|
الزوجه الثانيه تصلح الاولى
السلام عليكم ورحمة الله وبركاته0 يطيب لي ان اوجه هذا السؤال الى الجميع لماذا المرأه في كثير من الاحيان لا تتعدل مع الزوج الا عندما يضع زوجه ثانيه فوقها خصوصا اذا كان لديها اطفال 0 قبل الزواج من الثانيه تقول لها اذا ناموا الاطفال ابقى اجلس معاك 0ترد في كثير من الاحيان انت ماتشوف الاولاد وانا كيف تعبانه معهم ابي انام بدري حتى اقوم بدري واذا تبي شئ خله نهاية الاسبوع0 مع العلم انها تعرف اني لا استطيع الابتعاد عن الزوجه ليوم واحد 0 وتردد ائما انا تعبت من قضية الجماع ليليا0 وحتى شعر الراس اصبح مشكله لها لانها تقول زميلاتي كله يشفون الراس مبلول ومستشور فتكون بينهم همسات 0خاصه 0وتم الاتفاق على ان يكون يوم بعد يوم لكن ايضا كان هناك تذمر وان اقدمت فتكون غير راغبه وليست مستعده0 مع انها لها كثر من عشر سنوات زواج وموظفه وتعرف كثير من الامور وتحل مشاكل الزوجات الاخر0وعندما 0لم يتعدل الامر وتم الزواج من اخري طبعا زعلت زعلا شديدا واقامت الدنيا واقعدتها0لكنها تعدلت كثير لدرجه انه لما يكون ليلتها تراها في احسن زينتها وكانها عروس متزوجه حديثا 0 منومه الاولاد ومستعده لزوج افضل استعداد 0حتى الملابس ملابس بنت في العشرين مع العلم انها وصلت لسن خمسه وثلاثين0 وعندما تسالها لماذا هذا تقول انا ماابي هذيك تكون احسن مني ويش انا ناقصه عنها0 طيب وينك من هذا الامر من زمان 0وليش العناد والرفض سابقا والان تعدل الامر مع العلم ان المسئوليات اكثر اصبحت لديها من تدريس وغيره0 امل ان اجد الجواب الشافي لنرجسية بعض النساء وهل فعلا ماتعدل الحرمه الا الحرمه0 تحياتي للجميع-00000
|
ياخي الجماع بشكل يومي متعب ومرهق خصوصا انها موظفه ولها اطفال صحيح لازم تضغط على نفسها عشانك بس كل شي له حدود
وسؤاالك ليش تعدلت بعد الزواج لانها صارت تضغط على نفسها اكثر من اللازم ترا مسؤولية وظيفه ومصاريف واطفال من تربيتهم ومشاكلم وتدريسهم تخلي الوحده تنسا نفسها بس بعد ما صار فيه شريكة واشتغلت الغيرة بدأت تفعل المستحيل لارضائك المسكينة صارت تصارع كلشي عشان تشوفها بشكل حلو تخاف ان الثانية تستحوذ عليك تعذب نفسها وتخلص شغلها باسرع ما يمكن وترجع بالليل تتزين وتضغط على نفسها وماتبين تعبها كله عشان تخاف ان الزوجة الثاني تحتلك مسكينة هي المرأة تعاني ودايم غلطانة ... |
انا اتفق معك اخي الخبير الاول
هناك نوع من الحريم ، ما تعدلها الا بالزواج عليها ... وللأسف هذا مشاهد وبعض الحريم اذا عاملتها بالطيب عاملتك بأطيب ، ولو تزوجت عليها شانت اخلاقها فكل واحد يشوف زوجته من اي نوع؟!! |
يقول المثل
اضرب النساء بالنساء واضرب الهجن بالعصاء يعني اتزوج على المره مره اخرى حتى تشتعل الغيرة بينهم ويتنافسون عليك ويبدون يقدمولك اللي نفسك فيه وتطلع مواهبهم في حب الزوج والتنافس في ارضاءه وخدمته لان بعض الحريم ماينفع معها تنصحها او تتهاوش معها ابدااااااااا اذا شفتها مطنشتك انصح ثم تزوج وحده اصغر منها واحلى بعدين تعال شوف الاول كيف بتتعدل وتتسنع بس بعد ايش بعد الثانية ماتجي ووالله ان الرجل طيب مع شين وقشر الاولى بعد يحتفظ فيها ويظل مكرمها ويعطيها ليلتها وحقوقها شوفو العدل |
اقتباس:
وصحيح يقولون العلاقة بين الزوجين تخرب في السرير وتصلح فيه |
|
|
اقتباس:
هذا المثل أعتقد قديم جدا ، وواقعيته أيضا قديمة جدا .. يعني مايصلح لهالوقت ..! فالواقع الآن : هو أن الزوجة بمجرد زواج زوجها عليها تطلب الطلاق ، أو تهجر زوجها إلى غير رجعة .. |
شكرا لكل من عرج على الموضوع بس كان ودي اسمع اكثر لراي النساء
|
هاذي مشكلة كثير من النساء
ماتنتبه لزوجها الا يوم لاينفع فيه الندم وموشرط لاانها موظفه والله فيه حريم حتى لو ماانهم موظفات نفس التصرف . بس انا اقول للرجال اللي كذا (ناشط جدا جنسيا ) ويحب اللبس والدلع ..بصراحه الزوجه تحتاج مساعده ...يعني لاتظن مسؤلية بيت واطفال وتاليتها تبغيها اخر الليل تكون رايقه وتبغي تلبسلك وتدلعلك ...ماانكر فيه حريم بهالنشاط ...لاانهن ايضا ناشطات جنسيا فتلاقيهم يتحملون ويضغطون على نفسهم علشان الليالي الرومانسيه لاتفوتهم . والزوجه عندها قناعه دام انها مهتمه ببيتها واولادها زوجها راح يقدر هالشي ...مو يروح ويتعبها نفسيا بالزواج باخرى ... فيه زوجات مهملات جدا جدا لدرجة انا الحرمه انقرف منهم ويستاهلون اللي يجيهم بس والله فيه حريم شايلين هم الاولاد وهم البيت وقايمين بازواجهم بللي يقدرون عليه بلا ادنى مساعده من احد ....هذولي والله يكسرون الخاطر الواحد يقهرهم ....لاانها راح تنقلب على زوجها وراح تكرهه . |
طيب وينك من هذا الامر من زمان 0وليش العناد والرفض سابقا والان تعدل الامر مع العلم ان المسئوليات اكثر اصبحت لديها من تدريس وغيره0
والله نشوفها كثير زوجات بالخمسين اذا تزوج زوجها شالت الشيله وقصت الشعر وانواع المكياج تصير مكان استهزاء قدام الناس واولهم زوجها لسان حاله يقول وووووووينك من زمان ياوخيييتي اللهم ثبتنا ماندري وش بنسوي وقتها وقتها <<<<جعله مايجي وقتها قولوا امين |
بصراحة لو الزوجة لاقت زوجها وقت التعب ماراح تقصر عليه وقت يشتهيها
يعني دوام واطفال وبيت وكمان يوميا وانت ماتقدر تصدق اخوي في ليلة جلست لوحدي بكيت تخيلت زوجي متزوج علي لكني قلت في نفسي لو اتزوج ماراح يشوف مني شي تعرف ليه لانه لو تشوف منظره في البيت تقول عنه واحد مسكين ماعنده ملابس غير الجسم اللي بدا ينتفخ وماشاء الله صار ضعفي عشر مرات ومو راضي يهتم بنفسه يوم يكون مسافر للعمل يحلق ذقنه ويتنظف يقول هذا مظهر وعطور وشي وفي البيت احيانا انا اقول له قوم اتحمم يعني المراة لها شهوة الرجل في انها تحب تراه معها في كل شيء من مساعدة ونظافة ووووو لكن لاتقول ليش وفينك من اول الان هي تعاني في نفسها ولو دخلت قلبها كان لقيته يتقطع كان من الاول انت ساعدتها في البيت وفي الاطفال وفي نومهم مبكر وانت تاخذ وقتك قبل النوم معها ومش تجي بعد نص الليل ومابقي الا ساعتين على الفجر وتبغى تاخذ حقك الشرعي. |
الصراحة التقصير من الجانبين أولا في المرأة لأنها ماتعرف كيف إترتب أولوياتها وماتخلي شي على إحساب زوجها والصراحة الزوج مايبا إلا أشياء بسيطة إهتمام في مأكله ومشربه وراحة باله بس الكثير من النساء فيها كسل ولامبالاة لاتوقضها إلا كلمة أريد الزواج بأخرى......
التقصير أيضا من الأزواج وطبعا ليس على العموم يريد ويريد كل شيء ولا تقدير للمرأة حتى بأدنى كلمة شكر مما يجعل المرأة تحس أنها تخدمه وتراعيه دون أدنى عرفان منه وإحساس بما تقدم والتعب الذي تتعبه ...... الحل يكمن في.......... أولا: الزوج انظر إلى المرأة نظرة رحمة ورأفة وقدر عملها ولو كان من أبسط مايكون وأرفع من شأنه حتى تتشجع وتعطي أكثر ولا تنسى المدح أبدا فالمرأة لا تحتاج شيء أكثر من المدح وتقدير عملها... ثانيا : الزوجة عليكي بترتيب أولوياتك ولاتقدمي شيء على زوجك أبدا لا صديقة ولا عمل ولا حتى أهل واعلمي أنه جنتك ونارك واحتسبي الأجر دائما فوالله لن تشعري بعدها بالتعب ولا السأم..... أسعد الله قلبكما ....إن شعرت بتغير زوجتك أو شعرتي بتغير زوجكي عليكما بالمصارحة وأن يفتح كل واحد قلبه للأخر.. |
ماشاء الله تحررت النساء وتكلمن بصراحه طيب ليش مو من اول صحيح ان بعض واقول بعض النساء تستقل طيبة الرجل خصوصا اذا كان دائما يلبي لها طلباتها ولايرد شئ في خاطرها لدرجه انها لاتتصور ابدا ان تتزوج عليها باخرى واقل مايطلب منها وحقه لشرعي تتفرعن وتبدي الاعذار لانها تعرف انه بيقول لها كم كلمه وبعدين سينام وبكره ترجع الاموركما كانت فالذالك يااحبتي من الرجال كن حازما في كل الامور التي ترى انك بحاجه لها وكن واضح معها حتى انها في بعض الاحيان اذا قلت لها ابي اتزوج عليك تقول روح اذا تقدر واذا تزوجت صارت المشكله لها وعموما خذها مني المراء التي تحب زوجها تصبر حتى اذا اخذ عليها بدل الواحده اربع لان ظل رجل وليس اي رجل رجل قائم على جميع حقوقها وواجباتها ولا ظل حيطه كما يقولووووووووووووووووووون
|
تصدق أخوي أن هالسالفة أسمعها دايم لكن هل هي دائما ً ناجحة ؟
|
اوافق رأي الاخت @@ The Swan@@
الامر يعتمد على طبيعة الزوجة ، هناك من يتحسن حالها ، وهناك من تنفر من الزوج وتبتعد عنه . |
| الساعة الآن 03:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©