|
بما انني مدمنة قهوه...(صور)
السلام عليكم ورحمة الله وبركاته
اخواتي العزيزات بما انني اكبر مدمنه للقهوه في العالم العربي فواجبي عليكم ان اخبركم عن كيفية تحضيرها وطهيها في بلادي....واتمنى منكم ان تشاركوني في ذلك كل واحده على حسب عادات بلدها وتقاليده حتى نفيد ونستفيد..فانا مثلا اتمنى ان اعرف طريقة تحضير القهوه لكل بلد حتى اشكل وانوع في تحضيرها والان اليكم طريقة تحضير القهوه على حسب العادات النجديه(اهل نجد)لان كل منطقه في بلادي لهم طريقة تختلف عن الاخرى اليكم الطريقه نقوم بشراء البن (حب) نيئ [IMG]http://www.66n.com/pics/hosted/w7gml...mtfqauscdu.jpg[/IMG] نحمسه على النار حتى يتغير لونه للبني ثم نقوم بطحنه جيدا [IMG][IMG]http://www.66n.com/pics/hosted/w7wa7hz***pichokbvkrk5q35840yed1.jpg[/IMG][/IMG] نطبخ القهوه في الابريق الخاص وذلك بوضه مقدار فنجال واحد من القهوه واضافة ماء ساخن الى ثلاث ارباع الابريق ونتركها على النار من ثلث الى نصف ساعه [IMG]http://www.66n.com/pics/hosted/p3v4t...4e03ll8w1m.jpg[/IMG] بعد نضجها نقوم بسكبها في الدله العربيه [IMG]http://www.66n.com/pics/hosted/ctf9u...u7a6jf29mj.jpg[/IMG] بعد ان نضع فيها ملعقه صغيره من الهيل المطحون جيدا [IMG]http://www.66n.com/pics/hosted/laeg6...myt4qf887i.jpg[/IMG] وقليل من الزعفران [IMG]http://www.66n.com/pics/hosted/pt6g2...5f8u9h891m.jpg[/IMG] نقدم معها التمر [IMG]http://www.66n.com/pics/hosted/pb0xu...f6icl47kh3.jpg[/IMG] واي نوع من الحلى وافضل الانواع لدينا هو الكليجا [IMG]http://www.66n.com/pics/hosted/txccm...7z180wieni.jpg[/IMG] وتقدم في فناجيل صغيره معروفه لدينا لشرب القهوه [IMG]http://www.66n.com/pics/hosted/rtmw6...uy2mrkoofl.jpg[/IMG] اتمنى يكون اعجبكم الموضوع واتمنى كل وحده تكتب لناطريقة تصليحهم للقهوه حتى نستفيد من عادات كل بلد ونطبقها... |
روعة يا حلى ام خالد
تسلم ايدك ا قمر اكيد انا معزومة:d :d :d بقلك شي اتركيلي رسالة خاصة باسمي بعالم الرسائل الخاصة :22: :22: :22: |
الله الله على هالمواضيع اللي تفتح النفس . . :25: :25: انا ترى جيت على ريحة القهوة!! :11: :11: شوفي حبيبتي انا الطريقة اللي أعملها قريبة جدا لطريقتك . . اشتري البن أخضر نيئ . . و احمسه " مع الهيل " على نار هادئة . . الى ان يصبح لون البن بنّي . . اطحنه مع الهيل . . " مقدار الهيل يكون ثلث مقدار القهوة " يعني اذا القهوة 3 ملاعق . . أنا احط ملعقة هيل صحيح غير مطحون . . و اطحنهم مع بعض . . و تعاااااالي شمّي الريحة . . :23: :23: والله ان الريحة لوحدها وقت الطحن تعدّل المزاج . . :14: :14: و بعدين اسخّن الماء و أضيف القهوة المطحونة مع الهيل . . تقريبا فنجان قهوة مطحونة مع كاس و نص ماء . . و أضيف حبّة مسمار واحدة فقط . . و قليل من الزعفران . . و أخليها تطبخ على راحتها . . تقريبا ثلث ساعة . . بعدين في المطّارة اضع ملعقة صغيرة من الهيل المطحون . . " و في طريقة ثانية بس مو دائما أعملها " . . اللي هي نفس الطريقة اللي فاتت . . بس قبل لا تسكرين على القهوة بدقيقة . . ضيفيلها ملعقة صغيرة كوفي ميت . . و تطلع لذيذة . . الله يعطيك العافية على هالموضوع اللي يعدّل المزاج . . :22: :22: :22: :22: تحياتي لك عزيزتي أم خالد . . |
يرحم والديك ياأم خالد
اللحين هذا وقته الساعة 2 وربع فجرا وشفت القهوة واشتهيتها خسارة ماعندي أحد أتقهوى وياه الكل بداره ..ليت أمي الله يرحمها معي كان روت وروتني معها عموما سجليني تراني ثاني أكبر مدمنة قهوة في العالم العربي والعالم كله ... وأحاول أتعالج منه لكن دون فائدة وعلى فكرة طريقتك هذي نفس طريفقتنا لأنو فيه ناس صارت تسوي فيها بدع هالقهوة حليب وقرفة وقرنفل وزنجبيل ...طلع دواء نفاس مو قهوة... عموما الله يرضى عليك جعلنا نشربها بالجنة ووالدينا يالله |
ريما
اهلين اختي وتركنا لك رساله دهن العود مشكوره اختي على الطريقتين ياقمر كل وحده احلى من الثانيه اشتقت لامي وين الغيبات ولا الاختبارات ما شفت لك حس منذ مبطي عسى ما شر الله يغفر لامك ولابوي ويجمعنا معهم في دار كرامته |
الله عليك يا ام خالد بس ما اظن انك مدمنة اكثر ممني على القهوة عن طريقة بتجنن يسلموا ايدكي و ربنا يعطيك القوة و راحة البال
|
اختي سن
مشكووره اختي وانا مدمنه اكثر منك تقبلي التحدي؟؟؟ |
عزيزتي أنا بقولك قهوتنا يا أهل الجنوب
فنجان قهوة خولاني (يمني محمسة ...بصراحة اشتريها جاهز من المطحنة تلاقيها في أي مكان حتى لو كنت في جده أو الرياض أنا لقيتهاوتجيني حتى وهي مطحونه حارة لأن توه محمصة وطاحنها ...يعني صارت بن مطحون لونه بني)+ زنجبيل مطحون شويه يعني يمكن نصف ملعقة صغيرة +أنا أحب ريحة الهيل وطعمه بعد مع انهم يقولوا مضر بس وش نسوي بصراحة أحط 3ملاعق هيل مطحون + زعفران + طبعا موية مغلية ( كله خليه يغلي مع بعض في الإبريق المخصص للقهوة.....وشمي الريحة اللي تفتح النفس) = قهوة على كيف كيفك جربي وادعيلي ومرحــــــــــــــــــــ1000ــــــــــــبــــــا ياريتك عندي كان قهويتك وسويت لك ذيك العصرية اللي ماتنسيك قهوتنا يا أهل عسير |
اختي ساره
ياهلا باهل الجنوووووب مرحبا تراحيب المطر الحمد لله كفشتك في عسير لازم ازورك واتقهوى عندك باين قهوتكم قهوة كيف وانا تقريبا كل سنه اروح للجنوب والسنه هذي ابقلط عندك وش قلتي؟؟؟؟؟ |
بقولج طريقتي من أختراعي وطلعت وايد حلوة ومن بعدها زوجي مايحب أسوي إلا هذي القهوة واشتهرت عند الأهل فيها..........:23: :23: :23:
المقادير: كوبين ماي / ملعقتين كبار بن خليجي مطحون /أشوي زعفران / ربع ملعقة صغيرة جدا سكر / ملعقة كبيرة هيل/ ملعقة كبيرة حليب رينبو الطريقة: بعد غليان الماء ضعي كل المقادير وخليها تغلي على نار هادية مدة 10 دقايق ثم صبيها في الدلة وبالعافية عليكم..:22: :22: :22: |
ماشاء الله مدمنات القهوه هنا....!
لابد من فتح مقر لمكافحه ادمان القهوة .. :) لاني اعاني أيضا خاصه في السفر ... طريقتنا واحدة يا أم خالد .. وقد اضيف المسمار او قليل جدااا من الزنجبيل.. اعجبتني طريقة دهن العود الاولى .. خلط القهوة مع الهيل .. أفكر بتجربتها .. اختي صدى المحراب ... قلتي ...........................سكر!!! هل مذاقها مستساغ وكالقهوه المعتاده ..؟ |
نعم عادي ربع ملعقة صغيرة بالنسبة للقهوة لاتعمل شيء ويمكن الإستغناء عنها
|
مشكوره اختي صدى المحراب
على الطريقه الاكثر من رائعه ان شاء الله اسويها واتميز فيها واذا سالوني اقول من اختي صدى المحراب ريما مشكوووره اختي على المرور شكلك من اهل نجد عشان كذا الطريقه وحده انا ونتي |
ترا بنتظر شو صار معج انتبهي حبيبتي يكون البن فاتح يعني بني فاتح ....
|
ان شاء الله راح ارد لك خبر في اسرع وقت
مشكوره اختي |
جميله جدا
تسلم الايادى تحياتى وتقديرى |
شاكره مرورك احمد
|
الله يسامحك ياام خالد
الساعة 2 بالليل وجالسة انتظر اخوي بس للاسف اخوي مايشرب قهوة الا قليل يعني بس خليتي راسي يوجعني تصدقين اني اكتب وانا اشم ريحتها بخيالي المفروض نطالب الاخت ريما وباقي المشرفات يصلحوللنا مركز لعلاج الادمان القهوي حلو المسمى 0000صح والله ماهقيت ولا وحدة بالمنتدى تتعالج |
امي موجوده
ما اصدق ياختي وين الغيبات والله اشتقنا لك ولمواضيعك ولسواليفك شاكرك لك مرورك وجزاك الله خير |
يعطيكي العافية اختي ام خالد
والله خلتيني اشتهي القهوة لكن بكرة ان شاء الله اسويها عشان الحين الساعة 3 بليل وماينفع اشربها |
مشكوره اختي سمراء
على المرور الكريم بارك الله فيك |
الله على القهوة
الواحد بس يشربها تتحس نفسيته القهوة= جمعة ولمة وسوالف |
يوووه ياام خالد
احد ينسى ام خالد والله مانسيتكم بس انت عارفه حرب داحس والغبراء اليومين اللي راحو مع الاولاد الله يصلحهم وماصدقت نعطل الا طبيت عليكم الله يعينكم علي والله مشكورة ام خالد اكثر من الكثير على عواطفك اللي هيجت مشاعري وزادت من حبي فيك وفي هالمنتدى قولي آمين ان الله يبارك فيك وفي جميع الاخوات |
على بالي انا الوحيدة المدمنة .. الحمدلله الامر طبيعي.؟؟ ولا يحتاج مستشفى الأمل لعلاج ادمان القهوة..
موضوع يفتح النفس يا أم خالد .. تسلم يدك .. بالنسبة لقهوتنا نفس قهوتكم .. الفرق اني ماانتظرها ثلث ساعة عشر دقايق ياعمري وعسى اتحمل ريحتها الحلوة.. |
ووووواااااااااااوووووووووووو
والله جريتو ريقى بس عايزة اسئلكوا سؤال لكن لا احد يضحك على ايه هو الهيل وايه المسمار |
نحن نعمل طريقتين ، طريقة ام خالد في اللمات والمناسبات والاعياد والافراح والاتراح ، الله يجعل ايامك كلها افراح
والطريقة اليومية السريعة ، انك تشتري القهوة مطحونة وجاهزة وفيها هيل مطجون وتغليها بابريق القهوة المعد لها لحد ماتغلي مرات بسيطة لتروح رغوتها ، والسكر حسب الرغبة ، حسب كل بيت وما هو متعود عادي ، سادة ، على الريحة وفنجان قهوة الصبح يعدل المزاج |
الهيل معروف حب كبير ويطحن
المسمار ، عنا له اسم اخر وهو كبش قرنفل |
سالفة العصر
مشكوره اختي بس ما تحسين عشر دقايق شويه ما يمدي القهوه تعقد ليتل اهلين اختي الهيل وضعت صورته هنا http://www.66n.com/pics/hosted/laeg6...myt4qf887i.jpg ام المسمار فهو القرنفل واذا قدرت حطيت لك صورته باذن الله روعه مشكوره اختي على ذكر الطريقه احنا في الخليج ما نحط السكر مع القهوه نشريها مره مع التمر او اي نوع حلى سبحانه الله لكل بلد عاداته |
ام خالد .. الصراحة اذا طولت على النار تصير مرة.. ليتل الهيل هو (الحبهان) المسمار مثل ماقالت ام خالد القرنفل لونة بني وشكله مثل المسمار الحديد .. |
شكرا لك ام خالد
انا عرفت الان الحبهان والقرنفل انا اعرفهم جيدا واستخدمهم ولكن تعلمين اختلاف الاسماء شكرا للاهتمام وهلا فيك . |
سالفه
القهوه لازم تصير مره اجل وش لون؟؟؟؟؟ ياهلا فيك اختي ليتل ذكرتيني بطباخ اكله هنيه في مجد الاطفال اول ما سمعت اسم حبهان منه اهلا فيك اختي شاكرة لك مرورك |
المر درجات اختي ام خالد .. مشكوووووووووووورة عزيزتي على سعة صدرك.. |
سالفه العصر
بارك اله فيك اختي ومنكم نستفيد |
حررررررررراااااااااااام عليكم لازم تشهوني عالقهوه
طيب انا مثلكم واكثر والمشكله الحين ماعندي احد يتقهوى معي والحل ؟؟ مالي الا اخلي ولدي ابو سنه يدمن القهوه عشان القى احد يتقهوى معي << ام سفاحه :) وطريقتنا مثلك بس الفرق اننا نحط الزعفران اول شي مع المويه عشان يبين لونها اكثر واكثر ,, وبعدين نحط القهوه ... |
تسلم إيدج .. حبيبتي .. شهيتيني على القهوة و الكليجا .. و ياريت تعطينا طريقة الكليجا
|
مشكوره ام علاء
وبالنسبه للكليجا راح تلاقين طريقتها على هذا الرابط http://www.66n.com/forums/showthread.php?t=89537 |
هايدي
لازم تعودين ولدك على شرب القهوه من الحين حتى تنبسطين معه اذا كبر انا ما عودت عيالي وصرت دايما اتقهوى لحالي يقولون ما نحبها مدري كيف تقدرين تشربينها وهي مره مو حاليه |
تسلمين على أحلى قهوه يا أم خالد :17: سجليني المدمنه الثالثه معكم:d انتي والأخت (اشتقت لأمي) . بس مشكلتي اني ما أحب اشرب قهوتي واذا سويتها بنفسي لايمكن اشربها والموضوع مكمل معي حتى طبخي ما أحبه مع ان الكل يمدحه .. بغيت اسالك انتي تخلينها تطبخ من ثلث الى نص ساعه طيب انا سمعت ان القهوه ماتطبخ اكثر من 10 دقايق وش رايك أنتي ؟ |
هلا والله بالغاليه هانديا
والله اني احبك ودايم استمتع بقراءة مواضيعك في المكياج واتمنى لو صرت مثلك ما شاء الله عليك والله مشكله ليه ما تحبين قهوتك اذا كان عندك احد يسويها ما فيه مشكله مثلي انا ببيتي ما فيه الاانا يعني من زندك ولا مت صراحه احس ان عشر دقايق شويه مره انا ما احبه الا عاااااااقدة اذا طبخت شوي احس انها غسال خوص على قولتهم وكل وحده وشهوتها ما تدرين كيف فرحت يوم شفتك راده علي يا احلى هانديا تسلمين على المرور العسل |
ياسلام يا أم خالد بارك الله لك وأسعدتينا بوصفتك الهايلة وأنا إن شاء الله سوف أجربها واسقى كل أحبابى منتظرين وصفاتك الهايلة وشكراً
|
| الساعة الآن 11:45 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©