|
ترضــــــــي ـــ مكياجك لونه كذا ولبسك كذا ـــ
اليوم جالسين بالدوام و نتفرج على التلفزيون فالســؤال؟؟؟؟؟؟؟؟؟؟؟؟؟وشفنا برنامج عن المكياج ومعلمة المكياج تضبط الالوان وتوزعهم على وجه البنت ودار بينا حوار احد يقول لون المكياج مو مناسب لوجه البنت واحد يقول البنت بدون مكياج والله روعــــه 1ــ اذا قالك زوجك حطي ماكياجك الوان كذا وكذا يعني هو يختار توزيع الالوان على وجهك هل تقبلين ولا تقولين انا ابخص بتوزيع الالوان (لاتقولي باقنعه او نتفق) 2ـ اذا قالك زوجك مررررررره لاتحطي ماكياج على وجهك لانك بدون ماكياج حلووووووووووه وهو صادق لانك بنظره حلووووه ؟؟ تطيعيه ولا لا (مع العلم بان قصده حتى في جلساتك مع الحريم والعزايم ماتحطين) ابي الرد بصررررررررررررررررراحه ولكم تحياتي [CENTER]ونفس الشي الملابس اذا تلبس بناطيل وقالك ماابيهم بالمره تلبسين تنانير وفساتين او اذا قالك والله نفسي تلبسي بنطلون وتكوني معاي بكل مكان انتي بالبنطلون احلى يعني هو يختارلك اللبس في اي مكان هو يحب يروحله ،،،،، بغض النظر عن وجهة نظرك او المناسبة اللي بتحضرونها ويمكن يكون تقديرك انتي اكثر معرفة ودراية منه السؤال تطيعيه ولا تلبسي اللي تشوفيه مناسب (مع انه فرضا من النوع اللي مايحب زوجته تناقشه في هذا الامر)[/CENTER] _تم دمج الرد والموضوع_ تحياتي حائزة الأمل |
أخي الفاضل اذا الشيء الذي اقترحه زوجي مستقبلا رائع وجميل فماذا لا اخذ برأيه وان لم أراه جميل اجربه
اوليس اريد ملىء نظره بي؟ الله يسعدك أختك حائزة الأمل |
اكيد بطيعه بالمكياج لان المهم عندي انه يشوفني بالشكل اللي هو يبيه مو اللي انا ابيه
اما بالنسبه للبس صعبه شوي لان في اللبس حسب المناسبات طبعا وحسب الوقت الصبح له وقت والليل له وقت شكراااااااااا............ موضوع مميز جديد ................تحياتي |
وليش ما اطيعه وهو انا عندي اغلى منه
|
مشكورة اختي حائزة الامل
الله يجزاك خير في الدمج للموضوع الثاني مع اني ماذكرت الا بعد الموضوع الاول والله يرزقك اللي يهنيك وما يشوف غيرك |
نقل الى عالم المتزوجين
|
طبعا بطيعه اولا واخيرا انا البس له يعني البس اللي هو يحبه والمكياج اسمع منع بس طبعا اشوف اذا بيناسب لبسي او لا وممكن اعدل عليه شوي
|
موضوعــك متشعــب ..
سأتناولــه من محوريــن : أولاً .. الزينــة أمــام الزوج ثانيــاً .. الزينــة فيما عــدا ذلك بالنسبــة لزينتــي من ( ماكياج ولبــاس ) أمــام زوجــي ، فرأيــه يطغــى على رأيي ، وإن لم أقتنــع .. أمــا زينــتي فيمــا عدا ذلك ، فــإن اقتنعــت بــرأي زوجــي فبهــا ونعمــت ، وإلا .. فــإن زينتــي عنــوان شخصيتــي ، ملامــح شخصيتــي أنــا من يحــددهــا ، وليــس غيــري ، حتى وإن كــان زوجــي !! *** ملاحظــة : في هذا الموضــوع خصيصــاً ( مــزاجــي ) صعب جــداً ، حتــى أن الآخريــن يتحاشــون تقديــم الهدايــا لي ، خشيــة أن ( تركــن ) في رف الدولاب .. ( ليس فخــر ، بل عيب في ، يصعب تخطيــه ) *** احترامي للجميع |
بالنسبه للمكياج معاه راح احط اللي يعجبه ويرضيه
لكن عند الناس راح احط اللي يناسبني وبس وبالنسبه للملابس فمستحيل احد يقدر يفرض علي اللبس اللي البسه وخاااااااااصه عند زيارة اهلي او جماعتي فلازم تكون ملابسي قمه في الاحتشام ولآ يبدا الحش والهمز واللمز |
كما عبير الأحلام ان كان التزين لزوجي أطيعه ان كان فيما عدا ذلك لا وألف لا |
لما فتحوا اهلي دولاب ملابسي في اخر زياره لي
صعقوا ليييييييييييه بسبب ان ملابسي قدام زوجي غااااااايه في التحرر وفهمكم كفايه من جميع الالوان والاشكال ....وغالبيته بناطيل جنزات بكل الموديلات والقصات استغربوا لما عرفوا انها ماركات لان بعض الحريم هداهم الله يخلون لبس البيت اي شي ولبسي برا بصراحه غايه في الاحتشام مع ان زوجي صرح لي بالبنطلون بس ما اقدر استحي وعن المكياج مره يقول لا تحطين ومره يقول ابيك تحطين الخلاصه اني في البيت على هواه بس برا على هواي انا...درءا للمشاكل والقيل والقال والنظرات ومخافة الله فوق اي اعتبار |
انا عن نفسي اللي يحبه
زوجي سواء مكياج او بدون مكياج او سواء بنطلون او تنورة ماتفرق اهم شي البس اللي هو يشوفه حلو علي |
بصراحه انا احب ذوق ابو شاديه واللي يختاره لي بألبسه وانا مقتنعه فيه لان ذوقه حلو واحب لما اروح اتسوق اروح معاه عشان نختار سوى
بالنسبه للمكياج يحبني بلا مكياج والود وده حتي في المناسبات ما يخليني احط لكن في دة مااقدر اسمع كلامة |
بصراحه الرجال مستحيل نفهمهم مهما سوينا وكل مره يطلعون لنا بشي جديد
بس لو مر على مثل اللي تقولينه ومع انوهاذا مستحيل بتقيد باللي يقوله عنده بس اذا طلعت عن اهلي وغيرهم انا حره ومع العلم اني ممكن اشاوره |
في الملا بس
البس الي يطلبه والي يعجبه في البيت اما خا رج البيت اذا كا ن البس الي يرشحه لي ما يخا لف الشر ع اولا ويتنا سب مع شخصيتي فليش ارفض اما المكيا ج اذا اعجبه لون روج او ظلال وطلب مني اني استعمله فلا ما نع لد ي |
زي ما قالو الاخوات مارح اتقيد بذوقه في لبسي بالمناسبات اما في البيت البس اللي يعجبه واللي يختاره لي
|
معليش تاخرت لاني برا البلد ـــــــــــــــــــــــــــــــــــــــــــــــــ ام محمد الشايع فالاول اصبتي ،، بس اللبس انتي اعرف ــــــــــــــــــــــــــــــــــــــــــــــــــ ـ ثوب نشل تاكدي انك يبادلك الشعور ــــــــــــــــــــــــــــــــــــــــــــــــــ ـ فديت زوجي تصرف ذكي ــــــــــــــــــــــــــــــــــــــــــــــــــ ـ عبير الاحلام التميز زين والاناقة حلوه بس المبالغة تتعب صاحبها ــــــــــــــــــــــــــــــــــــــــــــــــــ ـ سحابة ورد صدقتي الناس ماترحم وصدق المثل اللي يقول (كل مايعجبك والبس مايعجب الناس) ــــــــــــــــــــــــــــــــــــــــــــــــــ مشكلتي اصدق والله كانت تايهة وانتي جبتيها / الله يكثر امثالك ــــــــــــــــــــــــــــــــــــــــــــــــــ ريم 2006 انتي كذا ساده عينه ــــــــــــــــــــــــــــــــــــــــــــــــــ ـ سمراء الوساده تاكدي يام شاديه انتي كذا الوحيده في عينه ــــــــــــــــــــــــــــــــــــــــــــــــــ ــ رشروش مافي مستحيل ممكن يرجعلك ويقولك سويلي كذا ــــــــــــــــــــــــــــــــــــــــــــــــــ ــ |
والله عن نفسي احب آخذ رأي زوجي في زينتي وفي لباسي بعد...
اول ما انخطبت كان واجد ينتقدني في المكياج وكل شوي يطلع لي ثغرة فيه,, والحمدلله بفضل الانتقادات اللي كان يوجهها لي صرت فنانة في المكياج, وقاموا صديقاتي يجوون ليي البيت عشان اعمل لهم مكياج حق السهرات.. يعني الوحدة حلو انها تسمع كلام زوجها منها تطيع ربها وتحببه فيها وهي تستفيد وتاخذ خبرة... وفي نفس الوقت زوجي عمره ما فرض علي اسلوب معين في اللبس او في المكياج مخليني على راحتي,, بس إذا ما عجبه شي يتكلم او إذا عجبه بزيادة اثنى عليه.......... وعادة احب ألبس اي لباس يكون اشتراه لي هدية قدامه حتى لو ما كنت مقتنعة فيه.. احبه يكون فرحان مني.......... واحب الهدية منه............. |
[
اقتباس:
كذا تعجبينه / وتحسسينه ذوقه عالي |
|
بصراحة أنا أمشي على ذوق زوجي تعرفوووون ليش؟
لأن ذوقه أحلى من ذوقي بألف مره والكل يشهد مثلاُ في المكياج,قالي لما تحطين خفيف يطلع يجنن, وفعلاُ لما أحط خفيف البنات ينهبلن أما عن أختيار الملابس وكمالياتها لما أخذ ذوقه بصراحه تطلع اللبسات روعه ولما أكون لوحدي مره أصيب ومره أخيب بصراحه أثق في ذوقه الراقي والناعم حتى في ملابسه ولبس أبني لما أشتري لطفلي يطلع اللبس حلو بس لما يختاره هو يطلع روعه ماشاء الله وقالي شو نوعية اللبس إلي اللبسه والحمدلله أسمع كلامه أدري اذا قال الشي مش حلو فعلا يطلع مش حلو بس لو شاري لي حاجه أو اختار معاي حاجه الكل يقول حلو |
:d اكيد بطيعه
|
لا طاعة لمخلوق في معصية الخالق
نعم اطيعه ما دام الامر لا يغضب الله سبحانه وتعالى |
والله انا هالسالفة صارت معاي في بداية زواجي .... وللحين
انا الحمد لله دايما محتشمة في لبسي ..حتى من قبل ما اتزوج .. بس تدرون الوحدة تحب تلبس عالموضة خاصة في الاماكن اللي كلها حريم ....فانا كنت البس بناطيلو تنانير و فساتين عارية شوي .. طبعا فوق هذا عباة وسيعة و غليظة .. واللبس هذا ماكان حتى في الاماكن العامة لكن مثل ما قلت عند الحريم في الزيارات و الحفلات و هالسوالف يوم تزوجت .. ريلي بدا الاول في سالفة اللبس ... طلب مني اول شي اتحجب حتى قدام ابوي و اخواني انا في البداية ما اقتنعت و هو ما حاول يفرض رايه بس انا شوي شوي اتعودت و فعلا مع الوقت اقتنعت ان كلامه صح لان تدرون لبس البيت احيانا ممكن يكشف جسم الحرمة ..مثلا لو لابسة مخور مثلا و الصدر وسيع شوي و بتوخين تشلين شي من الارض ممكن اللي قدامج يقدر يشوفجسمج و هذا شي غلط حتى لو قدام الاخوان المهم بعدين طلب مني ما البس بناطيل الا لو في الحجرة و متاكدة ما حد بيدخل غيره ولا بطلع من الحجرة بالبنطلون بعدين التنانير الراصة و البديات الكت ... قال ان مافيهم شي بس هو ما يحس براحة يوم يشوفني لابسة هالاشياء.. يفضل اني اكشخ بس باحتشام .. و فعلا طعته لان الاولى بالحرمة ترضي زوجها ...و الحرمة ما تدور الا على سعادة زوجها و راحته معاها صح؟؟؟ فصرت حتى لو بروح زيارة او حفلة .. حتى لو زوجي مو معاي او ما بيشوفني و انا طالعة ..خلاص ما البس الاشياء اللي طلب مني ما البسها .. لاني بيني و بين نفسي حابة اكون قدامه و قدام الكل بالصورة اللي هو يباني اكون فيها .. و هذا موضعف في شخصيتي لكنه حب لزوجي و ثقة في حبه لي و في انه اكيد يبالي الاحسن بالنسبة للمكياج ... انا كنت واااااااااااايد احب الشدو و اتفنن في الوانه ... بس زوجي قال انه يحب عيوني طبيعية او بكحل خفيف مو اكثر .. و مع اني ما اقتنعت لاني كنت شايفة ان الشدو واايد ياثر في شكل العين و الوجه كله بس طعته لاني مو حاية ازعله و حابة اكون بالشكل اللي هو يباه اما باقي المكياج فهو ما يتدخل فيه (طالما اني ما ابالغ و طبعا ما اكشف ويهي جدام الرياييل) ... و لو حاول يتدخل و يحددلي شو الالوان اللي احطها بالضبط اعتقد اني بطيعه .. لاني اللي يهمني راحة زوجي ..و المهم انه هو يشوفني حلوة مو مهم راي الناس او شو اللي بيعجبهم |
إذا في البيت والله اسوي الي يبغى ويرضيه وعلى كيفه لكن بر البيت صعب تطبيقه وممكن أقنعه برأي ويقتنع في اللبس والمكياج مع إن زوجي يحبني بطبيعتي يقول لا تحطين مكياج انتي كذا أحلى وأكثر جاذبيه.....وسلامتكم
|
لله درك يأختي : ( بنت_الحب ) على هذا الرد الرئع الذي أثلج الصدر ,
أسأل الله العظيم رب العرش العظيم أن يسعدك في الدنيا والآخرة ، وأن يجعلك قرة عين لزوجك ، وأن يقر عينكي بزوجك , ويصلح ذريتك ، وآمل من أخواتي الفاضلات الاستفادة من رد الأخت في التعامل مع الزوج وتقديم رضاه على هوى النفس ، وإرضاء الناس . |
| الساعة الآن 05:50 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©