|
سؤال للمتزوجين والمتزوجات؟؟
عندي سؤال للمتزوجين والمتزوجات؟؟
شنو الأفعال إللي كان زوجك يسويها قبل وكنت تحبينها وألحينن ما عاد يسويها ؟؟ وشنو الأفعال إللي كانت زوجتك تسويها لك قبل وكنت تحبها وألحين ما عادت تسويها؟ يعني مثلا: يتصل فيك من الدوام يسال عنك؟؟ تسوي لك الفطور يوم الإجازه وتجيب لك الغرفة؟ دوام الحال من المحال بس يعني حلو لو انتذكر الأشياء الحلوه في عمرنا من وقت لآخر.. تحياتي |
الله يعطيها العافيه والله انها مو مقصرة في شي
رايتها بيضاء |
أنا شفت الموضوع وحبيت أشارك فيه ..
كان لنا يوم في الأسبوع ( الأربعاء ) نطلع فيه من قبل المغرب بساعة أو اكثر نلف فيه الشوارع ،،،،، بالسيارة من أولها لآخرها نسولف ونضحك ويقول اللي في خاطرة ويكلمني عن اللي صار له مع فلان أو علان وأنا بعد أكلمه وأقول له اللي في خاطري لين ما يأذن المغرب .. نروح لنا مسجد نصلي ونرد نكمل دواره في الشوارع ... بعدين ناخذ لنا عشاء ونروح نشم هواء عند ساحل البحر ... وهات يا سوالف لين الساعة عشر ... بعدها نرجع واحنا قلوبنا مرتاحة . الله كانت أيام ما تتنسى . لكن الحين بعد ما جت العيال وزادت المسئوليات ما قمنا نسوّيها . مشكورة أختي أم فيصل .. ذكرتيني بالذي مضى . مراعاه عدم ذكر اسماء الدول ،،، بارك اله بيك،،، ام اثير |
شكرا لكل من شارك..
أنا أتذكر اول ما تزوجت و زوجي كان يوصلني بيت هلي أول ما أدخل البيت يطرشلي مسج وحشتيني متى أرجع اخذج البيت.. ولا لما أطول شوي يطرشلي مسج من لقا أحبابه نسى أصحابه.. كان صج متشقق على الزواج مو مصدق يبيني اجابله اربع وعشريين ساعه بس ألحين خف الولع.. |
صراحه للامانه زوجي ما تغير كثييييييييييييييييير يعني شئ بسيط
بس الشئ اللي افقد راحة باله دايم احس ان باله مشغول الله يريح له باله |
بصراحه
زوجي فقد أشياء كثير كنت أسويها له أولها الكشخه اليوميه يعني أول قبل 5 شهور كنت يوميا أكشخ وأول كنت أصحيه من النوم للدوام وأول كنت لما أكوي ملابسه أعطرها له و كنت أغير في شكلي حتى مايمل مني بس اللحين لي يمكن 5 شهور حالتي حاله شعري مبهذل وزوجي يكرهه هالشيء يحب الزوجه اللي دايم تغير في شكلها وانا فقدت بصراحه أتصالاته لي وهو بالدوام اللي يمكن حوالي 10 اتصالات وكذا مسج حلو بالجوال فقط |
بصرااااااااااااااااااااااااااااحه :
افتقدت الكلام الحلوووو ...............مالسبب أحد يجاوبني؟؟؟؟؟؟؟؟؟؟؟؟؟؟ |
يعطيك العافية أختي 00000000
بصراحة انتي قلتي سبب المشكلة والسبب نفسة هو الحل 00000ارجعي زي أول واهتمي بنفسك زوجك اليوم فيك بكرة اللّه العالم ؟ بعدين يمكن تكونين حامل وكارهة نفسك .شوفي ؟وذا كان هذا السبب فهمية وراح يقدر وضعك 00لا تهملين عمرك ادعيلي بدعوة صالحة اللّه يصلح حالي وحال كل مسلم يخافة ويتقية |
|
مممممممممممممممممممممممممم
الحين صاير يدقق شوي في روحاتي لأهلي يقول انا اولى من اهلك طبعا هذا بعد المشاكل اول ما تفرق معاه اروح اجي بس هالنقطه والباقي مثل ما هو الله يحفظه ولا يغير علينا |
تغير كثيراً ...
وكثيـــــــــــــــــــــــــراً جداً ... أو اني لم اعرفه على حقيقته الا بعد معاشرته!! وأنا فاقده الامل في رجوع زوجي ... اشعر ان ماكان بيننا ... انكسر .. ولايمكن جبر ماكُسر!! |
اقتقدت قراءته للقرأن حيث كان يختم كل شهر
افتقدت اصحابه الصالحين .. اللي بعد ما راحوا مناطق ثانية .. تغير خاصة بعد ما صاحب ناس بطالين افتقدت سماعه لصوت الشريم إمام الحرم المكي افتقدت تفرغه لي وراحة باله افتقدت البسمة العريضة و الكلام الحلوا ( هو الحين يسويها بس قلييييييييييييل .. وهذا سبب معاناتي ) افتقدت الطلعات اللي كان كل اسبوع نطلع لآخته او أخوه ويقعد يغني في السيارة مع أني اقوله .. الأفضل أن تكبر افتقدت فترة العصرية و كانت حلوة .. لكن بعد ما عرف الأسهم .. طار مني وقت العصر والمغرب وحتى العشاء و الخميس والجمعة افتقدت اللحطات الرومنسية الحميلة اللي كان إذا رحت عند أهله يقولي ... يلا نطلع الحوش نسولف بعد ما ينامون اهله كلهم . و حرصنا الشديد أن نكون مع بعض لآطول فترة ممكنة ..اما الحين لو أقعد عند اهله اسبوع .. ما فكر يناديني أسوي له شي أو بالاحرى يناديني و نتكلم كلام المشتاقين لبعض رح أوجه السوال لزوجي اشوف وش تغير فيني |
مازلنا نبحث عن بعض
|
شهادة لله.....هو لم يتغير....ماشاء الله عليه صاير احسن من قبل....سواء بالكلام او بالمعامله او....او.....او......
لكن انا اللي تغيرت.... كنت دائما متزينه له وكل اسبوع تقريبا اشتري ملابس جديده و اروح للصالون واهتم بمظهري....كنا نخرج مع بعض دائما ونتعشى بره ومانرجع الا بعد منتصف الليل.... لكن من حملت وانا بحاله كسيفه....(الاعتراف بالحق فضيله)......اهملته من حملت لكن غصب عني.......ان شاء الله يكون مقدر ظروفي....وكرهت الخروج من البيت لاني دايما تعبانه ومرهقه...... عموما...... ازمه وتعدي باذن الله وكلها ثلاثه شهور بالكثير وترجع الامور لسابق عهدها..... دوووووت |
وعين الرضا عن كل عيب كليلة ... ولكن عين السخط تبدي المساوى
متى ما رضيت عن شريك حياتك ..فستتغاضى عن جميع هفواته بل ولن تتذكرها .. وجهة نظر ... تحياتي .. ام البنين |
بيت اهلي ماصار يخليني اروح زي اول ماتزوجت
|
فقدت راحة البال
من بعد ما كان متفرررغ لي كليـــــآ,, صارت الاشغال والاسهم ضرتي .... واكيد الكلام الحلو قل ..... الله يعين بس.. |
كان اول ما يصحى يبوسني و يقول صباح الخير
الحين لا صباح خير ولا بوسه خخخخخخخخخخخخ |
بصراحه انا افققدت اشياء كثيره .
كانت دايما تقوم بدري وتزين لي الفطور ..ونفطر سوي . كانت ديما تودعني عند الباب . كانت ديما تحضر الغداء بعد الدوام مباشره الحين الوضع تغير الفطور ساندوتشات واذا طلعت من الغرفهفي الصباح لو كانت صاحيه تقولي طفي اللمبه وسكر الباب والغدي صار بعد المغرب .. والعشا من المطعم ... ومع هذا كله اذا قلنا نبي نتزوج الثانيه ...قالو لنا (ولن تستطيعوا أن تعدلوا بين النساء ولو حرصتم فلا تميلوا كل الميل فتذروها كالمعلقة) فسبحان الذي لايحمد علي مكروه سواه............. |
الحمد لله مو مقصرة بتاتا ,,
|
السلام عليكم........
أنا عندي حل للذي فعلا يريد يتغير حاله ويعود أحسن من أول ............. أجلسوا مع بعض جلسة مصارحة واستعرضوا أسباب التغير وكيف حلها وصدقوني ستجدون الحل ............ |
اقتباس:
|
| الساعة الآن 07:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©