|
أتمنى تعطوني حل لمشكلتي
السلام عليكم ورحمةالله وبركاته
اولاً مشكلتي انه اذا كنت جالسه انا وزوجي مع بعض في البيت او في السياره او اي مكان ما اتكلم طول الوقت ساكته هوه يسولف وانا اسمع وارد.واخر مره توه قريب سافرنا فرنسا تصدقون طول ثلاثه الايام الاولى ساكتين ولا تكلمنا في اي شي لانه الصراحه عندي طفل عمره سنتين وتسع شهور مجنني شقي فكل همي انه انتبه له.فقال لي زوجي وش ذا الحياه ترى والله مليت لا تسولفين ولاتتكلمين في موضوع بس ساكته قلت ان الولد ماعطاني فرصه قال طيب شوفيه الحين نايم ليش ماتتكلمين انا الصراحه ماعندي شي اسولف فيه كل الي عندي يعرفه فقلت له وش اسولف فيه تبي اقول كلام قد قلته من زمان وش اقول مافيه شي جديد لااروح لأحد ولا اطلع كثير فماعندي سواليف.احنا طبعا موجودين الحين في بريطانيا بسبب دراست زوجي طبعاًهوه طول الوقت مسكر عليه المكتب ويدرس مانشوفه الا اذا بيتغدى او يتعشى وزياده مانجتمع على الاكل لان اكله مو زي اكلنا يسوي رجيم.الحمدلله الحين خلص البحث فرحنا نغير جو في باريس والله ودي اني اسولف واتكلم معه والله انه مايستاهل هوه طيب معي ودائماً يحاول يرضيني باي شكل وش الحل ساعدوني مع العلم اني اتكلم كثير مع اهلي وصديقاتي وسلامتكم ماالحل؟؟؟؟؟؟ |
يا اختي يوجد مليون موضوع وموضوع تتحدثي فيه مثلا
احكي له ما قرأت في المنتدى من قصص ومواضيع او ماذا تصفحتي على الانترنت بشكل عام اذا تحدثتي مع اي احد كان بواسطة الهاتف او غيره او مع صديقاتك ممكن ان تقولي له موقف حصل بينكم اما مضحك او محزن لا يهم تحدثي معه عن اي شئ حضرتيه عل التلفاز او سمعتيه على الراديو واعجبك تحدثي معه عن دراسته والله يوفقك |
عزيزتي
بسألك سؤال ياليت تجاوبيني لما تكونين مع اخواتك ولا صديقاتك كيف تكون سواليفك معهم؟؟ وعن ايش تدور؟؟ لي عودة باذن الله |
اختي
لكم فتره متزوجين و كونتي فكره عن زوجك تعرفين فيها ما يشغله او ما يعجبه النقاش فيه الان موسم كره قدم ممكن تتناقشو في الفرق او حتى لو ما مهتم في هوس الناس بهذه اللعبه انكم في باريس تكلمي عن المعالم السياحيه و الناس و فرقهم عن البريطانين اخيرا ممكن تتكلمو في احوال المسلمين وهذا اذا بداتو فيه ما حتخلصو الله يصلح احوالكم كلها |
اولاً الف شكر على الاهتمام والرد السريع
والله كنت اقوله عن مواضيع قريتها في النت يجلس يقول والله انكم فاضيين لانه هوه عملي ومايضيع وقته الا في الاشياء المفيده واذا حكيت له قصه محزنه يقولي ارجوك لاتقولين لي قصص زي كذا لانه انا اتأثرمنها فااستحي واحاول مااقوله كل شي اقراه اما بلنسبه عن سواليفي مع الاهل والصديقات اشتكي من اخت زوجي هلكتني هيه وأمها:( وطبعاً عمري مااشتكيت له منهم دائماً امدحهم.هذا واحنا نجيهم بس اسبوع عاد لو سكنا عندهم .ونتكلم كمان في اشياء ثانيه زي السوق والطبخ يعني سواليف حريم:) |
افضل حديت يمكنك تبادله مع زوجك يبداء بسؤاله عن يومه كيف كان وما دا صنع هدا سيفتح العديد من المواضيع
فكل ما يريده زوجك هو احساسه باهتمامك به ومشاركته اهتماماته يمكنك استغلال حدث عام فتح موضوع نقاش وتبادل اراء متلا معضم الازواج يشتكون من ترترة زوجاتهم وانت والحمد لله مشكلتك بالعكس |
خصصي وقت لزوجك و ابدئي بمحادثته في أي موضوع يخصه أو يخصكما معا و بدالك ستتاح لك عدة مواضيع تجعلك تتحدثين فيها مع زوجك و تأكدي أن مشكلتك بسيطة جدا جدا
|
والله العظيم انها نفس مشكلتي!!!!
انا بطبعي قليلة كلام مع الجميع من اهلي وصديقاتي ولا اعرف ابدا افتح موضوع ودي اعرف اذا فيه طريقة او دورات تساعدنا بصراحة انا متأزمه من هالموضوع |
ههههههه والله اني فاهمك وش اسولف ؟؟ وش أقول .
تحصل كثير وستتغير حتما,عندي فكرة اطرحي القضية على زوجك وقولي بلعب معك لعبة طول الحياة أنا وأياك متزوجين أنت تدري وانا أدري . لكن بنلعب لعبة الأصدقاء وأتعامل معك كصديق وأقولك أسراري وأنت تصير صديقي وماتزعل وأتكلم معك بكل صراحة ماتهاوش وامون عليك كأننا أصحاب ولا تزعل من المزح. أذا وافق ابدأي حياة جديدة ما فيها روتين الحياة الزوجية وهبلي فية وأمزحي معاه ولا تعامليه بجدية وأذا قال شي قول حنا أصدقاء لازم تتحمل الصداقة ,,,,,, على فكرة الروتين ممل مبروك البحث وقبال الشهادة |
موضوع جيد .. وخاصة هذا ما اخشاه لنفسي اذا تزوجت , فهل هناك طريقة تعلمنا كيف نفتح مواضيع وتعلم الحوار الجيد ؟
|
وأنا العكس منك تماما ما أسكت دايما أتكلم وأقوله عن سوالف العيال وعن شئ قريته وعن شئ شفته وهو يقرأ الجريدة ودايما أعصب لانه ما يفرق بين إنى أحكى أو أسال من كثر ما هو مشغول بالقراءة
أحسن طريقة حاولى تهتمى بهواياته وإتثقفى فية وإبدأى بمناقشته أو حاولى تساعديه بالدراسة وأقولج شغله تريا الرجال مل من كثر إهتمامك بالولد ونسيانه إدخلى عليه أحيانا المكتب معك عصير أو حلويات وإسأليه وين وصل بالدراسة وإطلعى وأحيانا طلى عليه برأسك وإبعثى له قبلة وهكذا وعلى ما أظن ولدك بعمر ممكن تدخليه الحضانة ولو ما داوم يوميا وطلبى من زوجك الذهاب للتنزه أو الاكل خارجا وإسأليه عن طفولته أو موقف ما ينساه لان الرجل يحب كثيرا التكلم عن أيام مراهقته ولك التوفيق |
الف شكر لكل الي حاولوا مساعدتي وان شاءالله راح اتغير وكل الي اقدر اقوله لكم ان الله يوفقكم ويخليكم ويعطيكم العافيه قولوا امين:)
|
عزيزتي
اذا ما قدرت فتح نقاشات مع زوجك بتخسرين جلوسك معه لان الانسان بطبعه يحب التحدث لمن حوله لذلك حاولي تختبري زوجك عشان تعرفين وش المواضيع اللي تشده جربي معه كل المواضيع وعلى رأسها كلام الحب افتحي معه حوار مثلا يا ابو فلان وش تعتقد المعنى الحقيقي للحب؟ اش رايك في الاخوة؟ وتكلمي عن علاقتك باخوانك وسأليه عن اكثر واحد يحبه من اخوانه كذلك الصداقه جربي تتحدثين معه عن التجارة والاسهم(حديث العصر) ووقت الحديث قلديه في كل حركه يعني لو كان صوته عالي ارفعي صوتك زيه يحرك يدينه حركي يدينك زيه بعض الالفاظ اللي يكررها استخدميها مثل (تخيلي,يعني,مثلا) قلدي اسلوبه كل هذا له اثر كبير عليه لانه بيحس انه يكلم واحد زيه كل مبدأ أو حاجه يأيدها وافقيه عليها اذا كان يحب المدح امدحيه اذا رجع من دوامه اسأليه كيف دوامك اليوم واذا قالك سالفه صارت اسأليه عن تفاصيلها كأنه في تحقيق لانه بيحس انك مهتمه (خلي نفسك في مكانه) كمان اذا رجع من عزيمه زلا جلسه مع زملائه اسأليه اش تكلموا فيه وانت بهاذي الطريقه بتعرفين وش المواضيع اللي يحبها كلها فترة وتحسينه يحب يتكلم معك وأروع سؤال بتسألينه له كلمني عن حياتك ؟ اش طموحك احلامك ؟ كيف كانت طفولتك؟ وكوني مستمعه جيدة له ولما يتكلم حاولي تقربين منه وصلحي ايماءات براسك يعني انك متابعه اتمنى اني افدتك اتمنى لك حياة زوجيه سعيده حنان |
ركزي على المواضيع اللي تهمه
أو مجال دراسته أو هواياته حتى المجلات والكتب اللي يتصفحها خذي فكرة عنها عشان تقدرين تفتحين معاه نقاش او سوالف الله يوفقك ويسعدك |
اختي العزيزة اتمنى لكي الخير واتمنى انك تتبادلي الحديث مع زوجك لانه اذا لم يجد منك القبول والسؤال عن حاله والترفيه عنه وخاصة انه في مرحلة دراسة يعني يحتاج الى من يبادله الحديث والكلام ومن يتجاذب اطراف الحديث معه
فانه سيبحث عنه في مكان آخر او مع شخص اخر ( واللبيب بالاشارة يفهم )فاتمنى انك تساعدين زوجك على دراسته وحياة الغربة التي تمرون بها واعذروني على الاطالة |
| الساعة الآن 12:47 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©