف عليه السلام وش تسوي )) __________________________________________________ ____ ابذكر لك مثال <<< انا ولد خالتي متزوج اجنبيه __ورزقه الله بمولود ماشاءالله تبارك الرحمن جميل جدا عيونه زرقاء وشعره اشقر وابوه اسمممممممممر وعااااااااااادي جدا. يعني ابوه بوادي وهو بوادي>>>>> وابوه فرررررررحان ان عنده ولد اشقررررر. |
الولد طالع على امه وش المشكلة طيب؟
أتوقع انك مستحي تخاف يقول الناس طالع على امه أبيض صح؟؟ ياخي امه مافيها شي قل الحمدالله على النعمة لايعاقبك الله ويبلاه ربي بشي وتتحسر الله يخليه لك... وبكرة اذا كبر بتذكر كلامي لونه بيغمق شوي |
أخوي العزيز....
مادري حسيت من كتابتك في شي بين السطور عموما اخي العزيز هذي مو مشكله ابدا وياما ناس صار لهم كذا بعدين ليش الخجل حنا اخوان وكل واحد له شبه واتحدا اي واحد يقول اني انا وخواني نشبه بعض ولا فيه على الاقل على قولتهم دم كل واحد له لون الي ابيض والي اسمر والي حنطي وكل واحد مايشبه الثاني ابدا لا في لون ولا في ملامح ولا كان ابوي الله يرحمه يخجل بلعكس كان يرزنا في كل مجلس عموما انت حساس تراك وهذي الصفه بتتعبك يا خوي نصيحه مني تخلص منها تحياتي لك اخوي وربي يبارك في ولدك ويرزقنا أن شاء الله وكل المحرومين |
والله يا أخي مع احترامي لك ما عندك سالفة بعدين الولد ماراح يظل على لونه لان مادة الملامين اللي في الجلد ما تفرز الا بعد ثلاث أيام من الولادة يعني يطلع اللون الصحيح وبعدين لو أنه ابيض شالعيب فيه كلنا نتمنى عيالنا بيض انا بنتي لما جبتها كانت بيضة مثل القطن والحين عمرها سنتين صارت حنطية فاتحة وواحد من عيالي اسمر غير كل اخوانه والله عادي ما فيها شي الناس تفتخر باللون الابيض وتظهره وانت تخش ولدك وتنخش عن الناس بس دير بالك على ولدك من العين والله يوفقكم ويخليه لك
|
نقل للتوجيهات
|
اقتباس:
الموضوع كله ضعف شخصية قلة ثقة بالنفس فقط لا غير هناك كتب جميلة لأساتذة علم النفس تساعد الانسان لرفع ثقته بنفسه لا أملك أسماء لهذه الكتب لكن بامكانك البحث عنها في المكتبات تمنياتي لك بحياة سعيدة مع طفلك و ربنا يجعله من الصالحين أخوك |
تقولون طب وعلم
والأصل أن نقول ألا تعلم بقصة ذلك الرجل الذي اتى الى النبي صلى الله عليه وسلم ويخبره ان احد ابناءه اسود فضرب له النبي صلى الله عليه وسلم مثال رائع عندما قال له ( بمعنى الحديث ) هل عندك ابل ؟ وما لونها؟ وأليس فيها اختلاف وعدم تشابه فأجاب الرجل بنعم فقال له : لعله نزعه عرق . يعني مو شرط ان الولد يطلع على ابوه او امه يمكن يطلع على الخوال او الجد فما فوق والله اعلم |
:22:
اقتباس:
خرجتها من لساني صح لسانك ولايهون باقي الاعضاء |
لماذا الخجل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل تخاف ان يشبهه الناس بأمه ويعرفون مواصفات زوجتك؟ أو انك تشك بأنه ابنك؟ اذا كان السبب الاول فاعلم ان هناك أناس جمع أبنائهم مابين بياض الام وجمالها ايضا وكأنه نسخه مصغره لها ويكون الاب اسمر غير جميل فالا هم انعزلوا عن الناس ولم يخجلو هذه نعمه يرزقها الله من يشاء[جمال الزوجه والذريه] هذه نعمه تتوجب الشكر وليسا الخجل!فطفلك ابيض فقط ولم تقل انه جميل فماذا كنت ستفعل ان كان جميل ايضا؟؟!! اما ان كان قصدك السبب الثاني اي انه في اوقات يأتيك هاجس بأنه ليسا ابنك فأن في زمن الرسول عليه الصلاة والسلام قصه مشهوره جدا وتعجبت انه رغم كثرة الردود لم تذكر وهي انه جاء صحابي رزق بمولود{ أسود}رغم انه وامه ليسا بسودفاسأل الرسول صلى الله عليه وسلمفقال له لعله اصاب عرق من اجدادكم واعلم انه هذا وسواس من الشيطان لينغص عليك حياتك فتقي الله في نفسك اول وفي ابنك وزوجتك اللذان لاحول لهما ولاقوه.. |
لالالالالالالالالالالالالالالالالالالالالالالا تعليق
ربي لك الحمد والشكر على نعمة العقل |
ههههههههههههههههههههههههههههههه
اخوي عادي جدا ولد عمي اسمر جدا جدا جدا جدا يعني مفحم ومتزوج وحده مثل القشطة وتعال شوف العيال واحد ابيض وواحد اسود يعني مو دايم يجيبون ابوهم خل عنك الوسوسة والكلام اللي ماله سنع اهم شي شوف الملامح تبين معك |
لا اخوى نور العين لاتخجل ولا شى
ممكن يكون خلل فى الكروموسومات او انها وراثه من الاجداد عادى اخوى و يتربى بعزك يارب والله يزيد نور عيونك بولد ويقر عينك بيه فى ناس مشتهيين الولد او البنت احمد ربك على نعمه الاولاد وشيل وسواس الشيطان من راسك |
اخي انا ما اشوف مشكله.. عموماُ المولود يغمق لونه بعد ما يكبر.. بس احب اقولك انه شي عادي انا عندي اثنين من اخواني لونهم ابيض اكثر منا وشعرهم اشقر ولا امي ولا ابوي شعرهم اشقر بس قالوا لنا ان فيه جده لنا كذا لونها والوضع مره عادي بس اوقات امزح معاهم واجيب صبغه شعر غامق واقول بصبغ شعوركم عشان نصير مثل بعض ويضحكون لا تأزم الموضوع خليك عادي واحمد ربك ولدك لا هو معاق ولا ناقص نمو.. الحمدلله معافى واهم شي الصحه.. |
هههههههه صراحه اخوي اول مرة اشوف اب يتضايق انه ولده طالع ابيض اصلن اغلب اليهال ينولودون بيض ههه بس مع الايام يتغير لونهم نفس اليهال الي عندنا في العايله اخوي ترى مو شرط احنا عندنا في العايله وحده حنطيه هي وزوجها وولدهم جا اسمر بشكل مو طبيعي وكلنا منصدمين شلون ليش طالع لونة كذا بس الاطباء قالوا عادي يمكن بالوراثه وانه في حد من العايله اسمر ههههه يعني من الجد السابع لين ولدك اكيد كانوا في ناس بيض وهو طالع عليهم يعني المشكله مو كبيرة مثل مانت متصورها صدقني
واهم شي انه يكون ولد صالح هذا اهم شي |
يا اخي عموما الاطفال يجون فاتحين اول ما ينولدون....
انت حنطي من الشمس هو باقي توه لحمه حمرا تعوذ من ابليس |
أخي الكريم
تعوذ من الشيطان الرجيم وأحمد الله على النعمه تحياتي |
شي طبيعي مثل ماذكرو لك الأخوان و الأخوات...
صديقتي.. لونها اصفر وزوجها حنطي مايل شوي على الأسمر ولدها ابييييض واشقر وعواينه زرق ماشاء الله عليه حلوو لكن لا امه ولا ابوه عواينهم زرق ولا شقر اثنينهم شعرهم اسوود... |
اجل ايش تقول في اولادي
ابني ابيض مثل ابوه بنتي شقراء مثل جدها لابوها بنتي الثانية جت سمرة مثل اهلي . وشكلك مكسوف انه الناس تعرف انه زوجتك شقرا . عادي ايش فيها غير اذا الاصحاب ناس فاضية تعلق على الفاضي والمليان طنشهم وعيش احلى حياتك عيش براءة الطفولة شوف الامل في عيون ابنك. |
احمد ربك على الذرية يااخوي
وتذكر اكو ناس ينتظرون سنين وسنين عشان يجيلها عيال سم عليه وحصنه من العين وكلام الناس لايقدم ولاياخر :22: |
مو تقول امه صفرا !!
|
لا أعلم ,,,, ولا أدري .... ولا كيف ...... ولا يمكن
أن أرد على تلك النصائح والتوجيهات التي ملأت قلبي ونفسي بالأماااااااااااااااااان بما يتوجب علي الرد به ..... شاكر لكم ومقدر حسن تعاونكم معي وتعاملكم ... (( إخواني وأخواتي ))) ولا أملك إلا أن أقول ((( الله يجزاكم عني وعن كل مسلم يخاف الله خير ... وبارك الله فيكم )) أسعدتموني بما كتبت أياديكم لكل الأعضاء الكرام دمتم ساليمن أخوكم / نور العيون |
الشكر لكل المشاركين في الموضوع
الذين كتبوا وسطروا اروع الكلمات لتكون بلسم لأخينا الكريم نسخة لعالم المشاكل المحلولة يغلق بوركتم |
| الساعة الآن 07:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©